غلق المنتدى

من طرف Admin الجمعة فبراير 27, 2009 10:28 pm

بسم الله الرحمن الرحيم

اولا هو العنوان صح مش اشتغاله...المنتدى هيتقفل ..او بمعنى اصح احنا هنقفل المنتدى
بس هقولكوا بقى ازاى وليه

اكيد طبعا كلنا ملاحظين انه مبقاش زي الاول ..دي حاجه معترفين بيها كلنا بس احنا كنا بنتحجج بإن الناس مش فاضيه وكده عشان كده مش بيدخلوه
اوك فى ناس مش فاضيه ...بس فى نفس الوقت المنتدى ده عدد الناس اللى بتدخله مقلش اوى عن الاول..تقريبا هو هو نفس العدد .....دا كمان فى ناس بدأت تدخل
المهم احنا نوينا على ايه
المنتدى ده يتقفل كام يوم كده ( 5 او 6 او 7 ايام )
دا طبعا مش قفل وخلاص
احنا هنقفله وهنظبطه بجد من اول وجديد وهنرجعه منتدى احلى من الاول بمراحل بإذن الله ودا وعد مني بجد ومن باقى المشرفين...لاننا ناويين نرجعلكو بحاجات جامده جدا ان شاء الله هتعجبكوا
وطبعا افكار هايله جدا يعني هترجعوا لمنتدى تانى خالص بجد وهيبقى التغيير فى كل حاجه تتخيلوها
يعني احنا هنقفله فتره كده للتغييرات والتجديدات اللى هنعملها ان شاء الله ..بجد دا مش تجديد فى الشكل بس ..دا تجديد فى كل حاجه وهتلاحظوه
كمان قفل المنتدى مش هيبقى للتجديدات والافكار والحاجات اللى هنعملها بس
لا
دا كمان هيفيد فى ان الناس يوحشها المنتدى شويه...يعني حتى اللى زهق او بدأ يزهق يجدد نشاطه بقى فى وقت القفل ده
بس انا متفائل ان شاء الله اننا هنقدر نظبط صح ...لان دي هتبقى اطول فترة يتقفل فيها المنتدى ويا اما هتفيد اوى يا اما هتضر اوى

المهم
المنتدى هيتقفل ان شاء الله من بكره بالليل(اللى هو السبت ) لحد يوم الجمعه او السبت اللى بعده... على حسب يعني ..احنا هنبقى نكتبلكو يعنى فى الرئيسية
هو من السبت للاتنين هيبقى مقفول للكل ...وهيتفتح للمشرفين يوم الاتنين ان شاء الله بعد كده هيتفتح للكل من يوم الجمعه او السبت اللى بعديهم بإذن الله

انا طبعا اخدت راي المشرفين وشافوا انها فكره جميله بشرط ان المنتدى يرجع بحاجات تستاهل الوقت اللى اتقفل فيه ده

يارب تعجبكوا الفكره انتو كمان.. برضو خللى المنتدى يوحشكوا شويه بقى مش هيفضل مفتوحلكوا على طول
بس اوعى بعد ما افتحه ملاقيش حد دخله خالص..هههههه
ان شاء الله هنفاجئكو بجد

وان شاء الله زى ما المنتدى اتعمل وكبر كده ..هنقدر نرفرشه من تانى ونحييه من جديد ...

بكره بالليل ان شاء الله ..متنسوووووووووووووش

سلام

من طرف نوفا الجمعة فبراير 27, 2009 10:38 pm

السلام عليكم ورحمه الله وبركاته
اولا :-ع فكره الاسم يخد
ثانيا:- اكيد الاعضاء حتزعل بجد ان المنتدى حيتقفل ولو حتى يوم بس طالما انكم شايفين ان ده افضل للمنتدى علشان يكون اجمل وافضل يبقى منقدرش نقول غير ان ربنا يوفقكم للى هو فيه الخير ويارب تقدروا تخلوه افضل رغم هو اصلا جميل

من طرف Admin الجمعة فبراير 27, 2009 10:47 pm

ان شاء الله يا نيفين
وبجد ان شاء الله زى ما كل تغيير بيبقى افضل من اللى قبله دايما ..التغيير ده هيبقى افضل كتير وبجد بإذن الله دا هيكون فى مصلحة المنتدى
شكرا اوى يا نيفين عالرد والتشجيع ده

من طرف Ahmed Fouad الجمعة فبراير 27, 2009 10:50 pm

Ok man
Good Luck go team

من طرف Admin الجمعة فبراير 27, 2009 11:00 pm

ماشي يا مان
بس على فكره مش بفهم انجلش....هههههههههه
شكرا على تشجيعك يا حماده

من طرف emy saleh الجمعة فبراير 27, 2009 11:00 pm

اكيد التغيير ان شاء الله هيكون جامد
وهنستنى المنتدى يرجع تاني بفارغ الصبر
thank u

من طرف sway السبت فبراير 28, 2009 12:47 am

هى فكرة جميلة إن المنتدى يتجدد ويتعمل فى حاجات جديدة

بس مش عارف أنا حاسس إن المنتدى بقى حاجة لازم أعملها كل يوم

مفتكرش يوم عدى من ساعة ما المنتدى سجلت علية ومدخلتش

وساعات كتير ببقى راجع من شغل تعبان بس برضه كنت لازم أفتحة قبل ما أنام

حتى لو مش هرد على المواضيع

هى الفكرة جميلة وكان نفسى أشارك فيها

بس المشرفين الجداد أدها وأدود

وربنا يوفقكم يا شباب

وعايزين نشوف حاجة تبهرنا إن شاء الله