<<حوار مهم جداً>>

من طرف sway الأربعاء يناير 28, 2009 10:04 am

دا حوار بين مواطن عربى و سندوتش فلافل و فلافل فى اللغه العربيه يعنى طعميه

هو مش مضحك اكتر ماهو محزن

بس ما لوش مكان غير هنا

فى المنتدى بتاعنا

اهى الحكايه من اولها

بسم الله الرحمن الرحيم

اشترى مواطن عربي سندويش فلافل وفتح بقه عايز يأكله

سندويش الفلافل (صارخاً): إستنى متاكلنيش حرام عليك ده إحنا إخوات.

المواطن (مستغرباً): إنت بتقول إيه؟ هو معقول أنا وإنت نبقى إخوات؟!

سندويش الفلافل: طبعاً معقول، أنظر إلى كلينا فأنا أنقلي يومياً في النار والحر،

وأنت كذلك تقضي يومك مقلياً بالعمل في الحر وتحت أشعة الشمس.

المواطن: كفايه... أنا جعان و عايز آكل ، متتعبش نفسك معايا بامور فارغة.

سندويش الفلافل: أنت أخويا وأنا مصمم على كده ، هو إنت مش ملاحظ أن سعرنا إحنا

الاثنين رخيص في بلدنا، وقيمتنا بتزيد أكثر في بلاد الأجنبي.

المواطن: ماشى معاك حق بس ده مش سبب كافي تقنعني بيه بأننا أخوات.

سندويش الفلافل: طيب بص على التشابه اللى بينا، ده حتى إحنا الإتنين رفيعين وطوال ولوننا أصفر،

وميملاش جوفنا إلا قرص الفلافل والسلطة اللى عليه.

المواطن: والله أقنعتني، فعلآ معاك حق يا أخويا ولكن إنت فاتك شيء مهم جداً.

سندويش الفلافل: وهو إيه الشيء المهم ده اللى فاتنى؟!..

المواطن: هو إنت متعرفش إن إحنا العرب كل مننا بياكل فى لحم أخوه؟!.

سندويش الفلافل (مذعوراً): لا.. أرجوك... أرجوك.. أرجووو..

وبلقمتين مبقاش فى أثر لسندويش الفلافل

مستنى ردودكم

هو إحنا صحيح الأخوات ممكن ناكل فى لحم بعض؟؟؟؟؟؟؟؟؟؟؟؟؟؟؟؟؟؟؟

من طرف greatpharaoh111 الأربعاء يناير 28, 2009 10:10 am

موضوع جميل

انا شايف اننا مغيبين

يعنى متساقين بحرفية شديدة اوى لحاجة احنا مش عايزينها

بس للاسف فى النهاية

بقى واقع اننا بناكل فى لحم بعض فعلا

وحتى لو مش بناكل فى لحم بعض نسينا حديث النبى عليه الصلاة والسلام (( من لم يهتم بأمر المسلمين فليس منهم ))

يعنى من الاخر كل واحد بقى حاطط همة فى عيشته هو لواحدة
هايدبر حياته ازاى
هايصرف منين
هايأمن اولادة ازاى
والحقيقة الناس تعبانة ومعزورة

بس للاسف هو ده الواقع

شكرا يا بسوم على الموضوع

وربنا يرحمنا من عنده

من طرف sway الأربعاء يناير 28, 2009 10:24 am

شكراً يا شحاته على ردك وفعلآ أنا حاسس إن ده بقى الواقع بتاعنا كله بياكل فى كله
thank u

من طرف rafprof الخميس يناير 29, 2009 9:41 am

شكرا يا بسوم بس فعلا ده اصبح حالنا بناكل فى بعض

من طرف sway الخميس يناير 29, 2009 4:20 pm

rafprof كتب:شكرا يا بسوم بس فعلا ده اصبح حالنا بناكل فى بعض

شكراً يا بروف على الرد thank u

من طرف ahmed maddish الخميس يناير 29, 2009 4:46 pm

قول للزمان ارجع يازمان...............

الجرى ورا لقمة العيش ......................ومحاولة ايجاد مستقبل حتى نستطيع ان نأمن مستقبل جيل اخر فى علم الغيب.....................!!!

وده دورنا نعمل لولادنا ان شاء الله زى ما ابهتنا عملت.............

الحياة بقت كتير صعبة.................عن زمان..........................واحنا كمان بقينا اضعف من زمان.......................!!!

هو ده الواقع......................................للاسف

مين عارف عارف بكرة شو مخبيله..........................

موضوع قلب علينا المواجع يا بروف باسم

من طرف sway الجمعة يناير 30, 2009 10:18 am

شكراً يا بغدادى على الرد والله ردك أحلى من الموضوع يا عم أحمد thank u

من طرف boosy الأحد فبراير 01, 2009 5:43 pm

جااااااااااااااااااااامد كالعاده يا بسوم
flower

من طرف sway الأحد فبراير 01, 2009 9:38 pm

ميرسى على ردك الأجمد يا بسمة thank u

من طرف romantic_eye الأربعاء مارس 11, 2009 11:52 am

جامد اوى يا باسم وطبعا دى مش محتاجه سؤال دى الناس بقت تاكل فى بعض طالما فى فقر وجوع وفى ناس مش محتاجه حاجه بس ده طبع فيها الناس بقت وحشه اوى
وتسلم ايدك يا باسم
u r good

من طرف Eman Said الأربعاء مارس 11, 2009 7:52 pm

اولا ياباسم الموضوع هايل جدا
ثانيا انا مؤمنة ان مهما حصل
اكيد فى ناس كويسة يعنى مقدرش اقول
ان كله بياكل فى كله.
يعنى الحلو موجود والوحش موجود
المهم اسال نفسى انامين فيهم.

من طرف sway الأربعاء مارس 11, 2009 10:14 pm

romantic_eye كتب:جامد اوى يا باسم وطبعا دى مش محتاجه سؤال دى الناس بقت تاكل فى بعض طالما فى فقر وجوع وفى ناس مش محتاجه حاجه بس ده طبع فيها الناس بقت وحشه اوى
وتسلم ايدك يا باسم

ميرسى على ردك يا أسماء وربنا يعينا فى الأيام الجاية أكيد هتبقى صعبة أوى ربنا يستر علينا كلنا

من طرف sway الأربعاء مارس 11, 2009 10:37 pm

Eman Said كتب:اولا ياباسم الموضوع هايل جدا
ثانيا انا مؤمنة ان مهما حصل
اكيد فى ناس كويسة يعنى مقدرش اقول
ان كله بياكل فى كله.
يعنى الحلو موجود والوحش موجود
المهم اسال نفسى انامين فيهم.

أكيد يا إيمان إن فى ناس كويس بس دايماً الوحشين هما إللى بيبانوا أكتر
ميرسى على ردك يا إيمان وسعيد إن الموضوع عجبك

<<حوار مهم جداً>>

<<حوار مهم جداً>>

رد: <<حوار مهم جداً>>

رد: <<حوار مهم جداً>>

رد: <<حوار مهم جداً>>

رد: <<حوار مهم جداً>>

رد: <<حوار مهم جداً>>

رد: <<حوار مهم جداً>>

رد: <<حوار مهم جداً>>

رد: <<حوار مهم جداً>>

رد: <<حوار مهم جداً>>

رد: <<حوار مهم جداً>>

رد: <<حوار مهم جداً>>

رد: <<حوار مهم جداً>>