ولاول مرة بانفراد تاااااااااااااام كرسى الاعتراف

ولاول مرة مع كرســـى الأعتــــــراف ..


و الى ميعرفش النظـــــام او الجديد عندنا

هنقــولو ايه هوا كرســى الأعتــــــراف ..

دا عبــاره عن كرســى هنقعد عليه عضو او عضــوه و نريحهم خالص ..
و نجبلهم عصــير و غدا و عشا ..
من النهايه هنظبتهم ..

فى المقابل بقــى احنا طبعا هنسألهم اسئله ..
بعضها سهل و البعض التانى رخم ..
اكيد هنكتر من الرخم

المهم ..
المطــــلوب من العضــو انو يجاوب على كل اسئلتنا
و بصـــراحه و من غير كدب ..


الشـــروط :-
== == ==
1-كل عضـــو له الحق فى السؤال مرة واحدة
2- فى كــل مره .. العضو له الحق فى 8 اسئله
3- ياريت محدش يسألنى اشمعنا 8 اسئله
4-العضو اللى هيقعد على الكرسى هيستمر يوم واحد فقط ولول محدش ساله خلاص عادى هيخرج منه



انا مستنى اعرف رايكوا فى اللعبة عشان نشوف هنبدا امتى وبمين ياريت تخشوا تشاركوا بجد لو احنا اصحاب فعلا


واليكوا كرسى الاعتراف

انا معاك يارفيق وانا بجد بحب اللعبة دى جدا

وفكرة هايلة انك تستعرضها هنا فى المنتدى

وانا اول مشجعة لكرسى الاعتراف

كتشكر ليكى اوى اوى
ومستنى باقى الناس عشان نلعبها

طول عمرك يا رفيق وانت بتجيبلنا الافكار الجامده
معاك طبعا يا مان
وعلى فكره النوعيه دي من المواضيع بيبقى هايل جدا لانه بيخلينا نعرف بعض اكتر ونعرف فكر كل واحد فينا
شكررررررررررررررررررررررررررررررا

ربنا يخليك يا ابو صلاح من بعض ما عندكم
مستنى باقى الاعضاء عشان يكمل النصاب
ولو حد مش عارف يعنى ايه النصاب يبقى يقولى

رفيق باشا معاك يا معلم وان معرفش يعنى ايه النصاب بجد والله يا ريت تعرفنى

اولا انا عضو فى الحزب الوطنى والنصاب ده لو تعرفوا اى اجتماع فى الاحزاب لازم عشان يتم بيبقى عدد معين من الاعضاء واهالى المنطقة موجودين ولو مش كمل الاجتماع مش هيتم وهو ده بيقولوا سعته النصاب كمل او مكملش
ابسط مثال كنت امبارح فى اجتماع فى الحزب وكان العدد المقرر ليكمل النصاب 65
شكرا ومستنى باقى الاعضاء
والل مش موافق يا ريت يخش يقول انا مش معاكوا عشان محدش يختاره ويرجع يتحرج ويقول لا ومش هجاوب اوك

فكرة حلوه اوى
انا معاكم
بس ايه رأيكم لو نبدأ باحسن عضو فى المنتدى ثم اللى يليه وهكذااااااا

فكرة جميلة

وانا كمان معاكم

اللى بعده هاه مين تانى

انا معاكواااااااااااااااااااااااااااااااااااااااا

معاك يا رفيق
وفكرة جامدة
جامدة جدا بجد
بس برضة المفروض يبقى فى حدود للرخامة علشان الناس ما تهيصشى
لان عارف ان ممكن يحصل خروج عن النص كتير
فياريت الموضوع يبقى محطوطلة برضة خطوط حمراء من الاول

بس على العموم احنا وراك يا معلم
وارواحنا فداك ياريس

اوك انا مبسوط بيكوا وبتشجعيكوا ده اوى يا شباب وكده اعتبر ان النصاب كمل
وشحاته متقلقش هيبقى فى خط فاصل وانا لو لاحظت ان حد عدى الخط الاحمر هقول استوب
هاه على بركة الله نبدا المسابقة

انا معاك يا باشا

اشطة يا عمور

هاه تحبوا نبتدى لعبة كرسى الاعتراف يا شباب

ابتدى يا عم على خيرة الله
بس اكتب الشروط تانى عشان الناس تاخد بالها
خش يا مان ومتقلقش

الشـــروط :-
== == ==
1-كل عضـــو له الحق فى السؤال مرة واحدة
2- فى كــل مره .. العضو له الحق فى 8 اسئله
3- ياريت محدش يسألنى اشمعنا 8 اسئله
4-العضو اللى هيقعد على الكرسى هيستمر يوم واحد فقط ولول محدش ساله خلاص عادى هيخرج منه
5- لو فى حد حسيت انه خرج عن الخط الاحمر هوقف واقول استوب من غير زعل


نبتدى على بركة الله بولد الاول هاه
نقول مييييييييييييييييييييييين
نخليها ابو صلاح حبيبنا كلنا لازم يبقى وجهة اى حاجة اشطة
ان شاء الله هيخرج منها
بكرة بليل زى دلوقتى تقريبا اوك وهنشوف مين اللى هيدخل تانى
الان مع حبيب القلب ابو صلاح
وعشان ابو صلاح راجل كبرة لازم اجيبله كرسى يليق بمقامه وعشان كده جبتلى الكرسى ده عشان ميزهقش

-بطاقتك الشخصية ؟؟

2- هل تفاجئت جلوسك على كرسي الاعتراف ؟ وماهو شعورك وانت على كرسي الان ؟

3-انتى راضي عن نفسـك ؟

4-متى أخر مرة بكيت حزنا ومرة فرحـا ؟

5- هل ندمت فى حياتك على شي معيّــن ؟؟؟

6-لمن تعطي هذه العبارات ؟

القلم الذهبي
العضو المميز
عضو مافي منه اثنين
عضو تحب متابعة مواضيعة

7-اخر هدية جاتلك .. كانت ايه ومن مين ؟

8-لو وقع فى ايديك فانوس ( علاء الدين ) وقيل لكى تتمنى تلات أمنيات ..ماذا سوف تتمني ؟

يا جماعة محدش يسال تانى غير لما يجاوب ابو صلاح ومتقلقوش مش هيخرج غير لما يجاوب ولو فى حد سال فىا لمدى المطلوبة وهو مجاوبش هيفضل قاعدج لحد ميجاوب انما لو محدش يسال والمدة عدت هيخرج تمام كده وعلى فكرة هى هتمشى بترتيب احسن الاعضاء اوك متفقين
ايه يا ابو صلاح مش هتجاوب ولا ايه على العموم مش ورانا حاجة مستنين تشريفك

يا ولاد الايه
فجأه كده يا رفيق...عيب عليك يا مان
عالعموم انا هجاوب عادي بس عايز اعرف حاجه انت قصدك ايه بالبطاقه الشخصيه...يعني اكتب رقم البطاقه ولا عايز البيانات كلها

ههههههههه رقم البطاقة ايه انت هتقدم على شغل
اقصد بطاقة تعارف بيك كانك بتعرف نفسك

1 -بطاقتك الشخصية ؟؟

اسمي احمد صلاح السيد....مواليد 15 اغسطس 1987 وساكن في الجيزه...وطبعا شغال عاطل بعد الكلية

2- هل تفاجئت جلوسك على كرسي الاعتراف ؟ وماهو شعورك وانت على كرسي الان ؟
متفاجأتش أوي صراحه انا عارف انى كده كده داخل..بس مش الاول يعني..انا قولت مثلا انت هتاخد رأيي وساعتها هقولك تدخل مين في الاول ..مش ادخل المنتدى فجأه الاقيني جوه...بس هى فكره حلوه انكو تاخدوا بالترتيب على فكره برضو عشان متنسوش حد

3-انتى راضي عن نفسـك ؟
حاليا....يعني مش اوى

4-متى أخر مرة بكيت حزنا ومرة فرحـا ؟

بكيت حزنا دى حصلت من قريب....اما فرحا فالواحد عينيه دمعت كتير من كتر الضحك بس مظنش انى عيطت من الفرحه قبل كده
5- هل ندمت فى حياتك على شي معيّــن ؟؟؟
كتيييييير.....حاليا ندمان انى اساسا مدخلتش علمى رياضه من الاول وبعدت عن الكليه دي....ومن مده كنت ندمان انى مذاكرتش او مكنتش مهتم بالكليه الاهتمام اللى تستحقه...يعني كله ليه دعوه بالدراسه..اما من ناحية اى حاجه تانيه فمظنش انى ندمت كتير

6-لمن تعطي هذه العبارات ؟

القلم الذهبي......رفيق طبعا افكار مواضيع بتبقى حلوه
العضو المميز........طبعا انشط عضو في المنتدى وهو آية
عضو مافي منه اثنين......الواد احمد رضا..بس دا عشان هو اقدم واحد في المنتدى يعني مفيش حد قديم زيه طبعا غيري
عضو تحب متابعة مواضيعة.....انا الحمد لله متابع مواضيع كل الناس..بس ان كان لابد من اسماء يبقى نقول دينا سمير لانها مواضيعها بتكون حلوه دايما وبرضو رحاب ونهر الحب وايمان بالترتيب كده مواضيعهم عادة بتبقى جميله

7-اخر هدية جاتلك .. كانت ايه ومن مين ؟
كانت سماعات كمبيوتر ههههه...من اخويا...وبذل دايما اصحابي بيها

8-لو وقع فى ايديك فانوس ( علاء الدين ) وقيل لكى تتمنى تلات أمنيات ..ماذا سوف تتمني ؟
يا لهوى...دانا هكسر الدنيا
اول حاجه طبعااااااا فلووووووووووووووس...تتحل بيها معظم المشاكل
التانيه...اخليه يظبط البلد اللى احنا عايشين فيها دى عشان ينصلح حالها عن كده والناس تبقى فرحانه شويه
الثالثه...مش عارف بس حاجه بقى عشان اصحابي دول مع انهم ميستاهلوش..ههههه(بهزر طبعا)
لو كان ينفع اطلب طلب للاخره كان هيبقى اول طلب ..بس مينفعش طبعا اطلب كده غير من ربنا

شكرا يا مااااااااااااااان عالاسئله

اشطة يا ابو صلاح على الاجابات وعديت المرة دى بسلام الله واعلم بعد كده
هاه
مين تانى عايز يسالى ابو صلاح اخر معاد ليه بكر بليل
اللى يلحق يلحق

دورى انا بقى اسألك ايه يا واد يا ابو صلاح
1-ايه الحاجه الا بكتك من قريب
2-لو تتمنى تعيش زمان تحب تكون فى انهى عصر
3-اول حب فى حياتك كان امتى وهل كان من طرف واحد
4-هل حصل واعجبت ببنت فى الكليه اوحتى بعد الكليه
5-لو خيروك ما بين اب وام غير ابوك وامك تقبل تغيرهم سواء نعم او لا ليييه
6-ترتيبك ما بين اخواتك ويا ترى الترتيب ده عاجبك ولا كنت تتمنى تغيره وليه
7-لو كنت تملك سلطه فى البلد اول حاجه كنت تعملها ايه وليه
8-لو قالولك تتنازل عن حاجه معاك دلوقتى غاليه عليك اومهمه زى الصحه التعليم مثلا عشان ترجع لورا وتغير حاجه ترضى ولا لأ وهتعمل ايه لو رجعت

الظاهر انتو عايزين تطحنونى ولا ايه
عموما دى اجابة اسئلة دعاء

1-ايه الحاجه الا بكتك من قريب
ممكن بلاش احسن...اوك(لانها كانت حاجه بيني وبين نفسي حتى اصحابي ميعرفوهاش ...معلش)
2-لو تتمنى تعيش زمان تحب تكون فى انهى عصر
العصر اللى بعد دخول الاسلام مصر على طول ده...اظن انه كان اكتر عصر مصر كانت فيه جامده
3-اول حب فى حياتك كان امتى وهل كان من طرف واحد
مع انى مظنش انه كان حب...بس كان في اعدادى...ومعرفش هو كان من طرف واحد ولا لأ
4-هل حصل واعجبت ببنت فى الكليه اوحتى بعد الكليه
الاعجاب اللى هو قريب من الحب ده.. محصلش - اما الاعجاب بالاحترام والادب والاخلاق فاظن ان ده كان اكتر حاجه عاجبانى في معظم بنات الكليه
5-لو خيروك ما بين اب وام غير ابوك وامك تقبل تغيرهم سواء نعم او لا ليييه
لاااااااااااا.........مش هلاقى زيهم ابدا....بجد عندى ام فى منتهى منتهى الطيبه...وابويا كذلك مع انه شديد شويه...بس برضو حبيبي
6-ترتيبك ما بين اخواتك ويا ترى الترتيب ده عاجبك ولا كنت تتمنى تغيره وليه
انا اللى في النص...وعاجبني اوى كده ...تمااااااااااااااام جدا
7-لو كنت تملك سلطه فى البلد اول حاجه كنت تعملها ايه وليه
والله ماعرف...بس عالاقل هفكر في توفير فرص عمل عشان المشكله اللى احنا فيها دي..وبالذات لبتوع علوم...يعني مثلا ممكن ابنى شركات ادويه كتير متقبلش غير بتوع علوم...هههه
8-لو قالولك تتنازل عن حاجه معاك دلوقتى غاليه عليك اومهمه زى الصحه التعليم مثلا عشان ترجع لورا وتغير حاجه ترضى ولا لأ وهتعمل ايه لو رجعت
لالالا بلاش ...كده برضو حلو اوى طالما ربنا عايز كده

شكرا يا دعاء

هاه اللى بعده
انا عارف انى لما اقعد على الكرسى مش هخلص ربنا يستر

انا بقي ولا انا يعنى ماليش نفس
ولو انى عارف كل الاجابات اللي انت هتقولها بس برضه لازم اشاررك في الحفله دى
علي اساسالمثل(.........لما يقع تكتر سكاكينه)
1-لو لم تكن مصريا لوددت ان تكون..............(ومتقوليش يهوديا)
2-ايه اهم طموح نفسك تحققه في حياتك ؟؟؟؟؟
3-مين العضو اللي نفسك تطرده في المنتدى؟؟؟(متزعلش يا اسلام)
4-ايه اكتر حاجه بتعملها في يومك العادي؟؟؟
5-عندك كام صاحب بتعتبرهم انتيم؟؟؟؟(السؤال ده نفسي اسألهولك من زمان)
6-ايه اكتر حاجه غلط فيك ونفسك تصلحها(سؤال اجباري)
7-الكليه كانت بالنسبه لك ايه؟؟
8-الدين وضعه ايه في حياتك ؟؟؟
كفايه كده بقي ربنا معاك

حمااااااااااااده حبيب قلبي اللى ما بيصدق جنازه ويشبع فيها لطم....وبالذات لما يكون انا الميت اللى في الجنازه دي....بس مين ...انت مسيرك هتدخل يا معلم

pureheart88 كتب:
ولو انى عارف كل الاجابات اللي انت هتقولها بس برضه لازم اشاررك في الحفله دى

طب ليه الاحراج طالما انت عارف يا اخى.....اصبرررررررررررررررر

pureheart88 كتب:
علي اساس المثل(...... لما يقع تكتر سكاكينه)

اكملهاك انا بقى

pureheart88 كتب:
علي اساس المثل(احمد رضا لما يقع تكتر سكاكينه)

سوري يا حماده...هههههه

pureheart88 كتب:
1-لو لم تكن مصريا لوددت ان تكون..............(ومتقوليش يهوديا)

طب ممكن اقول اسرائيليا بعد اذنك يا مستر.....ولا اقولك الاجابه اهى....لولم اكن مصريا لوددت ان اكون يابانيا...على الاقل الواحد هيتقدر شويه بس ساعتها هيبقى اسمي احمد يوكوهاما...او احمد سوزوكي على حسب بقى

pureheart88 كتب:
2-ايه اهم طموح نفسك تحققه في حياتك ؟؟؟؟؟

اقدم كمال اجسام....باين اوى انك بتدور على نقط الضعف لانك عارف انى من ساعة ما دخلت الكليه دي وانا مليش طموح محدد...بس بجد ...نفسي اعيش سعيد وتبعد عنى المشاكل ... ويبقى عندي بيت واسره واولاد كده حاجه جامده

pureheart88 كتب:
3-مين العضو اللي نفسك تطرده في المنتدى؟؟؟(متزعلش يا اسلام)

اولا اسلام مش هيزعل ...لانه بعد الاسئله اللى انت كتبتها دى بقى في عضو تانى خالص نفسي اطرده...انت ...طبعا اسلام عارف اننا بنهزر معاه كالعاده....لاحسن حد في المنتدى يفهم غلط ولا حاجه

pureheart88 كتب:
4-ايه اكتر حاجه بتعملها في يومك العادي؟؟؟

هههههه...ونعم الاسئله......اكتر حاجتين يا عمى هما القعده عالمنتدى ده ..او انى بكلم حضرتك عالتليفون او الماسنجر

pureheart88 كتب:
5-عندك كام صاحب بتعتبرهم انتيم؟؟؟؟(السؤال ده نفسي اسألهولك من زمان)

طب طالما نفسك تسألهولى انا بقى ممكن مجاوبش عليه واسيبك متغاظ....بس هجاوبك برضو يا حماده انت كده كده متغاظ خلقه..
بص انا في 6 بيعتبرونى انتيمهم ( 4 منهم مش من الكليه)...مع انهم كلهم حبايبي بس انا بعتبر 3 منهم بس انتيمى...التلاته دول هما انت واحمد ابراهيم طبعا وواحد تانى مش من الكليه متعرفهوش مع انك شوفته قبل كده
اى خدمه يا عم

pureheart88 كتب:
6-ايه اكتر حاجه غلط فيك ونفسك تصلحها(سؤال اجباري)

صباع رجلى الصغير نفسي اقطعه....مش بقولك انت مستقصدني ..عالعموم يا عم اكتر حاجه غلط فيا هى انى مش بسمع الكلام في حاجات كتير بابقى عارف انها صح بس بنفض

pureheart88 كتب:
7-الكليه كانت بالنسبه لك ايه؟؟

هو انا ليه حاسس انك كارهنى كده يلا...ايه يا عم الاسئله دي
عالعموم يا عم الكلية بالنسبالى مكنتش اكتر من اصحاب...يعني اصحاب بس...دا اللى كان مصبرني شويه حتى

pureheart88 كتب:
8-الدين وضعه ايه في حياتك ؟؟؟

لا اله الا الله..محمد رسول الله
انا حبيت اقولها بس عشان تتأكد انى مسلم يا عم.... هو الحمد لله مع ان في شوية حاجات كده هتتظبط ان شاء الله...وكفايه يا اخى انا امى بتصوملى ال 6 ايام بتوع شوال وباكل السحور بتاعها كمان
ــــــــــــــــــــــــــــــــــــــــــــــــــــــــــــــــــــــــــــــــــ
ياااااااااااااااااه......ماشييييييييييييييي
بقى انا اتثبت التثبيته دي ....كده ياحمد وانا اللى بقول عليك حبيبي
يا لهوى دانا اتبهدلت...
بس هتروح منى فيــــــــــــــــــــــــــــــن
شكرا يا حمااااااااااااااااده

والله بجد رائع يا ابو صلاح فى ناس تانى ممكنم تبقى مكانك ومتعرفش ترد نص ردك
ومتقلقش يا رضا ليك يوم يا وحش وانا كمان ليا يوم وقرب اوى لاننا ماشيين بالترتيب فى احسن اعضاء وعارف ان ابو صلاح وناس تانية عرفهم من دلوقتى مش هيرحمونى
الله المستعااااااااااااااااااااااااااااااااااااااااان

بس يا احمد باشا هما 8 اسئله منى ليك على السريع
شخص ندمت على معرفته؟
شخص اعجبتك شخصيته؟
اجمل حلم حلمته وقمت بعده فرحان انك حلمت الحلم ده؟
عمل تحلم به؟
ما ملامح وماوصفات فتاه احلامك؟
هل تقتنع بالحب والرومانسيه؟
هل احمد رضا كابس على مراوحك؟
تحب تعيش فين خارج القاهره وبرده جوه مصر؟

طبعا يا احمد انا اعرف عنك كتير ومش عارف اسئلك فى ايه وغير كدة هم سئلوا فى كل حاجة بس انا لازم اسالك

ايه الحاجة اللى نفسك يرجع بيك الزمن وتعملها ؟؟؟؟؟؟؟؟؟

ايه نظرتك عموما للحياه( يعنى انت شايفها ازاى اول عن اخر) وطبعا مش عايز فلسفة؟؟؟؟؟؟؟؟؟؟

ايه نظرتك للجواز والارتباط( بردو انت شايفه ازاى) ؟؟؟؟؟؟؟؟؟

ايه اكتر تلات حاجات فرحوك من من عشر سنين تقريبا( بلاش من ساعة ماتولدت) ؟؟؟؟؟؟؟؟؟؟؟

ايه اكتر حاجة تحب تعملها وتبقى مبسوط لما تعملها وبردو اكتر حاجة بتعملها وانت مش بتحبها ؟؟؟؟؟؟؟؟؟؟

بردو انا عايز اعرف انت تحب يبقى عندك عيال كتير ولا لا؟؟؟؟؟؟؟؟؟

اكتر نوعية افلام انت بتحبها (عربى واجنبى) ؟؟؟؟؟؟؟؟؟

ايه اكتر لون انت بتحبه ؟؟؟؟؟؟؟؟؟؟

وطبعا يا احمد انا عارف عنك كل حاجة بس انا مش عاوزك تجاوب على اساس كدة احنا دلوقتى منعرفش بعض

ياجماعه انا عندى رأي بلاش نخليها بترتيب الاعضاء ياريت العضو اللي علي الكرسي هو اللي يختار العضو اللي بعده علي سبيل الانتقام من اكتر واحد بهدله في الاسئله ايه رايكوا؟؟؟؟؟؟

وانا موافقه جدا جدا على الرأى ده يا ريت توافقوا كلكوا

اولا فى حاجتين
يا عمور باشا احنا قلنا من الشروط محدش يسال غير لما اللى قاعد على الكرسى غير لما ميكنش فى اسئلة واسلام ساله وهو لسه مردش المهم مش مشكلة هو هيجاوب بس يا ريت مش تتكرر عشان اللعب يحلو
يا رضا باشا لما تبقى بالترتيب تبقى احسن عشان محدش يتنسى صح ولا ايه وعلى العموم ول انتوا شايفين انها احسن لما اللى قاعد يختار خلاص عشان خاطر رضا باشا نخليها اللى قاعد يختار بس اهم حاجة مفيش حد يتكرر غير لما نخلص كلنا تمام كده واى خدمة يا رضا انا اقدر ارفضلك طلب برضه ده انت ارورنج برض ولا ايه يا ابو صلاح

ولد مش علي الهوا كده انت عايزهم يقولوا علينا ايه ؟؟؟
واضح ان طردك من المنتدى ده هيبقي علي ايدي

ههههههههههههههههههههههههه
المهم ايه صحبك خلع من باقى الاسئلة انا عارف انه هينتقم اوى ربنا يستر

خلع مين يابنى هو لسه شاف حاجه ده تلاقيه بس بيريح بعد اللي شافه من الاسئله بتاعتى

مين دا اللى يخلع يابنى دانا كنت مش هدخل المنتدى تانى...هههههه
اول حاجه انا عايز اقول رأيي في ان مين اللى يتسأل....انا افضل اننا زي ما قولنا تبقى بالدور عشان محدش يتعتق من الكرسي ده....اوك ...يعني الافضل انها تبقى بالدور زي ما قولنا وكل واحد كده كده هاييجي عليه الدور وكل واحد ليه يوم
اما بالنسبه للاسئله

ارد انا على مين ولا مين...بالدور يا جماعه
وعالعموم انا هرد عليكو انتو الاتنين مره واحده
هبدأ بإسلام

شخص ندمت على معرفته؟
الحمد لله ربنا دايما بيوقعنى فى ناس كويسه فمظنش انى ندمت انى عرفت حد

شخص اعجبتك شخصيته؟
اول حد لازم اقوله يبقى سيدنا محمد (عليه الصلاة والسلام)....اما من الناس اللى حواليا ففي ناس ككتير اوى فمقدرش اقول واحد بس

اجمل حلم حلمته وقمت بعده فرحان انك حلمت الحلم ده؟
بجد والله العظيم ومش هزار....زمااااااان اوى وانا تقريبا في اعدادى او في اولى ثانوى حلمت بالرسول ..مع انه اتضايق منى شوية في الحلم بس كفاية انى حلمت بيه
عمل تحلم به؟
لو قصدك يعني حاجه اتمناها ...يبقى مش بتمنى اكتر من اللى اى واحد بيتمناه ...مستقبل كويس لحد ما ان شاء الله اموت وتكون موته كويسه برضو
ما ملامح ومواصفات فتاه احلامك؟
انا مش طماع ...انا مش طالب اكتر من انها تكون طيبه ومحترمه ولو مقصره في حتة الدين تكون عندها استعداد للتغيير بعد الجواز
هل تقتنع بالحب والرومانسيه؟
بالنسبه للحب.فانا مقتنع بيه مفيش مشكلة
اما بالنسبة للرومانسية...فمقتنع جدا بيها بس بصراحه بتخنق شوية عشان في ناس بتبقى اوفر شوية في حتة الرومانسية دي بيخنقونى اوى...يعني رأيي في انهم شايفين المفهوم دا غلط يا اما انا اللى غلطان...يعنى من وجهة نظرى كفايه اوى انك تتصرف على طبيعتك وتوصل اللى في قلبك بطريقتك ...اظن هيبقى افضل واحسن من انى اقعد احفظ في اشعار او القط من كلام الافلام او اروح اقول حاجه او كلام مش بتاعى
هل احمد رضا كابس على مراوحك؟
ههههه...احسن سؤال اتسألته......بس شكلك بتردهاله عشان السؤال بتاعه اللى عليك
وعالعموم مع انى نفسي اديله رصاصتين في دماغه عشان استريح منه...بس احمد رضا مينفعش اقول كلام حلو عليه او اجامله لإنه عارف اللى فيها واللى في القلب في القلب
تحب تعيش فين خارج القاهره وبرده جوه مصر؟
شرم الشيخ طبعاااااااااا... وكنت خلاص على وشك بس ربنا ينتقم من اللى دعا عليا انى مسافرش..بس ساعتها كان هيكون حد تانى اللى بيجاوب الاسئله دي وكان هيبقى فيه ادمين تانى لمدة 3 او 4 شهور قدام....بس بجد شرم دي مش بعتبرها في مصر اساسا لانى قضيت فيها احسن فترة في حياتى

ندخل بقى على اسئلة عموووووووووور

ايه الحاجة اللى نفسك يرجع بيك الزمن وتعملها ؟؟؟؟؟؟؟؟؟
مظنش ان في حاجه ممكن ابقى عايز ارجع واعملها لانى زي ما هيكون للحاجه دي نتايج كويسه زى ما يكون ليها نتايج وحشه....يعني مثلا لو نفسي ارجع للثانوي عشان ادخل كليه غير دي هيبقى حلو بس مضمنش انى هلاقي اصحاب كويسين كده ولا لأ وبرضو مضمنش انى هكمل ولا لأ

ايه نظرتك عموما للحياه( يعنى انت شايفها ازاى اول عن اخر) وطبعا مش عايز فلسفة؟؟؟؟؟؟؟؟؟؟
مش فاهم السؤال يا عم...بس باختصار شدييييد ...الحياه هى اب وام واخوات واصحاب وامنيات الواحد نفسه يحققها
ايه نظرتك للجواز والارتباط( بردو انت شايفه ازاى) ؟؟؟؟؟؟؟؟؟
قمة الاستقرار والحريه في نفس الوقت بس طبعا بشرط وجود ظروف كويسه مهيأه للجواز
ايه اكتر تلات حاجات فرحوك من من عشر سنين تقريبا( بلاش من ساعة ماتولدت) ؟؟؟؟؟؟؟؟؟؟؟
اوك....1 -طلعت الاول على المدرسة في اعدادى
2 – جواز اخويا
3 – لما سافرت شرم مع ابويا في اجازة تانية

ايه اكتر حاجة تحب تعملها وتبقى مبسوط لما تعملها وبردو اكتر حاجة بتعملها وانت مش بتحبها ؟؟؟؟؟؟؟؟؟؟
جامد اوى السؤال ده
اكتر حاجه بعملها وانا مبسوط.....القعده عالكمبيوتر
اكتر حاجة بعملها وانا مش بحبها ..او كنت بعملها......المذاكره قبل الامتحان ..دي بتبقى ذل

بردو انا عايز اعرف انت تحب يبقى عندك عيال كتير ولا لا؟؟؟؟؟؟؟؟؟
هو حد يكره يا مان...دا الاطفال احباب الله ..واهو برضو الواحد يبقى ليه عيله

اكتر نوعية افلام انت بتحبها (عربى واجنبى) ؟؟؟؟؟؟؟؟؟
هو انا الاول كنت بحب الاجنبي ولغاية دلوقتى..بس مش متابع يعني اوى بس يعني لما احب اتفرج على اجنبي احب اشوف افلام الخيال العلمى
اما العربي...فانا بحب الكوميدي جدا وبالذات افلام احمد حلمى.....
ايه اكتر لون انت بتحبه ؟؟؟؟؟؟؟؟؟؟
اللون بتاع خلفية المنتدى دلوقتى...اللى هو اللبنى الزاهى اوى ده

شكرا يا اسلام ويا عموووور
ليكو يوووووووووووووووووم

لا ياعم انت هى اللعبه اصولها كده اللي يتسال يختار اللي بعده متبوظش اللعبه وعموما انا رلأي ناخد رأي الاغلبيه

شكرا ليك يا ابو صلاح بس انا احترت نخليها بالدور ولا كل واحد يختار لان فى 2 وافقوا انا برده شايف رايك صح بس لما احمد كتب لقيت دعاء وافقت فشوف انت بقى ديه ليك انت ولو انى شايف انها افضل بالدور بس شوف انت وقولى

انا شايف برضه ان اللي علي الكرسي يرشح اللي وراه

شكلها كده يا ابو صلاح هنخليها زى ما انتوا عايزين على العموم لحد بليل هنشوف لحد قبل ما يخرج صلاح هنشوف ونقول ازا كان هيسال حد ولا هنمشى بالترتيب

اولا بعد كل الاسئلة الى انت اتسألتها يااحمد .....انا شايفة ان بجد كفاية عليك كده

لان انا حاسة انك اتهريت اسئلة

وعايزة اضيف حاجة انك بجد من الناس الى تستاهل كل خير ....على تجميعاك لكل الناس دى ,وانهم لغاية دلوقتى يفضلوا اصحاب.....

وبالنسبة لرأى احمد ان الى يكون على الكرسى يختار الى بعده

فأنا كمان موافقة على الفكرة دى....

خلاص متشكر اوى لرايك يا نهر وعلى لعموم لحد قبل ميخرج احمد برضه هقولوكوا هتمشى ازاى وشكرا على اهتمامكوا اوى بجد

يا ريت يا رفيق بعد ازنك نخلى اللى على الكرسى يختار اللى بعده يا مان

حاضر يا اسلام انتوا تامروا والله بليل قبل ما ابو صلاح يخرج هعلن واقولكوا هى هتبقى ازاى
وشكرا لمشاركتك اوى يا اسلام

خلاص خليها زى ما الناس عايزه ..اللى يخرج يختار اللى بعديه
بس لازم نحدد الوقت اللى الناس تفضل فيه عالكرسي او نحدد الوقت اللى بيتغير فيه اللى على الكرسي عشان الكل ياخد باله
اوك

خلاص يا شباب بعد الاجماع الرهيب ده انا مقدرش ارفضلكوا طلب ده انتوا الخير والبركة
ثانيا يا ابو صلاح مكنتش متوقع تيجى منك انت انا كتبت يا باشا فى الشروط ان اللى هيقعد على الكرسى لمدة يوم واحد يا مان ارجع اقرى الشروط كويس انا عارف انها غلطة نسيان مش اكتر
وبليل على 9 كده هتخرج وتختار واحد او واحدة بدالك