لماذا تصمت الفتاه

من طرف boosy الجمعة مايو 22, 2009 7:16 pm

السلام عليكم ورحمة الله وبركاته ..

هذه الظاهره البشعه تحتاج الى احتجاج من جميع النواحى فى الدوله والاسره

لماذا هذا يحدث فى مجتمعنا على الرغم من وجود الاسلام وتعالميه لماذا؟

((لمــــــاذا تصمـــت الفتـــــــاة عنـــد التحـــرش بهــــــا؟؟))

ســــؤال يحتــــــاج إلــــى إجـــــابـــــــــة !!!!

ســــؤال .. تبـــــــادر إلــى ذهــــن الجميـــــــع .. وتســــاءلــوا حقــــــــاً .. لمـــــاذا تصمـــــــت..؟!!.
.

قصـــص كثيــــــــرة .. تــوضــــح صحـــــة هــذا الأمـــــر
ومهمـــــا كـان نـوع التحــرش .. فـ إن الصمــــت يـكـــون سيــد المــوقـــــــف..!!
.
.

هــل خـــــوف .. أم ضعــــــف .. أم رضــــــا..؟!!!
.
.

فتـــــــاة تحـــــرش بهــــا أخـــاهـــــا .. فـ رفضـــــت إخبـــــار أهلهــــــــا بـ الأمــــــر..!!
.
.

وأخــــرى تـــأتيهـــــا مكــــالمــــــات ورســـائــل مــن شخــص لا تعـــــرفـــــهـ .. فـ رفضـــــــت إخبــــــــار أحـــد بـ الأمــــــر ..

فتــــــاة تعــــرضـــــت لـ الاغتصـــــــاب .. ولـــم تخبـــــر أحـــــد .. فـ ضــــــاع مستقبلهــــــــا.. وضـــاعــــــت حيـــــاتهـــــــا
ولجــــــأت إلـــــى الانتحــــــــار .. لـكــن كــل محــــاولاتهـــــــا بـــاءت بـ الفشـــــــل..!! .
.

ســـــؤالــــــي هنـــــــــا ..
.

مـــــا الــذي يــدفــع الفتــــــــاة لـ الصمــــــت
عنــــد التحـــــرش بهــــــــا..؟!!!.
..

هـــــل هـــــو الخـــــــوف..؟!!
أم
الضعـــــــــف..؟!!أم
الـــــرضــــــــــا..؟!!.

أتــــــــرك الإجــــــــابــــــة لـ مــن يعـــــرف الأسبـــــــاب

من طرف greatpharaoh111 الخميس مايو 28, 2009 11:37 am

موضوع جميل وجرىء يا بسمة كعادة مواضيعك الجامدة دائما...

متهيألى سبب الصمت ده طبيعة البنت الشرقية عندنا ، الحياء والخجل وعدم القدرة الى التطرق الى الموضوعات المحرجة بصفة عامة .

ولو ان الصفات دى ابتدت تختفى مؤخرا عليه العوض خلاص .....

وبالنسبة لموضوع الصمت المطلق انا ضدة ، بمعنى ان فى اوقات اشوف ان لازم البنت تتكلم فيها ، واوقات تانية ما تفتحشى بقها خالص وتمشى من سكات

واختلاف الحالتين بيرجع لطبيعة الشخص اللى قدامها

انا متهيالى ان الانواع اللى ممكن تتحرش بالبنات نوعين :

النوع الاول بيبقى شخص كويس بس مريض ، عندة هوس ناحية البنات ، ناس كويسين ومحترمين بس عندهم مرض نفسى فى المنطقة دى ، وبيعمل اللى بيعمله على استحياء

هنا البنت ممكن تتكلم لان كلامها واحراجها ليه ممكن يمنعه انه يتحرش بغيرها ولو فرجت الشارع عليه ممكن ما يعملهاش تانى ابدا . وده يعتبر رد لجزء من حقها ، وعلاج لمرضة ده وكمان حماية لغيرها انها تقع تحت ايده لو هى سكتت وهو حس انه ممكن يكررها تانى وتالت

النوع التانى نوع بقى مش فارقة معاه ، معندوش حدود لاى حاجة ، ومعندوش خطوط حمراء ، ولا ينفع معاه انك تحرجية ولا اى حاجة خالص

بالعكس ردك عليه ممكن يعرضك لاهانة اكتر ودخول فى مهاترات مع واحد ما يفهمشى ابسط قواعد الزوق والكلام ، علشان كدة انا افضل السكوت هنا وعدم الرد

ربنا يكون فى عونكم بجد ، الواحد بيشوف حاجات فى الشوارع اليومين دول تشيب

الحمد لله انى مش بنت ......

Smile

من طرف boosy الخميس مايو 28, 2009 9:56 pm

ربنا يكون في عونا منكوا يا ولاد
ههههههههههههههههههههههههههههههههههههه
يا وحووووووووووووووووووووووش
هههههههههههههههههههههه
انا بقي بشوف ان البنت في الحالتين ترد وحتي الحاله التانيه كمان اه هتاخد شتمتين تلاته بس هيعرف انها هتمسح بيه الارض وانها مش راديه فهيتلم
بس برده البنت لازم تحسن التصرف مش تجي في شارع ضالمه وتاخدها الجراءه وتشتم ساعتها الله يكون في عونها والله يرحمها

والله يا شحاته مفيش حد زيي في المواضيع ديه
هههههههههههههههههههههههه
اللي يعاكسني ولا يلمسني امه داعيه عليه
هههههههههههههههههههه
بالجزمه تلاقيني ساكته او اشتمه

ولما حد يجي معدي كده من الشارع تلاقي كل الجراءه جاتلي وتلاقي ايدي مسلمه علي خده طرااااااااااااااااااااااااااخ enjured

ودمعتين ادام اللي معدي يجوا هما يتخانقوا معاه وانا تلاقيني يا فكيك علي البيت
tooot

ههههههههههههههههههههههههههه
بجد الولاد دول اعوز بالله منهم بجد ربنا يشفيهم وطبعا مش كلهم بس علشان مكدبش

اما البنت اللي بتسكت فانا لو شفت بنت كده فبقول هي اللي سامحاله
لازم البنت تعرف تدافع عن نفسها وتكون جريئه

ومتخفش من كلام الناس طز في اي حد كده كده هيتكلموا سواء في الحلو او الوحش هيتكلموا هما يعني وراهم ايه غير الكلام
بجد انا بحس ان اللي بيهتم بكلام الناس يبقي عبيط سوري يعني وبيقيد حريته علي الفاضي
thank

من طرف greatpharaoh111 الجمعة مايو 29, 2009 9:33 am

يا بسمة انا مش كنت طالب انها تسكت فى الحالة التانية علشان كلام الناس

لا بالعكس

ده علشانها هى لانها كدة ممكن تتعرض لخطورة اكبر

على العموم ربنا يرحمنا من عنده

من طرف islam الإثنين يونيو 08, 2009 11:46 am

بجد التحرش فى الشارع المصرى مش ظاهره ولا حاجه هو بس زاد فى التلات السنين الاخرنين دول بس فى رأى المتواضع ان الخطأ مشترك من البنت او الولد
بالنسبه للولاد كل واحد فينا جواه وحش يتم استدعاْءه بالملابس الفجه لبعض البنات............
ممكن حد يقول ان احنا سمعنا عن بنات منقبات تم التحرش بهم بس الرد هيكون هما منقبات اه بس تصميم النقاب نفسه اللى موجود على الموضه الايام دى بيخليه ولا بدله رقص شرقى سورى .............
فميكنش قدام الغلبان (الولد) الا انه يعاكس او يتحرش وانا مع انه يعاكس بس ميتحرش ....................... Smile

من طرف Hussein elansary الثلاثاء يوليو 07, 2009 12:56 am

تصمت الفتاة لحدوث اختلال فى ثقافة المجتمع حيث ان المجتمع ينظر له نظرةتدينها طول العمر على الرغم من انها الضحية و لكن مع زيادة القيم الاستهلاكية فى المجتمع و سوء الخلق المتفشى فى كل الطبقات تصبح المتاة المتحرش بها فريسة لنظرات الناس من حولها و قد يتهمها البعض بانها من نحرش المتحرش لكى يتحرش بها

من طرف greatpharaoh111 الثلاثاء يوليو 07, 2009 12:25 pm

Hussein elansary كتب:تصمت الفتاة لحدوث اختلال فى ثقافة المجتمع حيث ان المجتمع ينظر له نظرةتدينها طول العمر على الرغم من انها الضحية و لكن مع زيادة القيم الاستهلاكية فى المجتمع و سوء الخلق المتفشى فى كل الطبقات تصبح المتاة المتحرش بها فريسة لنظرات الناس من حولها و قد يتهمها البعض بانها من نحرش المتحرش لكى يتحرش بها

باقولك يا ريس .....
يعنى إية زيادة القيم الاستهلاكية الله يكرمك ؟؟؟؟؟؟؟؟

من طرف boosy الخميس يوليو 09, 2009 5:51 pm

greatpharaoh111 كتب:يا بسمة انا مش كنت طالب انها تسكت فى الحالة التانية علشان كلام الناس

لا بالعكس

ده علشانها هى لانها كدة ممكن تتعرض لخطورة اكبر

على العموم ربنا يرحمنا من عنده

انا عارفه والله يا شحاته قصدك ايه انا بتكلم ان في بنات بتسكت وبتقول ما انا لو اتكلمت هيضربني وهيعمل وهيعمل
انا بشوف انها متسكتش في اي حاله لازم تتعلم ازاي تحافظ علي نفسها

من طرف boosy الخميس يوليو 09, 2009 5:55 pm

مرسي ليك يا حسين بس والنبي وضح قصدك لشحاته اصلي انا كمان مش فاهمه Smile

من طرف Hussein elansary السبت يوليو 11, 2009 2:08 am

هههههههههه
عيب يا شحاتة ماتكنش فهمتنى ده انا بعتهالك مخصوص
القيم الاستهلاكية هى باختصار شديد كل - اسف - لان اسميها قيم بل هى اصبحت اسلوب حياة لكثير من الناس وهى عبارة عن الالاقيات السيئة و اللامبالاة بالاخر و عدم الاكتراث له بل و معاقبته على انه مازال به بضع القيم الاصيلة التى كانت تميز مجتمعنا

لماذا تصمت الفتاه

لماذا تصمت الفتاه

رد: لماذا تصمت الفتاه

رد: لماذا تصمت الفتاه

رد: لماذا تصمت الفتاه

رد: لماذا تصمت الفتاه

رد: لماذا تصمت الفتاه

رد: لماذا تصمت الفتاه

رد: لماذا تصمت الفتاه

رد: لماذا تصمت الفتاه

رد: لماذا تصمت الفتاه