كيفية رفع الملفات المختلفه واضافة صور

من طرف the precious الجمعة أغسطس 22, 2008 1:40 am

للناس اللى كانت بتسأل ازاي ترفع حاجه او كده

[color:3fe2=red]اول حاجه يا جماعه لازم تعرفوا (للي ميعرفش) ان الرفع دا بيتم على حاجه اسمها سيرفر ....
والسيرفر ده عامل زي موقع كده لتخزين الملفات اللى انت عايزها من الكمبيوتر بتاعك وبيديك ليها لينك (link) ودا عباره عن عنوان الحاجه االلي انت رفعتها عالسيرفر عشان تقدر تعملها داونلود بعد كده او تحطها في منتدي لو عايز حد يعمل داونلود للحاجه دي
يعني مش زي ناس كتيره فاكره انك بترفع الملف بتاعك عالمنتدى.... لا انت بترفعها على سيرفر وتاخد لينك تحطه في المنتدى.
السيرفرات:
بصوا بقى يا جماعه ... في سيرفرات كتيره موجوده ..... فيهم الاحسن وفيهم الاوحش ... فيهم السريع والبطئ .... وفيهم اللي تلاقي الابلود عليه سهل والداونلود صعب والعكس
انا هديكوا اسماء سيرفرات كتير وبعد كده هفولكوا على مميزات وعيوب كل واحد والافضل من وجهة نظري عشان انا تقريبا متعامل معاهم كلهم
امثلة السيرفرات:
RAPIDSHARE _ _MEDIAFIRE _ _ FILESEND _ _ZSHARE _ _ IFILE _ _ADRIVE _ _ BADONGO.......& others
ومثلا....
RAPIDSHARE طبعا اكبر سيرفر موجود وسهل جدا في الابلود .... اما في الداونلود فهو رخم شويه لانك لازم تختار free account وبعد كده يقولك استنه عشان يبدأ الداونلود بعد كذا ثانيه ... وكمان لو حملت منه مره صعب تحمل التانيه الا بعد فتره او ممكن لو الفايلات صغيره

MEDIAFIRE من السرفرات اللى انا بحبها صراحه وبعتبره الافضل دلوقتي بس فيه حته في الابلود ... لازم تدوس الاول upload files... وبعد كده i want to upload without account وبعدها تختار النلف اللي انت عابزه من الكمبيوتر بتاعك وتدوس start upload ولما يخلص تدوس share وتاخد اللينك... واظن انه مش هيبقى صعب طالما بتفهم انجلش والمفروض طبعا اننا نكون فاهمينه لان تعاملنا في الكليه كله كان انجلش اساسا.... اما في الداونلود فهو الافضل والاحسن

FILESEND مش محتاج شرح ..... غير انه في الداونلود بيجيبلك عد تنازلى حوالى 30 ثانيه لازم تستناه عشان تبدأ الداونلود زي معظم السيرفرات.... وبرضه سيرفر جامد

ZSHARE برضه سيرفر حلو ومش محتاج شرح خالص ... بس ممكن تكون سرعة الداونلود منه رخمه شوبه .. بس مش مؤثره اوي يعني
IFILE برضه سهل ومش محتاج شرح

..... المهم بعد ما ترفع الملف تاخد اللينك وتحطه في موضوعك ...........................
بس ملحوظه مهمه .... سرعة الابلود عادة بتبقى يطسئه جدا اقل من الداونلود يعني متجيش ربعه.... فياريت اللي عايز يرفع حاجه مساحتها عاليه زي فيلم او لعبه يكبر دماغه ويجيب اللينك جاهز من اى موقع تاني (مش لينك الموقع.. لينك الملف اللي انت عاوزه يعني بتاع السيرفر)
___ ______ ___________________________________________

رفع الصــــــــــــــــــــــــــــــــــــور

[color=red]في سيرفرات تانيه يا جماعه لرفع الصور زي IMAGESHAK او العملاق ( عربي).... دي بترفع منها وتاخد اللينك على طول تحطه في ايقونة ADD IMAGE لما تيجي تكتب الموضوع لو عايز الصوره تظهر

و ان شاء الله هيكون فيه شرح مفصل لطريقة وضع الصور في المواضيع والصور الشخصيه والتوقيعات ... بس عشان انا تعبت دلوقتي من الكتابه صراحه

لو في اي حد عنده اي اضافه لكلامي او اي استفسار عن اي حاجه انا في الخدمه ان شاء الله [/color]

من طرف robaraf الإثنين أكتوبر 06, 2008 11:33 pm

معلش ممكن يكون بالصور لانى برضه مش عارفه
وشكرا ليك

من طرف the precious الإثنين أكتوبر 06, 2008 11:39 pm

اوك..انتى طبعا قصدك على رفع الصور
انشاء الله هينزل موضوع فيه شرح رفع الصور وهيكون الشرح بالصور ان شاء الله
او ممكن اجيبلكو برنامج ترفعو بيه الصور اللى تحتاجوها بدل التعب

من طرف نهر الحب الثلاثاء أكتوبر 07, 2008 1:17 am

شكرا يااحمد على هذا الموضوع

thank u

من طرف the precious الثلاثاء أكتوبر 07, 2008 1:43 am

العفو ربنا يخليكي
وان شاء الله انا بجهز لموضوع فيه شرح بالصور لطريقة رفع الصور واضافتها في المواضيع وكمان طريقة وضع الصوره كتوقيع..عشان حاسس ان في ناس كتيره محتاجه تعرف كده

كيفية رفع الملفات المختلفه واضافة صور

كيفية رفع الملفات المختلفه واضافة صور

رد: كيفية رفع الملفات المختلفه واضافة صور

رد: كيفية رفع الملفات المختلفه واضافة صور

رد: كيفية رفع الملفات المختلفه واضافة صور

رد: كيفية رفع الملفات المختلفه واضافة صور