انتا ليه مش بتمسك ايدي ،؛،

من طرف boosy الجمعة مايو 22, 2009 8:22 pm

،؛، Friends ،؛،

" أنت ليه مش بتمسك إيدي وإحنا ماشيين في الشارع؟ "
"لأ بلاش...افرضي حد من قرايبك شافنا؟ والا حد من أصحاب أخوكي في الكلية؟ إن
شاء الله يا حبيبتي بكره نتخطب وامسك إيديكي ادام الدنيا كلها ".

.

،؛، Engaged ،؛،

"أنت ليه مش بتمسك إيدي وإحنا ماشيين في الشارع؟"

"علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين
بصراحة كده أنا مستحرم...إن شاء الله بكره نتجوز وامسك إيدك وإنتي مراتي
حبيبتي في الحلال".

.

،؛، Married ،؛،

"أنت ليه مش بتمسك إيدي وإحنا ماشيين في الشارع؟"

"يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين
متجوزين ومحترمين وعندنا بيت نعمل فيه اللي عاوزين نعمله".

.

،؛، Married with Children ،؛،

"أنت ليه مش بتمسك إيدي وإحنا ماشيين في الشارع؟"

"يعني امسك إيدك والا امسك إيد البنت والا اشيل الأكياس دي كلها؟!"

.

،؛، Married for 25 years ،؛،

"أنت ليه مش بتمسك إيدي وإحنا ماشيين في الشارع؟"

"إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا
وخرفنا؟!"

من طرف greatpharaoh111 السبت مايو 23, 2009 12:44 pm

فكرتينى بــــــ ((( ما تسيبيه يمسكها يا فوزية )))

بس برضة ما عرفناش السبب ايه انه مش عايز يمسك ايدها ؟؟؟؟؟؟؟

Smile

من طرف نوفا السبت مايو 23, 2009 8:26 pm

هو واضح انه قرفان منها ومن ايدها
هههههههههههههههههههه
حلوه اوى يابوسى

من طرف boosy السبت مايو 23, 2009 10:40 pm

اهي نوفا قلتلك السبب يا شحاته
ههههههههههههههههههههههههه
وكمان ده كل الولاد بيقولوا كده تفتكر ليههههههههههههههههههههههههههههههههههه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مش انت ولد جاوب بقي