حكايه مش لازملها نهايه...........!!!

سؤالى هو...........................................


خفتم مرة من القلم اللى بنكتب بيه ...........؟؟؟
.....


فى حد خاف يكتب فى يوم من الايام.......؟؟؟


خايف اكتب ................خايف اكتب شئ مش عارف له نهاية خايف اكتب جملة مش عارف نهايتها هتوصل لنصفها وتحس انك مش قادر تكملها.............


شايف ان كده كفاية عليها عاوز ىتوصل اللى انت عاوزه فى اقل القليل حتى لو مش هيكون واضح...............


بس هو ده اللى جواك نصف كلمة نصف جملة....................نصف حكاية مستنى ليها بدايه لان النهاية مش عارفها................


هكذا يكون البشر ................

كل واحد حكاية فى الطبيعى وفيها الغريب...................وجوه كل حكاية حكاية وحكاية..................وكل حكاية بتفاصيل قد تختلف عن الاخرى..............بس اهى حكاية حلوتها انها تجربة فيها الحلو وفيها المر..................وفيها هدف وان كان مش لازم يظهر دائما..........

حتى التوهان ليه هدف جوانا وهو ان احنا بنوهم انفسنا اننا لما نمشى بدون هدف هنهرب من شئ مش عجبنا مع اننا مش بنهرب.............


بس بنضيف حكاية لباقى حكايتنا.............................


خفت مرة تكتب حكاية..........................لانك حاسس انها مش كاملة.............ولا لان احساسك بيها مش قادر يعبرعن تفاصيلها اكثر من كده..............

الروائى الروسى تشيخوف ربما يكون عمل كده فى كتاباته لانه مش بيقول صراحة الهدف من قصته ولكن بيتركها للقارئ يتجنن الى ان يصل للى عاوز يقوله تشيخوف ولكن مش بيقوله..............


ياترى فكرتم تكتبوا كلمه جملة او حتى حكاية ووقفتوا فى نصف الكتابة وقلتوا كده كفاية كده ابلغ مش هقدر اكتب اكثر من كده...........؟؟؟

وليه وامتى وايه الحكاية اللى نفسك تكملها لكن مش عارف ترسم سطورها.........؟؟؟


خفتم مرة من القلم انه ميقدرش يعبر ميقدرش يبوح ويقف عاجزا ثم يسقط على الورق معترفا بفشله؟؟؟؟؟؟؟؟؟؟؟؟؟





يظهر انى خرفت بدرى اوى معلش يا جماعه اعذرونى لو حسيتوا ان كلامى مفهوش افاده اصل هى حكايه مش لازملها نهايه


والسلام ختام........

بغدادي
بس انا بجد مش فاهمه حاجه
ممكن اكون مستغبيه شويتين تلاته بس ازاي اخاف اني اكتب
قصدك اكتب ايه حكايه حصلتلي ولا اكتب عموما اي حكايه
معلش علي غبائي

مستنيه ردك يا بغدادي و بعد كده هرد عليك

اى حكاية فى حياتنا جكاية صداقة حكاية حب حكاية عمل..................

اوقات مش قادرين نفسر اكثر من كده مش قادرين نعبر اكثر من ذلك



الموضوع كتبته وانا فى قمة الاحباط.................معلش فى جمل ممكن يكون ملهاش معنى

خفت مرة تكتب حكاية..........................لانك حاسس انها مش كاملة.............ولا لان احساسك بيها مش قادر يعبرعن تفاصيلها اكثر من كده..............
بتحصل كتير انك تخاف تكتب حاجه مش عارف نهايتها
بس ع الاقل بتحاول تفضفض ع الى جواك حتى لو حكايه مش كامله ومش ليها نهايه
شكرا يااحمد ع الموضوع

كتير جداً بحس إنى مهما كتبت عمر إللى هكتبه ما هيعبر عن ربع إللى حاسه
وعموماً أنا مش بحب أكتب غير وأنا مخنوق أو متضايق بس
علشان هو ده الوقت إللى بحب أقعد فيه لوحدى وأحكى لحد ممكن يسمعنى من غير ما يتكلم أو يقاطعنى
وهو الورق والقلم الحاجة الوحيدة إللى ممكن أحكيلها وعمرها ما هتقاطعنى أو حتى هتطلع سرى بره
بجد القلم والورق أحسن صديق فى الدنيا عمر ما حد هيلاقى زيهم
بجد موضوع هايل يا بغدادى تسلم إيدك يا مان

يا بغدادى يا جامد بالاوى
ايه الغموض ده انا متهيالى المقال عايز يقول حاجة بس هو مش لاقيها
بس اسلوبك بيعجبنى اوى

بص يا بغدادي انا يوم مبلجا اني اكتب يبقي اني اكتب قصه جات في دماغي وبلاقي فيها نهايه لانها اساسا تاليف وافتكاسه مني
او اني اكتب عن اللي مضايقني و في الاخر اديها للشخص اللي مضايقني يعني كحوار مفتوح وفيه صراحه اكتر
مظنش ان مسكت القلم وملقتش نهايه لحاجه انا بكتبها
ده ردي علي حسب مفهمت الموضوع
اعزر غبائي بس مش عارفه
بغدادي