المياه الغازيه تساعدك على عسر الهضم

خدعوك فقالوا‏:‏

المياه الغازية تساعد علي الهضم
كتبت‏:‏ أليس الملاخ

يلجأ الكثيرون إلي احتساء المياه الغازية عقب الوجبات الدسمة بهدف المساعدة علي الهضم وهو مفهوم ثبت خطؤه‏

حيث يحذر د‏.‏ حسن فكري منصور مدير مركز ابن سينا للتغذية بدمنهور من تناول المياه الغازية بصفة عامة‏,‏ حيث يقول انها

تسبب عسر الهضم وليس العكس‏,‏ فهي عادة تحتوي علي مادة البيكربونات وهي مادة قلوية يدخل الصوديوم في تركيبها‏

فإذا تم تناول المياه الغازية عقب الطعام‏,‏ فإن البيكربونات تتحد مع حامض المعدة الهاضم مكونة مادة كلوريد الصوديوم ويتسبب ذلك في‏:‏

‏*‏ تقليل حمض المعدة الذي يلعب دورا مهما في عملية الهضم مما يعرقل عملية الهضم ويسبب عسرا بالهضم‏.‏

‏*‏ تفقد الأنزيمات الهاضمة قدرتها علي الهضم‏,‏ لأنها لاتعمل إلا في وسط حمض‏,‏ والمياه الغازية تغير وسط المعدة الي القلوي‏.‏

‏*‏ تتفاعل المياه الغازية بما تحتويه من بيكربونات الصوديوم مع حمض المعدة‏,‏ وينتج عن هذا التفاعل غازات تفتح أبواب المعدة

عنوة لتسوق الطعام إلي الأمعاء قبل تمام هضمه‏,‏ والنتيجة عسر الهضم وحدوث مشاكل بالامتصاص‏.‏ وهذا مايفسر الارتياح

الوقتي عقب تناول المياه الغازية بعد الوجبات الدسمة والضخمة‏,‏ ثم الشعور بعسر الهضم بعد فترة من الوقت‏.‏

ويؤكد د‏.‏ حسن فكري منصور أن تناول المياه الغازية يزيد من كلوريد الصوديوم بالجسم‏,‏ ومن ثم يزيد من ضغط الدم‏,‏ ويزيد أيضا من قلوية الدم مما يسبب الأرق والضعف العام‏.‏

كما أن المياه الغازية المثلجة تقلل من عمليات الانزيمات الهاضمة‏,‏ وتسبب احتقان المعدة وتقلل من حركتها مما يسبب عسرا بالهضم‏.‏

وفي النهاية يشير إلي أن السعرات الحرارية للمياه الغازية مرتفعة‏,‏ ومن ثم فإن تناولها يزيد الوزن‏,‏ ويسبب البدانة‏,‏ لذا ينصح باستبدال المياه الغازية بعصائر الفواكه الطبيعية‏.‏



يا ريت نصدق بقى يعنى الموضوع مش موضوع مقاطعه وبس .

انا علي طول اسمع ان شرب الميه بعد الاكل علي طول او في وسط الاكل غلط
بس اول مره اعرف السبب
دينا علي المعلومات ديه

basma كتب:انا علي طول اسمع ان شرب الميه بعد الاكل علي طول او في وسط الاكل غلط
بس اول مره اعرف السبب
دينا علي المعلومات ديه

ماهى لو جت على قد المياه العاديه كنا قلنا ماشى انما المقصود المياه الغازيه زى البيبسى والفانتا

وكده وبتاع وكلام نعناع ههههههههههههه
شكرا أوى يا بسمه على ردودك

والله أنا بحاول أبطلها بس مش عارف ومش علشان الأضرار دى بس علشان حاجات تانية أكتر بس على الأقل قللتها

موضوع جميل جداً يا دينا تسلم أيدك

sway كتب:والله أنا بحاول أبطلها بس مش عارف ومش علشان الأضرار دى بس علشان حاجات تانية أكتر بس على الأقل قللتها

موضوع جميل جداً يا دينا تسلم أيدك

شكرا يا باسم ربنا يكرمك
ومادام عارف انها مضره خلاص سيبك منها

بصى يا دينا انا فعلا سمعت قبل كده ان الحاجة الساقعة بتعمل هضم وخصوصا بعد الاكلات الدسمة
ولكن اضرارها كتير اوى
بس شكرا على المعلومات الهايلة دى

rafprof كتب:بصى يا دينا انا فعلا سمعت قبل كده ان الحاجة الساقعة بتعمل هضم وخصوصا بعد الاكلات الدسمة
ولكن اضرارها كتير اوى
بس شكرا على المعلومات الهايلة دى

الشكر لله يارفيق
وهى فعلا الحاجات الساقعه بتدفع الطعام للامعاء فبيجى احساس وقتى بالارتياح بس ده مش بيدوم لان الطعام مش بيتهضم فى المعده كما يجب
شكرا جدا على ردك.