يا بخت البنات

دايما البنات بتقول في سرها ...يا بخت الولاد...ودا طبعا لاعتقادهم ان الولد بياخد كل المزايا...وبيبقى قدامه المزايا انه يعمل اللى هو عايزه...اما البنات فمفيش قدامهم غير كلمة ممنوع
عشان كده دايما البنات بتفكر في المزايا اللى بياخدها الولاد ومش بيفكروا فى المزايا اللى هما بياخدوها واللى بتخلينا احنا نقول دلوقتى..(يا بخت البنات)
ولاننى ولد..عارف طبعا المزايا اللى البنات بتاخدها...واليكم بعض الامثله
1 – لو كنتى موجوده على سطح الباخره (تايتنك) او حتى (السلام 98 ) وحصل – لا قدر الله – كارثه...اول ناس هيتم انقاذهم هم الاطفال والبنات....ولو كان على السفينه 5 طوق نجاه بس هيوزعوها الاول على الاطفال والبنات وبعد كده لو زاد حاجه هيبتدوا يفكروا في الرجاله
2 – هدوم الولاد عادة بتنفع للبنات....اما لو ولد فكر يلبس فستان مثلا..غالبا هيقولوا عليه عبيط..دا لو مكنش عبيط فعلا
3 – بالنسبه للمواصلات...البنت دايما قدامها فرصه اكبر في ان التاكسيات تقف لها اكتر من الولد
وفي الاتوبيس او المترو الزحمه...لو قالت عايزه اقعد جنب الشباك عشان مخنوقه محدش هيعترض...لكن لو ولد قال كده هيقولوا عليه دلوعه
وفي عز زحمة المترو او الاوتوبيس...ممكن تدخل وتقعد كمان..لانها غالبا هتلاقي اللى يقوم لها...اما لو ولد فالمطلوب منه لو قاعد انه يقوم للبنت ...ولو حتى واقف انه يفسح او يخلص ويرمى نفسه من الشباك
4 – البنت مش بتدخل الجيش ولا حتى بتقضي تربيه عسكريه في الجامعه...اما الولد لازم يتطحن في التربيه العسكريه وفي الجيش ومش بياخد اعفاء غير لما يكون عنده مرض او عاهه او قرب يموت او امه دعياله
5 – في المصالح الحكومية: طابور الستات بيتحرك اسرع من طابور الرجاله(ودا ظلم للرجاله طبعا)..لان طابور الرجاله بيبقى فيه عالاقل 25 مواطن...وطابور الستات بيبقى فيه 5 بالكتير...وتلاقي الموظف بيمشي واحد من الطابور ده وواحده من الطابور ده....مع ان العدل انه يمشي 5 من طابور الرجاله قصاد واحده من طابور الستات
6 – الولد لو سايق عربيه وخبط حد غالبا بياخد علقه للذكري...اما لو كانت العربيه سايقاها البنت..هتلاقي الناس بتتعامل معاها كأنها هى الضحيه زى اللى خبطته..(ومش بعيد اللى خبطته هو اللى ياخد العلقه..ههههه)
7 – البنت لو ماشيه في حته وشكلها تايهه مش عارفه هى فين...هتلاقى 100 واحد بيتبرع ويدلها عالطريق
اما الولد محدش بيهتم بيه عشان شكله ماشي تايه طول الوقت

وطبعا في حاجات اكتر من كده...بس دول صراحه كفايه اوى...عشان بس ميبقاش حد احسن من حد

موضوع جامد اوى يا ابو صلاح
فعلا احتلوا البلد

هنعمل ايه بقى يا مان...مظلومين احنا كده على طول
شكرا لردك يا رفيق

شكرا على الموضوع
بالرغم ان فى حاجات كتير انعدمت من الميزات اللى انت ذكرتها
ومنها نقطه الزحمه .دلوقتى يبقى الشاب قاعد وقدامه واحده كبيرة فى السن ومش شابه
ومايقومش وده شوفته كتير اوى وده اكيد برضه مع البنات وحصلت كتير اوى معايا شخصيا
ونقطه الطابور برضه اللى انت عرضتها انت شايف ان المفروض الراجل يمشى 5 من الرجاله ازاى يعنى ههههههههه بجد ضحكتنى اوى

ههههههههههههههههههههههههه

عندك حق يا ابوصلاح

robaraf كتب:
ومنها نقطه الزحمه .دلوقتى يبقى الشاب قاعد وقدامه واحده كبيرة فى السن ومش شابه

انا معاكى ان في ناس كده...بس انا بتكلم برضو على الاغلبيه...اغلبية الشباب بيقوموا عادى...بس دا ميمنعش ان في ناس تنحه برضو مش بترضى تقوم زي ما قولتى
شكرا على ردك

ahmed maddish كتب:ههههههههههههههههههههههههه

عندك حق يا ابوصلاح

طبعا يابني...اكيد برضو انت بتعانى زينا
شكرا يا بغدادى على ردك

ده حقد علنى بقى ههههههههههههههههههههه

موضوع جميل

شكرا جدا لردودكوا

فعلا يا احمد
انا مش عارف امارس حياتى الطبيعية

هههههه
وادى واحد كمان...يا جماعه كده حرام
انا من هنا بنادى بالمساواه بين المرأه وارجل...عايزين حقوقنا بقى
شكرا يا عمور

موضوع حلوو

انا فعلا قولت كتير يابخت الولاد

بس ببقى عارفه انى
يابخت البنات اكتر
كفايه مش مجبره اشتغل لكن انتوا ياعينى لازم تشتغلوا

ربنا يعينكوا بقى

لأا والنبى بلاش النقطى دى الا حوار الشغل احنا مش ناقصين احسن اولع فى المننتدى كله

rafprof كتب:لأا والنبى بلاش النقطى دى الا حوار الشغل احنا مش ناقصين احسن اولع فى المننتدى كله

ضحكتينى والله
فى المنتدى كله
طب الحق اخرج بقى

بجد الموضوع حلو جدا يااحمد

وعجبنى جدا ان انت بتنادى بالمساواه ههههههههههه

بس بجد انت عندك حق

لان فعلا الولد بيتخرج من هنا يلاقى الجيش مستنياه من هنا
ولو ربنا كرمه ونجاه من الجيش
يلاقى قدامه الحياة العملية
يعنى لازم يشتغل ويكافح علشان يقدر يكون نفسه
وميقدرشى حتى يفكر فى الجواز الا لما يوصل للتلاتين

بجد ربنا يكون فى عونكم

احمد

كويس والله ان البنات بترد ومقتنعين كمان
كده فى امل اننا نحقق المساواه عشان بجد احنا غلابه اوى ومظلومين هنا
شكررررررررررررررررررا لردودكوا جدا

ههههههههههههههههههههههههههههههههه
ايه ده بتحقدوا علينا كده ليه
يابني كل ده علشان احنا الجنس الناعم
اما انتوا الجنس الخشن فلازم تستحملوا
ههههههههههههههههه

بجد موضوع جامد يا أحمد أنا أول مرة أخد بالى منه
بجد فى حاجات كتير جداً البنات واخده حقها فيها تالت ومتلت
يعنى مثلآ دلوقتى 90% من المحلات بتاعة اللبس بتبقى للبنات واللى يفقع أكتر إن لبسهم رخيص جداً ويلاقوا منه كل الألوان والمقاسات والأشكال
أما الولاد مفيش غير مكانين 3 اللى يروح عليهم ويدفع فلوس بالهبل علشان طقم واحد بس..............................

بجد موضوع جميل أوى يا أحمد تسلم أيدك

basma كتب:ههههههههههههههههههههههههههههههههه
ايه ده بتحقدوا علينا كده ليه
يابني كل ده علشان احنا الجنس الناعم
اما انتوا الجنس الخشن فلازم تستحملوا
ههههههههههههههههه

طيب ماحنا موعودين و لازم نستحمل
بس وانبي انتو تبطلوا تقولوا اننا واخدين حقوقنا عنكو عشان دى الايه اتقلبت خالص
شكرا على ردك يا بسمه

sway كتب:بجد موضوع جامد يا أحمد أنا أول مرة أخد بالى منه
بجد فى حاجات كتير جداً البنات واخده حقها فيها تالت ومتلت
يعنى مثلآ دلوقتى 90% من المحلات بتاعة اللبس بتبقى للبنات واللى يفقع أكتر إن لبسهم رخيص جداً ويلاقوا منه كل الألوان والمقاسات والأشكال
أما الولاد مفيش غير مكانين 3 اللى يروح عليهم ويدفع فلوس بالهبل علشان طقم واحد بس..............................

بجد موضوع جميل أوى يا أحمد تسلم أيدك

ودى يا عم حاجه تتضاف برضو
بس انت سايبلنا المهم وماسك فى دي يا عم...الشعب يقول علينا ايه بس
شكرا على اضافتك و ردك يا بسوم

الحمد لله فعلا" أنا بحمد ربنا أنى بنت على الرغم من ان ربنا بيقوى كل واحد على الظروف اللى خلقه فيها
(كل ميسر لما خلق له )
بس بجد الله يكون فى عون الشباب اللى لسه ماشتغلوش أو شغلهم متوقف على الجيش
ربنا ييسر أمورهم ان شاء الله
وياريت نبطل الأر والحقد ده علشان ربنا يبارك
بهزرطبعا" ربنا يوفقكوا كلكوا.

ههههههههههههه
انا هرد على النص الحلو من ردك بس
اللى هو ده

الحمد لله فعلا" أنا بحمد ربنا أنى بنت على الرغم من ان ربنا بيقوى كل واحد على الظروف اللى خلقه فيها
(كل ميسر لما خلق له )
بس بجد الله يكون فى عون الشباب اللى لسه ماشتغلوش أو شغلهم متوقف على الجيش
ربنا ييسر أمورهم ان شاء الله

امين يارب ..و كلامك محترم جدا يا دينا و بشكرك عليه وعلى ردك

اما الجزء ده

وياريت نبطل الأر والحقد ده علشان ربنا يبارك

ههههههههه...شكرا على ردك برضو و اكيد ربنا مبارك من غير حاجه يا دينا
بس احنا مش هنبطل أر لحد ما نموت او انتو تنتهوا...هههههههههه
شكرررررررررا

موضوع حلو اوى بس الكلام اللى انت بتقوله ده انعدم خلاص ده كان ايام ما كان فى شهامه ورجوله بس للاسف خلاص انعدمت
والحسد والقر ده هو اللى جايبنا لورا
هههههههههههه

بس بجد تسلم ايدك

romantic_eye كتب:موضوع حلو اوى بس الكلام اللى انت بتقوله ده انعدم خلاص ده كان ايام ما كان فى شهامه ورجوله بس للاسف خلاص انعدمت
والحسد والقر ده هو اللى جايبنا لورا
هههههههههههه

بس بجد تسلم ايدك

هههههههههههههههه
انتو كده كده جايين لورا من غير لا حسد ولا قر ...هههههه
بس على فكره الشهامه لسه موجوده
المصري ططول عمره مشهور بجبروته وقوته


شكررررررررررا عالرد يا اسماء

بجد الولاد مظلومة في البلد دي هنعمل اية القدر والحمد لله
بس بجد يا احمد موضوع هايل جدااااااااااااااااااااااااااااااااااااااااااااا

ربنا يخليك يا كسبور شكرا عالرد الجميل

انا متابعةالموضوع بس قولت ارد فى الاخر احسن
اولا الحمد لله احنا واخدين حقنا
اللى ربناقال عليه
ومهما تأروو علينا مش هيأثر ان شاء الله
ثانيا والاهم يااحمد
ان انتو برضو الاساس
ربنا خلق ادم وخلق منه حواء
يعنى لازم تستحملوا علشان انتو الرجالة.
وازاى عايز مساواة؟
دا ربنا قال(الرجال قوامون على النساء).
يعنى انتو اهم.
العجيب بقى ان انتو بتقولوا كده وخلاص
يعنى مثلا لو قولنالكوا ارتاحوا واحنانشتغل
هاتقولوا لأ احنا الرجالة.
يعنى نرضيكوا ازاااااى؟

عموما ربنا يعينكوا ويسهلكم
وتقدروا تريحونا كمان وكمان.

– الولد لو سايق عربيه وخبط حد غالبا بياخد علقه للذكري...اما لو كانت العربيه سايقاها البنت..هتلاقي الناس بتتعامل معاها كأنها هى الضحيه زى اللى خبطته..(ومش بعيد اللى خبطته هو اللى ياخد العلقه..ههههه)
ههههههههههههههه
جامده موت يا واد
يخرب بيت شيطانك جبت الكلام ده كله منين ؟
ده حاجات بتحصل قدمنه واحنا مش واخدينى بالنا منها ( او بنصهين عليها)
بس فعلاً الرجال هو عصب الامة

Eman Said كتب:انا متابعةالموضوع بس قولت ارد فى الاخر احسن
اولا الحمد لله احنا واخدين حقنا
اللى ربناقال عليه
ومهما تأروو علينا مش هيأثر ان شاء الله
ثانيا والاهم يااحمد
ان انتو برضو الاساس
ربنا خلق ادم وخلق منه حواء
يعنى لازم تستحملوا علشان انتو الرجالة.
وازاى عايز مساواة؟
دا ربنا قال(الرجال قوامون على النساء).
يعنى انتو اهم.
العجيب بقى ان انتو بتقولوا كده وخلاص
يعنى مثلا لو قولنالكوا ارتاحوا واحنانشتغل
هاتقولوا لأ احنا الرجالة.
يعنى نرضيكوا ازاااااى؟

عموما ربنا يعينكوا ويسهلكم
وتقدروا تريحونا كمان وكمان.

آمين يارب.... كلامك جميل يا ايمان
بس يا ايمان احنا مقولناش انتو تشتغلوا شغلنا ولا حاجه...احنا عايزينكو تبطلوا نغمة المساواة بتاعتكو دي عشان حقيقي الآية اتقلبت
دلوقتى البنات بقوا حاشرين مناخيرهم فى كل حاجه (سورى يعني ) هههههههههههه
يعني مقطعين علينا ارزاقنا وكمان واخدين حقوقكم تالت ومتلت ولسه بتطالبوا بالمساواه ( اللهم لا أرررر ولا حسد) ... عالعموم مش هقول اكتر من حسبي الله ونعم الوكيل

Hussein elansary كتب:– الولد لو سايق عربيه وخبط حد غالبا بياخد علقه للذكري...اما لو كانت العربيه سايقاها البنت..هتلاقي الناس بتتعامل معاها كأنها هى الضحيه زى اللى خبطته..(ومش بعيد اللى خبطته هو اللى ياخد العلقه..ههههه)
ههههههههههههههه
جامده موت يا واد
يخرب بيت شيطانك جبت الكلام ده كله منين ؟
ده حاجات بتحصل قدمنه واحنا مش واخدينى بالنا منها ( او بنصهين عليها)
بس فعلاً الرجال هو عصب الامة

رجل ايه اللى عصبة الامة يابني
انت مش دارى باللى حواليك
دا هو بس فاضل انهم يدخلوا الجيش ويحاربوا بدالنا ونتركن احنا بقى عالرف ....بس هما دي مش هيعملوها لأنها مش جايبه همها ...هما بياخدوا مزايا بس
شكررررررررررررا يا حسين على ردك الجميل

موضوع جميل جدا يا ابو صلاح

والردود كمان جامدة جدا ، بجد اول مرة اقرا الموضوع بردودة كلها لحد الاخر

وعجبتنى اوى العقلانية اللى فى رد ايمان سعيد ،،،،،، على غير العادة يعنى

(((((( ههههههههههههههههههههههههههه )))))))))))


تسلم ايدك يا ابو صلاح ولو ان قدرنا ياريس اننا نعيش ابطال ونموت منكورين !!!!

((((( ما حدش يسألنى يعنى إية هى طلعت كدة وخلاص ))))))))

هههههههههههه
والله فى كلام كتيييييييييييييير عاوز اقوله بس بلاش احسن

تسلم ايدك يا ابو صلاح ولو ان قدرنا ياريس اننا نعيش ابطال ونموت منكورين !!!!

سعد زغلول
بتحسسني انك عايش بطل اوى.... ان ما سمعنا عنك ولوحتى فى طبق اليوم ...يا اخى روح كده
عالرد يا شحاته

هههههههههههه
والله فى كلام كتيييييييييييييير عاوز اقوله بس بلاش احسن

ههههههه .. يا اخى مكلف نفسك وداخل تقول انك عاوز تقول كلام بس بلاش ...والله يابنى بتيجي على نفسك
بطلوا خوف بقى ..هوا دا اللى جابنا لورا
حسين عالرد