هابي فالنتاين

هابي فالنتاين ليكم كلكم
(بكتب عربي اهو يا شحاته)
يارب اللي ليه كابل يخليه ليه واللي مالهوش اقوله هابي اندبيندنس داي
هاحكيلكوا حكايه وعايز رايكم لو سمحتوا
كنت في الكليه في سنه تالته واتعرفت على بنت في القسم معايل اكبر مني بسنتين
كانت اموره طحن
وطبعا كالعده ماكانتش بتخلص من المعاكسه والاستظراف من معظم الولاد
بس كانت بتعجبني في ردها وازاي بتوقف كل حد عند حده من غير ماتقل ادبها
كان صاحبي الانتيم يعرفها بردوه
خدنا دروس مع بعض وخرجنا مع بعض
كنت بوصلها انا وصاحبي لحد بيتها في الحي العاشر بالعربيه
بقينا اخوات قوي
هيا مش من القاهره
في سنه رابعه اتعرفت على عيلتها كلها
وهي كمان اتعرفت على عيلتي
عايز اقولكم ان احنا عندنا شقه تانيه كنا بناجرها
وهي سابت شقتها اللي ماجراها وقعدت عندنا وخدت مفتاح الشقه
لما كانت بتحتاج اي حاجه كانت بتكلمني واجيبهالها
(مش منظر طبعا اني احكي الكلام ده بس انا متاكد انكم ما تعرفوهاش)
بقينا اخوات اوي
اتخرجنا
اتخطبت وعرفت خطيبها وخرجنا مع بعض
روحت فرح اخوها
عزمتني في شبكتها وكتب كتابها ودخلتها بس للاسف ماروحتش علشان الجيش
يوم عيد ميلادي تلاته بس كلموني
هيا وجوزها وصاحبي في المنطقه
الاجازه بتاعتي اللي فاتت خرجت معاها هي وجوزها وصاحبي الانتيم
جيشي في البلد اللي هيا منها
قابلتني هي واخوها كذا مره
من اسبوع كلمتني وقالتلي قوللي مبروك انا حامل
دي اول حد هاقوله هابي فالنتين
اكتر من اختي
على فكره في تالته هي الللي طلبت تليفوني
............طبعا هاتقولوا الخنيق ده بيحكي الحوار ده ليه
..........مش مهم الحوار المهم الاسئله اللي جايه............
1)ليه اغلب الولاد لما تشوف بنت حلوه بينتابهم حاله من السخف وبيتحولوا الى باراشوتات
2)ليه اغلب الولاد لو عايز يجزب نظر بنت ليه بيتشقلب وممكن يتخانق مع ولد بيكلمها او يبين ان الولد غلطان في حقها
اعتقادا منه انها هاتقول واو الولد ده راجل
3)ليه اغلب الولاد لو بنت طلبت منه نمرته بيفتكر انها معجبه بيه وانه براد بيت
4)في كام بنت ممكن تعمل زي البنت دي
5)ليه معظم البنات لو كلمتها فريندلي او راعيت احساسها او خفت على زعلها منك تفتكر انك بتعاكسها او معجب بيها او بتجر ناعم وانها شبه جيسيكا البا
6)في كام ولد يعمل زي جوزها
***********انا رايي ان السبب في كده انخفاض المستوى الثقافي والمادي والاجتماعي للناس دي
علشان لو الولد من مستوى كويس كان عرف بنات حلوه وعادي يعني من حقها تمشي من غير غلاسه منك
ولو من مستوى كويس ماكانش لازم يطلع حد غيره مش كويس وهو الولد الراجل صح علشان يجذب نظرها
وكان عرف ان طلبها لنمرته عادي علشان يبقوا صحاب وانها لا معجبه ولا حاجه
وكان لما يتجوز يحس بانها اختارته هو مش صحابها وواثق من نفسه
لو البنت من مستوى كويس كانت عرفت الفرق بين الولد الكويس والللي مش كويس وان الكويس لو سال عليها وراعى احساسها فده لانه ابن ناس
.............مستوى كويس يعني مستوى ثقافي واجتماعي ثم مادي كويس

مستني ردكم

هابي فالنتين

شكرا على ردك
1)احترمتك طحن لانك بتكره الفلاحين
2)لو كل حاجه حرام ما بنعملهاش كان زمانا كلنا بقينا شيوخ