رد: يوم تجمع المنتدى

من طرف emy saleh الأحد يناير 11, 2009 8:59 pm

اخر يوم في امتحانات رابعة يوم 27
ابقو شوفو اليوم اللي يناسبكو علشان اقدر اشوفكو قبل ما اسافر

من طرف greatpharaoh111 الإثنين يناير 12, 2009 12:48 am

انتى هاتسافرى امتى يا ايمى ؟

من طرف pureheart88 الإثنين يناير 12, 2009 7:12 pm

اللهى مايوريكوا الامتحانات وزحمه الامتحانات وزنقه الامتحانات
Sad

وحشتكوا اوى زحمه الامتحانات ده انا متبهدل في الامتحانات
ادعووووووووووووووولى

من طرف ahmed maddish الإثنين يناير 12, 2009 8:01 pm

والله وحشنى القلق بتاعة الامتحان والشوق لورقة الاسئلة...................ووقت التصوير ...................

يااااااااااااااااااااااااااااااه بجد والله العظيم احلى ايام

قول للزمان ارجع يازمان .........................

من طرف همسه الإثنين يناير 12, 2009 10:06 pm

لو هتتقابلوا
بلاش يوم 27
خليها بعدها

من طرف همسه الإثنين يناير 12, 2009 10:07 pm

ايمى هتسافرى امتى عشان نتقابل بل ماتسافرى بس ياريت مايكونش يوم 27

من طرف emy saleh الإثنين يناير 12, 2009 11:04 pm

ان شاء الله يوم 1 فبراير

من طرف greatpharaoh111 الثلاثاء يناير 13, 2009 12:16 am

ايمى هاتسافر يوم 1 فبراير

يبقى لازم يبى قبل اليوم ده

ايه رايكم فى يوم 27 فعلا مناسب اوى علشان ايمان

المعاد مبدأيا يوم الثلاثاء 27 يناير

حد عنده مانع

وياريت اللى هايجى يدخل يأكد انه جاى علشان نعرف مين معانا

وياريت الناس اللى ما بتدخلشى المنتدى اصحابها اللى هنا يقولوهم على المعاد

ده بعد ما نتفق عليه طبعا

من طرف emy saleh الثلاثاء يناير 13, 2009 12:21 am

معلش يامحمد رضوى قالت انه مش هيناسبها يوم 27

من طرف greatpharaoh111 الثلاثاء يناير 13, 2009 12:48 pm

خلاص نخليها اى يوم قبل يوم 27

لان بعد 27 مش هاينفع معايا خالص

من طرف sway الثلاثاء يناير 13, 2009 1:13 pm

أنا موافق على أى يوم قبل 27ممكن 26 لو ينفع

يعنى الأتنين 26؟؟؟؟؟؟؟؟؟؟؟؟؟؟؟؟؟؟؟

من طرف greatpharaoh111 الثلاثاء يناير 13, 2009 1:14 pm

يلا الاتنين يوم 26

مين قال تانى ؟؟؟؟؟؟؟؟؟؟؟؟؟؟؟؟؟؟؟؟

من طرف greatpharaoh111 السبت يناير 17, 2009 12:04 pm

يا اخوانا انتو روحتو فين

لو مش عايزين تنزلو بلاش

بس على الاقل تردو حتى

من طرف boosy الإثنين يناير 19, 2009 5:27 pm

والله يا شحاته
ده علي حسب الظروف
انا عن نفسي مقدرش اقول اه او لا
thank u

من طرف greatpharaoh111 الثلاثاء يناير 20, 2009 9:49 pm

يا اخوانا بجد انا زهقت وتعبت بجد

مش عارفين نتفق على يوم نتلم فيه

امال لو عيال صغيرة كان ايه اللى حصل

على العموم امبارح كنت باكلم نهر الحب وهى طلبت انها تشوفكم

وبجد نفسها تنزل ونتلم وتبقى فى وسطينا

بجد اللى هايكسل بعد كدة يبقى ...............

مبدايا فى ناس كتير موافقة على يوم الاحد الى جاى

وياريت نشوف الناس ايه ظروفها

لان بجد انا جالى احباط منكم

Sad

من طرف همسه الثلاثاء يناير 20, 2009 10:19 pm

انزلوا انتوا انا الفتره دى مش هينفع انزل خالص
ادينى رديت يامحمد
لو فى فرصه تانيه ان شاء الله هبقى انزل لانى بجد نفسى انزل واشوفكم كلكم

من طرف greatpharaoh111 الثلاثاء يناير 20, 2009 11:48 pm

ميرسى على ردك يا همسة

ولو انى بجد كان نفسى نشوفك الاسبوع ده

ياريت الناس كلها ترد زى همسة حتى الى مش هينفع ينزل يقول برضو

من طرف rafprof السبت يناير 24, 2009 1:17 am

هاه الليلة فيها ايه
يوم الاحد ولا ايه يا شباب
انشطوا شوية متخنقوش بقى

من طرف greatpharaoh111 السبت يناير 24, 2009 12:03 pm

انا حقيقى زهقت

اول مرة ازهق بالشكل ده

silent

من طرف sway السبت يناير 24, 2009 3:45 pm

هو أنتم عايزيين تنزلوا إمتى؟؟؟؟؟؟؟؟؟؟؟؟؟؟؟؟؟؟؟؟؟؟؟

من طرف dina saied السبت يناير 24, 2009 9:38 pm

سلام عليكم
معلش انا فاكره ان اللى جاى بس هو اللى يرد انا مش هعرف انا ممكن انزل ولا لأ الا فى ساعتها
معلش يا محمد بس عدم الرد دهمش اهمال ولا حاجه

من طرف greatpharaoh111 الأحد يناير 25, 2009 6:33 pm

انا عارف والله يا دينا وميرسى على ردك

بس اصلى بجد كان نفسى نتلم كلنا زى المرة الاولانية كدة

بس الناس مش متجاوبة خالص

بجد محتاج اللمة دى

يلا الى فيه الخير يقدمة ربنا

من طرف Aya abd el-rahman الأحد يناير 25, 2009 8:36 pm

انا عن نفسي مش هنزل غير لما نهر الحب تخف من التعب اللي هي فيه وتقوللي انها قادرة تنزل القاهرة

غير كده مش هقدر انزل يا جماعة...اعذروني

من طرف boosy الجمعة يناير 30, 2009 11:28 pm

لما تكراروا قولوا وانا من دلوقتي هنزل

من طرف greatpharaoh111 الأربعاء فبراير 04, 2009 11:27 pm

فى ايه بقى
هه
مش هانتلم بقى
اصلى انا وراكو وراكو
وان شاء الله هانتلم هانتلم
بالذوق هانتلم بالعافية هانتلم
ولو حصلت انى اروح اعمل لكل واحد فيكم باسمة محضر فى القسم
وندور بقى بالبوكس نلمكو من البيوت واحد واحد وانتو مش قد البورش صدقونى
واهى تبقى حاجة اورينتال

بدل ما تتبهدلو و تنزلو من بيوتكم بالبيجامات منك ليها
ياريت تساعدونى ربنا ما يوقعكم فى ضيقة

دلوقتى احنا قدامنا حلين اتنين علشان نتلم
الحل التالت بيقول اننا نتلم زى المرة اللى فاتت فى الكلية
وتنزل الدفعة كلها بلا استثناء
مهما كانت الظروف ما جاتشى على اليوم اللى هانتفق عليه
كل واحد يتصرف

الحل السادس بقى بيقول وان كنت انا ارجح الحل ده
من بداية المنتدى وانا طالعة فى دماغى رحلة المنتدى
يعنى المنتدى ممكن ينظملنا رحلة يوم نتلم فيها كلنا
وطبعا مش محتاجين اجرى ريقكم واقولكم اليوم ده هايبقى حلو قد ايه واوعدكم فيه بمفاجات كتيرة وانتو عارفين شحاتة كويس (( ده بالنسبة للناس اللى طلعت معايا قبل كدة ))

اهم حاجة نتلم وبسرعة

انا مش هاتكلم تانى فى الموضوع ده
ومش هاتحايل على حد
بس خلاص

(((((( ابوس اديكم بقى ارحمو امى واتلمو علشان اللمة بتاعتكم وحشتنى اوى )))))
والا هاخبط نفسى مفك تحت عينى ولا هانفع بابيض ولا اسود بعد كده
انا قلت بقى ورزقى على الله
سلامو عليكو

من طرف boosy الخميس فبراير 05, 2009 2:09 am

هههههههههههههههههههههههههه
والله بضحكني يا شحاته وانا اصلا بقالي كام يوم كده مكتئبه
والله حددوا اليوم وانا من دلوقتي موافقه عليه
ده بس علشان صعبت عليا واحنا مش عاوزين نخسر واحد زيك (خساره المفك يبوز)ههههههههههههههههههههههههه

من طرف sway الخميس فبراير 05, 2009 9:37 am

أنا عاجبانى جداً فكرة الرحلة وأؤيدها معاك يا شحاته وموافق عليها 100%
أنا بصراحة نفسى أطلع رحلة عدلة ولو مرة واحدة قبل ماموت يا جدعان
عمرى ما طلعت رحلة وطلعت حلوة فى حياتى
أنا بجد شايف إن حل الرحلة ده هيبقى جميل

بس يا شحاته أنا خايف الناس تفتكر رحلة دى يعنى سفر ومكان بعيد
لأ أنا فاهم قصد شحاتة
إن رحلة دى أى مكان نتقابل فيه بره الكلية
يعنى فى الهواء الطلق
حتى لو كان فى حديقة الأزهر
المهم اللمة الحلوة وخلاص
أنا بجد موافق على المبدأ
وياريت الناس كلها تأيد الفكرة

من طرف greatpharaoh111 الخميس فبراير 05, 2009 11:13 am

basma كتب:هههههههههههههههههههههههههه
والله بضحكني يا شحاته وانا اصلا بقالي كام يوم كده مكتئبه
والله حددوا اليوم وانا من دلوقتي موافقه عليه
ده بس علشان صعبت عليا واحنا مش عاوزين نخسر واحد زيك (خساره المفك يبوز)ههههههههههههههههههههههههه

ليه بس يا بوسى مكتئبة ليه
الف بعد الشر عليكى
وكويس والله انى صعبت عليكى
خايفة على المفك هه !!!!!!!
اما اشوفك بس انا مجمعلك حسابك كلو

Smile

من طرف greatpharaoh111 الخميس فبراير 05, 2009 11:16 am

sway كتب:أنا عاجبانى جداً فكرة الرحلة وأؤيدها معاك يا شحاته وموافق عليها 100%
أنا بصراحة نفسى أطلع رحلة عدلة ولو مرة واحدة قبل ماموت يا جدعان
عمرى ما طلعت رحلة وطلعت حلوة فى حياتى
أنا بجد شايف إن حل الرحلة ده هيبقى جميل

بس يا شحاته أنا خايف الناس تفتكر رحلة دى يعنى سفر ومكان بعيد
لأ أنا فاهم قصد شحاتة
إن رحلة دى أى مكان نتقابل فيه بره الكلية
يعنى فى الهواء الطلق
حتى لو كان فى حديقة الأزهر
المهم اللمة الحلوة وخلاص
أنا بجد موافق على المبدأ
وياريت الناس كلها تأيد الفكرة

بس الرحلة مش هاتبقى لمة وبس يا بسوم
هاتبقى رحلة مكتملة الاركان
حتى لو كان المكان قريب
يعنى اتوبيس - صحيان بدرى - شنط كتير - وطبلة - ورقاصة - وشندوشتات - وعصاير - ولب ابيض علشان مش باحب الاسمر
وبلاش سودانى علشان بيتخن والواحد اصلا مش ناقص

وافقو انتو بس وانا اعملكو رحلة ما حصلتش ولا هاتحصل تانى

كدة بقينا 3
بسمة
باسم
والعبد لله

يلا مستنين اراء باقى الناس

من طرف boosy الخميس فبراير 05, 2009 5:33 pm

والله جامد يا شحاته
بس انا عندي مشكله قويه اني م بعرف انزل الصبح بدري
وعجباني اوي فكره الازهر اصلي بحبها
وبروح انا اصحابي فيها كتير
بنعمل كده زي قعده بنات مجانين وهبل ومهيسين
والله بتبقي جامده وانا حالين محتجالها اوي
تصدق هقترح علي صحابي وانزلها قريب

حددوا اليوم وقولولي عليه
بس انا ممكن اجي متاخره شويه
وحاولوا تخلوه لبليل ده لو يناسبكوا يعني نقضي يوم كامل مع بعض كده

من طرف همسه الإثنين فبراير 09, 2009 3:01 am

موافقه على الرحله
دايما افكارك جامده يامحمد

من طرف sway الإثنين فبراير 09, 2009 10:06 am

يلا يا شحاته كده بقينا اربعة موافقين على الرحلة

صدقنى لو بدأت تقول تفاصيل الرحلة يعنى هتتعمل فين وامتى

وكده يعنى العدد هيكتر والناس هنا هتتشجع اكتر

من طرف Aya abd el-rahman الإثنين فبراير 09, 2009 6:34 pm

انا كمان موافقة على الفكرة دي
بس اكيد طبعا هتبقى يوم جمعة...اصل انا لو حاولت آخد اجازة يوم ممكن يغتالوني في الشغل
بس لو يوم جمعة.... انا ان شاء الله معاكم فيها

من طرف sway الإثنين فبراير 09, 2009 11:25 pm

يلا يا شحاتة رتب الحكاية وعلى فكرة أسماء كمان موافقة بس هى كانت بتقترح نروح دريم بارك شوف النظام ورد علينا يا أبو شحاتة

من طرف boosy الثلاثاء فبراير 10, 2009 4:22 pm

لا يا عم دريم ايه
احنا عاوزين نبقي مع بعض ونتلم في مكان
فوكك من دريم ديه يا شحتوتي وهات حاجه تانيه نبقي فيها جنب بعض مش نتقسم
خليها الازهر احسن

من طرف greatpharaoh111 الأربعاء فبراير 11, 2009 11:50 am

السلام عليكم ورحمة الله وبركاته

شكرا لكل اللى تجاوب ورد على الموضوع

وبالنسبة للى ماردش انا عملت اللى عليا وما تزعلوش منى لما تلاقو البوكس بينزلكو من البيوت بالبيجامات يا شوية (((( تييييييييييييييييييييييت )))

المهم بقى

دلوقتى اللى احنا متفقين عليه ان شاء الله انها هاتكون يوم جمعة
وهاتطلع مهما كان العدد ان شاء الله
يعنى لو 5 انفار هاتطلع
لو 100 نفر هاتطلع ان شاء الله

انا باقترح تبقى يوم الجمعة اللى جاى لا اللى وراه
يعنى يوم الجمعة 20 فبراير
ده بالنسبة للزمان

بالنسبة للمكان
صدقونى المكان مش هايفرق كتير المهم اننا نتلم والمهم فى الصحبة
بس برضة قدامكو دلوقتى حاجة من تلاته

اما اننا نروح دريم بارك
او نتلم فى حديقة الازهر
او اننا نطلع القناطر

وان كنت ارجح التانية والتالتة لان دريم فعلا مش هاتخلينا نقعد مع بعض
واحنا مش محتاجين المكان قد ما محتاجين اللمه

مستنى اشوف ردكم

من طرف sway الأربعاء فبراير 11, 2009 4:01 pm

أنا عن نفسى معنديش مانع بس القناطر دلوقتى بقت وحشة جداً انا كل إللى بيروحها بيرجع ندمان إنه راح هناك وبيقولى بقت وحشة أوى
بصراحة أنا مرحتهاش من لما كان عندى حوالى 8 سنين ولا حاجة فمش عارف بصراحة بقت عاملة إزاى
المهم أنا موافق على المبدأ إننا نطلع مهما كان المكان يعنى الأزهر برضة أوك مفيش مشاكل أنا بحبها جداً

من طرف Aya abd el-rahman الأربعاء فبراير 11, 2009 9:29 pm

انا مش معاكم في حوار القناطر ده...انت عارف يا محمد مشكلتي مع المراكب اللي بتمشي في الميه...مش بعيد تلاقيني صوت ولميت الناس عليكم...مفيش مشكلة في الازهر بارك...ولو اني متعقدة منها من المرة اللي فاتت...بس يللا بقى...انا الكبيرة بردو...

من طرف greatpharaoh111 الأربعاء فبراير 11, 2009 11:22 pm

اوك بناءا على رد باسم وايه

يبقى كدة الازهر بارك

والجمعة اللى انا قلت عليها مش هاتنفع

اما اننا نخليها الجمعة اللى جاية دى على طول

او نخليها تالت جمعة اللى هاتكون 27 فبراير

من طرف sway الخميس فبراير 12, 2009 10:59 am

أنا مش فارقة معايا مدام يوم جمعة يبقى بيس

المهم يلا يا شباب عايزين المنتدى كله يتلم فى اليوم ده

من طرف boosy الخميس فبراير 12, 2009 5:01 pm

هو انت بتتكلموا علي الجمعه بتاعت بكره ديه ولا ايه
عموما شوفوا امتي بالظبط وقولولي ولو هاننزل كده احنا الاربعه يبقي نخليها متاخر شويه
يعني مش لازم من الصبح ونضي اليوم مع بعض
وانا عجباني فكره الازهر ديه
اما حكايه القناطر انا عمري مرحتها اصلا ومعرفش اصلا اروحها ازاي

من طرف greatpharaoh111 السبت فبراير 21, 2009 12:09 am

السلام عليكم ورحمة الله وبركاته

دلوقتى اغلب الناس والحمد لله وافقت على معاد يوم الجمعة اللى جاى

اللى هايوافق ان شاء الله يوم 27 فبراير

المهم اغلب الناس برو وافقو على الازهر بارك

وناس كتير مش عايزة دريم

وعليه.....

ان شاء الله احنا هانتلم يوم الجمعة اللى جاى فى الازهر بارك

بعد الصلاه تقريبا

يلا هاستنى تاكدو عليا تانى مين جاى معايا

من طرف greatpharaoh111 السبت فبراير 21, 2009 11:23 pm

ايييييييييييييييييييييييييييييييييييييييييييييية

انتو فييييييييييييييييييييييين

ما حدش رد عليا ليه يا بشر ؟؟؟؟؟؟؟؟؟؟؟؟؟؟؟؟؟

من طرف emy saleh الأحد فبراير 22, 2009 11:38 am

سوري يامحمد انا مش هعرف انزل يوم الجمعة
omg

من طرف Eman Said الأحد فبراير 22, 2009 2:39 pm

معلش يا محمد انا مش معاكو للاسف
لو كان فى الكلية كان ممكن

بس اكيد هتبقى وحشة من غيرى Embarassed

من طرف همسه الإثنين فبراير 23, 2009 8:10 pm

انا موافقه ان شاء الله

وكمان نفين موافقه وفاطمه وصفاء ونسمه ورشا وإيمان

و

من طرف greatpharaoh111 الثلاثاء فبراير 24, 2009 7:59 pm

كويس جدااااااااااااااااااااااااا

الناس دى انا نفسى اشوفهم جدا بجد

ياريت الناس الباقية ترد علينا

معادنا يوم الجمعة الجاية ان شاء الله فى الازهر بارك

بعد الصلاة

ياريت باقى الناس ترد وتقول جاية ولا ايه النظام

من طرف dina saied الثلاثاء فبراير 24, 2009 9:06 pm

للاسف انا ايه .......
مش هينفع عندى طبعا عامة " تروحوا وتيجوا بالسلامه

من طرف نوفا الأربعاء فبراير 25, 2009 12:20 am

السلام عليكم:-
ياريت يادينا وايمان تحاولوا تيجوا ان شاء الله
وبلاش حكايه يامحمد بعد صلاه الجمعه خليها الصبح بدرى وان شاء الله نبقى نصلى صلاه الجمعه هناك كلنا
مش عارفه ايه رايكم؟

من طرف greatpharaoh111 الأربعاء فبراير 25, 2009 4:29 pm

السلام عليكم ورحمة الله

انا مبسوط من تفاعل الناس بجد

وبجد نفسى نتلم كلما سوا بقى زى زمان

اغلب الناس هاتبقى شغالة الخميس وراجعة متاخر

او هايبقى يوم جمعة وهاتصحى على مهلها

المهم احنا اتفقنا فى الاخر على راى نيفين اللى ما نقدرش نكسر كلامها ابدا

احنا هانصلى الجمعة هناك وننطلق بعدها ان شاء الله

واحب اقولكم ان فى ناس كتير جاية ان شاء الله

لسة قردش قافل معايا وقالى انه جاى هو ومحروس ان شاء الله

ولسة فى ناس كتير جاية ان شاء الله بس لسة ما اكدتش عليا