مجلة friends2008

من طرف the precious الإثنين نوفمبر 24, 2008 4:02 pm

مجلة friends2008

ان شاء الله يا جماعه زى ما باين من العنوان...قريب جدا جدا هتنزل مجلة friends2008 وبجد دى هتبقى نقله حلوه اوى وللمنتدى يعنى ان شاء الله كده شويه كمان ونبقى مؤسسة
المهم...المجله دى على فكره بقالنا شهر وهى فى دماغنا وبنحاول نظبط فيها ...وفى افكارها لحد ما توصلنا للشكل الى ان شاء الله هتشوفوه
ميعاد نزول المجله ان شاء الله هيبقى الاسبوع الجاى بإذن الله بس ادعوا ان المشرفين يشدوا معايا شويه عشان طبعا من غيرهم مش هتتعمل المجله دى
المهم
احنا خلاص عملنا صفحة المجله وهى جاهزه لنزول المقالات والاخبار وباقى الميديا
هى ان شاء الله هتبقى زى صفحة المواقع الاخبار الشهيره او شبهها
هتكون متقسمه لأبواب او فئات كالتالى
1 – فى هذا العدد
دا هيبقى اول باب وهيبقى فيه مختصر لكل ما فى العدد
2 - كلمة العدد
دا هيبقى زى نص كلمة بتاع احمد رجب
3 – مقالاتنا
دا بقى ان شاء الله هيضم مقالات احنا عاملينها بإيدينا ....عن اى حاجه فى دماغنا مهما كانت ..بطريقتنا احنا واسلوبنا ولغتنا احنا...يعنى مش هيبقى فيه ابدا مواضيع مقتبسة...ولو في مقال مطروح للمناقشة فيهم ممكن نفتح باب التعليق فيه ...
4 – بطاقة تعارف
دا ان شاء الله فى كل عدد كده.. هننزل بواحد من اصحابنا ونعمله بطاقه حلوه كده فيها تقريبا كل حاجه عنه....وكمان هتكون معاها صورته (اذا وافق طبعا)
5 – مقالات من برا
دى هتبقى مقالات بقى لناس تانيه..يعني صحفيين وناس مشهوره ...المهم مقالات مش باعتنا وخلاص
7 – اخبارنا
دا بقى باب الفضايح...زاى حد عنده اى خبر عن اى حد هيبعتهولى بس وملوش دعوه ...انشالله حتى تكون حاجات تافهه وبسيطه
8 – اخبار من برا
دا هيبقى فيها اى اخبار عن اى حاجه

9 - حوار
دا واحد فينا هيتقمص فيه دور مذيع ...وهيعمل حوار مع واحد برضو فينا ..كأنه برنامج بالظبط وطبعا انتو هتساعدو المذيع فى الاسئله اللى هيسألها

طريقة المجله واسلوبها
دا بقى هيقى اسلوبنا وطريقتنا احنا...لانها حاجة بتعبر عننا و ان شاء الله هتعكس شخصيتنا
يعني ان شاء الله الاسلوب هيبقى سهل وبسيط ومش فيه اى تعقيد...بمعنى ان اللى هيتكتب هى بطريقة كأنك بتتكلم عادى مع اصحابك بالظبط...والمواضيع مش هتبقى معقده ...لا هتبقى ان شاء الله حاجات خفيفه حتى لو بنناقش مشكلة....بس ياريت تاخدوا بالكو من دى عشان انا هخليكو تنزلو بمقالاتكو فى المجلة
يارب الفكره تعجبكو ومستنى اى راي من اى حد
كمان فى حاجه مهمه
ياريت تكتبوا وتبعتولى خلال اليومين الجايين دول....فى اى حاجه تعجبكو....بس تكونوا محافظين على الاسلوب اللى انا قولت عليه...وانا ان شاء الله اللى هيبعتلى حاجه كويسه هنزلهالو فى اول عدد بإذن الله
ياريت متنفضوش يا شباب عشان نلحق ننجز
**كمان فى حاجات هنطلب رأيكو فيها عشان مقالاتنا ياريت تبقوا تساعدونا وليكو الاجر والثواب عند ربنا**
وان شاء الله هتلاقوا حاجه شديده جدا

من طرف emy saleh الإثنين نوفمبر 24, 2008 6:44 pm

فكرة جميلة اوووووووي يااحمد
وانا ان شاء الله لو عندي حاجة كويسة للمجلة هبقى ابعتها
thank u

على المجهود الجامد

من طرف rafprof الإثنين نوفمبر 24, 2008 7:07 pm

طبعا اعتقد ان احمد وضحلكوا ايه هى المجلة عشان فى ناس كتير مكنتش عارفة
انا بقى بقولكوا بالنسبة لموضوع الحوار اللى مع اى حد ده انا هقوم بيه ان شاء الله
واول عضو هيكون معايا فى الافتتاح هو احمد صلاح حبيبنا امال نضحى بمين يعنى
المهم بقى انا هسالوا بس مش لوحدى بمعنى ان اى حد فيكوا عايز يساله عن اى حاجة يبعتلى على الخاص اسئلته اللى هو عايز يسالهالوا اوان هسالهالوافى اول عدد ان شاء الله مستني اسئلتكوا على الخاص
ويارب نكون عملنالكوا حاجة حلوة يارب

من طرف sway الإثنين نوفمبر 24, 2008 11:02 pm

بجد هى فكرة جامدة ولو أنى كنت عاوز افهم هل اللى عنده موضوع كويس يبعتة لأحمد على الخاص وهو هينزلة؟؟؟؟؟؟؟؟؟؟؟؟؟؟؟ thank u

من طرف the precious الإثنين نوفمبر 24, 2008 11:31 pm

بالظبط يا مان
بس فى شروط للموضوع ده
يكون انت اللى عامله
يكون باسلوب الكلام العادى يعني مش يكون فيه تعقيد كغنك بتكلم اصحابك
يكون حاجه خفيفه كده وحلوه
واحنا ننزلها فى المقالات

وبجد انا عايز كل الناس تساهم معايا
اوك

من طرف greatpharaoh111 الثلاثاء نوفمبر 25, 2008 12:11 am

احنا معاك يا مان وطبعا اى حد عنده اى حاجة كويسة هايبعتهالك على طول يا مان

وكتر خيرك على المجهود بجد والله يا ابو صلاح

واحنا وراك يا باشا

من طرف sway الثلاثاء نوفمبر 25, 2008 12:25 am

كلنا وراك يا ابو صلاح go team

من طرف boosy الثلاثاء نوفمبر 25, 2008 1:20 pm

wlahy fekra to7fa
ana bgd mt7amslha awyyyyyyyyy
w ya3m ebtdy beya fe bta2et elt3arf hhhhhhhhhhhhhhhhhhhhhhhh
bs 3awza bta2a eh gmda a5er 7aga
Smile

من طرف rafprof الثلاثاء نوفمبر 25, 2008 1:28 pm

ايه يا شباب انا قولت انى هعمل حوار مع احمد صلاح اول حوار فى المجلة هيكون معاه
فياريت اللى عنده اسئلة يكتبها ويبعتهالى عل الخاص فى رسالة لو حد عنده اى اسئلة لاحمد عشان اعمل الحوار معاه وائلوا براحتكوا اوى اوى
مستنى اسئلتكوا

من طرف نوفا الثلاثاء نوفمبر 25, 2008 4:35 pm

السلام عليكم:-
بجد ماشاء الله المنتدى بيتقدم وبيكون فى صوره افضل كمان بجد شكرا على الاشخاص الى بيتعبوا فيه علشان يطلعوه كده ورغم ان بقالى كتير مكنتش دخلت ع المنتدى
بس بجد كنت حاسه والله ان فى حاجه نقصانى

وشكرا بجد

من طرف rafprof الثلاثاء نوفمبر 25, 2008 5:20 pm

شكرا ليكى يا نوفا واهم حاجة انك ممش تغيبى عن المنتدى تانى

من طرف the precious الثلاثاء نوفمبر 25, 2008 8:45 pm

بصوا انا معنديش دلوقتى غير حوالى 7 مواضيع (مقالات يعني)
والظاهر ان محدش ناوى يبعت حاجه
عالعموم هو عادى بس انا دخلت عشان اديكو حبة معلومات اكتر عن نظام المجلة عشان تبقوا على نور برضو
فى باب المقالات زى ما قولت هتبقى حاجا لينا بس عايز اقولكوا شروطها
1 - بالنسبة للاخبار:
اى حد عنده اى خبر اى فضيحه او اى حاجه حصلت مع حد صاحبنا يبعت وملوش دعوه....يعني ان شالله اصغر الحاجات...مثلا فلان كان زعلان امبارح عشان حصل كذا معاه او كان فرحان او اشتغل...وهكذا
2 - المقالات مش هيكون ليها ردود طبعا عشان يبقى فى فرق بين المنتدى والمجله..يعني ممكن ناخد اراء الناس ونكتبه فى الموضوع دا لو موضوع محتاج نقاش
3 - فى مقالات هيبقى مفتوح باب التعليق فيها...بس طبعا فى فرق كبير بين التعليق والرد...التعليق دا تقول رأيك ..من غير ما تشكر صاحب المقال...لو مش عايز تعلق فمن حقك تقرا الموضوع وتمشي عادى جدا...ومش كل المواضيع هيبقى مفتوح باب التعليق فيها
4 - اللى عايز يبعتلنا حاجه هو عاملها..زى ما قولنا:
تكون غير مقتبسه
تكون بأسلوب الكلام العادى ..مش عايزين تعقيد ...احنا اصحاب مع بعضينا يعني ملهاش لازمه الرسميات...يعني الفكره اللى فى دماغك اكتب فيها عاد ى وفضفض براحتك
المقال بقى يكون خفيف وغير مقتبس ولو مفتوح للمناقشه يبقى يكون صاحبه واخد رأي الناس وكاتبها فى نفس المقال
ان شاء الله هنقبل اى فكره...يعني محدش يحسب فكرته تفهه ويقول ل مش هبعت
اللى موضوعه مش هينزل ياريت مش يزعل ...كلنا هدفنا المصلحه اكيد

5 - بالنسبه لبطاقة التعارف
اول واحد هيكون فيها شحاته ان شاء الله ودى هتضم معلومات خفيفه اوى كده وكتيره فى نفس الوقت يارب تعجبكوا

6 - بالنسبه للحوار
الحوار الاول رفيق هيعمله معايا ان شاء الله....هو هيجهزلى اسئله كانه مذيع وانا هجاوب زى النجم....وعلى فكره انتو مش مجبرين تبعتوا اسئله للمذيع...بس هى بتبقى مساعده ليه مش اكتر...وكمان لو نفسكو تسألوا اى حاجه ممكن تبعتها وتتسئل على لسانه

اوك
اظن كدا انا وضحت كتير
ولما ينزل العدد الاول هيوضح نظام المجله اكتر
بجد انا عايز اوصلكو حاجه خفيفه بحيث متخنقكوش وفى نفس الوقت يكون فيها شغل عالى...بس باسلوبنا احنا...مش نقلد اى حد..احنا بجد نقدر نعمل اى حاجه بس كل واحد يخرج اللى عنده

اكيد فهمتونى كده بقى
صح
على خيرة الله

من طرف sway الثلاثاء نوفمبر 25, 2008 10:26 pm

ماشى يا أحمد باشا فهمنا وجارى الإرسال حول هههههههههههههه thank u

من طرف the precious الأحد نوفمبر 30, 2008 2:36 am

يا جماعه بالنسبة للمجلة
سورى والله عالتأخير
بس ان شاء الله بإذن الله هتكون موجوده عالاتنين ان شاء الله
دا لو مكنش الاحد بالليل اللى هو بكره يعني
معلش اعذرونا
وان شاء الله كل تأخيره وفيها خيره