تحية خاصة جدا

من طرف greatpharaoh111 الخميس سبتمبر 25, 2008 7:54 pm

السلام عليكم ورحمة الله وبركاته

انا للاسف بقالى فترة كبيرة مش دخلت على المنتدى لظروف عندى منعانى من كدة
ورجعت لاقيت اتنين غاليين اوى عليا دخلوا لازملهم ترجيب خاص جداااااااااااا
يمكن هما ما رعفوش انهم غاليين عندى
بس لاقيت اهو فرصة انى اقولهم

الاولانية فاطمة
عين اعيان نبات وكيمياء
وواحدة من الناس المحترمة بجد اللى الواحد بيحترمها
بجد انا مبسوط انك معانا فى المنتدى يا فاطمة
وابقى طمنينى عليكى دايما

اما الثانية
فالمفروض اننا بجد نجيب فرقة مزمار بلدى ونعمل احتفالية لانها دخلت معانا فى المنتدى
واحدة كانت تعبانه معانا على طول بجد
وعمرها ما بخلت علينا بحاجة ابدا طول الكام سنة اللى فاتوا
عمرى ما طلبت منها حاجة الا واديتهانى وبجد كانت جدعة اوى
وفى بعض الاحيان كانت جدعة لدرجة زيادة عن اللزوم كانت بتخليها تيجى على نفسها وعلى وقتها علشان خاطر الناس
كورسات كتير اوى كنت بازاكرها من ورقها بجد والله وكان بيفرق معايا اوى ورقها بجد
وكنت باحس هى قد ايه متعاونة معانا
طبعا كلكوا عرفتوا انا باتكلم عن مين
انا باتكلم عن
نيفين

ميرسى يا نيفين على المجهود اللى انتى كنتى بتعمليه معانا وعلى الجدعنه اللى احنا كلنا وكل اصحابك كانوا حاسينها اوى
اهلا بيكى يا نيفين اانا عن نفسى ليا الشرف انك تكونى معانا هنا فى المنتدى
واعتقد الناس اللى يعرفوكى فى المنتدى كلهم رايهم زى رأيى بالظبط

ولا ايه ؟؟؟؟؟

من طرف نوفا الخميس سبتمبر 25, 2008 8:39 pm

السلام عليكم:-
ازيك يامحمد
بجد يامحمد الكلام ده بجد كتير عليا انا معملتش حاجه
والله وبجد الى لازم نشكره هو انت على بجد تعبك فى تبيضك للمحاضرات
وكمان كلنا كنا بنساعد بعض والحمد لله ان ربنا كرمنا كلنا
ويارب الى جى يكون افضل وربنا يكرمك برده على الحفله
لانك بجد على قد مااسعدتنا على قد مااحزنا لفراق الدفعه
بس لما رضوى قالتلى ع المنتدى واشتركت فيه
اينعم كنت داخله باسم مش اسمى بس بجد والله كنت مبسوطه لانى كنت حاسه انى ممكن اطمئن على الدفعه لانها بجد فيها شخصيات محترمه كتير وصعب بجد الواحد يلاقيهم
وبجد انا مبسوطه والله انى ف المنتدى

وبلاش مزمار يامحمد كفايه الطبله الى كانت ف رحله اسكندريه وسانت كاترين
ومتشكره قوى على كلامك وربنا يوفقك

من طرف rafprof الخميس سبتمبر 25, 2008 8:45 pm

بجد واللهى اينعم انا مش فى دفعة نيات كيمياء انا فى ميكرو واعتقد انكوا تعرفونى بس تعرفوا انتوا دفعة بجد زى العسل الواحد كان بيتمنى يجى هو واصحابه معاكوا لان كلكلوا ناس محترمة بجد والواحد كان نفسه يكون معاكوا بس الحمد لله بجد انتوا ناس محترمة جدا وبتحبوا بعض اوى وانا يسعدنى انى اكون معاكوا هنا فى المنتدى بجد شرف ليا انى اكون مع الناس الجميلة دى اللى حسستنى ان فى ناس كويسة فى الكلية كتير مش قليل زى مكنت فاكر ربنا يوفقوا يا رب ويخليكوا لبعض

من طرف emy saleh الخميس سبتمبر 25, 2008 10:10 pm

نورتوا المنتدى يافاطمة ونيفين

من طرف نوفا الجمعة سبتمبر 26, 2008 1:11 am

ربنا يخليكى ياايمان وشكرا على كلامك الجميل ياraf prof
وكل سنه وانتم طيبين ويارب يعود عليكم الايام دايما بخير
ويارب نحقق كلنا كل الى نفسنا فيه ان شاء الله

من طرف greatpharaoh111 السبت سبتمبر 27, 2008 12:16 pm

ماشى يا نيفين بلاش المزمار
وخلينا فى الطبلة يا ستى
ده احب ما عليا انتى عارفة
وبرضوا لو عندك اى فرح او اى عيد ميلاد
هاخدمك فيهم انتى عارفة
ومش هانختلف
وبجد يا نيفين انتى تستاهلى الكلام اللى انا قلتهولك واكتر كمان وكفاية روح التعاون اللى الواحد ما كانشى بيلاقيها من ناس كتير
منورانا بجد
ومستنين المشاركات الجامدة
زى المحاضرات الجامدة
اللى كانت بتنفع ليلة الامتحان
ربنا ما يعودها ايام يارب

من طرف نوفا الأحد سبتمبر 28, 2008 12:03 am

شكرا ليك يامحمد ع كلامك الى انا مصممه انه بجد كتير عليا

وشكرا يامحمد ع الخدمات بس ان شاء الله تبقى تخدم بجد

اما وربنا مايعودها ايام اكيد ممكن الامتحانات

بس بجد ايام الجامعه عمرها ماتتعوض بحلوها ومرها

بالتعب الى شفناه فيها والفرح الى فرحناه فيها

اينعم كان قليل بس عمر ماايام الجامعه تتكرر

وعمر الناس الى عرفناهم ماحيتكرروا

بس نتمنى اكيد الى جى افضل

وشكرا ليك يامحمد.

تحية خاصة جدا

تحية خاصة جدا

رد: تحية خاصة جدا

رد: تحية خاصة جدا

رد: تحية خاصة جدا

رد: تحية خاصة جدا

رد: تحية خاصة جدا

رد: تحية خاصة جدا