صباحوا كدب بانفراااااااااااااد تام

من طرف rafprof الثلاثاء ديسمبر 16, 2008 7:10 pm

السلام عليكم ورحمة الله وبركاتة

أزيكم ياجماعة انا عاوز احط لعبة قولت لازم يكون معايا لعبة تكسر الدنيا شوفو بقى اللعبة الحلوة دى

لعبتنا عبارة عن ان حد هيدخل يسال سؤال اى سؤال واللى بعدة يجاوب اجابة بعيدة عن الحقيقة تماما انا مش عاوز اقول يكدب لان اللى بيكدب بيروح النار هههههههه لكن نقول يجاوب اجابة بعيدة تماما عن الاجابة الحقيقة وممنوع الرد بالاجابة الحقيقة تماما يعنى خد راحتك وألف وقول اللى انت عاوزة اى حاجة بعيد عن الحقيقة بصراحة اللعبة دى شوفتها وعجبتنى اوى ع منتدى تانى قولت نجيبها هنا ونجربها سوا بس اوعو تتعلمو الكدب ياجماعة لاحسن نروح النار شلة دى مجرد لعبة مسلية هنجربها ونضحك شوية

يعنى مثلا

أنت فين دلوقتى؟
تبقى الاجابة
أنا فوق الهرم الكبير
وكدة يعنى فهمتو
اهم حاجة اوعى تجاوب بالحقيقة هى لعبة مسلية جدا ويلا نجرب سواوياجماعة اللى يجاوب لازم يسال اللى بعدو وهكذا

واسال اللى بعدى

عمرك كلت رز بلبن من غير لبن؟؟؟؟؟؟؟؟؟؟؟؟؟؟؟؟؟؟

من طرف rafprof الثلاثاء ديسمبر 16, 2008 7:12 pm

وكمان عايز اقولكوا ان فى اللعبة دى هنشوف مين اخف دم فى الرد وكمان مين اكتر واحد بيعرف يكدب بهزار مش بجد هاه

من طرف sway الثلاثاء ديسمبر 16, 2008 9:52 pm

طبعاً باكله كتير جداً عند أم مروة اللى فى الكلية و كمان إذا كان بالشعريه
ههههههههههههههههههههه
المهم أنا لسة مشربتش( الميه المبلولة )
بس بيقولوا إن طعمها جامد؟ ممكن حد يوصفهولى علشان يشجعنى إنى أشربها؟

من طرف boosy الثلاثاء ديسمبر 16, 2008 10:24 pm

ديه جامده جدا ازاي مشربتهاش
عارف كده لما تشربها تحس ان بوقك مبلول و كمان زورك
ولما بشربها مبعطش
هههههههههههههههههههههههههههه
جربها و ياسلام لو كانت مع رز بلبن ابو شعريه

عمرك انت شفت بيضه صفرا من غير صفار
لو املتها قولي بقي طعمها
هههههههههههههههههههههههههههههه

من طرف sway الأربعاء ديسمبر 17, 2008 12:18 am

طبعا عندى واحدة زميلتى بيضا أوى من غير صفار علشان صبغاه أحمر ههههههههههه

قصدى شعرها ههههههههههههههههههههههه

طب حد شاف (عيون القلب) لنجاة؟ صحيح كان لونها ايه؟

من طرف boosy الأربعاء ديسمبر 17, 2008 12:26 am

ههههههههههههههههههههههههههههههههههههههههههههههههه
كان لونها ازرق زي عنيه اصلها كانت سهرانه معايا امبارح

طب حد شاف بحر من غير ميه بس فيه موج

من طرف sway الأربعاء ديسمبر 17, 2008 12:39 am

أه كان بحر النجوم فيلم فاشل كدة بتاع البت هيفاء الميا نشفت لما هيفاء نزلت فيه هههههههههههههههههههههههههه

المهم ياترى الأعمى بيشم زينا كدة ولا من غير ريحة برضة؟

من طرف boosy الأربعاء ديسمبر 17, 2008 12:45 am

لا بيشم زينا بس انت اللي مبتشوفش زيه
ههههههههههههههههههههههههههههههههههههه

شفت النجوم في عز الظهر
انا شفتها كانت تحفه
لو شفتها قولي عامله ازاي

ههههههههههههههههههههههه

من طرف rafprof الأربعاء ديسمبر 17, 2008 12:47 am

اه انا شفت النجوم فى عز الظهر وبالامارة كان لونها احمر فى ازرق
مين قبل كده نط فى النيل؟

من طرف sway الأربعاء ديسمبر 17, 2008 12:53 am

أنا نطيت بس السوست اللى عاملينها جديد رجعتنى تانى على الشط

صحيح

هو إيه طعم بول الإبل؟ أصله علاج اليومين دول؟

من طرف rafprof الأربعاء ديسمبر 17, 2008 12:59 am

يعم انا قبل كده شربت بول ابل بس كان طعمه تحفه وكمان كنت بسقى بسكويت فيه
حد قبل كده دخل شرب لبن العصفور؟

من طرف sway الأربعاء ديسمبر 17, 2008 1:06 am

ماهو أنا كنت اساساً الرز بلبن اللى فى أول الصفحة كنت بعملة بلبن العصفور لحد ما العصفورة اللى عندى فطمت إبنها ومن ساعتها مش لاقى لبن؟؟؟؟؟؟؟؟؟؟؟؟؟
هههههههههههههههههههههه Smile

هو ليه صحيح الأرض كروية مش سينيمائية؟

من طرف rafprof الأربعاء ديسمبر 17, 2008 1:13 am

هقولك ليه اصل الارض زمان قبل ما انا وانت نتولد من حوالى سنتين كده
كان فى لاعب اسمه ابو تريكة بيلعب على الارض لحد مخلاها كروية
فين ايام ابوتريكة والزمن الجميل ده ايام السبعينات لماكان الواحد عنده سنتين وكان بيشوف كورة من عشر سنين بعد الاربعة التانين
حد فاهم حاجة
على العموم حد قبل كده اتجوز وبعد كده خطب؟

من طرف sway الأربعاء ديسمبر 17, 2008 1:16 am

أنا أول لما أتجوزت من سنتين خطبت خطبة صلاة الجمعة هههههههههههههه

صحيح هو ليه اليابانيين عينيهم مشدودة من الجناب ؟ ياترى حد بيشدهالهم ولا دى موضة؟

من طرف boosy الأربعاء ديسمبر 17, 2008 8:04 pm

اه ديه موضه
كل يوم بيصحوا الصبح ينزلوا للكوافير يشدهالهم مع بقيت الحاجات اللي بتتشد
هههههههههههههههههههههههه
عمرك انت دوقت البن البرازيلي المزروع في اليابان
ده تحفه ده لسه جايلي من الامارات من شويه
ههههههههههههههههههههه

من طرف sway الأربعاء ديسمبر 17, 2008 8:18 pm

البن البرازيلى المزروع فى اليابان بتبقى الحبايه بتاعتة مشدودة زى عيون اليابانيين بالظبط وطعمة حلو ولذيذ زى حب العزيز هههههههههههههههههههه

صحيح هو إمتى الديك بيبيض تحت شجرة المكرونة؟؟؟؟؟؟؟؟ Smile

من طرف pureheart88 الأربعاء ديسمبر 17, 2008 8:23 pm

اولا الديك مش بيبيض الديك بيولد ويرضع صغاره كمان
اما بقي بالنسبه لشجره المكرونه فانا زارع واحده عندى في البلكونه ابقي تعالي خد شويه
هههههههههههههههههههههههههههههههههههههههههه
طب حد يعرف ليه القرد في عين امه غزال؟؟؟؟؟

من طرف the precious الأربعاء ديسمبر 17, 2008 10:56 pm

عشان نفسها اسد ييجي ياكله

طب يا جماعه هو الحمار بينونو ولا بيكاكي؟؟؟؟

من طرف dina saied الأربعاء ديسمبر 17, 2008 11:50 pm

الحمار بيمأمأ زى الخروف ما بيهوهو بالظبط انتوما دبحتوش السنه دى ولا ايه ؟
طب حد يعرف ليه لما بنجوع بناكل مش بناكل؟ Very Happy

من طرف rafprof الخميس ديسمبر 18, 2008 12:56 am

عشان لو كلنا مش هنعرف ناكل
طب ليه الاسد بيبيض؟

من طرف sway الخميس ديسمبر 18, 2008 1:05 am

لأن كل البرمئيات بتبيض والأسد من أهم البرمئيات على سطح المثلث الأرضى

هما ليه كل الأجانب حلوين وشعرهم أصفر؟

من طرف pureheart88 الخميس ديسمبر 18, 2008 1:18 am

مش الاجانب بس اللي حلوين وشعرهم اصفر
في مصرين برضه حلوين وشعرهم اصفر
متكسفنيش بقي يا باسم
ههههههههههههههههههههههههههههههههههههههههههه

طب المثل الشهير اللي بيقول
اقلب القدره علي فومها تطلع البت لامها
مين يقدر يقولي ايه علاقه القدره بالبت وامها؟؟؟؟؟؟

من طرف sway الخميس ديسمبر 18, 2008 1:33 am

أنا كنت أعرفه إقلب القدرة على فمها الغرب يطرودونا
لكن مادام أنت متأكد من المثل فممكن لآن القدرة لو قسمناها على الزمن هتيدينا المسافة اللى لو ضربناها فى عجلة الجاذبية ممكن توصل البنت لأمها بسرعة 30 كيلو وات هههههههههههههههههههههههههه

هو ليه عباس إبن فرناس فشل فى الطيران هل لأنه متظغتش كويس قبل ما يطير فداخ ووقع؟ Smile

من طرف rafprof الخميس ديسمبر 18, 2008 2:09 am

عشان الحاج ابن فرناس مكنش جايله مايوه يطير بيه
هلى حد عمره دخل ايده فى خرطوم الفيل؟

من طرف sway الخميس ديسمبر 18, 2008 2:14 am

أنا لما كنت بشتغل فى جنينة الحيوانات فى إجازة الصيف كنت بسلك للفيل خرطومة لما كان بيجيلة زكام ههههههههههههه أصلة كان بيصعب عليا وهو بيشن ومش عارف ينف هههههههههههههههههههههههه

هى ليه السلحفاء بطيئة؟؟؟؟؟؟؟؟؟؟؟؟؟؟؟؟؟؟

من طرف rafprof الخميس ديسمبر 18, 2008 12:01 pm

اصل رجلها بتوجعها من المشى فبتمشى براحة على مهلها خالص
ليه القرد بيفلى نفسه؟

من طرف dina saied السبت ديسمبر 20, 2008 2:13 am

بحثا عن الموز الخالى من البزر لان الموز اللى بيجيله من على الشجره مبيكونش خالى بيكون عمى هههههههه
ليه فى كل مكان يطلعلنا عفريت فى معامل التحاليل ...........بتوع طب
فىشركات الادويه ...........بتوع صيدله؟

من طرف sway السبت ديسمبر 20, 2008 4:45 pm

علشان زى ما أمى قالتلى قبل كده (قليل البخت يلاقى العضم فى الكرشة) هههههههههههههههه
بس أنتى نسيتى فى شركات البترول بنلاقى خريجين هندسة كيمياء هههههههههههههه

هو صحيح إمتى ديل الكلب هيتعدل؟مادام القالب مش محوء فيه؟؟؟؟؟؟؟؟؟؟؟؟؟

من طرف pureheart88 السبت ديسمبر 20, 2008 6:58 pm

ممكن نقطعه خالص ونريح نفسنا مدام مش هيتعدل
او نربطه بحبل في رجله
هههههههههههههههههههههههههههههههههههههههه

طب في سؤال مهم جدا
امتى الزمالك يقدر ياخد الدوري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من طرف sway السبت ديسمبر 20, 2008 11:02 pm

هههههههههههههههههههههههههههههههه
أول ما فلسطين تتحرر ههههههههههههههههههههههههه
Smile

طب تعتقدوا ليه الأهلى خسر فى اليابان الماتشين اللى لعبهم؟

من طرف dina saied الإثنين ديسمبر 22, 2008 10:59 pm

عشان كان جايب الاحذيه الرياضيه من التوحيد والنور
طب ليه الجو برد فى الشتاء

من طرف rafprof الإثنين ديسمبر 22, 2008 11:27 pm

عشان الشتاء مكشوف ومش بيتغطى ويدفى كويس
ليه بقى الفرخة بتكاكى ؟

من طرف pureheart88 الإثنين ديسمبر 22, 2008 11:35 pm

عشان القطه بتنونو والكلب بيهوهو فطبيعي جدا ان الفرخه تكاكى

طيب ليه دايما بيقولوا علي بنات كليه علوم غفر؟؟؟؟؟
(والله هم الل بيقولوا)
Crying or Very sad

من طرف sway الإثنين ديسمبر 22, 2008 11:38 pm

لأ لأ لأ يا أحمد متقولش كده عيب طب ده أنا حتى أعرف واحدة فى علوم وسبحان الله !!!!!!!حلوة

تصور ؟؟؟؟؟؟؟؟؟؟؟؟؟؟؟؟؟؟؟؟؟

طب ليه الحب دح دح والهجر كخ كخ Smile

؟؟؟؟؟؟؟

من طرف pureheart88 الثلاثاء ديسمبر 23, 2008 12:25 am

ابقي اتغطى كويس يا باسم ابل ماتنام الجو برد اليومين دول يا حبيبي
دى عين وصابتك يابنى والله

طب ليه الانسان لما بيتعور بينزل دم ؟؟؟؟؟

من طرف the precious الثلاثاء ديسمبر 23, 2008 8:19 pm

عشان الدم اول حاجه مابتصدق تهرب من الانسان عشان اتخنقت منه ويا عيني محبوس جوا الجسم طول الوقت
طب ليه احنا بنشرب ميه؟؟

من طرف sway الثلاثاء ديسمبر 23, 2008 10:54 pm

حتى نروى الأعضاء الداخلية كى تستطيع النمو فى بيئة مناسبة لتنتج أفراد جديدة قادرة على البقاء.................

حد سمع عن مطبات الهوا اللى بتتشنكل فيها الطيارة؟

من طرف rafprof الثلاثاء ديسمبر 23, 2008 11:58 pm

اه يعم دى لسه عاملنها قريب بس مشكلتها ان الاسفلت بتاعها مش مرصوف تمام
حد بقى سمع عن لعنة الفراعنة؟

من طرف dina saied السبت ديسمبر 27, 2008 12:00 am

طبعا سمعت عنها واكلتها كمان لحمة الفراعنه دى احلى من لحمة الخرفان بكتييييييييير
السؤال الان :
اين تقع مصر على الخريطه؟؟؟؟؟؟؟؟؟؟؟؟؟؟؟؟؟

من طرف the precious السبت ديسمبر 27, 2008 12:35 am

بجوار محطة البنزين على طول
او فى فكره احسن...انى ادور على بيتى عالخريطه والمكان اللى موجود فيه بيتنا يبقى هو دا مصر

ليه الشمس بتنور

من طرف dina saied السبت ديسمبر 27, 2008 12:45 am

عشان الحجاره بتاعتها مخلصتش طبعا.
طب ليه المصرى صحته كويسه؟؟؟؟؟؟؟؟

من طرف sway السبت ديسمبر 27, 2008 12:56 am

علشان بيشرب شيشة وسجاير كتير أوى ربنا يكرمه الحج مصرى

هو ليه بيقولوا على مصر أرض الكنانة؟

من طرف rafprof السبت ديسمبر 27, 2008 1:17 pm

عشنسبة للكنانة(الفنانة) الكبيرة اللى ماتت زمان
اصله كان اخنف
ليه الاطرش مبيسمعش؟

من طرف sway السبت ديسمبر 27, 2008 6:57 pm

على فكرة المعلومة دى غلط ده بيسمع ماهو فريد الأطرش كان بيسمع عادى
أكيد اللى قالك المعلومة دى واحد بيضحك عليك Smile

طب ليه طلبة علوم تحس إنها ناس معقدة نفسياً؟؟؟؟؟؟؟؟؟؟؟؟؟؟

من طرف the precious السبت ديسمبر 27, 2008 8:21 pm

عشان الكليه 4 سنين مش 5 زى باقى الكليات التانيه

ليه الديك بيدن ومبيصليش؟

من طرف pureheart88 السبت ديسمبر 27, 2008 10:06 pm

عشان مش متوضي يا فالح والميه قاطعه عندهم

امتى هنفوق بقي من النوم اللي احنا فيه ده ونعمل حاجه عدله بدل الشجب والادانه؟؟؟

من طرف dina saied السبت ديسمبر 27, 2008 10:30 pm

ياااااااااااااااه
لما الشمس تتطلع بالليل والقمر يطلع الصبح هو احنا بنعمل حاجه غير اننا نشجب وندين ونستنكر
مش بعيده هو حد كان يصدق ان بوش يترزع بالجذمه فى وشه
طب امتى يطلبواخريج علوم فى شغل ميعملوش الا هو ومرتبه يكون عالى زى باقى الكليات ؟؟؟؟؟؟؟؟؟

من طرف the precious السبت ديسمبر 27, 2008 10:45 pm

لما يعترفوا ان فى خريج علوم اصلا

امتى علوم يكون تنسيقها اكتر من طب؟

من طرف rafprof السبت ديسمبر 27, 2008 10:58 pm

لما تعرف تلحس افاك
امتى هنحس ان احنا متحضرين؟

من طرف the precious السبت ديسمبر 27, 2008 11:03 pm

لما انت اللى تلحس افاك....هههههههه

ليه مش بنمشي على ايدينا؟