بعد اذنكو تدخلو هنا يا شباب(حل لمشكلة الاعلانات)

من طرف Admin الإثنين أكتوبر 13, 2008 12:30 pm

بسم الله الرحمن الرحيم

ازيكو يا شباب عاملين ايه
معلش قبل كل حاجه..انا لازم افهمكوا حاجه بسيطه في الاول
المنتدى دا انا لما عملته ..كان عن طريق شركه مجانيه...يعني المنتدى مجانى ..
بس طبعا مفيش حاجه مجانا كده...ومفيش حاجه اكيد بدون تمن
عشان كده لما جيت اعمله كانت الحاجه الوحيده اللى مقدرش اتحكم فيها هى الاعلانات اللى فوق دي...يعني الشركة بتقدملك انك تعمل منتدى مجانى مقابل انها تحط اعلاناتها فوق...لان دي الحاجه الوحيده اللى الشركه دي بتكسب منها
وانا والله العظيم مكنتش فاكر ولا جه في بالى ان الاعلانات دي ممكن يبقى فيها حاجه مش كويسه او كده...ولو كنت اعرف كده من الاول مكنتش عملت المنتدى من اساسه....بس المشكله انها ظهرت او انا لاحظتها مؤخرا
وبصراحه مكنتش عارف اعمل ايه.....بعت للشركه بس طبعا لاحياة لمن تنادى.....والمشكله انى مليش اى تحكم في الاعلانات
وانا وربنا يعلم..كنت هقفل المنتدى خالص...بس مرضيتش عشان خاطركو ولأنى بعتبره بتاعنا كلنا مش بتاعى
انا طبعا عمرى ما كنت هتكلم في موضوع زي كده الا اذا كنت فكرتلكوا فطريقه تشيلوا بيها الاعلانات دى
بس الطريقه دي لازم كل واحد يعملها عالكمبيوتر بتاعه....لانها عباره عن برنامج بيتسطب وبيمنع اى اعلانات انها تظهر عندك من المتصفح نفسه....يعني الاعلانات بتبقى موجوده بس البرنامج ده بيخفيها خالص و ولا كأنها موجوده
اوك
وقبل اى حاجه....انا بتأسف جدا للناس اللى شافت حاجه زي كده ضايقتها او كده...لأن والله العظيم انتوا كلكو زي اخواتى وانا مقبلش على اختى او اخويا انه يشوف حاجه زي كده
المهم
دا البرنامج

بعد اذنكو تدخلو هنا يا شباب(حل لمشكلة الاعلانات) D

هو برنامج صغير جدا
بعد ماتنزلوه....سطبوه عادى ...بس بعد ما التسطيب يخلص...لازم تلاحظو الاتى(دا بعد ما تخلص تسطيب)
هتظهرلك النافذه دي اول ما التسطيب ينتهى...ما عليك غير انك تتبع التعليمات

بعد اذنكو تدخلو هنا يا شباب(حل لمشكلة الاعلانات) Untitled1gg7

بعد اذنكو تدخلو هنا يا شباب(حل لمشكلة الاعلانات) Untitled1gg7

وبعد كده هتظهر نافذه تانيه....استنى لحد ما تظهر كلمة close

بعد اذنكو تدخلو هنا يا شباب(حل لمشكلة الاعلانات) Untitled22gs9

_______________________________
وعشان تتأكد ان البرنامج ده اتسطب هتلاقى الرمز بتاعه جنب الساعه زي كده
بعد اذنكو تدخلو هنا يا شباب(حل لمشكلة الاعلانات) 111111111111ew4

ولو حد قابله اى مشكله يبعتلى انا معنديش مشكله
على فكره والله كل اصحاب المنتديات اللى تبع الشركه دى محدش فيهم لقى حل ليها وكلهم مقدمين شكاوى كتير للشركه....واظن حتى ان الحل اللى قولتهولكو ده مجاش على بال حد فيهم
ياريت بقى تساعدونى في انكو تسطبوا البرنامج ده
على فكره البرنامج نسخه تجريبيه لمدة شهر...لحد حتى نوعية الاعلانات دى ماتنتهى خالص...او لحد ان شاء الله ما اجيبلكو حل يكون افضل ويبقى دائم ...وان شاء الله الحل ده هيكون في اسرع وقت
وبتأسف لناس مره تانيه
ياريت صح اللى قرا الموضوع ده يدي البرنامج لباقى اصحابه ويعلمهم طريقة التسطيب لو ميعرفوش..اوك
بعد تسطيب البرنامج مش هتظهر اعلانات خالص عندك في اي موقع مش في ده بس...فى ايدك تقفل وتفتح البرنامج في الوقت اللى انت عايزه دا لو عملك مشاكل مع اى موقع تانى
بعد تسطيب البرنامج الصفحه هتكون كده
بعد اذنكو تدخلو هنا يا شباب(حل لمشكلة الاعلانات) 14916188yr3

بعد اذنكو تدخلو هنا يا شباب(حل لمشكلة الاعلانات) 14916188yr3

يعني مفيش اى اعلان
وعلى فكره...للناس الى بيستخدمو فايرفوكس ..انا عندى طريقه احلى بكتير هابقى اكتبها طبعا في موضوع وحدها ...وهى طريقه دائمه كمان
اوك
شكرا واسف مره تانيه

من طرف ahmed maddish الإثنين أكتوبر 13, 2008 10:00 pm

اه بالله عليك يابوصلاح قولها

من طرف robaraf الإثنين أكتوبر 13, 2008 10:07 pm

شكرا على البرنامج ومجهودك يا ادمن
ومتقلقش مفيش حاجه ظهرت قدامى انا على الاقل
وشكرا مرة تانيه

من طرف emy saleh الإثنين أكتوبر 13, 2008 10:42 pm

ميرسي يااحمد على مجهودك في المنتدى مش عارفين كنا هنعمل ايه من غيرك thank u

من طرف dina saied الإثنين أكتوبر 13, 2008 10:51 pm

الله يكرمك فعلا" جزاك الله كل خير

من طرف the precious الإثنين أكتوبر 13, 2008 11:00 pm

ahmed maddish كتب:اه بالله عليك يابوصلاح قولها

يا بغدادى الطريقه دى بتنفع مع كل حاجه...حتى الاعلانات اللى في الياهو ماسنجر بتشيلها
بس انا كان قصدى انى عندى طريقه تانيه خاصه بالفايرفوكس واسهل من دي وكمان بعملها عندى لانى من مستخدمين فايرفوكس...وان شاء الله يا مان هعمل موضوع فيه شرح الطريقه دي كمان في اقرب وقت..بس برضو الطريقه اللى فاتت تنفع برضو مع الفايرفوكس

robaraf كتب:شكرا على البرنامج ومجهودك يا ادمن
ومتقلقش مفيش حاجه ظهرت قدامى انا على الاقل
وشكرا مرة تانيه

العفو والحمد لله ان مفيش اي حاجه ظهرت قدامك...بس برضو الحذر واجب ...وربنا يحمينا
شكرا جدا على ردك

emy saleh كتب:ميرسي يااحمد على مجهودك في المنتدى مش عارفين كنا هنعمل ايه من غيرك

العفو وانا والله اللى مش عارف اقولكوا ايه...بس ياريت الناس متكونش متضايقه من اى حاجه...وبس عايزكو تاخدو حذركو وتسطبوا البرنامج ده...ربنا يحميكوا ويحمينا من اى حاجه مش كويسه

dina saied كتب:الله يكرمك فعلا" جزاك الله كل خير

وجزاكى...وشكرا جدا على ردك ويارب ميكونش فيه اى مشاكل تانى

من طرف ahmed maddish الإثنين أكتوبر 13, 2008 11:10 pm

والله ياابو صلاح انت نجم كبير جزاك الله خيرا

من طرف the precious الإثنين أكتوبر 13, 2008 11:14 pm

وجزاك يا حبيب قلبي...ربنا يخليك ويحميك يارب

من طرف rafprof الثلاثاء أكتوبر 14, 2008 12:25 pm

والله يا باو صلاح مش عارف بتحرجنى والله باحترامك للاعضاء بجد ربنا يخليك لينا
thank u

من طرف the precious الثلاثاء أكتوبر 14, 2008 12:36 pm

شكرا يا مان بس والله انتوا اساسا ناس تستحقوا لاحترام...و والله دا مش كلام لانكو ناس فعلا محترمه

thank u

من طرف Hussein elansary الثلاثاء أكتوبر 21, 2008 1:19 pm

الله ينور عليك

من طرف the precious الثلاثاء أكتوبر 21, 2008 1:43 pm

وعليك يا مان....بس هو انت لسه فاكر
خلاص الحمد لله المشكله اتحلت والاعلانات اللى بتظهر دلوقتى الحمد لله بقت عاديه ومفيهاش حاجه وان شاء الله هتفضل كده على طول