ولاول مرة بانفراد تاااااااااااااام كرسى الاعتراف

على فكرة يمكن بغدادى ما يعرفشى ان كسبر من اوائل الناس اللى قعدوا على الكرسى

يبدو ان بغدادى مش مركز حبتين اليومين دول ربنا يعينه !!!!!

الواد ما صدق قام من على الكرسى هاتيجى انت تسلخه تانى ؟؟؟؟؟؟

حرام عليك يا بغدادى ركز شويه

ماشى ياعم اختار دينا سعيد

ههههههههههه
نشنت يا فالح دينا قعدت قبل كده
هقولك مين اللى فاضل
بسمه-عمرو-ابو السعود-ايمان عبد الفتاح-اسماء الوكيل

بسمه

بسمة الى كرسى الاعتراف
مستنينك واتفضلوا الناس اللى عندها اسئلة

ولسه كمان دينا سمير انت نسيتها ولا ايه
هههههههههههههههههههههههههههه
سوري يادينا

خلاص ياجماعه مستنيه اسئلتكوا
اسالوا في اي موضوع وانا هجاوبكوا
مستنيه اسالتكوا

طيب ابدأ انا بقي ولو انى معرفكيش اوى بس طبعا كلنا زمايل
1-عرفى نفسك في سطرين
2-بمناسبه فوز الاهلي ياتري انتى اهلاويه ولا اهلاويه؟؟؟؟؟؟؟؟هههههههههههه
3-هل انتى ندمتى علي انك دخلتى علوم؟؟؟؟وياتري استفتدي حاجه في الكليه دي غير الدراسه طبعا؟؟
4-هل انتى متعوده تندمي علي اي قرار بتاخديه ولا لا؟؟
5-ايه اكتر حاجه نفسي تعمليها بعد ماخلصتى الكليه؟؟
6-ايه اكتر حاجه تضايق في اللي قدامك وتخليكي تاخدى عنه فكره وحشه؟؟؟
7-تفتكري فعلا قسم ميكرو كان اسهل قسم في الكليه زى مابيقولوا؟(طبعا انا مش بأر عليكو انا بحسد بس )
8-ايه رأيك في المنتدى ؟؟وهل عندك أراء تضيفيها لتحسين المنتدى

يارب تكون اسألتى مش رخمه

1-عرفى نفسك في سطرين
tayba bs msh 2awy,sa7bet sa7bty,gad3a,a7yanan 2amasa
-2-بمناسبه فوز الاهلي ياتري انتى اهلاويه ولا اهلاويه؟؟؟؟؟؟؟؟هههههههههههه
mb7bsh elkora
3-هل انتى ندمتى علي انك دخلتى علوم؟؟؟؟وياتري استفتدي حاجه في الكليه دي غير الدراسه طبعا؟؟
mandmtsh ,3ady mfr2tsh
estfdt as7aby y3ny t2rebn b3tbrhm as7ab el3omr
homa 2 bas

-هل انتى متعوده تندمي علي اي قرار بتاخديه ولا لا؟؟
l2 mabndamsh,mb7bsh asl nadmy msh hayfed bs b7awl astfad mn 3`alty 3la ad m2dr
5-ايه اكتر حاجه نفسي تعمليها بعد ماخلصتى الكليه؟؟
a5tar es7aby w akbr mo5y mn ely by7sl 7walya
6-ايه اكتر حاجه تضايق في اللي قدامك وتخليكي تاخدى عنه فكره وحشه؟؟؟
elkdb,elananya,elndala,wno ykon shayf nafso
dol yf23ony awy
7-تفتكري فعلا قسم ميكرو كان اسهل قسم في الكليه زى مابيقولوا؟
amot w ashof men ely by2ol kda da ana ely mng7ny elkemya w elmicro blzat kant mwado ten
(aroko da howa ely gabna wara)
8-ايه رأيك في المنتدى ؟؟وهل عندك أراء تضيفيها لتحسين المنتدى
ana m3rfsh 7ad fe elmontda de tany mara ad5ol m3rfsh 3`er rafe2 w re7ab w bo3`dady w basem
ana 7ta m3rfsh esmk el7a2e2y
bs shayfa eno bgd lazez awy w 5sosn elnokt w mwade3 basem bgd da7ktny awy

bgd as2eltk kant 7lwa w yarb tkon egabaty 7lwa

إزيك يا بسمة أنا مش عارف أسئلك أقولك أيه لأنك زميلتى فى الكلية من اربع سنين وزى أختى بالظبط بس هسألك أسئلة تعرفك بالأعضاء

1-أنتى لية بتحاولى دايماً تظهرى القوة والشجاعة وأنك قادرة تتحدى الناس كلها مع انك غير كده؟
2- أنتى الوحيدة اللى عرفتها مبيهمهاش كلام الناس إزاى ؟ وإيه وجهة نظرك فى كده؟
3-ليه دايماً بتتوقعى من الناس الوحش قبل الحلو؟ بمعنى تانى ليه بتخوَنى من الناس؟
4-حاسة أنك كل حاجة ماشية معاكى فى الدنيا زى ما أنتى عاوزه؟
5-لو أعز صاحبة ليكى غلطت فى حقك أكتر من مرة هتسامحيها؟ وإزاى هتنسى غلطها فى حقك؟
6-أيه أهم حاجة فى الدنيا فى وجهة نظرك؟
7-إيه أقصى حلم ليكى ؟وهل حققتية ولا لسه؟وهتعملى إيه علشان تحققيه؟
8-إدينى 5 حاجات إستفدتى بيهم فى الكلية؟وخمس حاجات ضروكى؟

أرجو أنى مكونش طولت عليكى بس إستحملينى بقى انتى زميلتى برضة
وياريت بقدر الإمكان جاوبى بالعربى

سورى بجد علي اني بتب frankoarab بس ده علي حسب الكومبيوتر عندي في البيت مش بيكتب عربي
المهم
1-أنتى لية بتحاولى دايماً تظهرى القوة والشجاعة وأنك قادرة تتحدى الناس كلها مع انك غير كده؟
انا بحس اني قويه في حاجات و ضعيفه في حاجات,يعني مش دايما قويه ومش دايما ضعيفه
بحب ابان قويه ومحبش حد يشفني ضعيفه او يعرف نقطه ضعفي
بحب لحظات الضعف تكون ليا لوحدي محدش يشوفها غير اصحابي,مبحبش حد يشوفني كده بجد معرفش ايه السبب
وكمان مبحبش حد يعرف انه ليه دلال عليا او اني مقدرش علي زعله بحس انها لو بانت هيسوق فيها(بجد معرفش ده حلو ولا وحش بس انا كده)

2- أنتى الوحيدة اللى عرفتها مبيهمهاش كلام الناس إزاى ؟ وإيه وجهة نظرك فى كده؟
بحس ان الناس بتحكم عليك من الظاهر بس مش من جواك يعني انت مين ,شخصيتك ايه
دايما بيكون من لبسك تصرفاتك الظاهريه وبس
اتعودت دايما انهم بيتكلموا في الحلو والوحش.يعني اي رغي وخلاص
بس بحب اسمع كلام وراي الناس اللي تعرفني بس الناس اللي اتعملوا معايا

3-ليه دايماً بتتوقعى من الناس الوحش قبل الحلو؟ بمعنى تانى ليه بتخوَنى من الناس؟
السؤال ده بجد بكرهه لاني قريت اني بخون الناس فتصدمت قولت ازاى باسم شايفني كده بس طلعت فاهمه غلط وانها بخاون مش بخون
بجد حبه اعتزره الاول بجد انا كتير اسفه يا باسم
بتوقع الوحش علشان يوم ميجيلي متصدمش ويوم ما يعملوا الحلو حتي لو كان بسيط افرح ويمكن برده بسبب اللي بشوفه من الناس اللي حوليا

4-حاسة أنك كل حاجة ماشية معاكى فى الدنيا زى ما أنتى عاوزه؟
لا خالص يمكن في الحاجات الهبله بس اما امنياتي فبجد تقريبا مبتتحققش

5-لو أعز صاحبة ليكى غلطت فى حقك أكتر من مرة هتسامحيها؟ وإزاى هتنسى غلطها فى حقك؟
بس علي حسب هي مين بالنسبالي يعني منه ,ساره ,رضوي ,ريهام ,باسم دول بنسي منهم اي حاجه وبرجع زي الاول و احسن .اصلا دول انا بعتبرهم هما حياتي واصدقاء عمري
اما لو حد غيرهم ليهم 3 مرات اسامح و بعد كده لا ميلزمونيش
انا علي فكره دايما بنسي الغلط و اوقعه من حياتي ودايما بحب اصفي الوحش اول باول
يعني بمجرد اني اعاتب انسي اللي حصل وارميه من حياتي

6-أيه أهم حاجة فى الدنيا فى وجهة نظرك؟
اصحابي (انا مش اوي مع عيلتي فهما تقريبا كل حاجه في حياتي)

7-إيه أقصى حلم ليكى ؟وهل حققتية ولا لسه؟وهتعملى إيه علشان تحققيه؟
غير ان يكون ليا مستقيل كويس يكون ليا حد هقدر اعتمد عليه عارف لما تنام وانت مرتاح انك ليك ظهر تعتمد عليه ده طلبي مش كحبيب يكفيني صديق حقيقي يقف جانبي
كنت علي وشك اني احققه بس الدنيا لعبت بيا لتاني مره في حياتي
بعمل ايه علشان احققه معرفش بدور علي حد كده

8-إدينى 5 حاجات إستفدتى بيهم فى الكلية؟وخمس حاجات ضروكى؟
ريهام وباسم ودول اهم حاجه إستفدتها في الكليه(دول انتيمي)و تمسح اي حاجه تانيه
حاجات ضرونى؟معرفه المصالح ان الناس تعرفني بس مصلحه,معرفه ناس معينه,حرقه الدم كل يوم في الكليه بجد حاجات كتير

بجد انا اكابتكوا اوي انا اسفه انا نفسي اكتأبت اوي
بجد مرسي اوى ياباسم اسالتك كتير حلوه

هاه اختارى بقى يا بسمة العضو اللى هيقعد بعدك
كده فاضل
عمرو - دينا سمير-- اسماء الوكيل- ايمان عبد الفتاح - ابو السعود - امراة بلا عنوان

امراة بلا عنوان

امراة بلا عنوان هلى الىل على الكرسى

همسه بلغتنى انى على الكورسى انا سعيده انى معاكم على المنتدى وانى على الكورسى ومستنيه اسالتكم وهجاوب بصراحه بس هجاوب بكره الصبح عشان مش فاضيه النهارده فلو حد عايز يسأل وبعده حد يسأل تانى قبل الاجابه معنديش مانع

-لية مختارة الإسم ده؟هل ليه سبب بموقف معين؟

مافيش موقف معين بس اصحابى بيقولوا عليا غامضه


2-إيه من وجهة نظرك أهم حاجة فى الدنيا إللى من غيرها حياتة متبقاش ليها معنى؟ الحب أم المال أم الصحة أم السعادة؟ أم شئ أخر فى وجهة نظرك؟
الحب ولو حاجه غير المكتوبه يبقى رضا الله


3-إيه أكتر موقف مؤثر حصل ليكى كل ما تفتكريه عينيكى تدمع؟
موقف حصل لى وانا رايحه اجيب نتيجه الثانويه العامه


4-من أخر حد بتفكرى فيه قبل ما تنامى؟وأول حاجة بتفكرى فيها لما تصحى؟
كل يوم بفكر فى حد شكل على حسب تأثيره فى يومى

5-إيه الأكثر أهميه بالنسبة ليكى(الحب أم ابصداقة)؟وليه؟
مافيش مقارنه اصلا الاتنين مهمين
6-لو كنتى ممكن يبقى عندك صفة خارقة غير كل البشر تختارى صفة إيه؟وليه؟
مافكرتش فى حاجه زى كده قبل كده لانها ماتهمنيش قوى


7-ما هى ذكرياتك مع الحب الأول؟حلوة ام حزينة؟
ما فيش احلى منها


8-إيه رأيك فى المنتدى بصراحة؟
جميل
فكره فوق الرائعه وعرفتنى بناس ماكنتش بعرفهم ايام الجامعه


باسم على اسئلتك

شكرا لردك على الاسئلة وانتى معادك عشان تقومى من على الكرسى النهاردة بليل يعنى تكونى موجودة طوال اليوم عشان تجاوبى لو حد سال وتختارى الى يعدك بليل
شكرا ليكى يا امراة بلا عنوان

بجد اسمك تحفه اول حاجه اتشديت ليها
اهنيكي علي الاختيار
1-انت شايفه نفسك ايه فى الدنيا؟اسمك الحقيقي ايه؟انت شايفه من وجهه نظرك....ايه نوع شخصيتك..ورومانسيتك تديها كام على عشرة
2-علاقتك بربك هل حاسس انها ماشية صح؟علاقتك باهلك ازاى؟
3-احلامك في حياتك؟هل حققتيها ولا لا؟ايه اكتر حلم كان نفسك يتحقق ومتحققش؟
4-هل انت شايفه نفسك مظلومه ومتضهضه من الناس كلها ولالا؟
5-شخصيه انتى فرحانه انك عرفتيها ...وشخصيه ندمتى انك شوفتيها ...ومش مهم تقولى الاسم بس الاهم تقولى ايه اللى عجبك وايه اللى مش عجبك فى كل شخصيه ؟
6-عمرك حبيتى انسان وبعدين بقيتى مش طايقه تبصى فى وشه وايه الا خلى احساسك يبقى كده-بتحكمى على الناس ازاى او من خلال ايه؟
7-امتى حسيتى انك مبسوطه لوى وامتى حزينه اوى وليه؟ايه اكتر حاجه تفرحك لو حصلت واكتر حاجه تبكيكي لما تحصل؟
8-تفتكرى الافضل للبنت الجوازلا الشغل؟؟؟؟؟؟ايه هي الوظيفه اللي بتتمنيها بعد ماتخرجتى؟؟هل انتى من الناس اللي بتقول ان كل وظيفه للولاد تنفع للبنات ؟؟؟؟

-انت شايفه نفسك ايه فى الدنيا؟اسمك الحقيقي ايه؟انت شايفه من وجهه نظرك....ايه نوع شخصيتك..ورومانسيتك تديها كام على عشرة


شايفه نفسى مجرد انسانه
اسمى امرأه بلا عنوان
نوع شخصيتى مش عارفه
رومانسيتى يعنى
2-علاقتك بربك هل حاسس انها ماشية صح؟علاقتك باهلك ازاى؟

الى حد ما الاتنين مش وحشين
3-احلامك في حياتك؟هل حققتيها ولا لا؟ايه اكتر حلم كان نفسك يتحقق ومتحققش؟
لسه ماحققتش
مش عايزه اتكلم عن الحلم اللى ضاع لأنى مش عايزه افتكره
4-هل انت شايفه نفسك مظلومه ومتضهضه من الناس كلها ولالا؟
لا خالص الحمد لله
5-شخصيه انتى فرحانه انك عرفتيها ...وشخصيه ندمتى انك شوفتيها ...ومش مهم تقولى الاسم بس الاهم تقولى ايه اللى عجبك وايه اللى مش عجبك فى كل شخصيه ؟
مدرس الانجليزى بتاع الثانويه العامه من اهم الشخصيات اللى قبلتها عشان محترم لأبعد الحدود
واحده صحبتى من الكليه ندمت انى عرفتها مع انى مش بحب اندم على حاجه لانها نمامه ومنافقه

6-عمرك حبيتى انسان وبعدين بقيتى مش طايقه تبصى فى وشه وايه الا خلى احساسك يبقى كده-بتحكمى على الناس ازاى او من خلال ايه؟
لا عمرها ماحصلت
7-امتى حسيتى انك مبسوطه لوى وامتى حزينه اوى وليه؟ايه اكتر حاجه تفرحك لو حصلت واكتر حاجه تبكيكي لما تحصل؟
حسيت انى مبسوطه لما اشتغلت
وحزنت لما سبت الشغل

اكتر حاجه تفرحنى لما ارتبط بالانسان اللى بحبه ان شاء الله

واكتر حاجه تبكينى لحظه الوداع
8-تفتكرى الافضل للبنت الجوازلا الشغل؟؟؟؟؟؟ايه هي الوظيفه اللي بتتمنيها بعد ماتخرجتى؟؟هل انتى من الناس اللي بتقول ان كل وظيفه للولاد تنفع للبنات ؟؟؟؟
اولا الافضل لاى بنت الجواز
دكتوره تحاليل
انا ضد الفكره دى جدا

شكرا بوسى على اسئلتك مع انها طويله وكتيره بس انت تأمر ياجميل

شكرا ليكى يا امراة بلاعنوان
المفروض انك تختارى حد تانى من اللى مقعدوش
دينا سمير- عمرو - BRIGHT ANGEL- AHMED SOLIVAN- اسماء الوكيل - ايمان عبد الفتاح

اختار عمرو

عمرو الى كرسى الاعتراف

أنا هسئل عمرو الأول
1- عرف نفسك للمنتدى للى ميعرفكش؟
2-تفضل أن تكون شخص رومانسى أم عقلانى؟
3- ايه معنى كلمة الصداقة والحب فى قاموسك؟
4-تعتقد إيه أفضل سن لزواج أو إرتباط الرجل؟
5-ايه أكتر صفة تشدك للبنت اللى تعجب بيها؟
6-لو عندك صفة خارقة مش عند حد تانى تحب تكون ايه ؟وتستخدمها فى ايه؟
7-ايه أكبر صدمة حصلت ليك فى حياتك؟
8- رايك فى المنتدى كلة بأعضائة؟

شكراً يا عمور وياريت تستحملنى بقى

عمور حبيبى مينفعش مش اسالك
1- مين عمر المستخبى اللى احنا مش عارفينه عنه؟
2- حاجة عملتها وقلت الحمد لله بس يار يتنى مكنتش عملتها؟
3-انت اتجرحت قبل كده فى حياتك من حبيبب او اخ او اى حد فى حياتك؟ وكان تصرفك ايه سعتها؟
4-ليه انت مش معانا كتير زى الاول على المنتدى؟
5- لو نفسك تشوف حد عزيز عليك مين هو؟
6- ليك تجارب عاطفية يا عمور متخفش قول ومش هقول لحد؟
7 انت فين من ربك ؟ واهلك؟واصحابك؟
8 - كلمة عن المنتدى عامة؟ وكلمة لكل من الاعضاء اللى هقولهوملك
(احمد صلاح-رضا-بغدادى-دعاء رمضان-نهر الحب-شحاته-باسم-ايه-ايمان صالح-اخيرا العبد لله رفيق)
اتمنى مكنش رخمت عليك
مستنى ردودك يا عمور

السلام عليكم ورحمة الله وبركاته
ازيك يا باسم عامل ايه
انا انشاء الله هجاوبك دلوقتى
1-عرف نفسك للمنتدى للى ميعرفكش؟
تقريبا كل الناس مش عارفانى ماعدا احمد صلاح واحمد رضا
انا اسمى عمرو سعيد ابراهيم وعندى 21 سنة من شبرا وعندى 3 اخوات بنت وولدين وانا الصغير

2-تفضل أن تكون شخص رومانسى أم عقلانى؟
انا افضل اكون عقلانى بس ساعات غصب عنى بكون رومانسى يعنى ساعات ببقى رومانسى وساعات عقلانى

3- ايه معنى كلمة الصداقة والحب فى قاموسك؟
اولا معنى الصداقة ده عندى كبير اوى لان صاحبى ده حاجة كبيرة اوى عندى
والحب معناه حد قريب اوى منى

4-تعتقد إيه أفضل سن لزواج أو إرتباط الرجل؟
ههههههههههه
مفيش حاجة اسمها سن يا باسم
الواحد وقت ميبقى جاهز انه يتجوز هيتجوز علطول يا عم الحج

5-ايه أكتر صفة تشدك للبنت اللى تعجب بيها؟
السؤال ده صعب اوى
بس فى حاجات كتير منها طبعا التدين والاحترام يعنى زى اى شاب

6-لو عندك صفة خارقة مش عند حد تانى تحب تكون ايه ؟وتستخدمها فى ايه؟
انا الحمد لله محبش ان تكون عندى صفة خارقة لان الحمد لله انا مبسوط كده

7-ايه أكبر صدمة حصلت ليك فى حياتك؟
السؤال ده صعب اوى
كان فى حاجة زمان حصلت وانا كنت عملتها عشان واحد صاحبى يعنى دفاعا عنه وبعدين هو جه حكى لاصحابى عكس اللى حصل تماما مع ان انا عملت اللى عملته ده عشانه هو وطلعنى انا فى الاخر اللى كداب ولما سمعته بيحكى كده كنت هجنن لان هو بيقول عكس اللى حصل

8- رايك فى المنتدى كلة بأعضائة؟
انت بتتكلم فى ايه يا ابنى
طبعا حاجة مفيش بعد كده كفايه ان احنا كلنا مع بعض وبجد والله انا مبسوط جدا بكده

شكرا يا بسوم على اسئلتك وانت زى العسل

اهلا يا رفيق والله العظيم انا بحبك اوى ومينفعش مجاوبش

1- مين عمر المستخبى اللى احنا مش عارفينه عنه؟
ايه يا عم انا مش مستخبى ولا حاجة هههههههههههه
بص انا هقولك ان انا واحد والله العظيم نفسه يبقى كويس وقريب من ربنا مش اكتر من كده وده كل اللى انا بتمناه
وكمان ان هقولك على حاجة انا اصلا مش بحب الكلام الكتير وبموت فى حاجة اسمها تكبير الدماغ عشان كده ممكن تلاقى ان انا مش بتكلم مع الناس كتير واوقات ببقى لوحدى ومكبر دماغى بس ده والله مش غرور بس انا ساعات ببقى مبسوط بكده بس انا الحمد لله بقيت اقلل من الحكايه دى دلوقتى

2- حاجة عملتها وقلت الحمد لله بس يار يتنى مكنتش عملتها؟
هههههههه حاجات كتير اوى هقولك ايه ولا ايه
بس من الحاجات دى ان ساعة ما كان احمد بيعمل المتندى كنت بقعد اضحك عليه ضحك وبقغد اتريق عليه واقوله ايه اللى انت بتعمله ده وانت دماغك فاضية وكده يعنى بس بجد انا زعلان ان انا كنت بقول كده لان انا عمرى ما كنت اتخيل ان الناس دى كلها هتبقى موجودة وكلهم هيبقو مع بعض كده

3-انت اتجرحت قبل كده فى حياتك من حبيبب او اخ او اى حد فى حياتك؟ وكان تصرفك ايه سعتها؟
لا يا عم انا الحمد لله مفيش حاجة زى كده حصلت لغايه دلوقتى الحمد لله ولا من اخ ولا من حبيب وعلى فكرة انا من النوع ان لو حد قريب منى اوى جرحنى بتعب اوى لان مثلا لو اخوك والعياذ بالله عمل حاجة زى كده هتشتكى لمين
اقرب من اخوك غير لربنا وبجد ده من الاخ اما الحبيب انا لسه محبتش اصلا

4-ليه انت مش معانا كتير زى الاول على المنتدى؟
لا يا عم عادى والله بس الفترة اللى فاتت كنت مخنوق شويه ومكنتش بعمل اى حاجة بس انا بحاول ابقى موجود

5- لو نفسك تشوف حد عزيز عليك مين هو؟
طبعا انت عارف الاجابة (سيدنا محمد صلى الله عليه وسلم )

6- ليك تجارب عاطفية يا عمور متخفش قول ومش هقول لحد؟
ههههههههههههههههههه
بص يا كبتن هو لسه محصلش لغايه دلوقتى ولما يحصل مش هقولك ههههههههههههههه

7- انت فين من ربك ؟ واهلك؟واصحابك؟
انا زى مقولتلك كل اللى بتمناه انى اكون قريب من ربنا
اما بالنسبه لاهلى انا زى مقولتلك قبل كده انا بحب اكبر دماغى عايش معاهم بس مش بقعد فى البيت كتير وماليش دعوة بمعظم الحاجات اللى بتحصل لا انا مش عاوز اوجع دماغى عشان كده انا مش بعمل مشاكل فى البيت الا قليل اوى مثلا لما بتخانق انا وماما على التليفزيون ههههههه وكده يعنى لكن اول ما بحس ان حد هيخنق عليا بنزل علطول

8 - كلمة عن المنتدى عامة؟ وكلمة لكل من الاعضاء اللى هقولهوملك
(احمد صلاح-رضا-بغدادى-دعاء رمضان-نهر الحب-شحاته-باسم-ايه-ايمان صالح-اخيرا العبد لله رفيق)
اتمنى مكنش رخمت عليك
كلمة عن المنتدى : انا بحب المنتدى ده اوى وبجد انا مبسوط ان احنا موجودين مع بعض دلوقتى
احمد صلاح: مش عارف اقول ايه بس كفايه اقولك ان هو كان اكتر واحد قريب ليا فى الكليه
رضا: ههههههههههه انا قولتله قبل كده كتير وهو برضو زى احمدصلاح بالظبط وحاجة تانيه هو عارفها هههههههه
بغدادى : حبيبى وصديقى ومن الناس الطيبين جدا والمحترمين
دعاء رمضان: من الناس اللى دمها خفيف زة ما كل الناس بتقول عنها وانا مبسوط بمعرفتها
نهر الحب: انا يمكن معرفهاش اوى بس يبان من كلامها ان هى انسانه واعيه اوى وبحس ان هى فيلسوفه كبيرة
شحاته: حبيب قلبى انا اعرف شحاته من سنه اولى وبجد انسان جدع جدا جدا وراجل اوى
باسم: انا خمنت مين هو لانى كنت بشوف واحد بيقعد مع عمرو مصطفى علطول وعرفت ان هو انسان طيب اوى وانا مبسوط ان انا عرفته
ايه: انا كنت اعرفها شكلا بس فى الكليه لكن هى انسانه محترمة ومكن تكون غلباويه شويه بس انا مبسوط بمعرفتها
ايمان صالح: واضح ان هى انسانه طيبة ومحترمة وبرضو مبسوط ان بمعرفتها
رفيق: اااااااااااااااااه انت بعدين لوحدك كده على جنب هههههههههههههههه

اسئلك انا بقي يامورا
طبعا انت حبيبي
1-لو راجل تقول للمنتدي كله انت بتقول عليا ايه؟؟؟ده لو
2-طبعا انت اشتغلت حاجات كتير بس ايه شغلانه استفدت منها اوي ؟؟؟
3-مين من اصحابك(اصحاب السوء)طبعا زى منت مسميهم نفسك تبعد عنه ؟؟؟
4-ايه العاده الغلط اللي نفسك تبطلها ومش عارف؟؟؟
5-ايه اكتر شغلانه انت شايفها مناسبه لشخصيتك (غير طبال طبعا)هههههههههههه
6-هل انت شايف نفسك شخصيه غريبه؟؟؟ يعنى غير كل الناس او يعنى بتعمل حاجات مختلفه؟؟؟
7-ايه اكتر موقف حصلك ضايقك اوى ومش قادر تنساه؟؟؟
8-لو قلتلك مواصفاه شريكه حياتك تقول ايه؟؟؟؟
بس كده شفت انا طيب ازاى

1-لو راجل تقول للمنتدي كله انت بتقول عليا ايه؟؟؟

ههههههه انا عارف يا حماده ...ممكن اقول انا؟؟؟

المهم انا جايلك يا مورا ...ابقى استنانى بقى

ايه يعم عمرو مش ناوى ترد ولا ايه؟؟؟
اخلي احمد صلاح يرد مكانك؟؟

هههههههههههههه
ليه يلا هو انا مش مالى عينك ولا ايه
انا دلوقتى والله مش فاضى انشاء الله لو عشنا يوم السبت

معلش يا احمد انت حظك وحش معايا
انا والله رجعت البيت متاخر وتعبان اوى ومش هقدر اجاوبك النهاردة

متنجز يا مورا
انت معطلنا عن الشغل يا عم
مسنيينك بكرا يا عمور
ومفيش تأجيل تانى

حاضر يا احمد انا جيت عشان اجاوبك

1-لو راجل تقول للمنتدي كله انت بتقول عليا ايه؟؟؟ده لو
لو بقى.........

2-طبعا انت اشتغلت حاجات كتير بس ايه شغلانه استفدت منها اوي ؟؟؟
كلهم استفدت منهم يا احمد يعنى كل واحدة كنت بستفاد منها حاجة


3-مين من اصحابك(اصحاب السوء)طبعا زى منت مسميهم نفسك تبعد عنه ؟؟؟
انت يا احمد

4-ايه العاده الغلط اللي نفسك تبطلها ومش عارف؟؟؟
انا ساعات بزعق وبغلى صوتى وانا بتكلم وفى ناس كتير قالولى على الحكايه دى بس انا بحاول امسك نفسى ومعملش كده

5-ايه اكتر شغلانه انت شايفها مناسبه لشخصيتك (غير طبال طبعا)هههههههه
مش عارف والله يا احمد بس الشخصيه مش بتحدد نوع العمل

6-هل انت شايف نفسك شخصيه غريبه؟؟؟ يعنى غير كل الناس او يعنى بتعمل حاجات مختلفه؟؟؟
ههههههههههههه
ايه يا احمد انت شايفنى مجنون ولا ايه
بص يا احمد انا هقولك حاجة فى اوقات كتير اوى مزاجى هو اللى يتحكم فيا وللاسف دى حاجة مش حلوة

7-ايه اكتر موقف حصلك ضايقك اوى ومش قادر تنساه؟؟؟
يا احمد انا قلت قبل كده ان فى واحد صاحبى كان واقف وفى موضوع حصل معايا وهو جه حكى عكس الموضوع تماما لاصحابى وزعلت جدا

8-لو قلتلك مواصفاه شريكه حياتك تقول ايه؟؟؟؟
انا قلت قبل كده زى اى شاب يعنى عادى
عاوزها متدينه محترمة بتحبنى

انا اختار دينا سمير

ايه يا عمور
لحقت واختارت قبل ما اسألك
ماشي يا عم....عالعموم ريحتنى برضو من الاحراج اللى كنت هحرجهولك عشان بصراحه مكنتش ناقص

المهم دينا سمير دلوقتى عالكرسي
اوك

هيهيهيهيهيهيهيهيهيهيهيهيهيهيهيهيهيهيهيه

ازيك يا دينا

انا ليا الشرف والفخر انى ابدأ بالاسئلة

1- عرفينا بدينا اكتر عن اللى احنا بنشوفه فى الكليه بما انك انسانه متحفظة شوية فى كلامك وتعاملاتك ومش بنشوف حاجات كتير من شخصيتك قدامنا .....

2- مين مثلك الاعلى فى الحياه من الشخصيات اللى عايشة معانا على الارض

3- مين اكتر حد اثر فى حياتك ؟؟؟؟ وبتحسى ان ليه فضل عليكى ؟؟؟؟

4- ايه طموحاتك الايام اللى جاية ؟؟؟

5- الحب فى حياة دينا بيمثل ايه ؟؟ وهل حصل واتشنكلتى قبل كدة ؟؟ بصراحة ومن غير كدب لو كدبتى البلورة السحرية بتاعتى هاتكشفك ههههههههههههه

6- ايه اكتر حاجة بتسعدك واكتر حاجة بتضايقك

7 - اوصفى الرحلتين فى نظرك كانوا عبارة عن ايه

8 - اكتر سنة فى حياتك كانت مليئة بالاحداث الحلوة واكتر سنة كانت مليئة بالاحداث السيئة


وشكراااااااااااااااااااااااااااااااااااااااااااااااااا
shehata show

السلام عليكم ورحمة الله وبركاتة
ازيك يامحمد
1- عرفينا بدينا اكتر عن اللى احنا بنشوفه فى الكليه بما انك انسانه متحفظة شوية فى كلامك وتعاملاتك ومش بنشوف حاجات كتير من شخصيتك قدامنا .....
انبصراحة مش عارفة رد على السؤال دة لان مينفعش حد يتكلم عن نفسة ممكن اسيب رد السؤال دة لدينا سعيد ودعاء رمضان[/color
- مين مثلك الاعلى فى الحياه من الشخصيات اللى عايشة معانا على الارض
[color=green]بابا
3- مين اكتر حد اثر فى حياتك ؟؟؟؟ وبتحسى ان ليه فضل عليكى ؟؟؟؟
بابا وماما
4- ايه طموحاتك الايام اللى جاية ؟؟؟
انى اشتغل فى مكان كويس وانى ان شاء الله اعمل الدبلومة بتاعة التحاليل السنة الجاية
وان ربنا يكرمنى بانسان محترم يتقى الله فيا
5- الحب فى حياة دينا بيمثل ايه ؟؟ وهل حصل واتشنكلتى قبل كدة ؟؟ بصراحة ومن غير كدب لو كدبتى البلورة السحرية بتاعتى هاتكشفك ههههههههههههه
الحب كل حاجة فى الدنيا.ومتشنكلتش قبل كدة الحمد لله
6- ايه اكتر حاجة بتسعدك واكتر حاجة بتضايقك
لما احس انى راضية عن نفسى وعن اى حاجة بعملها واللى بيضايقنى انى الاقى اللى قدامى يتجاهلنى
7 - اوصفى الرحلتين فى نظرك كانوا عبارة عن اي
انا مش هقدر اوصف لان ايام الرحلتين دول اجمل ايام عمرى كلة انا عمرى ماكنت طلعت رحلة قبل كدة بس فعلا انا مش فاكرة منالجامعة ال4سنين غير اخرسنة
8 - اكتر سنة فى حياتك كانت مليئة بالاحداث الحلوة واكتر سنة كانت مليئة بالاحداث السيئة
الاحداث الحلوة طبعا اخر سنة فى الجامعة
واسوا سنة اول سنة فى الجامعة لانى مكنتش فاهمة حاجة وكنت داخلة مش طايقة الكلية وكمان طلعت بمادة الكيمياء
وكفاية اسئلة كدة بقى انا مشضامنة ادخل تانى
شكرا ياشحاتة

دينا ازيك عامله ايه
نبدأ بقى الاسئله على طول
1 - مش بتدخلى كتير ليه الايام دى ؟و فين مواضيعك الدينية بتاعة زمان....؟
2 - اية مواصفات فتي احلامك؟
3 - رأيك فى المنتدى دلوقتى وهل بدأتى تملى منه؟
4 - مين اكتر حد صاحبك فى المنتدى هنا..واكتر حد نفسك يدخل؟
5 - عرفتى المنتدى عن طريق مين؟
6 - ايه احوالك الايام دى ...يعني هل انتى سعيده ولا متضايقه..وياتري لما تكونى متضايقه ايه اللى بتعمليه عشان تغيري المود بتاعك
7 - اكتر صفه مش كويسه شايفاها فيكي ونفسك تغيريها؟
8 - ايه عيوب وميزات المنتدى ده من وجهة نظرك؟

يلا حاجه خفيفه كده عالماشي بس يارب تكون خفيفه عليكي

الحمد لله
1 - مش بتدخلى كتير ليه الايام دى ؟و فين مواضيعك الدينية بتاعة زمان....؟
علشان الشغل وكمان عندنا ثانوية عامية فى البيت ففى معسكر علشان كدة مش بعرف افتح النت غير كل فين وفين
2 - اية مواصفات فتي احلامك؟
a-متدين b- محترم c-يحبنى ويتقى الله فى معاملتة لى
3 - رأيك فى المنتدى دلوقتى وهل بدأتى تملى منه؟
عايزة اقولك ان احسن وقت انا بقضية وانا اعدة على المنتدى انا اصلا مبدخلش على النت الا على المنتدى وطبعا مملتش منة
4 - مين اكتر حد صاحبك فى المنتدى هنا..واكتر حد نفسك يدخل؟
دعاء رمضان ودينا سعيد بس كل المنتدى اصحابى كمان ونفسى شيماء سعيد ودينا حمدى يدخلوا
5 - عرفتى المنتدى عن طريق مين؟
من اسلام ايام لما كنا بنجيب الشهادة المؤقتة

6 - ايه احوالك الايام دى ...يعني هل انتى سعيده ولا متضايقه..وياتري لما تكونى متضايقه ايه اللى بتعمليه عشان تغيري المود بتاعك
الحمد لله تمام على كل شئ
والله شوية شوية برتاح اوى لما اعيط
7 - اكتر صفه مش كويسه شايفاها فيكي ونفسك تغيريها؟
انى بثق فى الناس بسرعة
8 - ايه عيوب وميزات المنتدى ده من وجهة نظرك؟
انا بصراحة مش شايفة فى عيوب خالص كفاية انوا مجمعنا ومخلينا عارفين اخبار بعض

هو موضوع الكرسى وقف ليه يا اخوانا ؟؟؟؟؟؟؟

نرجع موضوع الكرسى تانى ولو دينا سمير مش اختارت حد لغاية بكرة
احنا هنختار حد تانى بدالها

معتقدش يا جماعه ان فى حد دينا تختاره اساسا
كل اللى فاضلين مش بيدخلوا
اما كل اللى بيدخلوا عدوا عالكرسي وخدوا اللى فيه النصيب خلاص
الا اذا كان فى حد وانا مش واخد بالي

مهو حاله زى حال باقى المواضيع الجميلة اللى الناس هجرتها بجد أنا زعلان أوى على اللى بيحصل ده مبقاش فى حد يدخل ولا حد بيعلق على المواضيع مش عارف الناس إنشغلت ليه عن المنتدى كدة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

معاك حق بجد يا بسوم

انا حاسس اننا بقينا خمسة او ستة بس اللى فى المنتدى والباقى انتحرو

من ساعة مشكلة نهر الحب وانها ما بقتشى تدخل وبعديها النت اللى اتشال مؤقتا من عند ايه المنتدى اتنحس وبجد لازم نبخره

ياريت الناس ترجع تدخل تانى زى الاول بجد

ياااااااااااااااااااريت

طب يا جماعه منشوف اى حاجه ترجع نشاط المنتدى تانى
نعمل مسابقه نعمل استفتاءات نعمل اى حاجه المهم نعمل حاجه جديده

وبعدين لو عايزين تدخلوا حد يبقي عندكوا
حبيبنا بسطاااااااااااااااااااااااااااااااااااااااااااااااوى

طب نعمل إزاى إذا كان المواضيع حتى اللى بتنزل مبقاش فى 2 أو 3 بيردوا بالكتير
بقى فى حالة نوووووووووووووم رهيب من الأعضاء
أكيد فى ناس ليها عذرها بس على ما أعتقد لو الواحد دخل ربع ساعة عمل ولو مشاركة واحدة يومياً مش هيضيع وقته وكمان نحس إن المنتدى بدأ يشتغل تانى
ياريت بجد كلنا نعمل كده

للاسف يا باسم الناس مش بتعمل اللى انت بتقول عليه ده

وربنا يعلم انى مش بيبقى عندى وقت انام فيه بس باعرف اسرق للمنتدى وقت كل يوم

واول ما بادخل البيت قبل ما اكل لازم ادخل الاول على المنتدى

صدقنى يا جدع الواحد لو خاطب مش هايحب خطيبته زى المنتدى ده



للاسف يا رضا بسطاوى كمان مش بيدخل كتير
يعنى مش هاينفع نحطة على الكرسى وهو مش منتظم فى الدخول