ندمت يوما على شىء مضى من حياتك

من طرف boosy الثلاثاء أبريل 14, 2009 7:30 pm

هل فى يوم من الايام على شىء مضى من حياتك
قصة حب
انسان خدعك
هل تندم علية ام ان شخصيتك اقوى من ذلك ولاتندم على شىء فعلتة فى يوم من الايام ????????

من طرف Ahmed Fouad الثلاثاء أبريل 14, 2009 7:44 pm

بالعكس متهيألي ان الندم دة من اهم الاشياء في حياتنا .. لأننا بني ادمين و لامحالة حنغلط .. و الغلط اذا لم يتبعه احساس بالندم نبقى جبلات مش بني ادمين .. و اللي مش بيندم على اخطائه اكيد بيفضل بني ادم فاشل في حياته و مش بيتعلم حاجة .. لكن المهم ان الندم دة ميعديش مرحلة معينة فيقلب بإكتئاب مزمن و يبوظ حياة الانسان .. الندم يادوب بيكون للحظة .. و بعد كدة بيحول التجربة الخاطئة الى خبرة مكتسبة تخزن في الذاكرة .. ثم يعود الانسان الى احساسه الطبيعي مع التعهد بعدم تكرار الخطأ مرة اخرى

من طرف boosy الثلاثاء أبريل 14, 2009 8:01 pm

انا بحترم رايك يا احمد جدا
لس انا بشوف ان الندم بالكتير يبقي يوم او وقت اقصر بكتير
انا بشوف ان اهم من الندم اننا نتعلم من غلطاتنا مش اننا نندم بس
وبرده بشوف ان مفيش حد او شخص في الدنيا ديه يستحق اني اندم عليه
سواء كان سوء اختيار مني ويكون بعني او جرحني او اي سبب من الاسباب
انا اللي اخترت وانا اللي لازم اتحمل نتيجه اختياري
هيفدني ايه اني اندم واحط ايدي علي خدي واكتاب وبعدين يعني
انا الانسان اللي بسيبه لاي ظرف من الظروف بوقعه من حياتي خالص
مش عارفه ده صح ولا غلط بس انا بختلف معاك مش معني ان الانسان مش بيندم بيقي مش بني ادم ممكن يكون مبيسمحش للندم انه يخليه يكتاب والعكس انا بشوفه قوي
بس متوصلش لانه يكون جبله كده يبقي اوفر اوي

من طرف pureheart88 الثلاثاء أبريل 14, 2009 10:46 pm

اولا الموضوع حلو اوى
ثانيا انا من وجه نظري ان الندم مالوش اى لازمه في حياتنا لو ماتعلمناش من اخطائنا
يعنى لازمته ايه الندم لو كررت نفس الغلطه تانى سواء ان كان في حكم علي حد او في حب او اي حاجه في الحياه
انا شابف ان الندم مش وحش بس لو كان مع تعلم الغلط وعدم تكراره
thank u

اولا الموضوع جامد اوي يابسمة
انا اندم علي انسان اكون واضع ثقتي فية ويخون هذة الثقة وميكنش يستحقها

من طرف Ahmed Fouad الأربعاء أبريل 15, 2009 12:20 am

يا جماعة واضح ان في سوء فهم او تسرع في الحكم على كلامي لأني قلت ان الندم لا يجب ان يتخطى عمره لحظات .. و انه بيكون مجرد ادراك للخطأ لكي يتم حفظه في العقل على اساس انها خبرة و ليس خطأ بهدف عدم تكرار الخطأ .. و هذا هو الفرق بين البني ادم و الجبلة ... التعلم من التجارب .. ارجو عدم التسرع في الحكم على الاراء و التعليقات flower n

من طرف boosy الأربعاء أبريل 15, 2009 8:45 pm

pureheart88 كتب:اولا الموضوع حلو اوى
ثانيا انا من وجه نظري ان الندم مالوش اى لازمه في حياتنا لو ماتعلمناش من اخطائنا
يعنى لازمته ايه الندم لو كررت نفس الغلطه تانى سواء ان كان في حكم علي حد او في حب او اي حاجه في الحياه
انا شابف ان الندم مش وحش بس لو كان مع تعلم الغلط وعدم تكراره

انا بتفق معاك يا احمد في كل اللي قولته
thank u

من طرف boosy الأربعاء أبريل 15, 2009 8:49 pm

محمد صلاح كسبر كتب:اولا الموضوع جامد اوي يابسمة
انا اندم علي انسان اكون واضع ثقتي فية ويخون هذة الثقة وميكنش يستحقها

انا مختلفه معاك يا كسبر انا بشوف انه حتي ميستهلش اني اندم عليه ولا يستاهل حتي لحظه اضيعها عليه ولو كانت لحظه ندم

من طرف boosy الأربعاء أبريل 15, 2009 8:52 pm

Ahmed Fouad كتب:يا جماعة واضح ان في سوء فهم او تسرع في الحكم على كلامي لأني قلت ان الندم لا يجب ان يتخطى عمره لحظات .. و انه بيكون مجرد ادراك للخطأ لكي يتم حفظه في العقل على اساس انها خبرة و ليس خطأ بهدف عدم تكرار الخطأ .. و هذا هو الفرق بين البني ادم و الجبلة ... التعلم من التجارب .. ارجو عدم التسرع في الحكم على الاراء و التعليقات

يا احمد محدش قال حاجه كل واحد قال وجهه نظره ومحدش اتسرع ولا قال حاجه عن رايك
وكل واحد حر في رايه thank

من طرف Ahmed Fouad الخميس أبريل 16, 2009 12:52 am

يا بسمة انا اقصد تعليقك انتي في الاول بس استخدمت صيغة الجمع على اساس انك حتفهمي من غير ما اصرح ، لان تعليقك مضمونه انك ليكي رأي مخالف لرأيي مع ان هو هو نفس الكلام و انا برد عشان احافظ على كلامي الاول من اي تشويه لمضمونه .. لكن باقي التعليقات كل واحد اتكلم عن رأيه الشخصي بدون ما يختلف مع حد flower n

من طرف boosy الخميس أبريل 16, 2009 6:04 pm

بص يا احمد اولا صرح عادي واقول اللي انت عاوزه
ورايي متشابهه مع رايك في حاجات ومعارضه في حاجات تانيه وانا لسه عند رايي
انت بتقول
الغلط اذا لم يتبعه احساس بالندم نبقى جبلات مش بني ادمين .. و اللي مش بيندم على اخطائه اكيد بيفضل بني ادم فاشل في حياته و مش بيتعلم حاجة ..
ده وجهه الاختلاف انا بشوف ان اللي ميندمش بيكون شخصيه قويه بيكون ناجح في حياته لانه اه بيتعلم من اخطائه بس مش بيسيب حاجه تعطله او توقفه او تخليه يكتئب وده وجهه الاختلاف بنا
اما باقي كلامك انا اتفق معاك فيه لان الواحد المفروض يتعلم من اخطاؤه مش يكررها وده انت وضحته
وانا برده متمسكه برائي وبرده احب اقولك ان الاختلاف في الرائ لا يفسد للود قضيه
انت حر في رايك وانا حره فيه ومش معني اني اختلفت معاك اني شوهت مضمون كلامك
thank u

من طرف boosy الخميس أبريل 16, 2009 6:06 pm

ارجو اني اكون وضحت رائي
thank u

احمد

من طرف همسه السبت مايو 09, 2009 11:59 pm

الندم
لو انا اديت ثقتى لحد وخانى وخصوصا لو حب
لازم اندم على ثقتى ليه وحبى اللى حبيته له
ماهو مش معقول هحبه واثق فيه ويظهر لى خيانه او خداع ونا هقف عادى ومش هندم وهتعلم من الخطأ بدون ندم
لا هندم على الوقت والمشاعر والحب وهياخد وقت معايا كمان
لكن اكيد فى الأخر هتعلم من الخطأ واشوف ايه اللى عملته غلط فى العلاقه دى وماعملوش تانى

وهرضى بالمكتوب واصبر وربنا يعوضنى بقى
شكرا يابوسى على طرحك

من طرف boosy السبت مايو 16, 2009 5:25 pm

مرسي اوي يا رضوي علي ردك
thank u

من طرف HEMA الأحد مايو 17, 2009 6:08 pm

ندم لا اتنى واثق تماما ان اى حاجة حصلت زى ما بتجرحنا بتعلمنا .

من طرف boosy الإثنين مايو 18, 2009 4:52 pm

مرسي يا هيمه علي الرد

من طرف Hussein elansary الثلاثاء يوليو 07, 2009 12:37 am

الندم ده شىء عادى بالنسبة للانسان فى الوقت الحاضر بسبب ضعف الوزع الدينى
الانسان بيندم على اى شىء كويس من وجهة نظرة فاته و لكن عندما يسلم لله كل شىء يرتاح ولا يكون الندم الا للحظات او لا يكون هناك ندم

من طرف greatpharaoh111 الثلاثاء يوليو 07, 2009 12:33 pm

السلام عليكم ورحمة الله وبركاته

متهيالى ان الندم ده جزء من طبيعة الانسان البشرية .... زى ما الانسان بيعمل حاجات كتير صح وحاجات حلوة وانجازات بتفرحة و (( بيتفشخر )) بيها ، اكيد كمان بيعمل غلطات كتير بيبقى من الطبيعى انه يندم عليها ..... وده شعور طبيعى جدا بس الاختلاف فى مدة الندم وقوته

ومتهيالى ان فى فرق بين الندم على غلطة مع بشر عادى زىى ، وبين معصية مع اللى خالقنى .....

فى الاولى انا باشوف ان الندم لازم يكون عمره قصير جدا ويكون الغرض منه هو تأنيب النفس على الغلط علشان ما اعملوش تانى وما ارجعلوش وما اغلطشى فى حق حد تانى

وبالنسبة للنوع التانى وهو المعصية .... انا شايف ان الندم لازم يبقى كبير وياخد وقته

لان مجرد الندم على المعصية يعتبر استغفار لربنا على اللى انا عملته وكأنة توبة داخلية غير مقصودة من جوايا

بس عموما الندم ظاهرة صحية طالما موجودة فى الاطار بتاعها وطالما ما اتعدتشى حدودها المسموح بيها

اشكرك على الموضوع يا بوسى

تسلم ايدك يا قمر

من طرف boosy الخميس يوليو 09, 2009 5:53 pm

مرسي اوي يا حسين لردك thank u

مرسي يا شحاته ردك طول عمره عاقل وبيعجبني

ندمت يوما على شىء مضى من حياتك

ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك

رد: ندمت يوما على شىء مضى من حياتك