أنا والنجوم وهواك هنا فى منتدانا

Eman Said كتب:اولا فكرة الموضوع حلوة اوى يارضوى وعجبتنى جداااا
وممكن تكون القضية اللى هناقشها تخص اى حااااجة فى الدنيا
يعنى اى حد عنده اى مشكلة من اى نوع ممكن يعرضها وناخد اراء بعض..

بالنسبة بقى لرأيى:
انا فى الاول هحاول اقنعه ان احنا هنا بنتعامل مع بعض زى الاخوات
وهخليه كمان يشوف بنفسه
لكن بقى لو زرجن وقفل دماغه زى كل الولاد مابتعمل
فانا عن نفسى مش هقدر اعمل حاجة غير انى اقول
حاااااااااااضر وبس... لان لازم كل واحد يحترم رغبة الطرف التانى
بالرغم انى هبقى زعلانة جدااااااا
انى هبعد عن اصحابى.. لكن ما باليد حيلة
حكم القوي...

شكرا يارضوى على الموضوع الجميل ده
ويارب مكونش طولت عليكى

emy saleh كتب:موضوع جامد جدااااا يارضوى...... بجد كنا مفتقدين مواضيعك دي ياقمر

لو حصل معايا انا الموقف دا متهيألي ان زي ماقالت ايمان هيكون في نقاش الاول واعرف وجهه نظره ايه؟ واكيد حد فينا هيقتنع بوجهه نظر التاني.
ولو هوا بقى كان مصر على اني مثلا مدخلش المنتدى تاني فدي حاجة طبعا لازم تتعمل ولازم احترم رأيه.

رودي

sway كتب:أنا عن نفسى لو خاطب واحدة مادام خدت الخطوة إنى أرتبط بإنسانه معنى كده إنى عندى الثقة الكاملة فيها وفى تصرفاتها حتى إذا كانت لها تعامل مع ولاد لازم يكون فى حدود الأدب والإحترام المتبادل والزماله
بمعنى أصح مش هطلب من البنت اللى مرتبط بيها الطلب ده نهائى لأنى واثق فيها وفى تصرفاتها ولو طلبت منها كده ده دليل على عدم الثقة في نفسى قبل عدم الثقة فيها

أما لو أنا إللى إتطلب منى الطلب ده هعتبره غيرة بنات يعنى ممكن ساعتها أوضح لخطيبتى إنى إللى بكلمهم دول كلهم أصحابى وزى إخواتى وكنت أعرفهم قبلك وبتعامل معاهم من زمان على أننا إخوات وبس
وإنى مبفكرش فى حد تانى خالص غيرك وكلمتين حلوين من إللى البنات بتصدقهم دول والموضوع يخلص

بجد موضوع جامد موووووووووت يا رضوى إستمرى

Ahmed Fouad كتب:و الله الموضوع فكرته حلوة و اكيد حنتعرض كلنا للموقف دة .. .. لكن مع احترامي لكل اصحابي و زمايلي .. ححترم رغبتها و اخلي المركب تمشي .. على فكرة الرد دة اخد مني وقت طويل لأني مكنتش مجهز فكر مسبق للموضوع دة .. و شكرا جدا يا همسة على إثارة الموضوع

محمد صلاح كسبر كتب:انا مع احمد فؤاد بس الاول لازم اقنعها بوجهة نظري بس لو اصرت
هصبر شوية واكلمها تاني وانا متوقع انها هتقتنع بوجهة نظري
بس لو قفلت خالص
هوافقها اني اسيب المنتدي

romantic_eye كتب:موضوع حلو اوى يا رضوى وتسلم ايدك وفعلا كل موضوعاتك جامده اوى والمنتدى من غيرك يبقى وحش اوى
وبالنسبه للموضوع رائى زى اللى ردو كلهم
هتكلم معاه واشوف وجهه نظره واحاول اقنعه بس لو مرضيش هسمع كلامه ,هنعمل ايه بقى عشان تعرفو ان البناااااااااااااااات غلالالالالالالالابه

نوفا كتب:وحشانى والله يارضوى وكل سنه وانتى طيبه ياقمر مجبتيش الجاتوه
بس مش عارفه هو احنا بنعمل حاجه غلط اصلا ف المنتدى احنا زمايل بنحاول نطمئن ع بعض وبنكتب مواضيع واخبار يعنى مش شات اكيد ححاول اقنعه بكده وهو لو واثق فيه اكيد حيفهم بس يوم اصلا لما القيه يتضايق من غير حته مايقول حنفذ رغبته

semsem كتب:انا بقي مش معاكوا اصل ده نت مش خروج وهزار وكده
وكمان احنا اصحاب من الجامعه يعني عارفين بعض وبنحترم بعض ومدام اننا بنتكلم بكل احترام وادب يبقي ملوش لازمه ان اسيب المنتدي احنا مش داخلين نحب في بعض احنا هنا كلنا اخوات واصحاب وزي ماهو مش هيحب اني اطلب منه ده برده محبش انه يطلبوا مني لازم يكون في ثقه فيا وفي كلامي مع الناس
ومظونش اني هسيب المنتدي هفضل وراه لغايه لما اقنعه
وكمان اكيد انا هخطات بناس واشوف ناس ومش كل شويه هيقول متكلميش ومتدخوليش
انا رايي ان الثقه فيا وفي اخلاقي هي الحل وانه لازم يثق اني بتكلم بكل احترام واكيد هيشوف ده بعينه فهيبقي مالوش لازمه اني اخسر اصحابي وابعد عنهم

pureheart88 كتب:انا بقي ليا رأى خاص
ان انا لو ارتبطت بحد اكيد هيبقي مالي عليا الدنيا وعمري ماهعرف اكلم حد تانى غيره
لان اى وقت هضيعه علي النت اصلا هتبقي هى اولي بيه
وعلي فكره انا شايف ان كل اللي في المنتدى هيبقي نفس الكلام مع اختلاف طريقه تطبيق النظريه
والله اعلم ..............

حتى عشان هى ماتزهقش منك يااحمد

Ahmed Fouad كتب:متهيألي ان الحب الاول دة مجرد تغير ناتج عن التطور الذهني للانسان اللي بيصاحب التطور الجسماني اثناء مرحلة البلوغ .. (حد فاهم حاجة ؟؟ ) .. يعني بعد لما الانسان بيحس انه كبر و حيبقى زي الناس الكبار العاقلين الناضجين بيبقى عنده احساس ملح ( بضم الميم و كسر اللام) بأنه لازم يبقى زيهم في كل حاجة ( زي مثلا الشباب اللي بيدخنوا في سن المراهقة لانه بيقتدي بشخص كبير مدخن ) و من ضمن هذه الاشياء الحب بين الجنسين .. فالحب الاول مالوش معايير عشان نعرف هل سيستمر ام لا لأنه ليس على اساس سليم .. يعني كل انسان في حبه الاول لا ينتبه لمن يحب لان هدفه هو الحب ذاته .. و طبعا بيحصل كتير ان الحب الاول بيكمل و بيعيش للاخر .. و لكن اعتقد ان دي استثناءات

the precious كتب:هايل جدا يارضوى بجد فكره جامده موووووت ومعلش انى لاحظتها متأخر
وطبعا هقول رايي
بالنسبه للحب الاول فطبعا اكيد فى حاجه اسمها حب اول ... بس طبعا لازم نخلْي بالنا من كلمة"حب " دي لان لو فى حاجه حصلت وقت المراهقة فدا صعب اننا نقول عليه حب اساسا
يعني الحب الاول هو اللى بيحصل لما يكون الواحد عقله نضج وعرف صح يعني ايه "حب" ، عشان يبقى حب حقيقي مش just مراهقة وتضييع وقت
يعني اللى بيحصل وقت المراهقة ومرحلة البلوغ دا حرام نقول عليه اساسا انه حب
والحب الاول والحقيقي هو اللى بيحصل لما يكون الانسان عدى مرحلة البلوغ والتغيير الفسيولوجي دي
اما بقى لما يحصل حب حقيقي وميستمرش مثلا فطبعا دا هيتنسي فى يوم من الايام لان النسيان دا نعمه ربنا مديهالنا ...بس فترة نسيانه هتتوقف على سبب عدم الاستمرارية وكمان على الحياة بعد كدا
مثلا لو مستمرش بسبب ان الطرف الثاني مكنش اساسا حد كويس وان حصل خداع فدا هيتنسي بسرعه جدا وممكن كمان يتحول لكره
اما لو مستمرش بسبب ظروف تانيه ، ففي ظروف ممكن تخلى الواحد يندم بعد كده على الحب دا وضياعه من ايده ودا بيبقى صعب النسيان..... وفى ظروف بتبقى خارجه عن ارادة الطرفين دا برضو ممكن ياخد وقت
وممكن برضو الحب القديم دا يبقى سهل انه يتنسي لو عوضه حب افضل منه دا ممكن ينسي الواحد كل اللى فات
بس فى كل الحالات..نقول ان الحب الاول دا لو مستمرش فهو مسيره هيتنسي ...مفيش حاجه مش بتتنسي

شكرا يا رضوى ،،، فكرتك هايله

همسه كتب:احنا هنا هنعمل زى برنامج اسامه منير
size]



[size=24]
لو انتى مخطوبه او انت خاطب وخطيبك او خطيبتك
طلبت منك تسيب المنتدى ده عشان فى ولاد أو بنات ومش المفروض بعد ارتباطك تكلم
لو لود مش المفروض تكلم بنت ولو بنت مش المفروض تكلم ولد
ايه رد فعلك
طبعااااااا رد فعل الولد غير البنت
بس طبعااااااا هيبقى ممنوع المنتديات بصفه عامه
بس هل تقبل بأن الطرف التانى يخليك تسيب المنتدى اللى فيه اصحابك
ولا هتتصرف ازاى او هتتصرفى ازى

أ رجو التفاعل
وان الموضوع والفكره تعجبكم