حوار بين قيس وليلى عام 2050

من طرف حب العمر الأحد ديسمبر 14, 2008 2:50 pm

حوار بين قيس وليلى عام 2050

المكان:- فى خيمة
المنظر:- ليلى جالسة على الأرض وتنقى الأرز
(يدخل قيس)
ليلى
:- (
لقيس) قيس إبن عمى عندنا...يا مرحبا يا مرحبا
قيس:- كم جئت ليلى بأسباب ملفقة...ما كان أكثر أسبابى وعلاتى
ليلى:- (لقيس) ما تتكلم عربى يا مان
قيس:- حلاوتك بالعجوه...أبوكى فين يابت؟
ليلى:- ف السايبر
قيس:- يعنى أحنا هنا لوحدنا؟
ليلى:- والشيطان صايع
قيس:- أنا لا أفكر فى هذه الأمور...
ليلى:- ليه ياروح أمك....ما اشبهش البنات اللى انت ماشى معاهم
قيس:- مش العباره بس.....
ليلى:- (تقاطعه)وحياه أبويه يا قيس لو ما انعدلت معايا لأكون موّلعه ف خيمتك بصفيحة بنزين
قيس:- إهدئى يا ليلى( ويخرج من جيبه سيجارة كبيرة الحجم ويعطيها لليلي) مسائه نابت...إعمليلك سحابه دخان
ليلى:- (فى دهشة) أنت بتحشش يا قيس؟!!
قيس:- إضربى يا شيخه إضربى
ليلى:- ( تأخذ نفساً عميقاً من السيجاره) إيه البقسماط ده...دا مضروب يا حبة عينى
قيس:- بقسماط!!! إيش فهّمك إنتى فى الكيف....إنتى اَخرك تكركرى بالجوزه من غير معسل
ليلى:- (فى تحدى) طب إستنى ( وتتجه نحو الداخل)
قيس:- ( لليلى) رايحه فين؟
ليلى:- هجيبلك تربة حشيش (وتدخل)
الأب:- (يدخل الخيمة ويفاجأ بوجود قيس) قيس!!...هنا مع ليلى...وامصيبتاه...فلتمطرى صابون سايل أيتها السماء....(لقيس) إنت بتعمل إيه هنا ياله؟ !!!!!!!!!!!
قيس:- أنا كنت جايلك يا عمى عشان تيجى تصلح لنا السيفون....دانت شغلك اله..الواحد بعد كده يبقى يجيب سباك نضيف
الأب:- (فى إنفعال) أين ليلى...ليلى...ليلى
ليلى:- (تدخل وفى يدها تربة حشيش) أبى ...ماالذى أتى بك مبكراً...إنت مش قولت هتقد ساعتين؟

الأب؟- النت فصل...إيه اللى ف إيدك ده؟!!
ليلى:- دى تربة حشيش هديها لقيس تموين الشهر
الأب:- (فى ذهول) ياللعار!!...من أين أتيتى بها أيتها الفاجره؟
ليلى:- ماتخافشي يابا دا م التموين بتاعى....الحشيش بتاعك لسه بلفتٌه
الأب:- ( فى راحة نفسية) أة ..إذا كان كده معلش
ليلى:- ( تعطى الحشيش لقيس) خد يا قيس جرب الصنف دا واحكيلى
قيس:- (يأخد الحشيش)ليلى...بعدد الجوانات التى بضربها..وبعدد الأحجار التى قمت برصها وبعدد الأنفاس التى قمت بتسليكها...أشكرك بضمير
الأب:- (لقيس) بقولك أيه ياقيس .... إنت مش ناوى تتجوز ليلى قبل ما تخرج م الضمان
قيس:- وانت ترضهالى برضه يا أونكل؟
الأب:- خسئت...هات ياد تربة الحشيش اللى خدتها
قيس:- ( يعطيه الحشيش) إمسك ياعم إنت هتذل إمى بحتة الحشيش بتاعتك..لعلمك بقه الصنف اللى أنت فرحان بيه دا بيتباع فى الجمعيه مع اللحمه البرازيلى
الأب:- (لقيس) اسحب ياض سحب النجيل في قفاك
قيس:- تصبح على نقاله ياعمى ،، اشوفك في اخبار تسعه
الأب:- اطلع طلعت على ظهرك يا ...

من طرف greatpharaoh111 الأحد ديسمبر 14, 2008 3:33 pm

هههههههههههههههههههههههههههههههههههههههههههههههههههههه

ياااااااااااااه هى الدنيا فى سنة 2050 هاتبقى كدة

ياريت بس الواحد يحصلها علشان شكل الحشيش بتاعها جامد موووت

لا وايه ناس طيبين اوى يا خال

هههههههههههههههههههههههههههههههههه

جامد الموضوع يا مروة تسلم ايدك بجد