العضو القديم الجديد ( كسبر) راجع ان شاء الله

من طرف Admin الإثنين سبتمبر 15, 2008 2:28 am

بسم الله الرحمن الرحيم

طبعا اكيد كل الناس مستغربه انا هتكلم في الموضوع دا تاني ليه
عشان بصراحه المنتدى ده عمره ماكان هدفه ان احنا نزعل من بعض او نفسنا متكونش صافيه مع بعض
والله يا جماعه المنتدى ده لما اتعمل كان هدفه اننا نفضل مع بعض ....يعني حاجة تربطنا زي الكليه كده ...مش تفرقنا وتكون السبب في مشاكل بينا
وعايز اقولوا ان انا وكسبر اتكلمنا وبصراحه الراجل كان بيكلمنى بكل احترام وهو بيكن للمنتدى كل احترام برضو واللى كان حصل ده هنعتبره سوء تفاهم وهنفتح صفحه جديده ان شاء الله
وعايز اقوله اذا كنت لغيت عضويته بطريقه مش كويسه او كده فياريت متكونش زعلت منى يا مان
وعشان احنا كلنا كبار والمفروض نبقى كويسين عن كده
كسبر هيرجع تانى
وبصراحه دا اللى انا كنت عايزه لاني والله مش عايز المنتدى ده يكون سبب زعل حد او ان حد يتضايق من حد تانى
وربنا يعلم انى كنت اكتر واحد زعلان انى بلغى عضويتك ....ودلوقتي انا اكتر واحد فرحان انك هترجع تاني لانك برضو صاحبنا وعضو معانا في المنتدى ده مينفعش نخسرك
ياريت رجوعك دا يا مان يكون صفحه جديده ليك معانا في المنتدى ....وياريت عصبيتك تقللها عشان خاطري...
وياريت برضو الناس اللى زعلانه من بعض تتصافى
وعايز اقولكو انى اتفقت خلاص معاه انه هيرجع بس بعضويه جديده ومستنيه طبعا
مستنيك يا مان ومستني الاعضاء ترحب بكسبر من جديد

من طرف emy saleh الإثنين سبتمبر 15, 2008 11:19 am

welcome back ya kasber........ flower

ربنا يخليكي يااختي الغالية وشكرا جدا لادمين الراجل الجدع اوي اللي انا كسبتة كصاحب ولا عزاء للزعلانين من رجوعي

من طرف Admin الإثنين سبتمبر 15, 2008 5:07 pm

العفو يا مان....وعلى فكره معجبتنيش كسبر باشا دي
وكمان يا مان عايز اعرفك ان مفيش حد زعل من رجوعك...لان كلنا بنحب بعض...ودا السبب الرئيسي لرجوعك يا مان ...ان كلنا المفروض نكون بنحب بعض واخوات مع بعض ...فياريت نوك بنسامح بعض في كل حاجه
وياريت يا مان اشوف بتتعامل بعد كده بهدوء في كل حاجه
شكرا ليك

من طرف Aya abd el-rahman الإثنين سبتمبر 15, 2008 7:42 pm

اهلا بيك مرة تانية يا كسبر
واكيد مفيش حد زعلان من وجودك لان زي ما ادمن قال المنتدى ده اتعمل عشان نفضل مع بعض ....يعني حاجة تربطنا زي الكليه
وزي ما ادمن قال بردو ان المنتدي ده بتاعنا كلنا مش بتاع عضو واحد بس
رمضان كريم