ياجماعه حرام عليكم المنتدى نام كده ليه ؟

من طرف islam الأربعاء ديسمبر 09, 2009 8:24 pm

يا جماعه الناس راحت فين
المنتندى نام كده ليه
ارجوا المناقشه ورجوع الاعضاء تانى Crying or Very sad

من طرف همسه الأربعاء ديسمبر 09, 2009 8:51 pm

يااسلام
هما بيدخلوا دلوقتى على الفيس بوك وبتكلموا مع بعض فيه
مع ان شايفه ان المنتدى احلى بكتير من الفيس بوك

انا مش بكلمهم على الفيس بوك ولا مشتركه فيه اساسا بس عرفت بالصدفه انهم بيتكلموا على الفيس بوك

من طرف Admin الأحد ديسمبر 13, 2009 3:18 pm

فعلا زي ما قولتى يا رضوى
الفيسبوك اخدنا كلنا من المنتدى
بس دا ميمنعش ان فى اسباب رئيسية تانيه وهي ان كل الناس انشغلت ..وبرضو فى عيب انا مسئول عنه ...ان مفيش تطوير فى المنتدى فدا عمل ملل منه ...مع ان احنا برضو اللى فى ايدينا ننشطه ومنخليش نفسنا نمل
بس معلش انا اصلا حاسس ان دماغى وقفت عن اي فكرة جديدة لأن بصراحة مبحبش اعمل حاجة وملاقيش اي رد فعل لأن دا اللى متوقعه.. دا غير انى برضو مش بدخل كتير زى الاول ودا من الاحباط اللى موجود طبعا
بس والله نفسي اعمل حاجة حتى للـ2 او 3 اللى بيدخلوا ومش لاقين اى request من الباقي
وبجد ياريت اشوف الناس اللى بجد نفسها المنتدى يبقى زي الأول تصحصح كدا معانا ونشجع نفسنا ونحاول كلنا نعمل حاجه نرجع بيها زي ما كنا واكترعشان لو حد لوحده بجد مش هنعمل اى حاجة
شكرررررررررررا يابو اسلام والله يابنى فيك الخير بجد ..انت طلعت عندك أمل اكتر مني ..ههههههههه
وياريت اشوف ناس بترد هنا عشان حتى نحس ان فى حد زعلان عالمنتدى
silent

من طرف همسه الثلاثاء ديسمبر 15, 2009 7:07 pm

انا عن نفسى اتمنى المنتدى يرجع زى الأول واحسن
وانا هدخل كل يوم انا اه بشتغل ومش فاضيه
لكن الحياه مش كلها شغل لازم نفضى نفسنا شويه ونتكلم مع بض
ونتسلى ونسال على بعض ونعرف اخبار بعض
نحاول واتمنى ده يتحقق

من طرف همسه الأحد ديسمبر 20, 2009 7:06 pm

انا اهو بدخل على طول وانتوا مش بتدخلوا

من طرف نوفا الأربعاء ديسمبر 23, 2009 11:54 am

السلام عليكم:-
وانا كمان حدخل بس ياريت بجد كلنا ندخل المنتدى لانه فعلا بقاله فتره كتيره اوى كده
المشكله ان المنتدى بقاله سنه وشهور وبنبعد كده امال بعد3او5
حنعمل ايه
وحشنى المنتدى جدا