المــسابــــــــقـــــــــه 2

من طرف Admin الجمعة سبتمبر 05, 2008 7:23 pm

المسابقه 2
اهلا بيكوا معانا يا جماعه في المسابقه الجديده
ياريت المره دي الناس كلها تشارك ...عشان بصراحه المره اللى فاتت في ناس نفضت كتير وكنت عايز اكتب اسمهم بس مرضتش
المهم :نخش عالمسابقه
اولا المسابقه ملهاش اي شروط
ثانيا ..زي مانتو عارفين جوايز المسابقه معنويه مش ماديه وهى كالاتى زي ماقولنا المره اللى فاتت
1 – رتبه خاصه بالفايز اسمها العضو الذهبي
2 – الفايز هيتكتب اسمه في الصفحه الرئيسيه
3- توقيع للفايز ياريت يعجبه
ثالثا...الاجابات برضو زي ما قلنا هتتبعت في رساله خاصه عن طريق المنتدى لل admin اللى هو انا
وممنوع كتابة اى اجابات في الردود....الردود للاستفسارات والاسئله بس
اسئلة المسابقه
1- ما اسم عميد كليتنا دلوقتي؟
2- في اي سنه تم انشاء كلية العلوم جامعة عين شمس؟
3-دكتور اتجوز محاميه وخلفو ولد يسموه ايه(من مواضيع المنتدى)؟
4- ما الشئ الذي كلما زاد نقص؟
5- كم استمرت حرب المائة عام؟
6- ما هي اقوى عضله في جسم الانسان؟
7- كان نبيا وابنه كافر..من هو؟
8- من هو الصحابي الذي قيل ان الجنه تشتاق اليه اكتر من اشتياقه لها؟
9- كم تبلغ نسبة النيتروجين في الهواء الجوى؟
10- ايه اكتر المواضيع اللى كان فيها ردود في المنتدى(لحد النهارده 5 سبتمبر)؟

اظن بقى ان الاسئله دي مش صعبه.......فياريت الناس كلها تشارك وتبعت اجاباتها
المسابقه هتستمر من النهارده ولمدة 3 الى 4 ايام قادمه.......وبعد كده هنعلن اسم الفايز
ياريت لو حد عنده اي سؤال او استفسار يكتبه في الردود.....ولاخر مره ممنوع وضع اي اجابات في الردود
شكرا ليكو

من طرف Admin الجمعة سبتمبر 05, 2008 11:29 pm

شوية حركه يا رجاله ....البنات احتلوا المسابقه
يارب تفهموني

من طرف Admin الأحد سبتمبر 07, 2008 1:16 pm

شكرا للناس اللى بعتت لغاية دلوقتى
وياريت باقى الناس تبعت....عشان كلها يومين وهنعلن الفايز
ان شاء الله بكره هكتب اسماء الناس الى بعتت اجابات ....عشان لو في حد بعت ورسالته موصلتنيش يعرف...ويحاول يبعت تاني
وبرضو عشان الناس اللى مبعتتش تعرف نفسها