ولاول مرة بانفراد تاااااااااااااام كرسى الاعتراف

فكره حلوه يارفيق

متابعه معاكم وبسجل اعجابى لان بحب لعب الصراحه لانه بيقربنا من بعض وكمان بيخلينا نواجهه نفسسنا حتى لو الاسئله هزار

شكرا ليكى يا اوى ومستنى مشاركتك

ايه يا ابو صلاح مش ناوى تختار مين اللى بعدك ولا ايه

سوري يا شباب انا كنت اخترت احمد رضا بس عدلت المساهمه دا بعد اذنكو طبعا....عشان بس احمد رضا مش هيكون فاضي بكره اساسا ومش هيرد عالاسئلة
فعشان نكمل ومنتعطلش انا هختار حد غيره
انا اخترت اسلام
معا ربنا يا عم اسلام بقى

كالعادة هبدا بالرخامة عليك يا اسلام
1- انت مين واانت شايف نفسك ايه فى الدنيا؟
2-هل فى حد ندمت على معرفته وليه؟
3-مين اكتر شخص محبب ليك فىا لمنتدى؟
4- لو بايدك جوايز تعطى
1-اكثر الاعضاء نشاط؟
2-عضو كنت بتتمنى وجوده وجه واخر مجاش ونفسك يجى؟
3-عضو حاسس ان المنتدى من غيره مش هيبقى ليه طعم؟
4-اكتر واحد بتحب تقرى مواضيعه؟
5- اكتر عضو مبتحبش مواضيعه؟ (بدون زعل )
5- علاقتك بربك هل حاسس انها ماشية صح؟
6- امنية نفسك تتحقق؟
7- حد منم البنات شفته فى الكلية عجبك ويترى اكتر حاجة عجبتك فى صفاته؟(مش لازم اسامى) بس تقول اه او لا وليه
8- علاقتك باهلك ازاى؟

هو فين اسلاااااااااااااااااااااام
هو جري ولا ايه

هاى يا جماعه
معلش انا لسه راجعه من السفر وللاسف مشتركتش معاكوا فى الاسئله
بس بصراحه انتوا مسبتوش ليا سؤال اسأله لأحمد
بس صحيح هو فين اسلام عشان يجاوب عليك يا رفيق والحق اسأله

اسلام هرب وجاري البحث عنه
انا شكلى كده هحط صورته في الرئيسية واكتب مطلوب حيا او ميتا

هههههههههههههههههههه

على العموم شكرا يا اسلام
بس فى حاجة هو كان موجود الصبح على المنتدى واكيد شاف الاسئلة بس ما جاوبش وبقله تانى شكرا بس لو مكنتش عايز ترد كنت دخلت من الاول وقلت انا مش هشترك وعلى العموم ابو صلاح يختار حد تانى

لالا انا مش هختار حد تانى
اسلام هيدخل وهيجاوب هو اكيد مخدش باله يا مان

انا اسف يا رفيق انا اسف يا جماعه مخدش بالى بس هبدأ الرد
- انت مين واانت شايف نفسك ايه فى الدنيا؟
السؤال ده صعب اوى يا رفيق باشا لانه سهل على الانسان انه يعرف شخصيه الاخرين بس صعب عليه انه يعرف نفسه وبالنسبه لشايف نفسى ازاى فى الدنيا انى ليه دور فيها بس احساسى الداخلى ان الدور ده هيجيلى بشكل مفاجئ وهتكون حاجه مش بسعى ليها
-هل فى حد ندمت على معرفته وليه؟
في كتير ......... منهم بنت حبتها وتمت الخيانه بدون اى مقدمات ........
ومنهم وزميل كان معايا فى جامعه المنيا وانا فى سنه اولى كليه وكفايه دول كده......ز

وليه ده يطول شرحه......
-مين اكتر شخص محبب ليك فىا لمنتدى؟
بجد كلهم صحابى وبحبهم كلهم حتى انت يا رفيق مع اننا متعرفناش اوى على بعض فى الكليه بس بجد اكنى اعرفك من زمان...............
-اكثر الاعضاء نشاط؟
ايه محتله المركز التانى فى قائمه النتمدى
-عضو كنت بتتمنى وجوده وجه واخر مجاش ونفسك يجى؟
عمرو واخر مجاش ونفسه يجى احمد صلاح ابا زيد
-عضو حاسس ان المنتدى من غيره مش هيبقى ليه طعم؟
كل الاعضاء
-اكتر واحد بتحب تقرى مواضيعه؟
كتير فى مواضيع حلوه بس اى موضوع فيه ضحك او اى موضوع بيمس الجانب العاطفى للانسان
- اكتر عضو مبتحبش مواضيعه؟ (بدون زعل
مفيش عضو بس فيه مواضيع معينه بزعل لما بقراها اللى هى فيها بنت بتهاجم الولاد او ولد بيهاجم البنات لان الاصل اللى التنين يقربه من بعض ويفهموا طبيعه بعض
- علاقتك بربك هل حاسس انها ماشية صح؟
يعنى .... شويه بس مؤمن بوجوده وموحد يه ونفسى انتظم فى الصلاه
بس النفس اماره بالسوء
- امنية نفسك تتحقق؟
نفسى اكون رجل اعمال ناجح وبصرف الفلوس على تطوير البحث العلمى فى مصر ............. وربنا يكرمنى بانسانه فيها كل الصفات اللى فى خيالى
حد منم البنات شفته فى الكلية عجبك ويترى اكتر حاجة عجبتك فى صفاته؟(مش لازمسام اى) ب
فى بنت كانت جميله وعجبانى بجد بس مش عارف احساس داخلى كان بيمنعنى انى اقرب منها وفي بنات عجبتنى برده بس كانوا اكبر منى فى السن

- علاقتك باهلك ازاى؟
طبيعيه والحمد لله
شكرا يا رفيق اسئلتك كانت صعبه شويه وفكرتنى بذكريات قديمه بعضها مؤلم
بس اعمل اه هو ده كرسى الاعتراااااااااااف وانا بحب الصراحه ....ليك يوم

اسئلتى انا بقى يا مان
قـــــــــــــــــابل يا مــــــعلــــــــم

1 - هو انت رومانسي ولا انت بتعيش؟ الاجابه باه او لأ وياريت تقولى ليه؟(ههههه سورى يا اسلام انا قاسي عليك شويه بس عايز اعرف وجهة نظرك)
2 - ليه بتحب اشعار نزار قبانى الحلو والوحش ... ومتقوليش مفيش وحش عشان متخنقنيش
3 - حاجه تافهه بس مضايقانى... هو انت ليه دايما وانت بتكتب بدل ما تكتب ايه بتكتب اه....وليه دايما وانت بتكلمنى عالماسنجر بعد كل عباره بتبعت buzz مع انى ببقى معاك..؟
4 - نوعية الافلام العربي اللى انت بتحبها والنبي( انا عايز نوع واحد) ..وقولى ليه؟
5 -لونك واكلتك المفضله؟
6 - احلامك في حياتك؟
7 -ايه اللى نفسك يتغير في المنتدى؟
8 - هل كنت بتحب الدراسه والمذاكره وكده ..بالذات لما دخلت الكليه ..وبرضو تقولى ليه؟
شكرا يا حبيبي على صبرك

1 - هو انت رومانسي ولا انت بتعيش؟ الاجابه باه او لأ وياريت تقولى ليه؟(ههههه سورى يا اسلام انا قاسي عليك شويه بس عايز اعرف وجهة نظرك)
رومانسى جدا ولعلمك انك تعيش الرومانسيه ده اجمل بكتير..........
ليه بتحب اشعار نزار قبانى الحلو والوحش ... ومتقوليش مفيش وحش عشان متخنقني
لانه بيكتب شعره اللى حاسس بيه وكمان اراءه بتعجبنى من ناحيه انى البلاد الشرقيه مش مديه المرأه حقوقها وان المرأه ليه معامله خاصه تتناسب مع طبيعتها الرقيقه وبالنسبه للحاجات الوحشه اللى انت ىبتقول عليها دى حاجات طبيعيه للانسان ميقدرش يوقف فى طريقها او يمنع عواطفه واحاسيسه لان ده بيسبب مشاكل نفسيه كتييييييييييييره
حاجه تافهه بس مضايقانى... هو انت ليه دايما وانت بتكتب بدل ما تكتب ايه بتكتب اه....وليه دايما وانت بتكلمنى عالماسنجر بعد كل عباره بتبعت buzz مع انى ببقى معاك..
مضياق اوى بس بقى اوى دى المفروض )قوى( اشمعنى دى عدتها وطالما احنا مش بنكتب باللغه العربيه الفصحى يبقى سميها لغه الشات وخلاص ولا تزعل نفسك وبعمل buzz عشان اشوف انت معايا ولا سرحت
- نوعية الافلام العربي اللى انت بتحبها والنبي( انا عايز نوع واحد) ..وقولى ليه
مع انى مش عارف انت مصمم ليه على السؤال ده وهتقولى طبعا بس هجوبك بحب الافلام اللى ليها قصه وداخل فيها شويه تحابيش رومانسيه ..................
-لونك واكلتك المفضله؟
بحب اللون الاخضر بيحسسنى بالحياه واكلتى المفضله مش قادر احدد حاجه معينه لانى بحب الاكل عموما ولعلمك لو لقيت ان الاكل مش مطهى حلو بقول ومكسفش ومكملش اكلى اصل بحب اتذوق الاكل..............
احلامك في حياتك؟
بحب احدد احلام قصيره المدى وكل ما حقق حلم بدخل فى اللى بعده يعنى مثلا حلمى او هدفى دلوقتى فى شغله حلوه زى شركه ادويه لما يتحقق يبقى الحلم اللى بعده وهو الاستقرار وهكذا..............
-ايه اللى نفسك يتغير في المنتدى؟
المنتدى حلو اوى وكفايه انه مجمعنا
- هل كنت بتحب الدراسه والمذاكره وكده ..بالذات لما دخلت الكليه ..وبرضو تقولى ليه؟
كنت بحب حياه الجامعه وان اكون مع زميلى بس الدراسه كانوا بيصعوبها علينا اوى وكنت باجى اخر شهر وايام الامتحانات كنت بكره اليوم اللى اتولد فيه ودخلت الكليه الصعبه دى بس لما الامتحانات تخلص كنت بتشاهد واقعد مدى لغايه لما كنت برجع لطبعتى تانى وبنسى الايام دى والحمد لله كنت بعدى بتقدير بس والله العظيم مكنتش بسعى ليه كان بيبقى هدفى انى اعدى وخلاص وده كان اهم حاجه بالنسبالى
وعلى فكره ايام الثانوى والاعدادى كنت بحب الدراسه والاطلاع بس مبحبش تخلف التعليم اللى جبلنى تخلف عقلى ................
يا رب اكون قدرت اجاوب على اسئلتك اللى سلختنى بيها يا احمد شكرا

ههههههههه
حبيب قلبي يا اسلام انا قولت ارخم عليك شويه
بس كفايه رخامه لحد كده خلاص
شكرا يا مان اوى

عادى يا احمد ده الطبيعى بس بجد اسئله جاااااااااااااااامده

حد تانى عايز يسأل

انا بقي يا سومه
1-ايه اكتر سنه حبيتها في الكليه واستريحت فيها؟
2-مين هو مثلك الاعلي؟
3-هل انت شايف نفسك مظلوم ومتضهض من الناس كلها ولالا؟
4-لو انت بقيت عميد كليه العلوم ايه اكتر حاجه نفسك تعملها في الكليه؟؟
5-ايه رايك في البنت اللي مش رومانسيه وجد اوى ؟؟؟
6-كام مره قلت لبنت انا معجب بيكي؟؟؟(اوعي تكتدب )
7-لو انت معاك مليون جنيه هتعمل بيهم ايه؟؟؟
8-الشعر بيمثلك ايه؟؟؟؟؟؟

-ايه اكتر سنه حبيتها في الكليه واستريحت فيها؟
اكتر سنه كانت سنه تالته كانت سنه خرافه بجد........ وسنه رابعه عشان الرحلتين2-مين هو مثلك الاعلي؟[/c
سيدنا محمد)ص(
-هل انت شايف نفسك مظلوم ومتضهض من الناس كلها ولالا
لا عادى يعنى بالعكس
[color=darkred]-لو انت بقيت عميد كليه العلوم ايه اكتر حاجه نفسك تعملها في الكليه؟؟
اربط الدراسه بمواقع العمل بالشركات اللى ليها علاقه بالكليه
-ايه رايك في البنت اللي مش رومانسيه وجد اوى ؟؟؟مفيش حاجه اسمها بنت مش رومانسيههى ممكن تكون شكلها الخارجى بس كده لكن هى حاجه تانى خالص من جوه...............
-كام مره قلت لبنت انا معجب بيكي؟؟؟(اوعي تكتدب )
كاااااام مره ايه يا احمد ده انت واخد عنى فكره وحشه اوى..................
7-لو انت معاك مليون جنيه هتعمل بيهم ايه؟؟
اشترى شاليه فى الساحل الشمالى
8-الشعر بيمثلك ايه؟؟؟؟؟؟
احاسيس ملموسه على الورق
ياه يا احمد اسئلتك خفيفه زيك

حد تانى

كفى عليك كده يا اسلام اختار بقى مين اللى بعدك وياريت نغير بقى

ماشى كفايه على كده
وهختار اللى بعدى ...........................ز
نهر الحب

اه طيب اللى بعده يقعد على الكرسى

ازيك يا نهر ...وايه اخبارك ...معلش بقى جيه دورك عالكرسى وطبعا لازم تتسألى ..هتتسألى يعنى هتتسألى ومعلش استحملينى بقى ..ان شاء الله اسئلتى هتكون بسيطه ...اولا
1-عرفينا بنفسك ولو مش عايزة تقولى اسمك ..بلاش ..قولى اللى مكتوب فى البطاقه ماعدا رقمك القومى طبعا
2-كان ايه شعورك لما قريتى ورقه التنسيق ...وخليكى صريحه ..
3-ترتيبك كام وسط اخواتك ....ومن الترتيب ده مين خد حنان باباكى ومامتك اكتر
4-انت شايفه من وجهه نظرك....ايه نوع شخصيتك..ورومانسيتك تديها كام على عشرة
5-ناويه تشتغلى بعد ماتتجوزى ....مع ذكر السبب بعد اذنك
6-انتى حاسه بوضعك بين الناس وانتى معاكى بكالوريوس علوم..وهل انتى ندمانه انك دخلتى الكليه دى ...ولو كنتى ندمانه كان نفسك تكونى فين ....مع التوضيح
7-لكل ام واب ليهم اسلوبهم فى تربيه عيالهم...انتى بقى ايه اللى اتطبق عليكى ومش عايزة تطبقيه فى عيالك ان شاء الله ..وايه اللى مطبقش عندك بس ناويه تطبقيه فى عيالك
8-شخصيه انتى فرحانه انك عرفتيها ...وشخصيه ندمتى انك شوفتيها ...ومش مهم تقولى الاسم بس الاهم تقولى ايه اللى عجبك وايه اللى مش عجبك فى كل شخصيه

طولت عليكى ...معلش بس بجد انا نفسى اشوفكوا واعرفكوا اكتربالنسبه لبنات المنتدى كله وللاسف اللى اعرفها فيكوا هى آيه وبس ...لو عندكوا طريقه اشوفكوا بيها يا ريت تبعتوها على الرسايل عندى

اولا احب اقولكم ان انا اتفاجئت جدا لما دخلت اللعبة ولقيت نفسى على الكرسى
وربنا يسامحاك يااسلام .......

ثانيا انا مبسوطة جدا ان انتى ياروبة اول حد سألنى.....

بالنسبة للاسئلة.....

1-عرفينا بنفسك ولو مش عايزة تقولى اسمك ..بلاش ..قولى اللى مكتوب فى البطاقه ماعدا رقمك القومى طبعا

عجبنى قوى اسلوبك فى السؤال ياروبة
بس عارفة ده اكتر سؤال كنت مش عايزة اتساله لما دخلت اللعبة دى
علشان كده ياريت تسامحينى مش هقدر اجاوبه.....

2-كان ايه شعورك لما قريتى ورقه التنسيق ...وخليكى صريحه ..

كنت فرحانة وزعلانة
زعلانة علشان طبعا جالى كلية علوم.....
وفرحانة علشان هى جامعة عين شمس لان دى كانت امنية بالنسبة لى والحمد لله ربنا حققهالى.......

3-ترتيبك كام وسط اخواتك ....ومن الترتيب ده مين خد حنان باباكى ومامتك اكتر

انا البنت الصغيرة والوحيدة على ولدين.....واظن كده باقى اجابة السؤال بقيت معروفة
(انا اكتر واحدة اخدت حنان من بابا وماما)ربنا يخليهملى يارب

4-انت شايفه من وجهه نظرك....ايه نوع شخصيتك..ورومانسيتك تديها كام على عشرة

معلشى ياروبة بس اصعب حاجة ممكن تواجهه الانسان انه يصنف شخصيته او يقول هو شايف نفسه ازاى......
اما بالنسبة للرومانسية.....فأنا كنت زمان رومانسية اما دلوقتى فالحمد لله مبقتشى كده خالص ......لان فى الزمن ده مينفعشى تكونى رومانسية ولا طيبة مع البنى آدمين الى احنا بنقابلهم الايام دى....

5-ناويه تشتغلى بعد ماتتجوزى ....مع ذكر السبب بعد اذنك

اكيد طبعا ان شاء الله....لكن يوم ماهلاقى شغلى هيأثر على بيتى وولادى اكيد طبعا هفضل ان يكون اهتمامى ليهم ......

6-انتى حاسه بوضعك بين الناس وانتى معاكى بكالوريوس علوم..وهل انتى ندمانه انك دخلتى الكليه دى ...ولو كنتى ندمانه كان نفسك تكونى فين ....مع التوضيح

بالنسبة لاحساسى بوضعى بين الناس وانا معايا بكالوريوس علوم...فانا الى حدا ما حاسة بوضعى الحمد لله
بالنسبة للندم فانا ندمانة انى من الاول فكرت انى ادخل كلية من كليات القمة ومفكرتيش انى ادخل حاجة كنت بحبها واحقق نفسى فيها ....
وبصراحة كان نفسى ادخل حاجة فيها رسم وتخطيط .....زى فنون جميلة او فنون تطبيقية.....

7-لكل ام واب ليهم اسلوبهم فى تربيه عيالهم...انتى بقى ايه اللى اتطبق عليكى ومش عايزة تطبقيه فى عيالك ان شاء الله ..وايه اللى مطبقش عندك بس ناويه تطبقيه فى عيالك

سؤالك ده خلانى افكر كتير....بس على العموم الى اطبق عليا ومش هطبقه على ولادى ان شاء الله ان عمرى ماهبعدهم عنى بسبب الدراسة والتعليم ...يعنى مهما كانت الدراسة او الكلية الى عايزين يدخلوها مش هغربهم ابدا....
اما بالنسبة لايه الى مطبقشى عندى بس ناوية اطبقه على ولادى....
انى دايما لازم اناقشهم فى قراراتهم لغاية لما نوصل للقرار الصح ومااثقشى فى اسلوب تفكيرهم دايما لان مهما حصل عمر ماهيكون خبرتهم زى خبرتى.....
بمعنى ان بابا وماما دايما وثقين فى قراراتى زيادة عن اللزوم ودى حاجة بتضايقنى جدا....

8-شخصيه انتى فرحانه انك عرفتيها ...وشخصيه ندمتى انك شوفتيها ...ومش مهم تقولى الاسم بس الاهم تقولى ايه اللى عجبك وايه اللى مش عجبك فى كل شخصية

شخصية فرحانة انى عرفتها.....عموما انتى محددتيش فى انهى فترة.....
بس لو انتى بتتكلمى عن الفترة دى....فانا سعيدة جدا بمعرفتى بآية على الرغم ان انا كنت اعرفها من ايام الكلية بس كانت معرفة سطحية جدا ولما قربنا لبعض الفترة دى عرفت اد ايه هى انسانة طيبة جدا ولذيذة وحبوبة موت فبجد ربنا يخليهالى يارب...
شخصية ندمت انى شوفتها...عموما كويس جدا انك قلتى بلاش الاسم...وحددتى الصفات بس.....على العموم انا الى معجبنيش فى بعض الاشخاص انك تبقى بتتعملى بطيبة وبحب وتقربى من الشخصية جدا وبعد فترة يتضحلك ان المعرفة كانت معرفة مصلحة.....بجد بتبقى حاجة تخنق جدا......

على العموم شكرا ياروبة على اسئلتك اللذيذة دى
ويارب مكنشى طولت عليكم

انا عجبتنى اسئله رحاب
بس مش عارفه ليه نهر الحب مش عايزه تقول هى مين
المفروض المنتدى ده يجمعنا انتى كده بتبعدى عنا

بانك مش عايزه تقولى انتى مين

معلش يا جماعه انا عندى رأي في اللعبه دى وعايز اعرف رأيكوا
انا بقول ان اسم العضو اللي علي الكرسي يتكتب في الصفحه الرئيسيه عشان الكل يبقي عارف وهو كمان يعرف
وان القتره تطول كمان لان يوم واحد مش كفايه عشان الكل يشارك فياريت الفتره تزيد شويه
ياريت تكتبوا رأيكوا

بالنسبة ان اسمه يتكتب في الرئيسية ..اعتقد ان ده احسن عشان العضو اللي على الكرسي يبقي عارف

بس بالنسبة انه يفضل اكتر من يوم فده هيبقى كتير اوي على العضو..ده انتو كده هتعصروه اسئلة

انا بقى يا نهوره يا حبيبتى وبما ان انا عرفتك انتى مين والله عرفتك من اسلوبك مش من حد وان شاء الله احساسى ميخونيش المهم انتى طبعا عارفه بحبك اد ايه فانا هسألك اسئله بسيطه جدا
1-عمرك حبيتى انسان وبعدين بقيتى مش طايقه تبصى فى وشه وايه الا خلى احساسك يبقى كده
2-بتحكمى على الناس ازاى او من خلال ايه
3-اكتر حاجه عاجباكى فيا واكتر حاجه مش عاجباكى وليه
4-حبيتى كام مره وانهى مره حسيتى ان ده حب عمرك وياترى كمل ولا لأ
5-مين مثلك الاعلى وايه الا خلاه كده
6-صفات فتى احلامك وياترى احققت فى واحد ولا لسه
7-لو انتى معجبه بولد هتعملى ايه عشان توضحيله او تخليه ياخد باله
8-امتى حسيتى انك مبسوطه لوى وامتى حزينه اوى وليه
وبس خلاص شوفتى اسئلتى سهله ازاى

اولا يا رضا باشا حكاية الاسم تخلوه بره ده انا كنت هقولكوا عليه النهاردة بس انت سبقت
اما بالنسبة لحوار ان كل عضو يقعد اكتر من يوم كده هطول وهيتهرى اسئلة واحنا اهاه زى لما اسلام مجاش اول يوم سبناه تانى يوم لحد مكله خلص اسئلته وخرج فالحوار ده كده هيطول اوى
وشكرا ليكوا وانا هقول لصلاح انه يخرج اسم العضو على الرئيسية

مممممممممم...ربنا يستر

انتى رحتى فيييييييييييييييييييييييييييييييييييين يا نهر الحب ؟؟؟؟؟؟؟
هى هربت ولا ايه؟؟؟؟؟

اسئلتك صعبة جدا يادودو

بس على اى حال ياقمرى اكيد لازم اجاوب عليكى بس خليكى فاكرة ان كل واحد ليه يوم.

1-عمرك حبيتى انسان وبعدين بقيتى مش طايقه تبصى فى وشه وايه الا خلى احساسك يبقى كده

اكيد حبيت لكن انى مبقاش طايقة ابص فى وشه (ماأظنيش) لان الى بيحب عمره مابيعرف يكره.....
وايه الى خلى احساسى كده......اكيد المعاملة والقسوة وخصوصا لما تكونى بتعملى كل حاجة علشانه وهو ميقدرشى اى حاجة
(على فكرة كلامى شامل بنت او ولد)

2-بتحكمى على الناس ازاى او من خلال ايه

بحكم عليهم من خلال تصرفاتهم معايا
لكن اول مابحس بالغدر بدى فرصة تانية لكن لو اتكررت لثالث مرة ببيع القضية وببيع الشخص.....بس ميمنعشى انى يوم مااشوفوه اسلم عليه.....

3-اكتر حاجه عاجباكى فيا واكتر حاجه مش عاجباكى وليه

اكتر حاجة عجبانى فيكى انك بجد قوية وواثقة فى نفسك
واكتر حاجة مش عجبانى(صراحة فكرت بس ملقتشى اجابة)يمكن علشان احنا مش كنا قريبين قوى للدرجة الى تخلينى اشوف حاجة مش عجبانى فيكى...

4-حبيتى كام مره وانهى مره حسيتى ان ده حب عمرك وياترى كمل ولا لا

هى مرة واحدة وحسيت ساعاتها ان ده حب عمرى...لكن مكملشى الحمد لله...

5-مين مثلك الاعلى وايه الا خلاه كده

مثلى الاعلى هى بنت عمتى...والى خلاها كده انى بجد عجبانى دماغها جدا وتفكيرها وتعاملها مع الناس....وبستفييد كتير جدا منها لما بتناقش معاها فى اى موضوع...

6-صفات فتى احلامك وياترى احققت فى واحد ولا لسه

انا مش طالبة حاجات صعبة انا كل الى طلباه واحد يراعى ربنا فيا ويكون على درجة من التدين واقصد الوسطية مش التطرف ويكون متفاهم ودماغه كبيرة (مش يقف على حاجات تافهه)ويكون واثق من نفسه....لانه لو واثق من نفسه هيكون واثق فيا ويكون انسان محترم جدا جدا جدا وهفضل اقول جدا دى من هنا لبكرة(شوفتى طلباتى بسيطة ازاى)وطبعا نسيت اقول لازم يكون بيحبنى....
وبالنسبة لاتحققت والا لا...بصراحة اتحقق جزء منها لكن الاغلبية لا
لان للاسف لسه الراجل زى ماهو متغيرشى طبيعته واحدة عايز دايما رأيه هو الى يمشى ولو اتنقشتى تبقى غلطانة ووحشة.....

7-لو انتى معجبه بولد هتعملى ايه عشان توضحيله او تخليه ياخد باله

بالنسبة للنقطة دى انا متأكدة ان اى ولد او اى بنت بتعرف اذا كان الى قدامها معجب بيها او لا وكذلك الولد (تقريبا المشاعر هى الحاجة الوحيدة الى بتتحس ومش بتتفهم)
يعنى الموضوع مش محتاج ذكاء علشان البنى آدام ده يحس بكده.....

8-امتى حسيتى انك مبسوطه قوى وامتى حزينه اوى وليه

حسيت انى مبسوطة قوى ......يوم ماعرفت نتيجتى
لان بجد كان نفسى جدا اتخرج واترحم من الكلية دى
وحسيت انى حزينة قوى (ممكن مجوبشى على السؤال ده)


اسئلتك جامدة يادعاء
شكرا ياقمرى

طب ممكن اسال انا بقي ..................
1-لو رجع بيكى الزمن تانى تدخلي كليه العلوم ولا لا؟؟؟؟
2-ايه هي الوظيفه اللي بتتمنيها بعد ماتخرجتى؟؟
3-تفتكرى الافضل للبنت الجوازلا الشغل؟؟؟؟؟؟
4-هل انتى من الناس اللي بتقول ان كل وظيفه للولاد تنفع للبنات ؟؟؟؟
5-علاقتك بعائلتك هل هي قويه ام ضعيفه؟؟
6-هل انتى من الناس اللي بيأثروا باراء الاخرين ولا لا؟؟؟
7-انتى اهلاويه ولا زمالكاويه؟؟؟؟
8-لو بقيتى الادمن ايه الحاجه اللي نفسك تعمليها
شكراااااااااااااااااااااااااااااااااااااااااااااااااااااااااااا
معلش لو كنت طولت عليكي

شكرا جدا على اسئلتك يااحمد

واجاوبك

1-لو رجع بيكى الزمن تانى تدخلي كليه العلوم ولا لا؟؟؟؟

اكيد طبعا لالالالالالا

2-ايه هي الوظيفه اللي بتتمنيها بعد ماتخرجتى؟؟

نفسى اخد كورسات واشتغل مهندسة ديكور

3-تفتكرى الافضل للبنت الجوازلا الشغل؟؟؟؟؟؟

اكيد الاتنين.....بس لو بتتكلم حاليا بعد التخرج(فأكيد الشغل وانها تثبت نفسها)

4-هل انتى من الناس اللي بتقول ان كل وظيفه للولاد تنفع للبنات ؟؟؟؟

اكيد لا.....وياريت ميتفهمشى من كلامى ده ان فيه فرق بين البنت والولد
انا بتكلم مثلا لو شغل فى شركة ادوية فده اكيد مينفعشى لاى بنت
الا اذا كانت بنت قوية جدا لدرجة انها تستحمل التعب والمجهود وبهدلة الموصلات
يعنى لو هى تقدر تعمل ده يبقى مفيش فرق مابين وظيفة للولد وللبنت
يعنى هى مسالة قدرات
زى مافى ولاد بيرفضوا انهم يشتغلوا فى شركة ادوية
واسئلهم ليه؟؟؟؟؟وساعاتها هتعرف ان مفيش فرق
لان كل واحد بيدور على الافضل والاريح بالنسبة له.....

5-علاقتك بعائلتك هل هي قويه ام ضعيفه؟؟

الحمد لله علاقتى كويسة جدا مع اهلى وبحبهم جدا
ربنا يخليهم ليا يارب....

6-هل انتى من الناس اللي بيأثروا باراء الاخرين ولا لا؟؟؟

للاسف انا دماغى ناشفة جدا وعنادية موت
بس ميمنعشى ان لو حد اقنعنى برأيه واتأكدت انه بيتكلم صح
اكيد هوافق على كلامه....

7-انتى اهلاويه ولا زمالكاويه؟؟؟؟

اكيد زمالكاوية ....هو فيه زى الزمالك

8-لو بقيتى الادمن ايه الحاجه اللي نفسك تعمليها

هو طبعا مفيش حد ينفع ادمن غير احمد صلاح
بس لو فرضنا انى بقيت ادمين
اتمنى انى اعمل غرفة للشات تكون واضحة جدا لجميع الاعضاء
وكلنا ندخل فيها علشان معرفتنا ببعض تزيد اكتر.....

شكرا ليك يااحمد على اسئلتك الحلوة دى

اولا معلش يا نهر انا بس ليا تعليق واحد بس صغير وفى حاجة تافهة
اكيد زمالكاوية ....هو فيه زى الزمالك(لا طبعا مفيش زى الزمالك واسالى طلائع الجيش واسك ابيدجان )
هههههههههههههههههههههههههههههههههههه

هاه ايه يا نهر شكلك عايزة تتسالى تانى
مش ناوية تختارى حد بدالك ولا ايه
والله عايزة تقعدى تانى اهلا وسهلا بس المفروض بيبقى يوم واحد وانا كاتب كده فى شروط اللعبة

والله انا مستنياك من بدرى يارفيق تقولى اختارى

لان انت المتحكم فى قوانين اللعبة

على العموم انا اختار بعدى

حبيبة قلبى آية

كده بردو يا نهر...ماشيييييييييي

ايه...مفيش حد عايز يسأل؟؟؟؟؟؟؟؟

ايه ياجماعه انتو خايفين من ايه ولا ايه؟؟؟؟؟
متشألوا ولا اسأل انا يعنى؟؟؟؟؟؟؟

اسال يا رضا....واضح الناس لسة نايمة

سوري على التأخير
1- بطاقتك او اي حاجة تثبت الشخصية
2- ايه اكتر حاجة نفسك تعمليها ولسه متحققتش
3- ايه اكتر موقف محرج حصللك وامتى
4- ايه اكتر صفة فيكي بتضايقك واكتر صفة بتحبيها
5-انتي بتعتبري نفسك انسانة واقعية ولا حالمة ؟؟
6- هل ممكن حد يأثر على قراراتك ؟؟
7- ايه اكتر حاجة عملتيها وندمتي عليها بعد كدا؟؟؟
8-ايه الحاجة اللي بتفكري فيها دلوقتي؟؟؟

سوري ياآية انا عارفة ان الاسئلة رخمة شويه
ويارب مكونش طولت عليكي

1- بطاقتك او اي حاجة تثبت الشخصية
آية محمد عبد الرحمن,فلسطينية,من مواليد الجيزة
2- ايه اكتر حاجة نفسك تعمليها ولسه متحققتش
لحد دلوقتي ...مفيش حاجة
الحمد لله كل اللي اتمنيتة لحد دلوقتي ..اتحقق
3- ايه اكتر موقف محرج حصللك وامتى
الموقف اللي حصل في سنة 4 مع دكتور اسحق..طبعا اغلب الناس عارفة الموقف ده
4- ايه اكتر صفة فيكي بتضايقك واكتر صفة بتحبيها
اكتر حاجة فيا بتضايقني هي عصبيتي بس الحمد لله واضح انها قلت شوية بشهادتكم
واكتر صفة بحبها فيا ثقتي بنفسي
5-انتي بتعتبري نفسك انسانة واقعية ولا حالمة ؟؟
انا الحمد لله واقعية جدا
6- هل ممكن حد يأثر على قراراتك ؟؟
نادر جدا
7- ايه اكتر حاجة عملتيها وندمتي عليها بعد كدا؟؟؟
بصراحة ..انا ما اتعودتش اندم على حاجة
مادام حاجة حصلت هتعلم منها بس استحالة اندم عليها
8-ايه الحاجة اللي بتفكري فيها دلوقتي؟؟؟
اننا نفضل اصحاب على طوووووووووول

شكرا ليكي يا ايمي

ها...اللي بعده

الدور عليا انا بقى
هرخم شويه انا يا آية ....بس مليش دعوه اللى يقعد عالكرسي لازم يقبل الرخامه...بس مش عاوزك تتضايقى

1 - عرفينا بنفسك فى سطر او سطرين كده...يعني شوية معلومات كده غير اللى كتبتيها فى الرد بتاع سؤال ايمان؟

2 - ايه الحاجه اللى مخلياكى دلوقتى vvv happy زى ما مكتوب؟

3 - اخر مره اتضايقتى او زعلتى اوى كان امتى؟

4 - ليه دايما بتفتخري بعصبيتك مع ان العصبيه دى حاجه مش كويسه؟

5 - ايه الحاجه اللى بتتمنيها دلوقتى (حتى لو حاجه صغيره خالص)؟

6 - ايه الحاجه اللى نفسك تبقى موجوده فى المنتدى حاليا؟

7 - ايه غير العصبيه شايفاه غلط فيكي؟

8 - ايه اكتر حاجه بتعمليها فى حياتك دلوقتى؟

شكرررررررررررررا يا آية

اولا انا عمري ما اتضايق منك...وانت عارف كده كويس

1 - عرفينا بنفسك فى سطر او سطرين كده...يعني شوية معلومات كده غير اللى كتبتيها فى الرد بتاع سؤال ايمان؟
آية, عندي 5 اخوات اكبر مني,الوالد توفي من 3 شهور,عيد ميلادي آخر الشهر,بعشق اللون الازرق
2 - ايه الحاجه اللى مخلياكى دلوقتى vvv happy زى ما مكتوب؟
ان انا عندي اصحاب زيكم ...بجد ربنا يعلم انا بحبكم اد ايه
3 - اخر مره اتضايقتى او زعلتى اوى كان امتى؟
من فترة قريبة في المنتدي بسبب المشاكل اللي حصلت ..بجد ساعتها كان دمي بيغلي...بس لما اتكلمت مع ناس حسسوني ان الموضوع تافة واني اديته اكبر من حجمه...بجد شكرا جدا ليهم
4 - ليه دايما بتفتخري بعصبيتك مع ان العصبيه دى حاجه مش كويسه؟
مفيش حد بيفتخر بعيب فيه يا احمد...انا بحاول اني ما ابقاش عصبية وواضح اني نجحت
5 - ايه الحاجه اللى بتتمنيها دلوقتى (حتى لو حاجه صغيره خالص)؟
اكيد زي اي بنت زوج محترم واولاد
6 - ايه الحاجه اللى نفسك تبقى موجوده فى المنتدى حاليا؟
انت بجد مش مخلي المنتدي ناقص حاجة....ربنا يجازيك خير عننا يا احمد
7 - ايه غير العصبيه شايفاه غلط فيكي؟
ممكن التسرع في قراراتي
8 - ايه اكتر حاجه بتعمليها فى حياتك دلوقتي؟
بنام , بدخل على المنتدي,بتفرج علي التليفزيون

يا رب تكون اجاباتي مقنعة

شكرا جدا ليك يا حماده

دونى حبيبة قلبى طبعا عارفه بحبك قد ايه صح ولا المهم اسئلتى بقى
1-ندمانه انك عرفتينى ولا وليه
2-اكتر حاجه عجباكى فيا
3-ايه مواصفات فتى احلامك غير التدين والاحترام فهمانى طبعا ههههههههههه وياترى لقتيه ولا لسه
4-ياترى وحصل انك اعجبتى بحد فى الكليه وايه الا شدك فيه لو ده حصل
5-قوليلى لسته باكتر خمس اشخاص بتثقى فى رأيهم سواء اهل او اصحاب
6-ياترى شايفه ان البنت المفروض طموحها يوقف عند جد معين وليه
7-لو حصل وشوفتى ولد لاول مره ايه هى اكتر حاجه بتبصى عليها فيه انا مثلا اول حاجه ببص عليها اظافره وانتى ايه
8-عمرك قلتى لنفسك اصحى من الا انتى عايشه فيه امتى وليه قلتى كده
شوفتى اسئلتى سهله ازاى المشكله انى مش لاقيه حاجه اسئلك عليها لانى عارفه كل حاجه عنك تقريبا بس يلا بقى

منورة على الكرسى يا يويو
هاستنى تردى على دعاء
واسالك انا بعديها يا قمر
استنينى .......

آسفة جدا اني اتأخرت في الرد

1-ندمانه انك عرفتينى ولا وليه
اكيد طبعا مش ندمانة...انتي عارفة انا بحبك اد ايه...وبعدين زي مارديت على ايمان انا متعودتش اندم على حاجة
2-اكتر حاجه عجباكى فيا
هما بصراحة حاجتين : تلقائيتك..وضحكتك اللي بسمعها في التليفون
3-ايه مواصفات فتى احلامك غير التدين والاحترام فهمانى طبعا ههههههههههه وياترى لقتيه ولا لسه
هو انا عايزاه طويل وابيض ويا حبذا لو عينيه زرقاء بس اهم حاجة يكون حنين...واكيد طبعا لسة مالقتهوش
4-ياترى وحصل انك اعجبتى بحد فى الكليه وايه الا شدك فيه لو ده حصل
ماحصلش والله يا دودي...رغم اني شفت العجب في ال4 سنين دول....وعلي يدك
5-قوليلى لسته باكتر خمس اشخاص بتثقى فى رأيهم سواء اهل او اصحاب
محمد شحاتة,دينا سعيد,احمد صلاح,اختي الكبيرة ريم,احمد اخويا
6-ياترى شايفه ان البنت المفروض طموحها يوقف عند جد معين وليه
اكيد لا ..بس الطموح بيختلف حسب الظروف..يعني مثلا انا دلوقتي نفسي اشتغل واحقق نفسي في شغلي بس ان شاء الله لما اتجوز طموحي هيتحول لبيتي واولادي..وهشيل فكرة الشغل دي من دماغي خالص
7-لو حصل وشوفتى ولد لاول مره ايه هى اكتر حاجه بتبصى عليها فيه انا مثلا اول حاجه ببص عليها اظافره وانتى ايه
انتي عارفة انا لازم آخد بالي من كل حاجة...
8-عمرك قلتى لنفسك اصحى من الا انتى عايشه فيه امتى وليه قلتى كده
ليه بس كده..مش على الهوا طيب
عموما هو حصل وانتي عارفة امتي وليه...وبلاش فضايح بقى خليها بيني وبينك

يا دودو

الدور عليك يا شحاتة ..مستنيه اتفرج علي شحاتة شو

شحاته شو سوف يبدأ الان
انا اسف على التاخير يا يويو
بس انتى عارفة كويس اللى حصلى انهاردة
على العموم كل ده فى صالحك لانى كدة ما عادشى فيا حيل انى اتسلى عليكى
على العموم الاسئلة خفيفة
وتقريبا كل الاسئلة من جوة المنهج والى نفسى اساله دعاء سالته قبلى
هاتخلينى اغير الاسئلة يا دعاء منك لله طول عمرك متعبة

سكووووووووووووووووت
الاسئلة هاتبدأ

1- مين اكتر حد من اصحابك البنات بترتاحى معاه فى الكلام والفضفضة
2- مين اكتر واحد من الولاد من اصحابك قريب منك
3- حبيتى كام مرة قبل كدة
4-ايه رايك فى الادمين بتاعنا ؟ ولو هاترفدية هاتعينى مين مكانة ؟
لا مواخذة يا ابو صلاح ههههههههههههه
5-ايه اكتر اكلة بتحبى تاكليها؟ و اكتر اكلة بتحبى تعمليها \؟ وممكن تجيبيهالنا هنا لينا عل المنتدى لحسن جعان ؟
6- اكتر شخصية فى الكلية مبسوطة انك طلعتى بيها ولد او بنت
7- اكتر شخصية ندمتى انك عرفتيها
8- تحبى تقولى ايه لكل فتاه فى سنك بتبدأ حياتها باعتبارك خريجة علوم انصحيهم علشان ما يقعوش فى نفس الغلطة

وشكرا يا يويو
واسف على التاخير مرة تانية

1- مين اكتر حد من اصحابك البنات بترتاحى معاه فى الكلام والفضفضة
والله في بنات كتير...طبعا نهر الحب ,دعاء رمضان,دعاء زيادي,دينا سعيد
2- مين اكتر واحد من الولاد من اصحابك قريب منك
هيكون مين غيرك انت...انت عايز تحرجني قدام الجمهور
3- حبيتى كام مرة قبل كدة
ولا مرة...بس كان في شوية هبل كده ...زي اي بنت يعني
4-ايه رايك فى الادمين بتاعنا ؟ ولو هاترفدية هاتعينى مين مكانة ؟
طبعا مفيش زي ابو صلاح..ربنا يخليهولنا..ودي مش مجاملة والله يا ابو صلاح
5-ايه اكتر اكلة بتحبى تاكليها؟ و اكتر اكلة بتحبى تعمليها \؟ وممكن تجيبيهالنا هنا لينا عل المنتدى لحسن جعان ؟
والله يا شحاتة انا بحب اي حاجة فيها بطاطس ,ورق العنب,المكرونة,الحلو بجميع انواعه..يعني من الاخر بحب اي حاجة بتخن
وطبعا انت عارف اني مليش خالص في المطبخ ..والحاجة الوحيدة اللي بعرف اعملها هي كيكة الزبادي اللي عملتهالكم في الرحلتين
6- اكتر شخصية فى الكلية مبسوطة انك طلعتى بيها ولد او بنت
بالنسبة للبنات:نهر الحب....وبالنسبة للولاد:طبعا حضرتك
7- اكتر شخصية ندمتى انك عرفتيها
قلتها مرتين قبل كده...انا مش بندم على حاجة ابدا عشان كل حاجة متقدر انها تحصل عشان كده مينفعش اندم على اي حاجة ابدا
8- تحبى تقولى ايه لكل فتاه فى سنك بتبدأ حياتها باعتبارك خريجة علوم انصحيهم علشان ما يقعوش فى نفس الغلطة
والله لو في نصيحة كنت نصحت نفسي بيها الاول...ولا انت ايه رأيك؟؟؟؟؟؟؟

ايه رأيك في الرد ده؟؟

شكرا جدا جدا ليك يا شحاتة