مرور سنة كامله على انشاء المنتدى

كل سنه وانتم طيبين يا احله دفعه فى الكون
عقبال كل سنه واحنا لسه نعرف بعض كده ومايقطعهاش عااااادة ابدااااا

ربنا يخليك يا قردش باشا شكرا على ردك

بس ياريت كنت ترد عالاسئلة المطلوبة بالمره
عايزين اللى يدخل يرد عالاسئله دي يا جماعه ..اوك

كل واحد يدخل يقول عرف عن المنتدى منين دا اولا
وأول ما دخل المنتدى وبدأ يشارك فيه كان مخنوق منه ولا فرحان يعني حس بإيه بالظبط دا ثانيا
ويا ترى هل استفاد من المنتدى ولا لأ واستفاد ايه دا ثالثا ودا الأهم
وكمان شايف المنتدى ايه دلوقتى ( أكيد الكل هيقول بقى فاضي وصحرا ومحدش بقى يدخله كتير ) دا رابعا
وكل واحد يقول كلمة لباقى لأعضاء المنتدى كلهم بقى دا خامسا و أخيرا

اولا احب اقول كل سنة واحنا طيبين بالمنتدى الجميل بتاعنا اللى بجد مجعمنا كلنا
ثانيا احب اقول انى اول مدخلت المنتدى ده كنت شوية مش حابه بس علطول حبيته واتعودت عليه اوى لدرجة انى ساعات كنتل ام النت يقطعا انزل سيبر عشان اقعد على المنتدى
ثالثا اقول ان المنتدى ده عرفنى على ناس كتير اوى كانوا معايا فى الجامعة بس علاقتى بيهم مكنتش اوى ودلوقتى بقوا من اكتر اصحابى وخاصة شحاته باشا
رابعا احب اقول ان المنتدى فعلا دلوقتى مبقاش زى الاول بس هو محتاج اهتمام شوية يبو صلاح والناس هتخش واولهم انا طبعا لانى عارف انى مقصر اوى
خامسا احب اقول لكل اعضاء المنتدى اتمنالكوا حياة سعيدة وان شاء الله كل اللى نفسوا فى حاجة يحققها ونفضل مع بعض على طول

رفرف حبيب قلبي
والله واحش المنتدى اوى يا مان وواحشنى اكتر
شكرا اوى على ردك وان شاء الله المنتدى هيرجع زى الاول متقلقش

انا عرفت المنتدى من آية عبد الرحمن ومن محمد كسبر
وأول ما دخلت المنتدى كنت فرحانة جدا ان في مكان بيجمع كل الدفعة بعد ماخلصنا وتقريبا كان كل يومي بيضيع علي المنتدى
انا استفدت كتير من المنتدى سواء من المواضيع او من اهم حاجة وهيا اني عرفت ناس كتير جدا مكنتش اعرفهم في الكلية
انا شايفة المنتدى دلوقتي انه بقى صحرا فعلا ونفسي يرجع تاني زي زمان
وكل سنة والمنتدى طيب ومجمعنا كلنا

شكرررررررررررررا على الرد يا ايمان
وكل سنه وانتى طيبه
وياريت زى ما قولتى نرجع كلنا للمنتدى عشان نعرف نرجعه زى الاول وبدل ماهو صحرا يبقى غابه

السلام عليكم ورحمة الله وبركاته

اولا عرفت المنتدى غالبا مش اكيد من احمد رضا واحمد بغدادى

وأول ما دخلت المنتدى كنت مبسوط بيه جدا وكانت افضل فترة عمرية بالنسبة لى و كنت مبسوط فيها نفسيا اوى فترة ازدهار المنتدى
ايام اول ما عملنا الاشراف وكانت نهر الحب وايه ماسكين من البنات
كنت بابقى ميت من التعب من الشغل ومزنوق جدا فى الوقت
بس عمرى ما دخلت يوميا اقل من اربع ساعات فى الفترة دى



انا استفدت من المنتدى فى حاجات كتير جدا بجد - الاولانية من الموضوعات اللى الاعضاء بيعرضوها ، موضوعات دينية زى موضوعات الاعضاء كلها طبعا بس خصوصا موضوعات التؤام دينا ودينا ورضوى ، والشعر والقصص الى كانت بتجيبهم بسمة ،ودعاء ايام ما كانت فى عزها فى المنتدى ، وافتكاسات رفيق والموضوعات الجديدة الى كان بيجيبهالنا

دى الاستفادة الاولى من حيث المواضيع ، الاستفادة التانية بقى ان اصحابى اللى باعشقهم وباموت فيهم بدرجة غريبة جدا المنتدى خلانى احس انى معاهم على طول واننا ما افترقناش بعد قعدة الاسكوير
بجد كتير المنتدى وصلى الاحساس ده انى مش لوحدى وان الناس حواليا لو احتاجتهم

الاستفادة التالتة بقى فى ناس علاقتى بيهم كانت عادية والكلية ما سمحتليش انى اتعرف عليهم اوى ، او انى اتعرف عليهم اصلا
المنتدى قربنا من بعض ولاقيت فيهم اصحاب ما يتسابوش وخصوصا الواد اللى عارف ان قصدى عليه ((( بتاع الورقة العرفى )))


باقول لاعضاء المنتدى - اصحابى وعشرة اجمل ايام اللى ما ترجعشى تانى - ايام الكلية والاسكوير والرحلات - ايام زنقات الامتحانات ولما تبقى هاتموت وتخطفلك ساعة نوم ومش عارف - الساعة 6 الصبح قبل الامتحان فى البرد وانت هاتموت وتدخل تدفى فى السرير وعينك مش عارف تفتحهم - ايام ما كنت تدخل الكلية تلاقى اصحابك وحبايبك كلهم حواليك - ايام الفطار والشاى عند عم عتريس - وفانتا تفاح بتاعة ام محمود والقهوة بتاعة مصطفى - ايام الحر والزنقة اللى كنا بنشوفها عند (( بابا خيرى )) - ايام ما كنا بندور على ماكنة تصوير فاضية علشان نروح بسرعة - ايام كورنيش اسكندرية واحلى ساعتين تقعدهم مع حبايبك - الليلة البدوى اللى ما تتنسيش (( ويلى يا يا ويلى يا ويلى - جيت اسلم عليكم - يفرح القلب بيكم - يا طول شوقى اليكم .......... - الفرخة فين عالجدار - ايام الخروف اللى ما كانشى ليه زى )) - الوقفة بتاعة القلعة اللى محروس فرج الناس فيها علينا اللى لو مظبطينها مية مرة ما تطلعشى بالحلاوة دى - ايام اتوبيس اسكندرية اما كان بيغنى على صوت واحد وكلنا طايرين من الانبساط ))))

هاه عيطتو ولا لسة ؟؟؟؟؟؟؟؟
انا مش جاى انكد عليكم ....... إطلاقا يا اخوانا
بس اللى حضر المواقف دى ولسة ما عيطشى يبقى ما عندوش ......


احسن حاجة عملتها يا ابو صلاح فى عمرك كلو حاجتين ، الاولانية طبعا انت عارفها انك اتعرفت على واحد جامد زىى ههههههههههههههههههههههه

التانية بقى انك تعبت وعملتلنا المنتدى - بجد ربنا يجازيك خير على مجهودك دايما معانا - وفكرة انك تجمع الناس على حاجة واحدة وتحاول تقربهم من بعض دى حاجة جميلة جدا .......

بجد انا باوجه تحية كبيرة اوى لابو صلاح واقولة ربنا يخليك لينا يا مان ونقرفك على طول ونتاقل عليك وبجد انت حد كويس اوى وبتعمل كتير علشان الناس ربنا يجازيك خير واقعد بالعافية ....

كل سنة والمنتدى طيب واحنا مع بعض متجمعين وعلى الخير دايما متلمين وفى فرحكم مدعوين
امين امين امين ....

اسف للاطالة

كل سنة وانتو طيبين يا اجمل ناس فى الدنيا
ويااااااارب نفضل دايما فاكرين بعض بالخير
وان شاء الله السنة ديه تكون حلوة علينا كلنا
وربنا يكرمنا جميييييييييعاااااا ...اميييييييييييين

انا عرفت المنتدى من اصحابى كلهم كانوا دايما يتكلموا عليه
ولما دخلت بصراحة كنت فرحانة جداااااا لانى فى حاجة هتعوضنى
شوية عن الكلية وبعدى عن اصحابى ... وطبعاااااا استفدت منه حاجات كتييييير
ومعلومات مهمة وادعية جميله وفكاهة غيييير عاديه
هو صحيح دلوقتى بقى فااااااااضى لكن برضه بنرجعله تانى
وطبعااااااااا لااااااااااازم نشكر احمد صلاح على مجهوده الرائع فى المنتدى ده
واقول لكل اصحابى انا بحبكوا جداااااااااااااااااااااااااااااااااااااا

السلام عليكم ورحمه الله وبركاته
كل سنه وكل المنتدى بخير وسلامه ويارب نحتفل دايما بعيد ميلاد المنتدى واحنا ان شاء الله كلنا فيه
انا عرفت المنتدى من رضوى بس لما دخلت مكنتش اعرف مين فيه حتى مكنتش داخله باسمى بس يعنى كنت الى حد ما بشعر بالغربه شويه
بس طبعا كنت مبسوطه انى فيه لانى حاسه انى ممكن اطمئن ع زمايلى بس طبعا كانت فكره جميله جدا ان احمد عمل المنتدى وحاول يجمعنا مع بعض
اينعم المنتدى دلوقتى بقى مهجور شويتين بس اكيد احنا السبب
طبعا اكيد استفدت من المواضيع الدينيه والحاجات برده الى دمها خفيف
اتمنى المنتدى يكون موجود واحنا نكون موجودين مع بعض ف المنتدى ان شاء الله
وشكرا لاحمد وكل من تعب ف المنتدى ده
ويارب نحتفل بمرور 100 عام ع تاسيس المنتدى زى الاهلى
بس الواحد حيكون عايش ولا لا
ياله الله اعلم
كل سنه وانتم طيبين

والله شباب زي العسل كلكو
شكرا اوى عالردود يا جماعه
شحاته حبيبي
ايمان
نيفين

المنتدى قربنا من بعض ولاقيت فيهم اصحاب ما يتسابوش وخصوصا الواد اللى عارف ان قصدى عليه ((( بتاع الورقة العرفى )))

هموت واعرفه ..مين دا صحيح ؟؟؟!!!!!!!!!!!

ويارب نحتفل بمرور 100 عام ع تاسيس المنتدى زى الاهلى

مش هقول غير كلمه واحده بس >>>>> ههههههههههههههههههههههههه.
كومنت جامد اوى يا نيفين بجد عشان ساعتها ولادنا بقى هيكونوا مكملين المسيره عالمنتدى

وطبعااااااااا لااااااااااازم نشكر احمد صلاح على مجهوده الرائع فى المنتدى ده

بجد انا باوجه تحية كبيرة اوى لابو صلاح واقولة ربنا يخليك لينا يا مان

ربنا يخليكو يارب ...شكرا بجد

احسن حاجة عملتها يا ابو صلاح فى عمرك كلو حاجتين ، الاولانية طبعا انت عارفها انك اتعرفت على واحد جامد زىى ههههههههههههههههههههههه

دى الحاجه الوحيده اللى ندمتنى انى عملت منتدى زي ده وكرهتني فى نفسي

bsara7a ana 3ayez 22ol kilma ana lama da5alt 3la el montada fi el awl kont far7an 3ashan ha2abil as7ab fi el gam3a w kda w kont 7aris eni asharik li7ad ma la2it 7agat te5no2 bisara7a fa batalt ad5ol .

ياريت يا هيما تقولنا ايه اللى كان مزعلك او خانقك من المنتدى

كل سنة وكل النتدي بخير وسعادة واتمني ليهم مستقبل زي الفل
انا عرفت النتدي من احمد رضا ومن شحاتة حبيبي
ياريت نتجمع زي الاول
بجد المنتدي كان في الاول حاجة جميلة اوي وكنا كلنا بنتجمع ونكلم بعض بس دلوقتي بجد علي رأي ايمان صالح اصبح صحراء لازرع فيها ولا ماء
هو عاوز شوية مجهود مش من احمد بس ولكن من المنتدي كلة
كل سنة وانتم طيبين
وكفاية اللي عيد ميلاد المنتدي قريب جدااااااااا من عيد ميلادي
هههههههه اتمني للجميع صحة كويسة ويارب يحققوا كل اللي بيتمنوة