المسابقــــــــه الجديده

من طرف Admin الجمعة سبتمبر 19, 2008 5:19 pm

بسم الله الرحمن الرحيم

ازيكوا يا جماعه
ان شاء الله دي المسابقه الجديده بتاعة الاسبوع ده
ياريت بقى ناس اكتر تشترك...عشان دي هتكون مختلفه عن باقى المسابقات شويه
اولا اللى هيكسب المسابقه دي هو اللى يعمل المسابقه الجايه ....وما عليه غير انه يقولي اسم الفايز عشان طبعا انا المكلف بالجوايز المعنويه اللى قلنا عليها
الجوايز المعنويه زي ما قولنا قبل كده
- الفايز بيتكتب اسمه عالرئيسيه
-الفايز بياخد رتب لوحده محدش غيره بياخدها وهى رتبة العضو الذهبي(هنغير صورة الرتبه المرادي الى الاحسن ان شاء الله)
- الفايز هياخد توقيع مننا مخصوص يارب يعجبه
..... طبعا زي ما قولنا المسابقه ملهاش شروط
الاسئله المره دي هيكون فيها شوية اختلاف ...عشان بصراحه تعبتونا المره اللى فاتت
في حالة التعادل هيتعمل استفتاء على طول على الفايز و مش هيتعمل مسابقه بين المتعادلين زي ما عملنا الاول

الاسئلة
1 - في اي عام كان عام الحزن؟
2 - ماذا تعرف عن مشروع arpanet ؟(من مواضيع المنتدى)
3 - ما هو اكتر المواضيع مشاهده في المنتدى؟
4 - من هو أول من قدر الساعات الاثنى عشرة ؟ ولماذا ؟
5 -ما هي السورة التى لو لم ينزل الله غيرها لكفت الناس ؟
6 - معروف عن النسر انه ممكن يعيش 100 سنة
فايه هو سبب موته بدرى عن معاد سابق كتير لمعاده ؟
7-من هو الصحابي الملقب بذو النور ؟
8- من هو مكتشف الزلزال؟
9 - فزوره :إنسان وزوجته لا هو من بني آدم و لا هي من بنات حواء؟
10 -من قائل هذه العبارة ؟ العدو من أمامكم والبحر من ورائكم"
11 - صح ام خطأ
أ - المده التى يستطيع الحوت بقائها تحت الماء دون تنفس هى ساعه واحده
ب - مكتشف جدول الضرب هو الخوارزمى
ج -مكتشف الدوره الدمويه الكبري هو الحسن بن الهيثم

بالتوفيق يا جماعه
وللناس اللى متعرفش
الاجابات تتبعت في رساله خاصه للادمين ومتتكتبش في الردود
الردود للاستفسارت بس

من طرف Admin الجمعة سبتمبر 19, 2008 11:21 pm

شكرا للناس اللى بعتت
بس ايه يا جماعه ده ....هما هما نفس الاعضاء اللى بيبعتوا كل مره
عايزين ناس جديده....فين الناس اللى مبتبعتش خالص
عالعموم ...كده 2 بعتوا من حوالى 25 عضو نشيط في المنتدى
فين الباقى.........
قدامكو 3 ايام بس

من طرف pureheart88 السبت سبتمبر 20, 2008 3:38 pm

ايه يا دمدم الاسئله السهله موت دي
هههههههههههههههههههههههههه

من طرف Admin السبت سبتمبر 20, 2008 3:41 pm

حرااااااااااااااااااااااااااااااااااام
كل مره انت الوحيد اللى تطلع وتقول الاسئله سهله موت
بس انا ملاحظ يا حماده انك مكسبتش ولا مره.......ههههههههههه
تقريبا المسابقه مش من مستواك

من طرف Admin الأحد سبتمبر 21, 2008 12:31 am

يا جماعه محدش بعت غير 3 اعضاء بس.....ميتفعش كده
ثانيا هو فين الواد اللى اسمه اجمد رضا اللى كان عمال يقول الاسئله سهله
مبعتش ليه يا حماده....ولا انت مش عارف تجيب الاجابات
ياريت يا جماعه كل الاعضاء تهتم اكتر من كده
شكرا

من طرف Admin الثلاثاء سبتمبر 23, 2008 1:08 am

اخر معاد لتلقى الاجابات يا جماعه هيكون بكره قبل الفطار ان شاء الله
وبرضو مبعتش غير 3 اعضاء والظاهر ان الناس مش مهتميه حتى ولو بالمشاركه
شكرا بس انا كده هضطر معملش مسابقات تاني بعد دي
شكرا للى بعتوا

من طرف Admin الثلاثاء سبتمبر 23, 2008 3:01 pm

يا مسهل......بقوا 4
فين الباقي
اخر معاد النهارده

من طرف Admin الثلاثاء سبتمبر 23, 2008 7:40 pm

يا جماعه احنا هندي فرصه النهارده كمان للناس اللى مبعتتش
عشان بجد مينفعش 4 بس يشاركو من اصل حوالى 25 عضو بيدخلوا دايما
والا بجد هضطر الغى المسابقات الجايه
ياريت اللى مبعتش يحاول يبعت ولو حتى كله غلط
بس احس ان فيه اهتمام
شكرا

من طرف pureheart88 الأربعاء سبتمبر 24, 2008 2:20 am

نداااااااااااء اللي الادمن
ياريت بقي تعلن النتيجه
وياريت برضه ياجماعه الناس اللي لسه مبعتتش تبعت الاجابات بسرعه بقي
لان واضح ان ناس قليله اوى اللي اشتركت وكده خليتوا الراجل ميعملش مسابقات تانى