لو عندك نصيحه او سؤال ادخلى واكتبى

من طرف robaraf السبت سبتمبر 20, 2008 4:29 am

انا قولت افتح الحوار معاكوا واكتب نصيحه انا جربتها
لو جاتلك خروجه فاجئه وحاسه ان بشرتك مش نضرة او مش فاتحه جيبى ملعقه سكر وقطرات ماء وبلى السكر شويه بس ماتدوبيش السكر وخديه وافركى بيه وجهك كويس ده يعتبر صنفره قويه هينضف بشرتك ويزيل الخلايا الميته وهيشيل الرؤوس السودا وهتحسى ان بشرتك بقت فاتحه وصدقونى انا جربتها لما حماتى جات عندى ومكنتش حاطه بودرة او اى مكياج وقالت لخطيبى انى كنت قمر اوى بالرغم انى مش حاطه مكياج
جربى وصدقينى مش هتحتاجى انك تحطى بودرة

من طرف robaraf السبت سبتمبر 20, 2008 4:35 am

حاجه كمان لو عايزة تقللى من نمو الشعر، بعد استخدام اى وسيله على طول ادخلى واغتسلى بصابونه ويفضل صابونه بزيت الزيتون وخلى الرغوة وحطى ملح وافركى الجلد لو بشرتك حساسه ماتفركيش اوى واغتسلى بالماء ،صدقينى انا جربتها

من طرف robaraf الأحد سبتمبر 21, 2008 12:34 am

لو مش عندك بودرة وجه ماركه, استخدمى بودرة تالك بتاعه الاطفال
بعد ما تضعى كريم للوجه بفرشه توزيع البودرة استخدميها لتوزيع بودرة التالك

ومن فوائدها انها مش هتأثر على بشرتك بشكل مضر فى المستقبل وانها هتحمى بشرتك من اتربه الجو ومعظم بنات لبنان بيستخدموها

من طرف robaraf الأحد سبتمبر 21, 2008 12:39 am

لو بشرتك دهنيه وعايزة تقللى الدهون
جيبى 2كوب ماء واعصرى ليمونه وكل صبح بقطنه طبيه بليها بالمحلول ده وامسحى على المناطق الدهنيه عندك
دى متجربه وحلوة اوى

ورجاء لبنات المنتدى لو ليكى طقوس يوميه فى اى حاجه من اهتمام للبشرة الى اخره
ياريت تكتبيها لينا عشان تفيدينا ولو عندك اى سؤال ومحيرك اكتبيه وصدقنى قتلاقى اجابته هنا

من طرف robaraf الأحد سبتمبر 21, 2008 12:53 am

انا عندى سؤال يا رب حد يعبرنى
ازاى بتتعمل الكريمه اللبانى او الفريش كريم؟

من طرف نوفا الأربعاء سبتمبر 24, 2008 3:14 am

بجد والله يارحاب مش عارفه بس كل الى اعرفه ان الكريمه اللبانى هى القشطه البلدى العاديه

بتجيبها عادى من عند اللبان
او تجيبى من السوبر ماركت قشطه حامضه sour cream وتعملى بيها

بس هوده الى اعرفه
جزاكى الله خير على ماتقدميه