مستنيه رايكوا بصراحه

من طرف boosy الخميس يناير 01, 2009 1:21 am

بصوا يا جماعه انا كان عندي اقتراح صغير كده علي اد دماغي
مش هطول عليكوا
كنت بقترح اننا نعمل قسم جديد اسمه كلام في الحب والقسم دا كنت عاوزه يكون فيه كل حاجه عن الحب
يعني كلمات,مقالات,اراء كتاب,خواطر,اشعار........................الحاجات ديه يعني
او اي حاجه تخص الحب
وكمان عاوزه فيه موضوع مثبت كل واحد يدخل ويقول ايه المشاكل اللي بتواجهه في الحب(كل انواع الحب عيله,صداقه,حبيب اي حاجه)و الباقي يرد عليه وكده نبقي شوفنا راي الناس لما يبقوا مكانا هيعملوا ايه

انا عارفه ان فيه ناس كتير ممكن تستهبل الفكره بس انا حسه انها حلوه ونفسي اسمع رايكوا و يارب تعجبكم الفكره ديه

من طرف sway الخميس يناير 01, 2009 1:29 am

بجد فكرة جميلة يا بسمة أنا موافق عليها عن نفسى thank u

من طرف boosy الخميس يناير 01, 2009 1:33 am

ربنا يخليك يا باسم
والله دايما بتبسط من ردودك وتايدك ده
flower

من طرف Admin الخميس يناير 01, 2009 9:11 pm

وانا عن نفسي انا كمان موافق يا بسمه
بس طبعا لازم باقى الاعضاء يوافقوا وانا اعمله ان شاء الله القسم ده
كمان الموضوع دا بعد اذنك هعملله استفتاء عشان نشوف الناس موافقه او لا
و اللى عايز يقول رأيه يكتب هنا فى الردود وميتكسفش

من طرف boosy الخميس يناير 01, 2009 11:44 pm

مرسي بجد ليك يا احمد ولتايدك بس هما فين باقي الاعضاء

من طرف HEMA الجمعة يناير 02, 2009 3:44 am

la2 bisara7a ya basma ana sawat msh mwafi2

من طرف greatpharaoh111 الجمعة يناير 02, 2009 9:42 am

فكرة هايلة يا بسمة

انا عن نفسى موافق

وهاتبقى فكرة حلوة بجد

من طرف sway الجمعة يناير 02, 2009 11:11 am

HEMA كتب:la2 bisara7a ya basma ana sawat msh mwafi2

طب ليه كده هو الحكاية معارضة وخلاص طب مش تقول مش موافق ليه؟؟؟؟؟؟؟؟؟؟؟

من طرف Hussein elansary الجمعة يناير 02, 2009 2:19 pm

يا شباب مينفعش نخلى الحب محصور فى مكان
سيبه يظهر فى كل مكان وكل المنتدى
عشان كده انا مش موافق

[b]

من طرف boosy الجمعة يناير 02, 2009 3:08 pm

احنا مش هنصره في مكان ولا حاجه ماهو برده في المنتدي
وبقيت القسام اللي عاوز يحط فيها يحط اللي عاوزه

من طرف rafprof السبت يناير 03, 2009 2:15 am

فكرة هايلة انا موافق طبعا

من طرف همسه السبت يناير 03, 2009 2:17 am

بسمه انا طبعا محترمه فكرتك
بس انا شايفه ان انا معظم الخواطر اللى بنجيبها رومانسيه يعنى بنحطها فى الاشعار
كده هنلخبط نفنا ونكتر الاقسام على الفاضى وفى الاخر هنتشتت
ومش ينفع الحب يبقى له قسم
ده رأيى ولذلك قولت مش موافقه

من طرف HEMA السبت يناير 03, 2009 7:15 am

bsi ya ostaza basma hia msh mo3arda w 5alas , bsi ya ostaza basma fi mawadi3 el 7ob di bizat walahy 3an tagroba fi nas kter msh btt2abil 2ara2 el nas el tania w el 3aks el mawdo3 bi2lib en sa7ib el mawdo3 mmkin yishil mn elli binsa7o , walahy ba2olik el kalam da 3an tagroba , el wa7i mmkin yi5sar a3az as7abo bisabab ra2i.

من طرف boosy السبت يناير 03, 2009 3:36 pm

بس يا هيمه انا دايما مقتنعه ان الاختلاف في الراي لا بفسد للود قضيه
ده راي الناس مش اكتر لو الواحد عاوز ياخد بيه براحته ولو مش عاوز بردوا براحتوا
و لو الواحد ده زعل من اراء الناس ده يبقي العيب من عنده هو مس من عند الناس
ده رايي يا هيمه ومعرفش
براحتكوا ده اقتراح مني مش اكتر

من طرف sway الأحد يناير 04, 2009 6:07 pm

فعلآ يا جماعة ياريت المعترضين على القسم يكتبوا أسباب عدم موافقتهم على إنشاءه ممكن هما شايفين حاجة إحنا مش عارفينها

من طرف rafprof الأحد يناير 04, 2009 8:01 pm

انا فعلا شايف ان اللى معترض يقول رايه ليه الاعتراض وبس
وفى النهاية الاختلاف فى الراى لا يفسد للود قضية

من طرف boosy الإثنين يناير 05, 2009 12:08 am

معظمهم ردوا وفيه ناس اعترضوا بدون ميقولوا هما مين اصلا

من طرف sway الإثنين يناير 05, 2009 12:15 am

عموما لحد دلوقتى الأغلبية موافقة ولسه هنستنى لحد لما نشوف رأى الناس إيه

من طرف boosy الإثنين يناير 05, 2009 12:33 am

ياريت كل واحد يقول رايه بسرعه
او هناخد براي الاغلبيه

من طرف همسه الإثنين يناير 05, 2009 1:12 am

انا قولت سبب اعتراضى
ازاى اعمل قسم عن الحب

هنقول ايه فيه

اشعار وقصايد ونثر الطبيعى ان احنا بنختار الحاجات اللى فيها حب
وفى اقسام للشعر والنثر والفن

هنتناقش فى قضايا الحب احنا فعلا عندنا استفتاءات كتير ومعظمها عن الحب تعمل ايه لو حبيبك حب غيرك وينفع تحضر فرح حد كنت بتحبه
وغير بقى الكلام فى الحب عموما اللى موجود فى المنقاشات والفضفضه
هو احنا اصلا بنفضفض غير فى الحب

وغيرها
واحنا هنجيب ايه غير الحب اصلا والرومانسيه
انا شايفه لو عملنا قسم للحب

يبقى نلغى باقى الاقسام لان مش هنلاقى حاجه نكتبها فيهم
وسيبوا بقى صورنا والمسجد مع قسم الحب

ده رأيى واللى انتوا ععايزينوا اعملوه
انتوا طلبتوا الرأى بصراحه وياريت ماحدش يزعل

لو انتوا بقى عايزين تناقشوا قضايا الحب مثلا
ممكن تعملوا موضوع ويكون مثبت ويكون فى المناقشات والفضفضه
ونتكلم فيه عن قضايا الحب

مش كلام فى الحب

من طرف dina saied الإثنين يناير 05, 2009 1:35 am

بصراحه يا بسمه انا رايى من رأى رضوى(همسه)
أصل كل محتويات القسم ده موجوده فى أقسام تانيه الشعر والنثر والفضفضه والاستفساءات
فبيتهيألى الاقسام هتكتر على الفاضى ولا انتى تقصدى ايه؟؟؟
يعنى نكتب ايه فى القسم ده مثلا" ؟؟؟؟؟؟؟يمكن نكون مش فاهمينك صح
هستنى ردك .

من طرف the precious الإثنين يناير 05, 2009 7:17 pm

انا بصراحه اتحيرت
عالعموم انا هحاول اشوف حل وسط واعمله ان شاء الله

من طرف sway الإثنين يناير 05, 2009 11:37 pm

ممكن مادام فى ناس كتير معترضة نعملة موضوع مثبت فى قسم الفضفضة مثلا ومنه نكتب كل اللى عايزينه أو نتكلم فى المشاكل اللى ممكن تواجهنا وهكذا ده إقتراحى

من طرف rafprof الإثنين يناير 05, 2009 11:47 pm

طب بصوا بقى انا عندى فكرة احلى واحلى ومستنى رايكوا
ان احنا نعمل فعلا قسم بس للنقاش فى مواضيع الخاصة بالحب ومشاكله بمعنى كلكلوا اكيد بتسمعوا برنامج اسامه منير او حتى بتسمعوا عنه
احنا ممكن نعمل القسم ده بمعنى ان كل اسبوع ننزل موضوع واحد عن اى حاجة تخص الحب وكلنا ننقاشه على مدار الاسبوع وكل واحد يقول رايه واهى تبقى مناقشة كويسة بينا
وكل مرة واحد مختلف يحط حاجة جديدة تخص الحب
ايه رايكوا فى الفكرة دى
انا مستنى اسمع رايكوا

من طرف sway الإثنين يناير 05, 2009 11:54 pm

برضة فكرة جامدة جداً بس الناس إعتراضها عن إن فى قسم يتعمل أساساً بس أنا مع إن القسم يتعمل bounce

من طرف rafprof الثلاثاء يناير 06, 2009 12:01 am

المهم بس نشوف راى باقى الناس على فكرتى دى
وعادى الاشعار والكتابات عادى
انا قصدى ده للمناقشة المفتوحة بينا بس
هاها مستنى ردكوا على راى

من طرف همسه الثلاثاء يناير 06, 2009 3:39 am

انا شايفه ان باسم قال اقتراحى

ورفيق تقريبا برضو بيأيده بس
اختلف انه قال قسم مش موضوع
احنا نعمل موضوع مثبت ونتكلم فيه عن قضايا الى ماقولت
لكن قسم ده حاجه كبيره ليه نعمل قسم
المواضيع هتبقى التسامح فى الحب
والخداع فى الحب
مش حبه كده
بجد
هو موضوع مثبت واللى عنده مشكله فى الحب ياخد رأينا فيها ويبقى مثبت فى قسم الفضفضه لانه هيبقى فضفضه

ولا انتوا بقى ابو بلاش كتر منه
انا مش هخسر حاجه لو انتوا عملتوا قسم
مش هتفرق معايا اصلا
لكن حاسه انه دوشه على حاجه اصلا ماتستهلش

من طرف greatpharaoh111 الثلاثاء يناير 06, 2009 1:30 pm

السلام عليكم ورحمة الله وبركاته

انتو مأزمين نفسكم ليه وعاملين من الحبة قبه ، بسمة كان عندها فكرة حلوة وقالتهالنا واكيد قصدها طبعا تطوير المنتدى ، وفى الاخر كل واحد حر فى رايه يوافق او يرفض ومن غير زعل .

كان المفروض الاول اننا نشكر بسمة انها بتفكر فى افكار جديدة للمنتدى قبل ما نقول موافقين او مش موافقين وقبل ما حدة النقاش تعلى كدة

وفى الاخر انا شايف ان الاقتراح بتاع رفيق افضل الحلول .

وشكرا

وياريت نسمع الكلمة دى ونفهمها كويس مش نسمعها من ودن ونخرجها من ودن تانية

الاختلاف فى الرأى لا يفسد للود قضية

اقعدو بالعافية ............

من طرف pureheart88 الثلاثاء يناير 06, 2009 2:33 pm

greatpharaoh111 كتب:
السلام عليكم ورحمة الله وبركاته

انتو مأزمين نفسكم ليه وعاملين من الحبة قبه ، بسمة كان عندها فكرة حلوة وقالتهالنا واكيد قصدها طبعا تطوير المنتدى ، وفى الاخر كل واحد حر فى رايه يوافق او يرفض ومن غير زعل .

كان المفروض الاول اننا نشكر بسمة انها بتفكر فى افكار جديدة للمنتدى قبل ما نقول موافقين او مش موافقين وقبل ما حدة النقاش تعلى كدة

وفى الاخر انا شايف ان الاقتراح بتاع رفيق افضل الحلول .

وشكرا

وياريت نسمع الكلمة دى ونفهمها كويس مش نسمعها من ودن ونخرجها من ودن تانية

الاختلاف فى الرأى لا يفسد للود قضية

اقعدو بالعافية ............

فعلا يا خونا الكبير كبير

من طرف the precious الثلاثاء يناير 06, 2009 8:54 pm

طب ايه رأيكو انا عندى فكره انى اعمل قسم فرعى جوا المناقشات بالاسم ده
ها..فكره حلوه ولا وحشه...بس دا هيضم المواضيع اللى فيها كلام و مناقشات واراءعن الحب ...اما لو اشعار او كده تتحط فى اقسامها عادى
مستنى اعرف وجهات نظركوا عشان زى ما قولت نشوف حل وسط

من طرف sway الأربعاء يناير 07, 2009 12:55 am

أوك ماهو ده إقتراحنا أنا ورفيق ورضوى أنا موافق عليه

من طرف rafprof الأربعاء يناير 07, 2009 12:28 pm

اوك نعمل موضوع مثبت للنقاش فى مواضيع الحب

من طرف همسه الخميس يناير 08, 2009 5:10 pm

اوكى كده موافقه
وصدقونى دى افضل من قسم

من طرف boosy الخميس يناير 08, 2009 5:23 pm

ياه كل ده حصل في اليومين اللي انا غبتهم
ايه ده كلوا
عموما انا قلت اقتراحي و براحتكوا
وبجد مرسي اوي يا شحاته وبجد انت اللي فتحت نفسي بدل مانا كنت اعده اقري الاعتراضات ديه كلها
thank u

شحاته
عموما اعملوا اللي انتوا عاوزينوا وموافقين عليه بالاجماع
thank u

لكل اللي ردوا علي اقتراحي سواء بالموافقه او الرفض

من طرف the precious الخميس يناير 08, 2009 7:36 pm

يا جماعه انا مكنش قصدي موضوع للنقاش فى الحب
انا قصدى بدل ما يبقى موضوع فى قسم المناقشات...يبقى قسم فرعى داخل قسم المناقشات برضو ..عشان لو اى حد فتح حاجه للمناقشه فيه تاخد حقها برضو
يا ريت تكونوا فهمتوا قصدي

من طرف sway الخميس يناير 08, 2009 10:12 pm

أنا فاهم قصدك إنه مش موضوع مثبت ده زى قسم فرعى جوا قسم المناقشات وأنا موافق عليه وأعتقد إننا كلنا موافقين على كده

من طرف boosy السبت يناير 10, 2009 5:40 pm

انا معنديش مانع برده فكره كويسه

من طرف ahmed maddish الخميس يناير 15, 2009 9:02 pm

يا ابوصلاح عليك بتنفيذ الفكرة فى اسرع وقت.................

من طرف the precious الخميس يناير 15, 2009 9:45 pm

ان شاء الله هتتنفذ
بس هيكون معاها مفاجأه اننا هنعمل تغيير كبير فى اقسام المنتدى
عشان كده انا صابر شويه
معلش عالتأخير

من طرف boosy الخميس يناير 15, 2009 10:04 pm

مدام فيه تغيير يبقي براحتك خد وقتك
thank u

من طرف sway الأربعاء يناير 28, 2009 12:15 am

هو إنتم نسيتوا الموضوع ده ولا إيه النظام؟؟؟؟؟؟؟؟

إيه يا عم الأدمن متشوف شغلك شوية Razz

من طرف the precious الأربعاء يناير 28, 2009 12:42 am

sway كتب:هو إنتم نسيتوا الموضوع ده ولا إيه النظام؟؟؟؟؟؟؟؟

إيه يا عم الأدمن متشوف شغلك شوية

مانت لو صاحى يا باشا
كنت شوفت فى قسم المشرفين الموضوع اللى انا منزله بقالى سنه وفيه التقسيم الجديد اللى هينزل فيه القسم ده طبعا كل المشرفين قالوا رأيهم ماعدا حضرتك
وانت نايم على ودانك
واحنا واقفين على رأي حضرتك ووجهة نظرك
يعني مش نايمين يا معلم
Very Happy

لازم تخلونى احرجكوا يعنى
clown

مين بقى اللى نايم دلوقتى
sleep

من طرف sway الأربعاء يناير 28, 2009 12:50 am

والله يا أحمد أنا نسيت قسم المشرفين ده من ساعة ما بقاش فى حد بيدخله خالص وثانيا يعنى إبعتلى رسالة خاصة يا سيدى بدل الإحراج كده أدام الناس

صحيح ناس معندهاش دم Smile

من طرف boosy الأحد فبراير 01, 2009 7:07 pm

ههههههههههههههههههههههه
طلع هو اللي نايم

موافق على عمل قسم جديد بعنوان(كلام فى الحب)