يوميات الشاب العاطل
friends2008 :: ادب :: روايات وقصص
صفحة 1 من اصل 1
يوميات الشاب العاطل
كلنا بنسمع عن مشكلة البطالة فى مصر ومفيش بيت تقريبا فى مصر الا وعنده شاب عاطل المهم انا فكرت ازاى يكون يوم العاطل ومن هنا لاقيت شخصية ممكن نتكلم عنها شاب زى الفل معاه بكالويوس تجارة بتقدير مقبول واسمه محروس ونشوف ازاى اخينا ده عايش يومه .
قوم بقى يا محروس المغرب اذن انت هتفضل نايم لحد امتى (ده كلام خالتك سعدية ام محروس)
يووووووووووه هو الواحد ميعرفشى ينام شوية فى البيت ده. تعبان يا ناس نايم وش الفجر (طبعا ده محروس بيه)
وبعدين بعد شد وجذب بين محروس وامه خالة سعدية يقوم المحروس من العين محروس عشان ياخد دش وياكل لقمة ويلحق يروح يقعد على القهوة اللى فى اول الشارع.
مش عارف البنات هيفضلوا يضيقوا فى البناطيل بتاعتهم دى لحد امتى (ده عباس صديق محروس على القهوه لما شاف مديحة بنت الاستاذ راضى مدرس التاريخ)
سيبهم ياعم خليهم يلبسوا المحذق والملذق خلينا نتفرج يعنى لا هيبقى جواز ولا حتى فرجة (ده بقى سعيد جار محروس وصديقه الانتيم)
احلوا احلوا شوفوا بقى مين اللى هيجوزكم ( رد محروس)
المهم والرجالة محروس وسعيد وعباس قاعدين على القهوة يتفرجوا على اللى رايحة واللى جاية سمعوا الاستاذ عبد الباسط الموظف فى الحكومة بيتكلم مع الاستاذ محمدى الموظف فى الحكومة بردو
يا اخى التليفزيون والجرايد ملهاش سيرة الا عن 30% اللى قال عليهم الريس فى عيد العمال (ده الاستاذ محمدى)
سيب ياعم الشعب يهيص شوية ربنا يخلى الريس للناس الغلابة (رد عليه الاستاذ عبد الباسط)
بس تفتكر الحكومة هيجيب الفلوس دى منين انا سمعت يا محمدى ياخويا ان العلاوه دى هتتكلف مليارات والدولة بتاعتنا يادوب على قد حالها.
رد محمدى: اكيد هيخصخصوا ويبيعوا شوية حاجات.
عبد الباسط: هو لسه فيه حاجة لسه متباعتشى؟
محمدى: طيب هيجيبوا الفلوس دى منين
وبعدين سكتوا الاتنين وبصوا لبعض شوية وكان تفكيرهم فى حاجة واحدة وهى
اكيد هيغلوا الكهربا والتليفون والنظافة وينزلوا الضرايب العقارية على الشقق.
وبعدين قالوا فى صوت واحد يعنى اللى هناخدوا باليمين هندفعوا بالشمال وسلملى على العلاوه و30%
بعدها بص سعيد لمحروس وقاله: ياترى هيجى اليوم وناخد احنا كمان علاوة
رد عليه محروس: مش لما نعرف يعنى ايه علاوه الاول !!!!!!!!!!!!!!!!
الحلقة الثانية
بعد ما قام محروس من على القهوة راح يدور على مكان يقضى فيه باقى السهرة فكر يروح لرامى جاره
( ورامى ده يبقى جار محروس ومخلص كلية حاسبات ومعلومات بس زيه زى معظم شباب مصر عاطل ومش معاه واسطة عشان يشتغل ففكر انه يشترى كام جهاز كمبيوتر ويفتح محل نت كافيه او سابير زى ما كل الناس بتسميه)
قعد محروس مع رامى فى المحل يسهر معاه شوية ويدردشوا سوا
محروس: ايه اخبارك يا رامى ؟ واخبار المحل ايه؟
رامى: الحمد لله اهى ماشية . ياريت انت كمان يا محروس تفكر فى مشروع تعمله عشان زى مانت عارف الشغل دلوقتى بقى كله بالواسطة واحنا غلابة والغلابة اللى زيينا معاهم ربنا.
محروس: وحتى لو فكرت فى مشروع هجيب فلوس منين؟ ولو استلفت فلوس المشروع هلاقى حاجة اسمها التراخيص والضرايب والتامينات والكهرباء والنظافه وبلاوى كتير اصل الحكومة بتاعتنا مش شاطره الا على الغلابة انما الناس اللى فوق مش بتقدر عليهم نظام مشى حالك حالك يمشى.
رامى: ازاى ياعم انت مش بتسمع ان الحكومة بتساعد الشباب انهم يعملوا مشاريع عشان تقلل نسبة البطالة فى البلد
محروس: هو انت بتصدق الكلام ده؟
رامى: ايوه يابنى هى دى الحقيقة صدقنى
ويادوب رامى لسه مخلص كلامه الا وعربية بوكس وقفت قدام المحل ونزل منها ضابط وكام مخبر
الظابط: مين صاحب المحل؟
رامى: انا ياباشا
الضابط: معاك ترخيص ياله؟
رامى: انا لسه ياباشا فاتح من اسبوع ولسه بحضر ورق التراخيص
الظابط: انت هتستهبل ياروح امك
رامى: ياباشا انا مهندس ومعايا بكالويوس حاسبات ومعلومات
الظابط: مهندس هناك عند امك مش عليا
الظابط قال للمخبرين هاتوه راحوا رموا رامى فى البوكس وحرزوا الاجهزة وشمعوا المحل بالشمع الاحمر.
بعدها عرف محروس ان دى اسمها مباحث المصنفات ورامى هيبات فى الحجز لحد لما يتعرض تانى يوم على النيابة عشان يتعمله قضية مصنفات.
مشى محروس باليل فى الشارع وهو مروح على بيته يغنى:
لما تلاقى المصنفات داخلة عليك
والظابط والمخبرين بيلطشوا فيك
يبقى انت اكيد اكيد فى مصر
يبقى انت اكيد اكيد فى مصر
اكييييييييييييييييييييييييييييييييد فى مصر !!!!!!!!!!!!!!!!!!!!!!!!!!!!!!!!!!!!!!</
البقيه تأتي
الحلقه الثالثه
النهاردة وزى كل يوم محروس هو و شلة اصحابه العاطلين قاعدين على القهوة كالعادة وده بعد انضمام رامى للشلة بصفته بقى عاطل هو كمان.
لاحظ سعيد ان القهوة النهاردة زحمة
سأل سعيد: ليه القهوة زحمة يعنى النهاردة؟
محروس: اكيد فيه دفعة جديدة اتخرجت من الجامعة وانضمت لطابور العاطلين فى مصر.
سعيد: دفعة جديدة ايه بس يا محروس احنا لسه فى شهر مايو يعنى لسه الناس هتمتحن.
رامى: يمكن مباحث المصنفات شمعت كام محل والشباب رجع عاطل تانى زى حالاتى.
محروس: هو يعنى البلد كلها فاتحة سابيرات نت.
سعيد: اكيد فيه سر واحنا لازم نعرفه.
وفجاة وهما قاعدين يبفكروا فى اللغز الكبير ده دخل عليهم صاحبهم العاطل بردو عباس بالخبر الرهيب
عباس: عرفتوا اللى حصل?
محروس: مفيش سلامو عليكو؟ يعنى ايه اللى حصل ومخليك جاى تجرى اوى كده؟
عباس: انت نايم على نفسك مش شايف القهوة زحمة ازاى؟
سعيد: شايفيين ياعم المنظار وكنا لسه بنسأل بعض دلوقتى قبل ماتنزل سيادتك علينا زى البراشوت كده.
عباس: انا هقولك بقى ليه.
رامى: ليه ياعباس؟
عباس: اصل العيال اللى كانت شغالة فى شرم الشيخ كلهم اترحلوا امبارح بالليل.
محروس: اترحلوا؟ ليه؟
عباس: بيقولوا الريس هناك وبتاع امريكا ده اللى اسمه بوش والدنيا مقلوبة هناك.
رامى: ودول بيعملوا هناك ايه ياخويا؟
عباس: الريس عامل مؤتمر وعازم فيه ناس مهمة اوى فى العالم.
محروس: مؤتمر؟ مؤتمر ايه يعنى؟
عباس: انا سمعت امبارح فى النشرة ان اسمه مؤتمر دابوس.
سعيد: دبوس؟ دبوس حشيش يعنى ولا ايه؟
وضحكوا كلهم اوى
محروس: يمكن ريس المؤتمرعازم بوش عشان يحشش هنا فى شرم يمكن يتسطل ويرجع لنا المعونة تانى.
رامى: وايه ذنب الناس اللى بتشتغل هناك انهم يتبهدلوا ويترحلوا كده هما شاطرين يقولوا انهم بيحلوا ازمة البطالة فى مصر وبيوفروا فرص عمل.
عباس: يابنى ماهو المؤتمر ده سياسة بردو.
محروس: وشرم الشيخ هيا بقى الغرزه اللى بيحششوا فيها؟
سعيد: والدنيا كلها قايمة على دبوس حشيش؟
محروس: لا ياعم دى اكيد تربة بس عشان الناس متاخدشى بالها بيقولوا دا دبوس.
رامى: ولما الريس عايز يعزم الناس تحشش هنا مايبنى له قلعة فى حتة بعيدة مفيهاش ناس عايزة تاكل عيش.
سعيد: متزعلشى نفسك اوى كده ياعم رامى ماهى شرم الشيخ مفيهاش قلعة واحدة دا النسوان كلها قالعين.
وكالعادة ضحك الجميع بس مش من قلبهم ده من غلبهم
قوم بقى يا محروس المغرب اذن انت هتفضل نايم لحد امتى (ده كلام خالتك سعدية ام محروس)
يووووووووووه هو الواحد ميعرفشى ينام شوية فى البيت ده. تعبان يا ناس نايم وش الفجر (طبعا ده محروس بيه)
وبعدين بعد شد وجذب بين محروس وامه خالة سعدية يقوم المحروس من العين محروس عشان ياخد دش وياكل لقمة ويلحق يروح يقعد على القهوة اللى فى اول الشارع.
مش عارف البنات هيفضلوا يضيقوا فى البناطيل بتاعتهم دى لحد امتى (ده عباس صديق محروس على القهوه لما شاف مديحة بنت الاستاذ راضى مدرس التاريخ)
سيبهم ياعم خليهم يلبسوا المحذق والملذق خلينا نتفرج يعنى لا هيبقى جواز ولا حتى فرجة (ده بقى سعيد جار محروس وصديقه الانتيم)
احلوا احلوا شوفوا بقى مين اللى هيجوزكم ( رد محروس)
المهم والرجالة محروس وسعيد وعباس قاعدين على القهوة يتفرجوا على اللى رايحة واللى جاية سمعوا الاستاذ عبد الباسط الموظف فى الحكومة بيتكلم مع الاستاذ محمدى الموظف فى الحكومة بردو
يا اخى التليفزيون والجرايد ملهاش سيرة الا عن 30% اللى قال عليهم الريس فى عيد العمال (ده الاستاذ محمدى)
سيب ياعم الشعب يهيص شوية ربنا يخلى الريس للناس الغلابة (رد عليه الاستاذ عبد الباسط)
بس تفتكر الحكومة هيجيب الفلوس دى منين انا سمعت يا محمدى ياخويا ان العلاوه دى هتتكلف مليارات والدولة بتاعتنا يادوب على قد حالها.
رد محمدى: اكيد هيخصخصوا ويبيعوا شوية حاجات.
عبد الباسط: هو لسه فيه حاجة لسه متباعتشى؟
محمدى: طيب هيجيبوا الفلوس دى منين
وبعدين سكتوا الاتنين وبصوا لبعض شوية وكان تفكيرهم فى حاجة واحدة وهى
اكيد هيغلوا الكهربا والتليفون والنظافة وينزلوا الضرايب العقارية على الشقق.
وبعدين قالوا فى صوت واحد يعنى اللى هناخدوا باليمين هندفعوا بالشمال وسلملى على العلاوه و30%
بعدها بص سعيد لمحروس وقاله: ياترى هيجى اليوم وناخد احنا كمان علاوة
رد عليه محروس: مش لما نعرف يعنى ايه علاوه الاول !!!!!!!!!!!!!!!!
الحلقة الثانية
بعد ما قام محروس من على القهوة راح يدور على مكان يقضى فيه باقى السهرة فكر يروح لرامى جاره
( ورامى ده يبقى جار محروس ومخلص كلية حاسبات ومعلومات بس زيه زى معظم شباب مصر عاطل ومش معاه واسطة عشان يشتغل ففكر انه يشترى كام جهاز كمبيوتر ويفتح محل نت كافيه او سابير زى ما كل الناس بتسميه)
قعد محروس مع رامى فى المحل يسهر معاه شوية ويدردشوا سوا
محروس: ايه اخبارك يا رامى ؟ واخبار المحل ايه؟
رامى: الحمد لله اهى ماشية . ياريت انت كمان يا محروس تفكر فى مشروع تعمله عشان زى مانت عارف الشغل دلوقتى بقى كله بالواسطة واحنا غلابة والغلابة اللى زيينا معاهم ربنا.
محروس: وحتى لو فكرت فى مشروع هجيب فلوس منين؟ ولو استلفت فلوس المشروع هلاقى حاجة اسمها التراخيص والضرايب والتامينات والكهرباء والنظافه وبلاوى كتير اصل الحكومة بتاعتنا مش شاطره الا على الغلابة انما الناس اللى فوق مش بتقدر عليهم نظام مشى حالك حالك يمشى.
رامى: ازاى ياعم انت مش بتسمع ان الحكومة بتساعد الشباب انهم يعملوا مشاريع عشان تقلل نسبة البطالة فى البلد
محروس: هو انت بتصدق الكلام ده؟
رامى: ايوه يابنى هى دى الحقيقة صدقنى
ويادوب رامى لسه مخلص كلامه الا وعربية بوكس وقفت قدام المحل ونزل منها ضابط وكام مخبر
الظابط: مين صاحب المحل؟
رامى: انا ياباشا
الضابط: معاك ترخيص ياله؟
رامى: انا لسه ياباشا فاتح من اسبوع ولسه بحضر ورق التراخيص
الظابط: انت هتستهبل ياروح امك
رامى: ياباشا انا مهندس ومعايا بكالويوس حاسبات ومعلومات
الظابط: مهندس هناك عند امك مش عليا
الظابط قال للمخبرين هاتوه راحوا رموا رامى فى البوكس وحرزوا الاجهزة وشمعوا المحل بالشمع الاحمر.
بعدها عرف محروس ان دى اسمها مباحث المصنفات ورامى هيبات فى الحجز لحد لما يتعرض تانى يوم على النيابة عشان يتعمله قضية مصنفات.
مشى محروس باليل فى الشارع وهو مروح على بيته يغنى:
لما تلاقى المصنفات داخلة عليك
والظابط والمخبرين بيلطشوا فيك
يبقى انت اكيد اكيد فى مصر
يبقى انت اكيد اكيد فى مصر
اكييييييييييييييييييييييييييييييييد فى مصر !!!!!!!!!!!!!!!!!!!!!!!!!!!!!!!!!!!!!!</
البقيه تأتي
الحلقه الثالثه
النهاردة وزى كل يوم محروس هو و شلة اصحابه العاطلين قاعدين على القهوة كالعادة وده بعد انضمام رامى للشلة بصفته بقى عاطل هو كمان.
لاحظ سعيد ان القهوة النهاردة زحمة
سأل سعيد: ليه القهوة زحمة يعنى النهاردة؟
محروس: اكيد فيه دفعة جديدة اتخرجت من الجامعة وانضمت لطابور العاطلين فى مصر.
سعيد: دفعة جديدة ايه بس يا محروس احنا لسه فى شهر مايو يعنى لسه الناس هتمتحن.
رامى: يمكن مباحث المصنفات شمعت كام محل والشباب رجع عاطل تانى زى حالاتى.
محروس: هو يعنى البلد كلها فاتحة سابيرات نت.
سعيد: اكيد فيه سر واحنا لازم نعرفه.
وفجاة وهما قاعدين يبفكروا فى اللغز الكبير ده دخل عليهم صاحبهم العاطل بردو عباس بالخبر الرهيب
عباس: عرفتوا اللى حصل?
محروس: مفيش سلامو عليكو؟ يعنى ايه اللى حصل ومخليك جاى تجرى اوى كده؟
عباس: انت نايم على نفسك مش شايف القهوة زحمة ازاى؟
سعيد: شايفيين ياعم المنظار وكنا لسه بنسأل بعض دلوقتى قبل ماتنزل سيادتك علينا زى البراشوت كده.
عباس: انا هقولك بقى ليه.
رامى: ليه ياعباس؟
عباس: اصل العيال اللى كانت شغالة فى شرم الشيخ كلهم اترحلوا امبارح بالليل.
محروس: اترحلوا؟ ليه؟
عباس: بيقولوا الريس هناك وبتاع امريكا ده اللى اسمه بوش والدنيا مقلوبة هناك.
رامى: ودول بيعملوا هناك ايه ياخويا؟
عباس: الريس عامل مؤتمر وعازم فيه ناس مهمة اوى فى العالم.
محروس: مؤتمر؟ مؤتمر ايه يعنى؟
عباس: انا سمعت امبارح فى النشرة ان اسمه مؤتمر دابوس.
سعيد: دبوس؟ دبوس حشيش يعنى ولا ايه؟
وضحكوا كلهم اوى
محروس: يمكن ريس المؤتمرعازم بوش عشان يحشش هنا فى شرم يمكن يتسطل ويرجع لنا المعونة تانى.
رامى: وايه ذنب الناس اللى بتشتغل هناك انهم يتبهدلوا ويترحلوا كده هما شاطرين يقولوا انهم بيحلوا ازمة البطالة فى مصر وبيوفروا فرص عمل.
عباس: يابنى ماهو المؤتمر ده سياسة بردو.
محروس: وشرم الشيخ هيا بقى الغرزه اللى بيحششوا فيها؟
سعيد: والدنيا كلها قايمة على دبوس حشيش؟
محروس: لا ياعم دى اكيد تربة بس عشان الناس متاخدشى بالها بيقولوا دا دبوس.
رامى: ولما الريس عايز يعزم الناس تحشش هنا مايبنى له قلعة فى حتة بعيدة مفيهاش ناس عايزة تاكل عيش.
سعيد: متزعلشى نفسك اوى كده ياعم رامى ماهى شرم الشيخ مفيهاش قلعة واحدة دا النسوان كلها قالعين.
وكالعادة ضحك الجميع بس مش من قلبهم ده من غلبهم
boosy- مشرف
-
Instant Message : اللهم استرنا فوق الارض وتحت الارض ويوم العرض عليك
عدد الرسائل : 2888
تاريخ الميلاد : 02/06/1987
العمر : 36
نقاط : 6497
النجوميه : 6
الاسم : semsem
القسم : micro-chemistry
تاريخ التسجيل : 14/11/2008
friends2008 :: ادب :: روايات وقصص
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الإثنين سبتمبر 17, 2012 12:59 pm من طرف rafprof
» أول مره اعرف ان الوضوء معناه كدا !!
السبت يناير 22, 2011 7:08 pm من طرف dina samir
» امتى الست تبقى عبيطة ؟؟؟
الثلاثاء يناير 11, 2011 1:48 pm من طرف Ahmed Fouad
» انتا ليه مش بتمسك ايدي ،؛،
الجمعة نوفمبر 26, 2010 1:55 pm من طرف HEMA
» سر جميل يعينك ع القيام لصلاه الفجر
الجمعة نوفمبر 12, 2010 7:40 pm من طرف dina samir
» عيد اضحى مبارك لجميع اعضاء المنتدى
الجمعة نوفمبر 12, 2010 7:39 pm من طرف dina samir
» فلسفـــــة حمــــــار
السبت أكتوبر 30, 2010 10:40 pm من طرف dina samir
» العجيبة ........اتقوا الله.
الأربعاء أكتوبر 06, 2010 11:36 pm من طرف dina samir
» أتعلمون ماهي المرأة ؟؟؟؟
الجمعة أكتوبر 01, 2010 8:09 pm من طرف dina samir
» عبر عن احساسك بكلمه
الجمعة أكتوبر 01, 2010 2:09 pm من طرف همسه
» عيد فطر سعيد
السبت سبتمبر 18, 2010 12:41 pm من طرف the precious
» الموسوعة البريطانية المصورة للعلوم (16 مجلد)
السبت يوليو 10, 2010 4:59 pm من طرف islam
» المرأة ما يتبلّش في بقها فولة!! ( كلام علمي )
الإثنين يوليو 05, 2010 8:23 pm من طرف dina samir
» ما يبكيك ياعمر
الإثنين يوليو 05, 2010 8:17 pm من طرف dina samir
» المطر الحمضى
الأحد يوليو 04, 2010 11:22 am من طرف the precious
» كيف تعرف ان هناك من يفكر فيك في هذه اللحظة علم الباراسيكولوجى
الأربعاء يونيو 30, 2010 6:51 pm من طرف islam
» فين الناس فين الناس الاعضاء راحوا فين
السبت مايو 29, 2010 10:56 pm من طرف dina samir
» أ سئله حلوووووووه عايزه الإجابات بصراحه
السبت مايو 15, 2010 7:32 pm من طرف همسه
» عبر عن احساسك بأغنيه
السبت مايو 15, 2010 7:19 pm من طرف همسه
» سئلة صريحه , حزينه , جريئه , عاطفيه , مؤلمه ... تعال وجواب بس بصرررررراحه اتفقنا :
السبت مايو 15, 2010 6:31 pm من طرف همسه
» اختار رقم وشوف حظك
الأربعاء مارس 31, 2010 9:56 pm من طرف dina samir
» الأبراج
السبت فبراير 27, 2010 8:29 pm من طرف همسة حب
» المنتدى وحشنى جدا ووحشنى كل الناس اللى فيه
الجمعة فبراير 12, 2010 7:18 pm من طرف islam
» إذا أرسلت هذا الدعاء لكل من عندك فكل من قرأ هذاالدعاء هناك ملك يقول ولك مثل أجره
الإثنين فبراير 08, 2010 9:14 am من طرف dina samir
» عـــــــــــــــــــــــــــــــلامات الحـــــــــــــــــــــــــــــــــــــــب و الكــــــــــــــــــــــــــــــــــره
الجمعة يناير 08, 2010 10:08 pm من طرف the precious
» شخصيتك من رنه تليفونك
الثلاثاء يناير 05, 2010 11:13 pm من طرف همسه
» نفسك فى ايه يحصل للك فى عام 2010 ادخل واتمنى ؟
الثلاثاء يناير 05, 2010 11:10 pm من طرف همسه
» بابا نويل.......
الثلاثاء يناير 05, 2010 11:02 pm من طرف همسه
» يااارب سنة سعيدة علينا كلنا
الثلاثاء يناير 05, 2010 10:53 pm من طرف همسه
» حكاية الديك
السبت يناير 02, 2010 1:12 pm من طرف the precious