اخيرااااااااا وبعد طول انتظار....... فيديو حفلة التخرج وصل يا رجالة

اخيرا......
وبعد عناء مرير
والعديد من الاتصالات المفتوحة يوميا على الخط الساخن الخاص بمكتب التصوير
وبعد العديد من المناوشات الضارية
والخناقات الساخنة

اخيرا رضى عم يوسف عادل علينا بالفيديو وبعتهولى امبارح
لا وايه مع السواق الخصوصى بتاعو

على فكرة انا ما كنتش عارف ارد على الناس اللى بيقولوا ان الحفلة كانت وحشة لانى بصراحة والله وبدون مبالغة
ما كنتش عارف اصلا الحفلة حصل فيها ايه
ولا ايه اللى جرى
بس امبارح بعد اما شفت الفيديو عرفت ان الحمد لله الحفلة كانت جامدة جدا
وكمان اول مرة امبارح اشوف التقديمة اللى كان عملها قردش ومى لانى ما كنتش واقف ساعتها
تقديمة جامدة جدا
وكان شكلهم حلو اوى وجامد جدا وهما واقفين على المسرح

على العموم ان شاء الله الفيديو هايبقى موجود على المنتدى على بكرة بالكتير على ما الادمين ياخدة ويرفعه
وقبل ما حد يشوف الفيديو ويقولى الصورة مش حلوة اوى
ده شىء متوقع من الاول علشان حاجتين
اولا علشان احنا طلبناه من الراجل على سى دى مش على شريط فيديو
والبرنامج اللى بيعمل CONVERT من الفيديو للسى دى بيقلل من الــ Resolution بتاع الفيديو
وثانيا علشان الراجل اقترح انه يعمل السى دى DVD بس انا قلتله يعملها سى دى عادية علشان لو حد خادها ومش عنده دى فدى دى يقدر يحملها ويشوفها

على العموم الحفلة كانت حلوة جدا
وكان فى ناس بارزة اوى فى الحفلة كانوا عاملين شغل جامد جدا
زى ما قلت محمد قردش ومى علاء كانوا منورين الاستيدج وكانوا بجد مليين مكانهم اوىىىى

وكمان الاسطورة
والداهية
محروسسسسسسسسس
الواد ده ما لوش حل خااااااااااااااااااااااااالص
منظرة وهو بيرقص فى الحفلة تحفة
ولا تقولى سهير زكى ولا تقولى فيفى عبدة
عندنا اللى احسن منهم
وكمان الدقيقتين بتوع الكلمة اللى قالها يهلكوا من الضحك
ابقوا شوفوهم بكرة ان شاء الله اما ينزلوا على المنتدى
وابقى قولولى رايكم ايه

وشكرا
واسف بجد على التأخير
اللى كان نصه من عندى انا وانا باعت>ر عليه ونصة من عند عم يوسف عادل
ربنا يسامحة......

اخيرا يامحمد

بجد شكرا ليك

وشكرا على تعبك ومجهودك

واحنا فى انتظار اللينك بتاع التحميل من الادمين

الف مبروك يا جماعه وان شاء الله لما اخد الفيديو هارفعهولكوا
بس عشان مبقاش وعدت واخلفت
الفيديو مش هيبقى جاهز على بكره
لانه زى ما عرفت من شحاته ان مساحته كبيره جدا ...فلسه هيتقطع وكمان هياخد وقت كتير في الرفع
وعايز اعرفكوا ان سرعة الرفع بتبقى اقل من سرعة الداونلود بكتير

فياريت تعذروني لو اتاخرت عليكو
وشكرا يا شحاته ياللى حطيتني في وش المدفع

معلش يا احمد انت قدها واكتر
وبعدين احنا استنينا كتيييير مفيش مشكلة لو استنينا شوية كمان
ربنا يعينك علينا يا احمد

شكرا يامحمد
انت تعبان معانا اووووووى
ربنا يكرمك ان شاء الله
لانى بحس انك بتحب الدفعه يعنى اصحابك واللى مش اصحابك من قلبك بجد

السلام عليكم:-
شكرا يامحمد
وربنا يكرمك ع التعب الى تعبته بجد مع الدفعه
وان شاء الله ربنا يوفقك ف حياتك
ويجزيك عنه خير

بسم الله الرحمن الرحيم ..
دى اول مشاركه ليا.. وماكنتش هشارك لولا اني هارد على الكبير جدا .. محمد شحاته
ميرسى يابو حميد .. وشكرا لمجهوداتك... انت صارى المركب بتاعنا اللى من غيره مانعرفش نتحرك
فى انتظار الفيديو.. .تسلم الايادي

ياجماعه الفيديو مساحته واحد جيجا انا شايف لو كل واحد اخد الاسطوانه ونقلها واداها لغيره هيبقي اسهل من رفعها وتنزيلها انتوعشان تنزلوه محتاجين يوم كامل تقريبا تحميل

السلام عليكم
ايه يا اخوانا الكلام الجامد ده انا مش قد الكلام ده
ميرسى يا نهر الحب على ردك
وميرسى اوى ليكى يا همسة ربنا يخليكى يارب وبمناسبة تعليقك يا همسة
انا كنت عامل حسابى اتكلم فى الحفلة واقولكم شوية كلام انا كان نفسى اوصلهلكم بس للاسف ما جاتشى فرصة وكمان انا كنت مش هاعرف اتكلم لو طلعت
بس بجد والله العظيم انا جوايا طاقة حب غريبة اوى للدفعة دى انا نفسى باستغرب منها
يمكن علشان انتوا جدعان اوى ويمكن علشان الكام يوم اللى قضيناهم فى الرحلتين سوا اللى ما يتعوضوش تانى قربونا من بعض اوى بس بجد انا بحبكم اوىىىىىىىى
حتى الناس اللى ما اعرفهاش او ما كانشى فى تعامل بينا او كلام لما باشوف واحد منهم صدفة اليويمن دول بافرح اوى بجد
وبجد ميرسى ليكى يا همسة ربنا يخليكى لينا وما يحرمناش من مشاركاتك يارب

وبالنسبة للعضو الاكبر
الباشا
والكبير
واللى زى ما باقولة انه مولود كبير
اخويا الكبير قردش
ربنا يخليك على كلامك يا رب
ومتشكرين على الطرطشة اللى غرقتلنا المنتدى بالمركب اللى انت جبتهولنا ده
على فكرة يا قردش مش علشان انت صاحبى وده شىء يشرفنى جدا
انت بجد انسان غريب اوى
انا بافرح بطريقة غريبة لما باشوفك والله بجد يا ابنى وشك فى شىء غريب باتبسط اول ما باشوفه
وكمان باثق فى تصرفاتك ثقة غريبة
فاكر لما قلتلك لو انك طلعت على المسرح وسيبناك لوحدك من غير ما تجهز حاجة انك هاتتصرف ..... فاكر
وبالفعل كنت قدها وقدود
وبسم الله ما شاء الله منورررررررر الفيديو ولو ان ما حدش طالع غيرك اصلا
وتقيل وماسك نفسك زى ما قلتلك
وعلى فكرة يا قردش انا والله باستجدعك اوى وانت واحد من الناس الرجالة بجد القليلين اللى قابلتهم فى حياتى
ويلا يا عم خد المركب بتاعتك دى ومشيها من هنا !!!!

يا جماعة بجد واللهى انا مجتش الحفلة بس بجد من كلامكوا حسيت انكوا ناس كويسين اوى وبتخافوا على بعض فعلا وكلكم بتحبوا بعض ويهمكوا مصلحة بعض وديه اهم حاجة فيكوا كلكوا وبالنسبة لاخويا شحاته يمكن انا معرفتكش كتير ومتكلمناش مع بعض كتير بس الظروف كانت حاكمة عشان القسم بس تصدق واللهى بدون مبالغة انت يمكن احسن من ناس كتير معاياي فى القسم انا عاشرتهم سنتين وكانى اعرفك انت من قبل مدخل الكلية انت انسان طيب جدا وخدوم اوى وكنت وانا فى الدروس زى ما انت عارف وهى هوايتى المفضلة مش بايدى طبعا كنت كل ما اسمع انك عامل ورق ومحاضرات وكده وكلام الناس وشكرهم فيك بجد ببقى مبسوط اوى واتمنيت لو انى عرفتك من اول ما دخلت حتى كان الواحد طلع بناس كويسة بعد الاربع سنين وده ميمنعش ان فى ناس انا طلعت بيهم طبعا زى بغدادى حبيب قلبى اللى مقدرش انساه واحمد رضا باشا ايام العسكرية والكورة احلى ايام واللهى بجد انتوا دفعة متتعوضش وعلى فكرة برده البنات انا يمكن معرفش فيهم غير ايه بس تصدقوا انا من كلامهم كده شكلهم كلهم كويسين اوى وبيحبوا بعضهم وغيرهم مع انى معرفش هم مين يمكن هما يعرفونى بس انا يعزرونى لانى معرفش حد فيهم معلش بس بجد انتوا دفعة ممتازة حتى الادمن بجد انسان محترم وكويس اوى وبيحب منتداه واعضاءه وبيخاف على زعلهم ربنا يكرمه يارب ويوفقه فى حياته وةاعذرونى لو كنت طولت عليكم بس الكلام ده كنت لازم اقوله لانه يستحق يتقال وده اقل واجب مع اجمد دفعة

ايه الكلام دا كلو...دانتو عندكو نشاط رهيب
بس بصراحه انا لفت نظري كلام رفيق وعجبني جدا والله الانطباع الى خدوا عن الدفعه
و والله دا نفس الانطباع اللى عندى لان بجد دي دفعه متتعوضش...وكلهم بلا استثناء ناس قلبها طيب ومحترمه....وطبعا مش هقدر اقول كلام اكتر من اللى رفيق قاله وبشكره جدا بجد

اما بالنسبه للفيديو
انا عايز اعرفكو انى الفيديو لسه واصللي النهارده بس والله وزي ما قال احمد رضا الفيديو دا مساحته 1 جيجا ....يعنى اولا صعب جدا ان احنا نرفعه وصعب برضو انكو تنزلوه
بس طبعا ان شاء الله مش هنسيبه....انا ان شاء اله هحوله ل rmvb ودا طبعا بغرض تقليل مساحته اكبر ما يمكن ...ومتقلقوش دا مش هيقلل ال resolution ولا ال quality بتاعته ان شاء الله....بس الفرق الوحيد انه مش هيشتغل غير على الريال بلاير
وبعد التحويل ان شاء الله هنبدأ في رفعه انا و احمد رضا وربنا يسهل
شكرا على اهتمامكوا واتمنى انكوا متكونوش مستعجلين

انا بقترح بلاش ننزله اصلا

وكل واحد يبقى معاه اسطوانه
وفيها الحفله
بصراحه مش بحب الحاجات الشخصيه تبقى على النت
ده رأيى الشخصى

ياجماعه اللي رأيه من رأي همسه ياريت يقول عشان نلحق بدل مانتعب نفسنا في رفعه علي الفاضى
بس لو عايزين ننزله ان شاء الله تلات اربع ايام ويكون علي المنتدى

انا رأيى من راي همسة
فعلا..بلاش الحاجات دي تبقى على النت

ايه يا جماعه انتوا كلكو قلبتوا ليه كده
عالعموم انا معنديش مشكله ...بالعكس اتو هتريحوني من تعبك كبير اوي لما ارفعه
بس انا عندى حل وسط
طبعا انتو عارفين لن في فئات هنا في المنتدى ميحدش يقدر يشوفها او يدخل عليها غير الاعضاء زي مثلا (صورنا) والشات بوكس
فانا ممكن ارفع الفيديو في فئة صورنا مثلا...ومش هينفع يشوف الموضوع او اللينكات بتاعته غير الاعضاء
ياريت الناس تقولى رأيها عشان انا مش هرفعه غير لما توافقوا

طيب ما هو ممكن اي حد من برة يسجل في المنتدى باسم مستعار ويدخل يتفرج عادي
اظن انه الاحسن انها تنزل على CD زي ما عملنا في الرحلتين

اوك براحتكووووووووووا
بس ياريت نشوف برضو رأي الناس
وبصراحه ...انتو كده هتريحوني جدااااااا
شكرا

مش للدرجه دى يا ايه الفيديو مش اسرار حربيه وده فيه الدفعه كلها وبعدين ايه يعنى لما حد غريب يشوفه بالعكس ده هيعرف ان الدفعه بتاعتنا اجمد دفعه

قولهم يا عم.....بس برضو انا مش عايز الفيديو يكون موجود غصب عن حد او من غير موافقة حد...انا عايز الناس تتفق على وجهة نظر واحد وتقولولى
بس برضو هتريحوني لو ماترفعش
بس لو قولتولى ارفعه برضو مش هتأخر يعني

شاطره يا ايه

بلاش ينزل خالص على المنتدى
احنا كل واحد معاه السى دى بتاعته يتفرج وقت ماهو عايز
لكن ننزله على المنتدى بلاش بجد
غلط الصور او اى حاجه شخصيه تنزل على المنتدى والنت

انا شايفة انك تنزلة على المنتدى بعد اذنك حتى ولو لفترة محدودة وبعدين تشيلة لان اكيد مش كلنا هنقدر نجيب الc.d

لا يا دينا هتعرفى تجبيه

ماتعقدياش يا سيدتى ................... إكملى
هههههههههههههههههههه

بالنسبه لفيديوهات الحفله
اول حاجه نعتذر عن التأخير في الرفع
تانى حاجه احنا الحمد لله نجحنا اننا نحول الفيديوهات بحيث نخليها فى اقل مساحه ممكنه من غير تغيير quality ولا ال resolution
وان شاء الله الرفع قرب جدا
وبعتذر مره تانيه على التأخير

ازيكوا يا شباب
خلاص فيديو الحفله الحمد لله بيترفع ....واحتمال انزلهولكوا ان شاء الله على بكره او بعده بالكتير ان شاء الله
انا قولت اقولكوا اخر الاخبار ..عشان محدش يقول احمد نفض
و على فكره ..الفيديو ان شاء الله هيتعمل ليه موضوع فيه لينكات التحميل
والموضوع هيبقى في فئة (صورنا) وطبعا الفئه دي محدش ينفع يشوفها غير الاعضاء ززبس عشان الاعتراضات الللى انا شوفتها....واعتقد ان الحل ده هو الافضل
وياريت لو حد عنده اعتراض تاني يقول واحنا هنسمع وجهة نظره مفيش مشكله
شكرا ليكوا يا شباب