ولاول مرة بانفراد تاااااااااااااام كرسى الاعتراف

انا مبسوط بردودك اوى يا قمر
معاكى حق كلنا كنا نصحنا نفسنا يا ختى
وميرسى على الكلام الجامد ده
ميرسى يا يويو
شفتى الاسئلة كانت سهلة ازاى
انا سمعت ان احمد رضا نازل ورايا
خدى بالك من 88 لحسن ده شرز اوى
ربنا يسترررررررررررر

ما انا عارفة ومستنياه
ربنا يقدرني عليه

انا معاكى يا يويو لو فى اى حاجة صفريلى بس

جه الدور عليا اسال

1-انتى من فلسطين صحيح ولا من الجيزة ؟

2- ايه اكتر حاجة عملتيها وبتفتخرى بيها فى حياتك ؟

3- ايه مثلك الاعلى اوالقدوة اللى انت نفسك تبقى زيها ؟

4- اي اكتر حاجة بتبقى مبسوطة لما تعمليها ؟

5- تحبى تسافرى فين وليه وتاخدى مين معاكى ؟

6- ايه فكرتك عن الحياه وطبعا من غير فلسفة يعنى انتى شايفاها ازاى ؟

7- اكتر شخص قريب ليكى دلوقتى ؟

8- مين اكتر دكتور استفدتى منه فى الكليه ؟

ايه ده ...الاسئلة دي برة المنهج
ربنا يقدرني واجاوب...بسم الله

1-انتى من فلسطين صحيح ولا من الجيزة ؟
بص يا عمرو:بابا (الله يرحمه)فلسطيني, وماما مصرية.و انا اتولدت في الجيزة..وعايشة في مصر وعمري ما روحت فلسطين
2- ايه اكتر حاجة عملتيها وبتفتخرى بيها فى حياتك ؟
اني اتخرجت من الكليه دي...صحيح انا كنت كارهاها جدا..بس في ظروف خلتني فعلا ابقي فخورة اني اتخرجت من كليه صعبة زي دي
3- ايه مثلك الاعلى اوالقدوة اللى انت نفسك تبقى زيها ؟
طبعا مفيش غير سيدنا محمد(صلى الله عليه وسلم)...بس طبعا استحالة اكون زيه
بس بالنسبة للبشرالعاديين..مثلي الاعلي :د/عاطف حليم
4- اي اكتر حاجة بتبقى مبسوطة لما تعمليها ؟
اي حاجة بعملها بتبسط ماما مني...بجد ببقى فرحانة جدا
5- تحبى تسافرى فين وليه وتاخدى مين معاكى ؟
احب اسفر اسكندرية...واسافر مع صاحب النصيب (اللي لسه في علم الغيب)
6-ايه فكرتك عن الحياه وطبعا من غير فلسفة يعنى انتى شايفاها ازاى ؟
انا حاسة اني حياتي هتبتدي يوم ما الاقي الانسان اللي يخليني احبه بجد وطبعا ان يكون عندي اولاد منه
هي دي الحياه اللي نفسي فيها بجد.....ويا رب ردي ميكونش فيه فلسفة
7- اكتر شخص قريب ليكى دلوقتى ؟
من البنات: نهر الحب....من الولاد:محمد شحاتة
ربنا يخليهملي ويفضلوا قريبين مني كده على طووووووووووووووووول
8- مين اكتر دكتور استفدتى منه فى الكليه ؟
د/عاطف حليم

يا رب تكون اجاباتي مرضية

شكرا جدا ليك يا عمرو

انا بقي ..............
1-لو مكنتيش دخلتى كليه علوم ايه الكليه اللي كان نفسك فيها؟؟؟
2-في الفتره الحاليه انتى راضيه عن نفسك؟؟
3-ايه اكتر صفه متحبيهاش تبقي في شريك حياتك؟؟
4-ايه اكتر حاجه كرهتيها في الكليه؟؟؟؟؟؟
5-ايه هي الوظيفه اللي نفسك فيها وهتحسي انك مستريحه فيها؟؟؟؟؟
6-لو انتى اشتغلتى وشريك حياتك رفض شغلك ده تسمعى كلامه ولا تقولي بقي مستقبلى وتحقيق ذاتى والكلام الكبير ده؟؟؟؟؟؟؟
7-ايه هى هوايتك المفضله؟؟؟
8-نفسك ايام الكليه ترجع تانى؟؟؟؟؟

هو انت جيت يارضا....ربنا يستر

1-لو مكنتيش دخلتى كليه علوم ايه الكليه اللي كان نفسك فيها؟؟؟
بص يا رضا ..بابا (الله يرحمه) كان نفسه حد فينا يدخل صيدلة..وده اللي خلاني اعمل فيها عبقرية العيلة وادخل علمي علوم..رغم اني كنت بحب الرياضة جدا
بس انا عن نفسي مكنش فارق معايا اوي لان اي كليه هدخلها كنت بردو هذاكر فيها
2-في الفتره الحاليه انتى راضيه عن نفسك؟؟
هو حاليا مفيش حاجة تخليني مش راضية...فممكن تقول اني راضية
3-ايه اكتر صفه متحبيهاش تبقي في شريك حياتك؟؟
اكيد العصبية...عشان انا عصبية ولو هو كمان عصبي..ان شاء الله هنبات كل يوم في القسم او في العناية المركزة
4-ايه اكتر حاجه كرهتيها في الكليه؟؟؟؟؟؟
طبعا المذاكرة...يا بني ده انا جالي منها القولون والضغط
5-ايه هي الوظيفه اللي نفسك فيها وهتحسي انك مستريحه فيها؟؟؟؟؟
مفيش حاجة معينة..عشان انا بصراحة احب لما اكون في شغل اثبت فيه نفسي كويس بمعني تاني اسيب علامة في المكان
6-لو انتى اشتغلتى وشريك حياتك رفض شغلك ده تسمعى كلامه ولا تقولي بقي مستقبلى وتحقيق ذاتى والكلام الكبير ده؟؟؟؟؟؟؟
واضح انك ما قريتش الردود على الاسئلة اللي فاتت...لان انا اصلا مش من انصار ان الست تشتغل وهي متجوزة
7-ايه هى هوايتك المفضله؟؟؟
اني ادخل المنتدي واكون وسطكم
8-نفسك ايام الكليه ترجع تانى؟؟؟؟؟
اكيد لأ طبعا...ولو على لمتنا مع بعض المنتدي قايم بالواجب...وبعدين انا كل فترة بتفق مع شحاتة ونهر الحب وبننزل الجامعة
يعني اكيد مش عايزة ايام الكلية دي ترجع ابدااااااااااا

راضي يا معلم ولا لأ؟؟؟؟

شكرا جدا ليك يا رضا

معلش بقى يا شباب انا هحل محل رفيق لانه مش موجود دلوقتى وهيكون دخوله قليل لمدة يومين كده زى ما قاللى
وهقول لآية تختار حد بعدها على الكرسي...ماعدا رفيق لانه مش هيبقى موجود كتير زى ما قولت اليومين الجايين دول
اوك

شكرا جدا جدا يا احمد..

انا هختار حبيبة قلبي ...دعاء رمضان

ليه كده يا دونى دنا لسه شحاته قايلى آيه هتختارك قلتله لالالالالالا آيه حبيبتى ومش هتحطنى فى الموقف ده بدرى كده خيبتى ظنى بس ولا يهمك بس متتكتروش عليا يا ولاد اللذينه ههههههههههههههه

على فكرة..وجودك على الكرسي فكرة شحاتة
عشان تعاني شوية زي ما عانيت

هيييييييييييييييييييييييييييييييييييه
دعاااااااااااااااااااااااااااااااااااااء دعاااااااااااااااااااااااااااااااااااء

ازيك يا دودو عامله اه مستعده للاسئله اربطى حزام الامان
3
2
1
0
دمك الخفيف ورثاه من مين باباكى ولا مامتك؟
ليه اول حاجه بتشوفيها فى الولد اظافره؟
شايفه نفسك من جوه ازاى؟
بنت اختك الصغيره عامله ايه ؟
اكتر حاجه بتحبى تعمليها ايه؟
بتحبى المغامره..........مغامره نفسك تعمليها؟
ايه هى احلامك فى المستقبل؟
ايه اكتر شعر لنزار قبانى نزلته فى المنتدى وعجبك ؟
وكفايه عليكى كده وجاوبى من غير دبلوماسيه
وعلى فكره انا عرفت مين هى نهر الحب لانى شوفتها هى وايه ومحمد شحاته فى الكليه قبل كده وبالاماره هى من المنصوره واول حرف من اسمها د واستنتجت الكلام ده من كلام آيه

يا خسارة يا آيه
فلتى من ايدى المرة دى
بس معلش ..على فكرة يا احمد انت اعلنت اللى هيجى على الكرسى بدرى اوى بس معلش..كل مرة اقول الكلمه دى
عموما استعدى يا دعاء لما تجاوبى على اسلا مهاجى انا وههريكى اسئله
بس معلش انا هدخل هتفرج دلوقتى على فيلم هرقليز وهاجى تانى
معلومه الفيلم ده مش اطفالى لا ده خيال علمى
استنينى بقى يا دودو

دمك الخفيف ورثاه من مين باباكى ولا مامتك؟
من والدتى اصل بابا كان ظابط وانت عارف بقى الظباط
ليه اول حاجه بتشوفيها فى الولد اظافره؟
عشان الولد النظيف بيبان من نظافته واظن اكتر حاجه تبين النظافه هى الاظافر
شايفه نفسك من جوه ازاى؟
ازاى يعنى ايه السؤال الصعب ده بص انا شايفه نفسى طيبه وبحب الكل وبتعامل مع الناس بنيه صافيه مش عارفه انا فهمت سؤالك ولا ايه بس يارب اكون جاوبت زى منتى عاوز
بنت اختك الصغيره عامله ايه ؟
اولا اختى عندها ولد اسمه يوسف وهو الحمد لله كويس بيسلم عليك هههههههههههههه
اكتر حاجه بتحبى تعمليها ايه؟
بحب العب مع ابن اختى وابن اخويا واقعد معاهم بحس بسعاده
بتحبى المغامره..........مغامره نفسك تعمليها؟
مش دايما واه نفسى اعمل حاجه مجنونه بس هى ايه لسه معرفش
ايه هى احلامك فى المستقبل؟
احلامى بجد انى اكون اسره صغيره وسعيده وان جوزى عمره ما ينطق كلمة انا ندمان انى اتجوزت ويكون ليا اولاد
ايه اكتر شعر لنزار قبانى نزلته فى المنتدى وعجبك
بص يا سمسم باشا انا اى حاجه لنزار بحبها وبحترمها مع ان فى ليه شويه اشعار قبيحه بس برده لو دورت فى معانيها تلاقيه يقصد حاجه مهمه
يارب اكون جاوبت كويس
اسلام

دعاء حبيبتشى
اسئلك انا بقى

1- ازيك
2- ايه اكتر حاجه بضايقك منى
3- ايه اكتر حاجه بتحبيها فيا
4- هل حبيبتى قبل كده وانتهى الحب بالفشل
5-مين الشخصيه اللى كان نفسك تعرفيها والظروف ماسمحتش
6- ندمتى على معرفتك لحد فى الكليه من اصحابك
7- الحب بالنسبه لك ايه
8- ايه اخبار وسواس الطب ناويه تكملى ولا صرفتى نظر

ويارب الاسئله ماتكونش رخمه

جاوبتى على الاسئله يا دودو
انا بقى عليا الدور
انا محتارة اوى يمكن عشان معرفكيش شكلا عكس ايمى وهمسه بس هحاول اتخيلك من الصورة اللى انت حاطاها
بصى بقى يا سيتى
1-مين هى دعاء رمضان ....اكتبى كل حاجه عن نفسك من غير ما تقولى صفاتك
لان الانسان ممكن يشوف حاجات الناس اللى حواليه مش شايفه فيه كده..يا رب تكونى عرفتى قصدى ايه

2-كان ايه شعور اهلك لما عرفوا تنسيقك ايه ..يعنى كليتك...وكان ايه شعورك ...مع ذكر المكان اللى تلقيتى فيه الصدمه ...مع ذكر مجموعك بالنسبه المئويه

3-ترتيبك ايه على اخواتك ...ومين خد حنان باباكى ومامتك...هتلاقى الاسئله بتكرر زى ما حصل مع نهر ...هى دى اللى عندى استحملينى

4-كل واحد بيمر بمواقف بايخه ...ايه ابوخ موقف حصلك وكان رد فعلك ايه

5-مش هسالك واقولك هل انتى مرتبطه او مر فى حياتك حب من طرف واحد ...بس هسالك هل طبيعتك رومانسيه...وايه هى الرومانسيه من وجهه نظرك

6-هل حصل ليكى موقف خلاكى تخسرى حد ..لو ينفع تذكريه يبقى كويس ...مع ذكر عدد الناس اللى انتى دبتى معاهم المواقف دى

7-ايه العيب اللى اصحابك شايفينوا فيكى ...وايه الميزة اللى انتى شايفه انك متميزة بيها

8-وده اخر سؤال منى ليكى ويا رب مكونش رخمت عليكى بالاسئله
هل تفضلى جواز الصالونات ...لو كانت اجابتك ايه يا ريت تذكرى السبب

اوووووووووه سورى بجد
معلش عديت الخط الاحمر من اللعبه ..اصلك يا رضوى بعتى وانا كنت لسه بكتب فما عرفتش انك بعتى الاسئله
سورى مرة تانيه

هى تجاوب على الاتنين مره واحده
متتأسفيش عااااااااااااااادى جدا

اصل يا رضوى دى اصول اللعبه
وانتى سبقتينى يا قمر فى الكتابه

هااااااااااااى
ازيك يا دودو
مالية الكرسى والله يا دعاء
وياريت لما تبقى تردى
انا حاجز اول واحد بعد رضوى ورحاب
لانى نفسى اتسلى عليكى
هههههههههههههههه
انتظرى معايا
شحاتة شو
.................زز

1- ازيك
كويسه يا حبيبتى ربنا يخليكى ليا ويديم المحبه


2- ايه اكتر حاجه بضايقك منى
مفيش والله بجد اصلك من اجدع الناس الا قابلتهم فى حياتى كفايه وقوفك معايا فى الامتحانات ربنا يجزيكى خير


3- ايه اكتر حاجه بتحبيها فيا
طيبتك الصراحه اول مره الاقى حد اطيب منى هههههههههههه



4- هل حبيبتى قبل كده وانتهى الحب بالفشل
ايوه



5-مين الشخصيه اللى كان نفسك تعرفيها والظروف ماسمحتش
شخص كان معانا فى الكليه ومكنش ليا معاه كلام وحيائى مسمحليش اروح اكلمه


6- ندمتى على معرفتك لحد فى الكليه من اصحابك
الصراحه لأ اصل انا بختار اصحابى كويس والدى علمنى كده وانتو الصراحه شباب وبنات زى الورد


7- الحب بالنسبه لك ايه
كل حياتى بس يتحط فى الوقت الصح مع السخص الصح وبطريقه برده صح


8- ايه اخبار وسواس الطب ناويه تكملى ولا صرفتى نظر

لا خلاص ده كان هزار انتى صدقتى مش بقولك طيبه

شكرا يا رودى على اسئلتك الحلوه

همسه

-مين هى دعاء رمضان ....اكتبى كل حاجه عن نفسك من غير ما تقولى صفاتك
لان الانسان ممكن يشوف حاجات الناس اللى حواليه مش شايفه فيه كده..يا رب تكونى عرفتى قصدى ايه
سؤال صعب اوى انا دعاء بنوته بسيطه جدا يمكن ناس كتير تقول عليا جريئه او لمضه بس انا بتعامل مع الناس زى منا عاوزه بفرض احترامى عليهم عشان كده تلاقى الانسان الا يقول عليا جريئه اول ما يعرفنى يلاقى فيا الصديقه الا كان بيدور عليها والله مش غرور بس عن تجربه وأسألى كل اصحابى ولو مقدرتش افهم السؤال بجد قوليلى تانى وان هرد



2-كان ايه شعور اهلك لما عرفوا تنسيقك ايه ..يعنى كليتك...وكان ايه شعورك ...مع ذكر المكان اللى تلقيتى
فيه الصدمه ...مع ذكر مجموعك بالنسبه المئويه
انا جبت فى الثانويه 95% وكنت فى بتنا وشعور امى كان صدمه لان انا كده يعنى فى الكليه دى اكون اقل اخواتى فى مستوى التعليم انما بابا قال قدر الله وماشاء فعل


3-ترتيبك ايه على اخواتك ...ومين خد حنان باباكى ومامتك...هتلاقى الاسئله بتكرر زى ما حصل مع نهر ...هى دى اللى عندى استحملينى
ههههههههههه
حقيقى والله انا حبيتك جدا على فكره انا عارفاكى كويس من ايام الكليه وبخصوص ردى على رسالتك بكره ان شاء الله هبعتهالك بس لما اخلص من الكرسى ماشى واسفه على التأخير
المهم انا الاخيره من بين اخواتى على حسب احنا خمس اخوات فا الا خد حنان بابا اختى رشا وهى ترتيبها الرابع هى اول البنات عشان كان بيطبق الاغنيه حبيبه بابا رشا اما ماما بقى فا الا خد حنانها اخويا الكبير خالص الاول يعنى وانا طبعا اخرالعنقود طولت عليكى معلش



4-كل واحد بيمر بمواقف بايخه ...ايه ابوخ موقف حصلك وكان رد فعلك ايه
هههههههههههههه
والله مش فاكره حاجه دلوقتى سامحينى



5-مش هسالك واقولك هل انتى مرتبطه او مر فى حياتك حب من طرف واحد ...بس هسالك هل طبيعتك رومانسيه...وايه هى الرومانسيه من وجهه نظرك
طبعا انا رومانسيه بس مشكلتى انى بفكر كتير بعمل حساب ثقه اخواتى وحساب دينى فطبعا برفض الارتباطات دى الرومانسيه من وجهة نظرى عادى زى اى بنت احب واتحب بس فى النور فهمتينى

6-هل حصل ليكى موقف خلاكى تخسرى حد ..لو ينفع تذكريه يبقى كويس ...مع ذكر عدد الناس اللى انتى دبتى معاهم المواقف دى
اسئلتك جامده اوى واجابتها صعبه
بصى الا فكراه دلوقتى كان موقف فى السنه الا فاتت زميلتى من الطفوله وحصل حاجه كده مش انا الغلطانه فيها والله صدقينى بس المهم انها اتهمتنى بالتقصير فى حقوقها كصاحبه وانا رفضت الوصف ده المهم غيرت رقمها وعطته للشله كلها الا انا ابويا قلى الا يبيعك بعيه وخلاص خسرتها بس مش زعلانه لانها هى الا هانت عليها العشره


7-ايه العيب اللى اصحابك شايفينوا فيكى ...وايه الميزة اللى انتى شايفه انك متميزة بيها
انهم بيقولوا عليا انى بتقل عليهم عشان بقل فى اتصالاتى شويه وشحاته اكتر واحد بيعانى من الموضوع ده
مش عارفه بس هقولك ضحكتى مثلا انا مميزه بيها جدا وخفه دمى وان الناس بتثق فيا على اسرارهم



8-وده اخر سؤال منى ليكى ويا رب مكونش رخمت عليكى بالاسئله
هل تفضلى جواز الصالونات ...لو كانت اجابتك ايه يا ريت تذكرى السبب
نظرا للطريقه الا اتربيت بيها وطريقتى فى التفكير اقولك ممكن اتجوز جواز صالونات لانلا مستحرمه شويه فكرة الحب الا بدون ارتباط رسمى ده رأيى
شكرا جدا ليكى يا روبى ويارب مكنش طولت عليكى بس انتى اسئلتك لازمها تفسيرات
رحاب

ايه اخبار وسواس الطب ناويه تكملى ولا صرفتى نظر

لا خلاص ده كان هزار انتى صدقتى مش بقولك طيبه

شكرا يا رودى على اسئلتك الحلوه

ضحكتينى يادعاء
هو انتى كنتى بتهزرى
وانا فاكره ده بجد والله هههههههههههههههههه
ومتشكره على كلامك الحلو ده

شحاتة شو سوف يبدأ الان
اولا ازيك يا دعاء
وطبعا زى ما انتى عارفة مش هاقدر اعمل معاكى اى حاجة
لانى اخاف على نفسى يااختى
على العموم نبدأ الاسئلة

1- ايه اكتر حاجة مش عاجباكى فيا ؟؟؟ بس بصراحة ومش هازعل ؟؟؟؟
2- مين اكتر حد فى حياتك من قرايبك بتثقى فى رأية ؟ وليه ؟
3- ايه اكتر حاجة استفتديها من الكلية الطين اللى كنا فيها هههههههه ؟
4- ايه اكتر حاجة كانت مضايقاكى فى الكية ؟؟؟؟
5- الرومانسية بتمثلك ايه فى حياتك ؟ وممكن تعيشى جواز تقليدى من غير رومانسية ؟
6- مين اكتر حد فى المنتدى معانا نفسك تطردية ؟؟؟ غير احمد صلاح طبعا؟؟؟؟ههههه
7- كان ايه شعورك امبارح لما دخلتى ولاقيتى نفسك على الكرسى ؟؟؟ اوصفيلى شعورك بالتفصيل؟؟؟؟ فرحتى ، خفتى ، اتخضيتى ، زعلتى ، ايه اللى حستية بالظبط
8- نفسك فى ايه الفترة دى ؟؟؟؟ وايه الاحلام اللى لسة مش حققتيها يا دودو ؟

والسلام ختام يا دودو
منتظر الرد

معلش يا شحاته انا مضطر اسال دلوقتى عشان خارج واحتمال اتاخر ومينفعش مسالش دعاء

1-هل بتضطري تكدبي احيانا عشان تخرجى نفسك من اي مشكله؟؟؟
2-لو حد مضايقك او مزعلك بتروحي تقوليله ولا ممكن تكتمي وتتعاملي معاه عادي؟؟
3-لو واحد (اعمى طبعا )عاكسك في الشارع بتعملي ايه؟؟؟؟؟ههههههههههههههههه
4-حاجه نفسك تعمليها اوىىىىى والمخ الصعيدى منعك؟؟؟؟
5-اكتر حاجه بتتمنيها في شريك حياتك (اوعي تقولي انه يكون شبهي)ههههههههههههههههههه
6-سؤال رخم شويه
ليه اخدتى الكليه في اكتر من اربع سنين ؟؟؟؟برغم من انك في تالته ورابعه كنتى نشيطه جدا جدا؟؟؟؟
7-ايه اكتر صفه بتضايقك في الولاد عموما؟؟؟؟؟
8-ايه الحاجه اللي ممكن تفرحك اوى اوى وتخليكى طايره من الفرحه؟؟؟

ياريت تكون اسالتى ضايقتك شويه ههههههههههههههههههههههههههههه
اوعي تزعلي انا بهزر معاكى انتى عارفانى انا غلبااااااااااااااااااااااااااااااااااااان

ايه يا رضا الكلام دة انا زعلان
ايه اللى انت بتقولة ده
خارج فين بقى قولى
هههههههههههههه
ما تاخدنى معاك يا عم
ولا يهمك يا مان
خد راحتك خالص

1- ايه اكتر حاجة مش عاجباكى فيا ؟؟؟ بس بصراحة ومش هازعل ؟؟؟؟
اقولك ايه بحس انك بحالات شويه شويه تقفش وشويه فرحان مش عارفه


2- مين اكتر حد فى حياتك من قرايبك بتثقى فى رأية ؟ وليه ؟
اخويا الكبير طبعا وليه عشان هو محل ثقه ومثلى الاعلى وخبرته كبيره


3- ايه اكتر حاجة استفتديها من الكلية الطين اللى كنا فيها هههههههه ؟
اثقلت لغتى الانجليزيه واصحابى طبعا الا عمرى ما اقدر اعوضهم


4- ايه اكتر حاجة كانت مضايقاكى فى الكية ؟؟؟؟
ان احنا مش واخدين حقنا ولا مكانهرغم تعبنا الجامد فيها بس نصيبنا كده


5- الرومانسية بتمثلك ايه فى حياتك ؟ وممكن تعيشى جواز تقليدى من غير رومانسية ؟
الرومانسيه كل حياتى والله العظيم ايوه ممكن بس انا وشطارتى اكيد هقدر احوله لحب مش تعود ولا جواز صالونات


6- مين اكتر حد فى المنتدى معانا نفسك تطردية ؟؟؟ غير احمد صلاح طبعا؟؟؟؟ههههه
هههههههههههه ههههههههههههههههههههه
اطرد اى حد مقصر فى حقنا ومبيدخلش المنتدى يسأل على اصحابه


7- كان ايه شعورك امبارح لما دخلتى ولاقيتى نفسك على الكرسى ؟؟؟ اوصفيلى شعورك بالتفصيل؟؟؟؟ فرحتى ، خفتى ، اتخضيتى ، زعلتى ، ايه اللى حستية بالظبط
اقولك الحق حسيت بأنى اخدت على قفايا لانك كنت لسه مكلمنى ومقلتليش لنك قلت لآيه انها تحطنى اصحابى اتكتروا عليا اعمل فيكوا ايه اتبرى منكوا يعنى


8- نفسك فى ايه الفترة دى ؟؟؟؟ وايه الاحلام اللى لسة مش حققتيها يا دودو ؟
نفسى حقيقى كل الناس الا اعرفها تحبنى بجد وتفضل تحبنى على طول سواء اصحاب اخوات
اما احلامى بقى فدى بسيطه اوى انى اتجوز واحد يقدر يحبنى واجيب منه بنت وولد والحياه تبقى بمبى بقى مش احلام

شكرا يا عشرة عمرى على الاسئله دى ربنا يخلينا لبعض ويديم المحبه
شحاته

-هل بتضطري تكدبي احيانا عشان تخرجى نفسك من اي مشكله؟؟؟
ممكن بس مش الكدب الا يودى فى داهيه بمعنى مخرجش نفسى دلوقتى وادخل نفسى فى مصيبه اكبر


2-لو حد مضايقك او مزعلك بتروحي تقوليله ولا ممكن تكتمي وتتعاملي معاه عادي؟؟
لا خالص انا معرفش ابقى منافقه خالص اروح اقوله واشوف عذره بس لو حاجه كبيره اوى يعنى زعلتنى اوى ممكن اتجاهله شويه لغايه ما ياخد باله

3-لو واحد (اعمى طبعا )عاكسك في الشارع بتعملي ايه؟؟؟؟؟ههههههههههههههههه
ههههههههههههههههههه
ظريف يا واد بس هجاوبك يتجاهله تماما عشان عيب ارد عليه عشان لو رديت عليه معنى كده انى نزلت من مستوايا


4-حاجه نفسك تعمليها اوىىىىى والمخ الصعيدى منعك؟؟؟؟
انى اعيش حاله حب



5-اكتر حاجه بتتمنيها في شريك حياتك (اوعي تقولي انه يكون شبهي)ههههههههههههههههههه
مش بقولك ظريف ماشى بس برده مش هريحك انت عارفنى انه يتقى الله فيا واحب شكله


6-سؤال رخم شويه
ليه اخدتى الكليه في اكتر من اربع سنين ؟؟؟؟برغم من انك في تالته ورابعه كنتى نشيطه جدا جدا؟؟؟؟
لازم الفضايح دى مش كتير عارفين الموضوع ده دنتا فعلا دلو بس للتوضيح انا اخدتها فى خمش سنين بس
ليه بقى عشان والدى توفى فى امتحانات سنه تانيه والنفسيه مسمحتش بالمذكره



7-ايه اكتر صفه بتضايقك في الولاد عموما؟؟؟؟؟
اللماضه من غير لزمه تلاقى الولد بيقاوح فى حاجه هو مش واثق فيها او عارفها طشاش متعرفش ده عشان عنيد ولا غشيم ولا يضايق البنت الا قدامه بس برده مش فى كل الولاد



8-ايه الحاجه اللي ممكن تفرحك اوى اوى وتخليكى طايره من الفرحه؟؟؟
ان ربنا بنولنى الا فى بالى قولوا امين

شكرا يا 88 على اسئلتك ياراجل دنا قلت رضا هيقولى اسئله دمار طلعت فعلا غلبان بس انت عارف معزتك عندى
88

ازيك يا دعاء
بصراحه انا مكنتش هاسأل عشان الناس كلها خلصت الاسئله وانتى بصراحه تعبتى كتير عالكرسي ده..بس رجعت وقولت لأ لازم اسأل برضو اشمعنى انا
1 - انتى منين بالظبط فى الصعيد...وهل انتى مولوده هناك؟
2- هل انتى حساسه زياده عن اللزوم؟
3 - عرفتى المنتدى ده ازاى؟
4 - اكتر حاجه بتحبي تشوفيها لما تكونى قاعده قدام التليفزيون؟
5 - السؤال الاعتيادى بتاعى..شايفه ايه ناقص المنتدى من وجهة نظرك؟
6 - ايه اكتر حاجه ممكن تضايقك مع انك بتحسي انها ممكن تكون تافهه؟
7 -اكتر حاجه فرحتك فى حياتك؟
8 - ايام الدراسه ..كنتى تحبي تروح الكليه ولا تقعدى فى البيت اكتر؟

انا عارف انها اسئله خفيفه...بس بصراحه قولت تحلى بعد الكام سؤال اللى الواد رضا سألهملك دول
شكرررررررررررررررررا

- انتى منين بالظبط فى الصعيد...وهل انتى مولوده هناك؟
والدى من قنا وان مش مولوده فى الصعيد انا واخواتى مولودين هنا بس اهلى كلهم عايشين هناك والدى جه القاهره عشان يدخل الحربيه


2- هل انتى حساسه زياده عن اللزوم؟
مش اوى انا اتربيت على انى ابقى جامده شويه يعنى عودى يبقى ناشف عشان استحمل غدر الزمن على فكره ده كلام ابويا


3 - عرفتى المنتدى ده ازاى؟
من دينا سمير وشحاته طبعا



4 - اكتر حاجه بتحبي تشوفيها لما تكونى قاعده قدام التليفزيون؟
افلام اجنبى ممكن اقعد اتفرج على تلت اربع ساعات بس تكون افلام جامده



5 - السؤال الاعتيادى بتاعى..شايفه ايه ناقص المنتدى من وجهة نظرك؟
بص انا شايفاه حلو اوى بس لازم تشيل الاعضاء شويه من هم المنتدى عشان يحسوا بتعبك شويه يعنى بين كل فتره تدى لعضو مهمه فى المنتدى بس غير كده انت قايم بالواجب وزياده


6 - ايه اكتر حاجه ممكن تضايقك مع انك بتحسي انها ممكن تكون تافهه؟
ان شخص يتجاهلنى بحس ساعتها انه جرح كرامتى او بيستهين بيا معلش دماغ صعايده بقى



7 -اكتر حاجه فرحتك فى حياتك؟
تصدق لو قلتلك انى مش حاسه ان فى حاجه فرحتنى للدرجه الا انت تقصدها


8 - ايام الدراسه ..كنتى تحبي تروح الكليه ولا تقعدى فى البيت اكتر؟

لا طبعا كنت احب اروح الكليه لان اخواتى كلهم مستويات جامده فى التعليم وخريجى كليات قمه واساتذه فيها كمان فا ازاى اهلى كانوا هيسمحولى انى ابقى اقل منهم

متشكره يا صلاح على الاسئله ويا رب اكون قدرت اجاوب كويس بس انت بالذات كنت متوقعه منك اسئله اقوى مش عارفه ليه


صلاح

كده كفاية عليكى يا دعاء
اتهريتى يلا اختارى اللى بعدك

انا هختار حبيبنا وعمنا طبعا عرفتوه
المعلم شحاته ييييييييييييييييييييييييييييييلا استلم

هههههههههههههه وقع في الخية شحاتة استلم

حسبى الله ونعم الوكيل
ماشى يا دعاء
خمس دقايق بالظبط وهاتلاقينى تحت بيتكم
وانتى عارفة الباقى طبعا
ههههههههههههههههه

فرحان اوى يا عم كسبر
ما صدقت انت جنازة وتشبع فيها لطم
ههههههههههههههههههههههههه

ماشى
ماشى يا اولاد اللذينة
ماشى
انا هاوريكوا مين شنكل ابن شناكل
ههههههههههههههههههههههههه

ربنا يستر

على فكرة انا ممكن ما اعرفشى ادخل بكرة علشان بكرة احنا فى الجيش الصبح وبعديه هندى شغل كتير اوى طول اليوم ومش هادخل نت
علشان لو حد سال وانا ما دخلتش ما يفتكرشى انى هربان
بس هاحاول ادخل برضة ارد على قد ما اقدر
وكمان هاحاول اكلم دعاء دلوقتى اشتمها
هههههههههههههههههههههههههه

حبيب قلبى شحاته بيه
انا ليا الشرف انى اول واحد هسالك
1-بطاقة تعارف لينا وبانجاز ؟
2-عمرك مافى مرة اتخنقت وقلت انا مش هكتب محاضرات تانى لحد ولا هعمل حاجى انا اتخنقت وبصراحة من غير زعل؟
3-حب الناس ليك بيمثلك ايه؟
4-انت حاس ان علاقتك باهلك ازاى وهل انت متعاون معاهم كده اوى زينا؟
انت فين من الحب فى الكلية او بره الكلية؟
5-انت حاسس انك قريب من ربك؟
6-طبعا كل الناس هنا حبايبك واصحابك بس مين بجد كان نفسك يبقى موجود وانت سعيد بيه هنا؟
7-كلمة لمحمد شحاته؟
معلش طولت عليك بس حاجت خفيفة اهو

شحاتة شو سوف يبدأ الان
سكوت ...... كلاكيت....... بارتيه

ازيك يا رفيق باشا
اولا قبل ما ارد عليك
انا بجد والله ومن غير مجاملة
مبسوط اوى انى باشوفك هنا فى المنتدى
وبجد المنتدى بعد دخولك بقى ليه شكل تانى
وافكار جديدة حلوة وبقى ليه طعم تانى بجد
وبجد والله يا رفيق انا باكنلك كل حب واحترام وتقدير
وربنا اللى يعلم وربنا يديم المحبة


اجاوب بقى يا سيدى





1-بطاقة تعارف لينا وبانجاز ؟

محمد شحاتة سيد
مولود فى القاهرة
الاصل من الفيوم وباعشق الفيوم والطين وريحة الشجر يمكن علشان كدة دخلت نبات
والبلد بتمثلى فى حياتى حاجة مهمة اوى
مبسوط اوى انى دخلت كلية علوم وكنت اصلا باتخانق علشان ادخلها مش عارف على ايه ههههههههههه ،


عمرك مافى مرة اتخنقت وقلت انا مش هكتب محاضرات تانى لحد ولا هعمل حاجى انا اتخنقت وبصراحة من غير زعل؟


اولا انا كنت مبسوط اوى انى كنت باكتب محاضرات لاسباب كتير اهم سبب فيهم انها كانت بتجبرنى انى اذاكر واذاكر كويس كمان ، لحظات الضيق اللى كانت بتمر عليا كانت لما ابتديت اكتب محاضرات كيمياء سعد رمضان فى التيرم الاول بتاع رابعة لان ساعات كنت باحس ان الموضوع هايفتح منى ومش هاعرف المة وكنت بابقى فى حاجات مش فاهمها اصلا علشان اكتبها والموضوع كان مبهوق على الاخر وكنت باعجز فى بعض الاحيان انى المة وده كان بيعملى مشكلة كبيرة لانى كان بيحصل فى نص التيرم والناس كانت بتبقى مستنية المحاضرات ، بس اللى كان باسطنى بقى ان ده كان عامل ضغط ايجابى عليا لانى لو باكتب المحاضرات دى لنفسى كنت زهقت اكيد وما كملتهاش بس علشان كنت حاسس انها ممكن تساعد حد وان ممكن يكون حد مستنيها كان بيخلينى اقاوم الزهق واغصب على نفسى واكمل كتابتها ، وده ما عرفتش قيمته غير ليلة الامتحان لانه ريحنى جدا فى المذاكرة
غير كدة مع سعد رمضان اللى كان محتاج دماغ صاحية معاه ومحتاج واحد يطبخ وراه بجد وكنت بابقى شايل هم انى تبقى فى حاجة مكتوبة غلط او ممكن اللى يقراها ما يفهماش او انى اودى حد فى داهية ، غير سعد رمضان عمرى ما زهقتش ابدا واسف للاطالة فى هذا السوال


حب الناس ليك بيمثلك ايه؟
كل حياتى تقريبا ، اقولك يا رفيق انا ممكن اعيش من غير فلوس ومن غير اكل وشرب بس ما اقدرشى اعيش فى حته انا متخانق فيها مع حد ، وعلى فكرة انا بحب الناس بطريقة بشعة وبحب اصحابى بطريقة ابشع وده للاسف ساعات بيسببلى مشاكل كتيرة ، بس بجد ما اقدرشى اعيش فى حته متخانق فيها مع حد خااااااااااااااااااااالص



انت حاس ان علاقتك باهلك ازاى وهل انت متعاون معاهم كده اوى زينا؟

علاقتى بأمى كويسة والحمد لله
وعلاقتى باخواتى كويسة والحمد لله
وبالنسبة لوالدى هو شديد شوية كتيررررر وعلاقتى معاه للاسف مضطربة كتير
بس بحاول على قد ما اقدر ما ازعلوش ولو انى ممكن ساعات غصب عنى من الضيق ازعلة بس بارجع اضرب نفسى بالصرمة ، ولما بابقى شايل منه على الاخر ومش قادر اتعامل معاه خالص باقول لنفسى افرض ان لا قدر الله جراله حاجة بعد الشعر ايه اللى ممكن يجرالى وانا هازعل عليه قد ايه
بالاقى نفسى فى ساعتها بعد ما كنت مش طايق اكلمة تانى نفسى ياخدنى فى حضنة
لان ابويا شايل كتير اوىىىى على كتافة وراجل بجد وكل همة مع ان عندة فوق الخمسة وستين انوا يأمنا من بعده ومتهيالى مش كل الناس بتفكر بالطريقة دى

وبالنسبة للتعاون انا شايف انى متعاون مع بابا الى حد ما




انت فين من الحب فى الكلية او بره الكلية؟

انا اعجبت بناس كتير
ناس ما عدتش باشوفهم
وناس لسة باقابلهم وباكلمهم دلوقتى
بس قلبى ما دقش بجد غير مرة واحدة بس
كان فى سنة اولى تانى ههههههههه اولى دبلر يعنى
وكان من حسن حظى كمان ان الانسانة اللى حبتها هى كمان كانت بتحبنى
بس لاسف الدنيا مش بتدى الواحد كل اللى هو عايزة
بعد ما قعدنا مرتبطين اكتر من سنة كانت اجمل سنة فى حياتى
وكنت باحسد نفسى على السعادة الى معيشانى فيها
حصلت خلافات كبيرة والموضوع للاسف ما كملشى
مع انى مش ممكن احب الحب ده تانى
ومش ممكن الاقى حد يحبنى كدة بالطريقة دى تانى
ومش ممكن الاقى بنت زى اللى كانت معايا تانى مهما لفيت الدنيا كلها


منك لله يا رفيق قلبت عليا المواجع
بس ولا يهمك برضه فكرتنى بايام حلوة كتير ما تتنساش


انت حاسس انك قريب من ربك؟
مش عارف
بس اللى اقدر اقولهولك انى مقصر كتيرررررررررررر من هنا للصبح
بس ساعات بحس ان ربنا واقف جنبى
وانى مش وحش اوى يعنى
بس من ناحية التقصير ما تعدش حاجات كتير اوى مش المفروض اعملها وباعملها
وحاجات تانية المفروض اعملها ما باعملهاش خالص
بس يا سيدى




طبعا كل الناس هنا حبايبك واصحابك بس مين بجد كان نفسك يبقى موجود وانت سعيد بيه هنا؟
اولا انا باعشق الناس اللى هنا بطريقة غريبة جدا ما تتوصفشى والله بجد
حتى الناس اللى لسة ما شفتهاش بحبها ومش عايز افصل الاسامى لحسن انسى حد غصب عنى
بس فى ناس هنا قريبين منى اوى
زى ايه ودعاء ورضا
وفى ناس كنت اعرفهم من برة بس بس فى المنتدى عرفتهم من جوة اكتر
وكفاية فى المنتدى ده انى اتعرفت على واحد زى احمد صلاح
الرجل الفريد من نوعه والخارق للعادة
ومش هاتكلم اكتر من كدة عنه لان ده مش مجالة دلوقتى
يعنى المفروض نحلقلة خالص دلوقتى هههههههههه
لا مواخذة يا ابو صلاح



كلمة لمحمد شحاته ....

مش عارف اقول ايه بس نفسى الناس تحب بعضها وان ما حدش يبقى زعلان من حد وان ما حدش يزعل حد وان كل واحد يبقى قد المسئولية اللى عليه مهما كان نوعها او حجمها ، ونفسى كل واحد مننا يبقى انسان ايجابى ويبقى قدوة للى حوالية ويحاول يغير من سلوك نفسة الاول ويحاول كمان يحسن من سلوك اللى حوالية تدريجيا وبذكاء من غير ما يسحسهم بده ونفسى الناس ما تفرحشى دلوقتى بشغل بفلوس كتيييير بالعكس اللى يقدر يكمل دراسة ياريت علشان الماجستير والدكتوراه هايفرقوا اوى الايام الصعبة الجاية اللى ما فيهاش مكان لانصاف البنىادمين ، يعنى ده اللى يقدر يكمل دراسة يعنى ، ونفسى ما حدش يزعل منى ابدا ولو زعلت حد عن دون قصد يا ريت يقولى وانا مبسوط اوى بالمنتدى ده



ميرسى يا رفيق على الاسئلة الجميلة دى
وعلى فكرة انا مش باتفلسف بس دى وجهات نظرى بجد وبكل صراحة
وعلى فكرة انا اول مرة اتكلم مع حد بحرية كدة واطلع اللى جوايا
وشكرا يا رفيق
شكرا يا مان

والله جامد اوى يشحاته بيه
تسلم يا معلم على الردود الجميلة

اوكى انا هسأل شحاته

1- ايه اكتر حاجه ندمت عليها فى حياتك
2- ايه الصفه اللى لايمكن تتنازل عنها فى شريكه حياتك
3- بيلفت نظرك فى البنت شكلها اكتر ولا شخصيتها
4- لو دلوقتى قولت لك نفسك فى ايه ايه الامنيه اللى جت فى بالك
5- ايه طوحاتك
6- انت رومانسى ولا
7- بتفكر فى ايه دلوقتى حالا
8- ايه رأيك فى رحله اسكندريه وسينا وانهى احلى


8 اسئله كتير اووووووووووى


معلش ياشحاته اتمنى ماكنش طولت عليك

اولا ميرسى يا رفيق ربنا يخليك يا مان

ثانيا ازيك يا رضوى
عاملة ايه

هاجاوب يا ستى اهو من عنيا



1- ايه اكتر حاجة ندمت عليها فى حياتك ؟؟؟؟
انى سبت الانسانة اللى كنت مرتبط بيها لانى للاسف مش هالاقى زيها تانى خالص

2- ايه الصفة اللى مش ممكن تتنازل عنها فى شريكة حياتك ؟؟؟؟
الرومانسية ده شىء مهم جدا


3- بيلفت نظرك فى البنت شكلها اكتر ولا شخصيتها ؟؟؟؟
اكيد شخصيتها وعلى فكرة انا اخر حاجة بافكر فيها الجمال الخارجى بالعكس انا اتمنى اتجوز واحدة مش جميلة اوى يعنى على عكس الولاد كلهم ، يهمنى اوى الشخصية والروح تبقى خفيفة ومرحة وتكون متفاهمة ، بس على العموم الجوهر عندى اهم من المظهر مليون مرة


4- ايه الامنية اللى فى بالى دلوقتى ؟؟
انى انااااااااااااااااااام لحسن بقالى فترة كبيرة اوى نومى مش منتظم خالص
نفسى انام بجد
يعنى كل واحد يخلى بالة من سريرة
ههههههههه


5- ايه طموحاتك ؟؟
بصراحة وبدون تزويق انا لسة مش قدامى حاجة محددة ، هو انا طموحى انى اوصل لفوق اوى ، بس من انى سكة مش عارف لسة ، يمكن ربنا لسة ما قسمشى بس انا راميها على الله وباثق فى عدله وباثق ان الواحد بياخد على قد تعبة ومجهودة واخلاصة وانا من النوع الى عندى استعداد اتعب اوى علشان اوصل وده شىء مطمنى بجانب ثقتى فى ربنا


6- انت رومانسى ولا ؟؟؟؟؟
مش بيقولك اذا ذكرت الرجولة ذكر فرج
اهو ان ذكرت الرومانسية بقى ذكر شحاته ( ههههههههههههههههه )
انا احد مشاكلى انى رومانسى زيادة عن اللزوم
ومش واقعى وده كان عاملى مشكلة كبيرة اوى مع الانسانة الى كانت معايا لانها كانت عاقلة اوى وواقعية وانا كنت رومانسى على الاخر وعايش كأنى كاظم الساهر لحد اما استشعرت بشوية هبل فى حياتى ..


7- بتفكر فى ايه دلوقتى حالا ؟؟؟؟؟
مش عارف ، ما فيش حاجة معينة الصراحة
بس بافكر اقوم اناملى شوية

8- ايه رأيك فى رحلة اسكندرية وسيناء ؟

الرحلتين دول يا رضوى لو ما كنتش طلعتهم كان جرالى حاجة تقريبا ، بابا شديد شوية ومش مقتنع بفكرة الرحلات دى اصلا فما بالك بقى برحلة 3 ايام ، الراجل شك انى هانحرف او هاتجوز من وراه هههههههههه ، ما نفعشى معاه غير الجواب بتاع الكلية اللى ما شفتش ولد اخدة غيرى اانا وفهمته بقى انى رايح اناضل واحارب فى الصحراء هههههههههههه ولو ما طلعتش هاسقط لحد اما وافق بالعافية

بس بجد الرحلتين دول يمكن يكونوا بالاتنين وعشرين سنة اللى عشتهم والسعادة اللى شفتها فيهم ما شفتهاش ولا هاشوفها تانى ، واللى كان محلى الرحلة الناس والصحبة والشلة اللى ما تتعوضشى تانى ولو بفلوس الدنيا كلها


وبالنسبة لاسكندرية احسن ولا كاترين
انا شايف ان كل واحدة كان فيها ميزة وعيب
اسكندرية كانت رحلة تقليدية جدا والاماكن عادية بس احنا اكمننا اول مرة نتلم سوا ونقعد مع بعض لمدة طويلة فكان فيها حالة انسجام غريب ، انا افتكر ان فى اسكندرية طول ما احنا فى الاتوبيس الاتوبيس كله عندنا كان بيغنى على صوت واحد وكلنا كنا وحدة واحدة وده كان باسطنا كلنا قد ايه ( ومش قادر اوصفلك دور محروس وقردش وحمادة الشافعى فى الاتوبيس كان عامل ازاى ) ده بالنسبة لاتوبيس بتاعنا انما عندكم انتوا فى اتوبيسكم ما اعرفشى ايه اللى حصل ، رغم انى كنت هاموت واركب معاكم هههههههههه لانى سمعت ان كان عندكم شوية شغل جامد وفى مواهب كتير طلعت


كاترين بقى ياستى كانت تحفة ، الاماكن ما شفنهاش قبل كدة واماكن غير تقليدية بالمرة بس الحالة النفسية اللى كنا عليها فى اسكندرية ضاعت مننا فى كاترين وكنا بنحاول نلم الاتوبيس وحدة واحدة زى اسكندرية بس ما حد عرف يمكن علشان فى اتوبيسنا كان فى شلل كتير ما نعرفهاش اوى

بس الرحلتين كانوا تحفة ، تحفة بجد وحقيقى
وما يتكرروش تانى
الا لو عملنالكم رحلة بقى
وتوعدونى اننا نطلع فيها كلنا



ميرسى يا همسة على مشاركتك

هيييييييييييييييييه.......اناجيييييييييييت
ازيك يا كنج .......بصراحه يا مان انا شوفتك قاعد عالكرسي قولت لأ شحاته لازمله كنبه مش كرسي ...يقعد كده وياخد راحته وبعد كده ننزل سلخ فيه
اجهز بقى لاسألتى يا مان ...انا كلها جايبهالك من كتب الوزاره يعني متقلقش الا اذا كنت ذاكرت من الكتب الخارجيه
خد عندك:
1 - ليه يا مان دايما كنت كل ماجى اصور ورق عامله شحاته كان لايقل عن 100 او 200 صفحه مع ان فى اوقات كانت الماده متستاهلش كل ده(على فكره كنت بضطرنى اعمل ورق لنفسي قبل الامتحان بيوم عشان اعرف اذاكر منه)؟
2 - تعمل ايه فى واحد كان بيذاكر من ورقك ويدعى عليك فى نفس الوقت...الدعوه كانت كالتالى على فكره: (ربنا ينتقم منك يا شحاته كل ده ورق ...حرام عليك نذاكره امتى ده..مفيش تلخيص خالص كده) ؟
3- طبعا انت راجل ما شاء الله كنت بتساعد كل الدفعه ومكنتش بتمنع حاجه عن حد....كنت تعمل لو طلبت حاجه من حد ..ورق مثلا..ورفض مع انك مش بتمنع عنه حاجه؟
4 - انت راجل قولت انك رومانسي...من وجهة نظرك ايه هى رومانسية الراجل؟
5 - السؤال بتاعى...شايف ايه اللى ناقص المنتدى...ومتقوليش مش ناقصه حاجه اوك؟
6 - اخواتك اللى فى حقوق....ازاى مستحملهم...يا راجل دانا عندى اصحاب فى حقوق خلاص جبت اخرى منهم لانهم ممكن يحسسوك انك غبى وهم اللى اذكيا...اومال لما يكونوا اخوات بقى؟
7 - حد كان نفسك ييجي المنتدى ومجاش ...سواء مسجل ومش بيدخل او مش مسجل خالص؟
8 - مش لاقى سؤال تامن صراحه...بس هسألك...ايه اخبارك دلوقتى عامل ايه؟
شكرا يا مان واتمنى ان اسئلتى تكون ضايقتك...هههههههه

ربنا يخليك يا ابو صلاح على الكنبة يا سيدى خليهالك
ههههههههههههههه
اذا كان انا مش ملاحق على الكرسى
تقوم تجيبلى كنية يا مان

ما نضيعشى وقت بقى ونبتدى فى الاجابة يا مان


1 - ليه يا مان دايما كنت كل ماجى اصور ورق عامله شحاته كان لايقل عن 100 او 200 صفحه مع ان فى اوقات كانت الماده متستاهلش كل ده(على فكره كنت بضطرنى اعمل ورق لنفسي قبل الامتحان بيوم عشان اعرف اذاكر منه)؟

نفس السوال كنت باسالة لنفسى ليلة الامتحان لما انا نفسى اللى عامل الورق بابقى مستكتره ( ههههههههههه ) وما بالحقشى اذاكرة والله يا ابو صلاح عمرى ما لحقت اذاكر من ورقى ده ابدا ( ههههههههههههههههه ) ، بص هاقولك على تفسير صغير اوى انا وانا باعمل الورق ده كنت باحاول اقلد الورق بتاع دكتور وائل ، دكتور وائل احسن واحد شفته بيعمل ورق ، لانى بحس وانا بقرا ورق وائل انى سامع صوته بيشرحلى وكمان كان بيتبع اسلوب الفرد فى المعلومة يعنى المعلومة ممكن تكون عبارة عن سطر واحد خمس كلمات بس يمكن لو كتبلك وائل الخمس كلمات ما تفهمهاش او تستصعبها لكن لما بيفردها فى صفحة كاملة ويسيب نص الصفحة فاضية انا عن نفسى كنت بارتاحلها اوى واعرف اذاكرها يعنى الورق تلاقيه كتير فى ايدك بس بيمشى لوحدة لان نص الصفحة فاضية ، وده طبعا علشان ننفع عم خيرى ( بالمناسبة مع انه مش وقته ومش مجاله ياريت ما حدش يكون فاكر انى كان بيطلعلى مصلحة من خيرى او انى كنت باخد منه فلوس او اصور ورق ببلاش زى ما بعض الناس فاهمة انا كنت بحاسب زىى زيكم اللى بيخلينى اقولكم الكلام ده ان واحد من كام يوم قالى انت سبت الدراسة يا شحاته وماعادشى عم خيرى هاينفعك او تطلع منه بمصالح )
مش عارف ليه كنت حابب اوضح النقطة دى سامحونى بس انا مش كدة ومش بتاع مصالح واللى قريب منى يعرف كدة

المهم يا سيدى علشان ما اطولشى عليك الورق كان بيبقى كتير علشان الكلام ببيبقى ليه رصة معينة فى الصفحة ممكن رصة الكلام فى الصفحة دى تسهل المذاكرة على اللى بيقرا وما تاخدشى وقت منك فى الحفظ ، ثانيا فى بعض الاوقات كان بيبقى فى حاجات رخمة او محتاج يتقل عليها شوية فكنت باعيدها اكتر من مرة بنفس طريقة وائل بس يا سيدى

ولو اعرف يا صلاح انك مخنوق من الورق كدة كنت ولعت فيه والله يا مان
هههههههههههههههههههههههههههههههه



2- تعمل ايه فى واحد كان بيذاكر من ورقك ويدعى عليك فى نفس الوقت...الدعوه كانت كالتالى على فكره: (ربنا ينتقم منك يا شحاته كل ده ورق ...حرام عليك نذاكره امتى ده..مفيش تلخيص خالص كده)

بصراحة ومن غير زعل انا كنت باعمل ملخص لنفسى انا بس وما كانشى بالحق اعمله غير الساعة 9 باليل والامتحان تانى يوم الصبح ؟ وحتى لو كنت عاملة قبل كدة ما كنتش باحب ادية لحد ، مش علشان انا عايز اشيلة لنفسى لا والله بس علشان ما اشيلشى ذنب حد لانه تقريبا كان بيبقى حوالى عشر ورقات من المتين ورقة وكان بتبقى فيها نسبة مغامرة كبيرة اوى علشان كدة كنت بافضل انى اغامر لوحدى بس ، علشان ما اشيلشى ذنب حد او حد يخرج من امتحان يدعى عليا ، واللى كان بيدعى عليا ربنا يسامحة وانا مسامحة ( منه لله الى كان بيدعى ) ههههههههههههههه

شكلك كنت بتدعى عليا كتير اوى يا صلاح
هههههههههههههههههههههه


3- طبعا انت راجل ما شاء الله كنت بتساعد كل الدفعه ومكنتش بتمنع حاجه عن حد....كنت تعمل لو طلبت حاجه من حد ..ورق مثلا..ورفض مع انك مش بتمنع عنه حاجه؟

انت بتكلمنى كأنى بابا نويل ، على ايه يعنى كل ده يا ابو صلاح على فكرة مش انا لوحدى اللى كنت باعمل ورق وعندنا فى نبات بالذات فى اخر سنتين الكل بقى بيعمل ورق جامد كان فى ندى ونيفين واميرة شوقى كمان لما كانت بتعمل ورق كانت بتنزلة وكمان ما نقدرشى ننسى ان كورسات كتيرة كنا بنذاكرها من ورق ايه اللى كان جامد جدا
على العموم كانت بتحصل كتير انى اطلب حاجة من حد ويقولى فى وشى انى ما اقدرشى اديلك الورق بتاعى علشان ده مجهود شخصى مااقدرشى اتنازلك عنه بسهولة طبعا كان بيتحرق دمى وضغطى بيعلى وباموت فى جلدى من الحرج والكسوف بس على فكرة ده كان بيبقى دافع انى اشوف هو عايز ايه بعد كدة واديهولة مش علشان اخد اللى معاه بس علشان افهمه بالمحسوس ان الدنيا اخد وعطاء وان كلنا المفروض نساعد بعض وعلى فكرة من اكتر الحاجات اللى كانت عاجبانى فى نفسى انى نجحت اخلى كام واحد فى الدفعة ما كانوشى بيطلعوا ورق خالص انى اخلى ورقهم ينزل والناس كلهم يستفيدوا بيه كنت بابقى مبسوط اوى بكدة مش عارف يمكن غرور ولا ايه ، بس الاقرب هو انى كنت باقى فرحان انى حسبتها صح وعرفت اخلية يطلع زى ما احنا بنطلع
عموما الموقف ده كان بيحصل كتير ان حد يعتذر وما يدنيش ورقة



4- انت راجل قولت انك رومانسي...من وجهة نظرك ايه هى رومانسية الراجل؟

من وجهه نظرى ان رومانسية الرجل هى معادلة صعبة فى انك تجمع بين قوة الشخصية والصرامة وبين الحنية ؟ البنت بطبعها بتتأثر اوى بالحنية . يعنى لو انت حنين عليها ممكن تديلك عنيها عن طيب خاطر ، وكمان بتحب الراجل الراجل اللى تشعر معاه انها فى امان ومش خايفة وهى جنبة من حد رومانسية الراجل ممكن تبان فى لمسة صغيرة اوى فى وقت هيا تكون محتاجة فيه اللمسة دى ، او كلمة حلوة وملاطفة فى وقت برضة تكون هى محتاجة فيه لده ، الرومانسية متهيالى مزيج من الاهتمام مع الحب مع العطاء مع الحنية وكل دول بيجمعهم كلهم فى الاخر احتواء الراجل ، لان الراجل المفروض يحتوى الانسانة اللى معاه مهما عملت ومهما حصل منها ، ومتهيالى ان الاحتواء ده بيفرق كتير مع البنت


5- السؤال بتاعى...شايف ايه اللى ناقص المنتدى...ومتقوليش مش ناقصه حاجه اوك؟
قرفتنا يا اخى بقى بالسوال ده غيرة بقى الله يرضى عنك
ههههههههههههههههههههههه
على العموم
انا شايف ان المنتدى ناقصة كتير اوى يا ابو صلاح
يعنى انت تعبت نفسك وعملتلنا mp3
المفروض بقى تتم جميلك وتمعلنا اى حاجة تشغلنا كليبات على المنتدى حاجة كده لهيفاء او روبى او نانسى او حد طالع فى المقدر جديد علشان نروش الشباب شوية يعنى واحد زىى انا واحمد رضا هانتبسط اوى من الموضوع ده وكمان متهيالى باقى الشباب زينا ولا ايه !!!!!!ههههههههههههههههه




6 - اخواتك اللى فى حقوق....ازاى مستحملهم...يا راجل دانا عندى اصحاب فى حقوق خلاص جبت اخرى منهم لانهم ممكن يحسسوك انك غبى وهم اللى اذكيا...اومال لما يكونوا اخوات بقى؟

معلشى يا ابو صلاح عليك واحد ( ههههههههههههههه )
انا ما عنديش اخوات فى حقوق
انا بس كنت باسرح بيك


انا والدى هو اللى معاه بكالريوس حقوق
بس ده كان زمان اوى وهو ما اشتغلشى بيه اصلا وكمل دراسته فى حاجات تانية
معلشى يا صلاح انت عارف لازم اسرح بالناس شوية

7 - كتير اوى اولا باقى الشلة بتاعتنا بتاعة الكلية ايمان عبد العال وايمان سعيد
وكمان ناس من بايو اصحابى انا قلتلهم ودخلوا وبعدين نفضوا


8-عامل بطاطس على مرقة فراخ بس ريحتها تحفة
سلام بقى علشان اروح اكلها


ومتشكرين على اسئلتك يا مان
وميرسى على كلامك الجامد

وشكراااااااا

معلشى يا ابو صلاح عليك واحد ( ههههههههههههههه )
انا ما عنديش اخوات فى حقوق
انا بس كنت باسرح بيك

ههههههههههههههههههههه
ماشييييييييييييييييييييييي.....انا اول مره حد يشتغلنى كده واصدقه كمان...
ماشي يا مان مردودالك

وشكرا على ردودك الجامده جدا يا معلم...
والنبي بقى ابقى سلملى على اخواتك اللى فى حقوق...اوك

شحاته دورى بقى يا معلم
مش عارفه اسئلك اقولك ايه لانى عارفه عنك كل حاجه منتى عشره عمر بس لازم اسأل وانت عارف بقى دعاء
1-عمرك ندمت انك عرفتنى من زماااااااااااااان وانك كنت عاوز تأخر معرفتى شويه
2-اكتر حاجه عجباك فيا واكتر حاجع مش عجباك وايه اكتر اكله تحب اعملهالك
3-لو قالولك تبدل دعاء رمضان بمين فى المكانه تقول مين
4-يا ترى طريقه تفكيرى بتعجبك ول لا
5-قولى ايه الحاجه الا ممكن تخبيها جواك حتى عن محمد نفسه ومتبقاش عاوز تطلعها
6-يا راجل ايه الا مخليك متمسك باخويتى اوى كده انا لو منك معرفنيش تانى هههههههههه
7-لو معجب ببنت وهى مش من ستايلك تعمل ايه ههههههههههههههههه ايوه انا عارفه بس عشان الناس تعرف نداله بقى
8-اوصف العلاقه مابينا هى ازاى يعنى هى ايه وماشيه ازاى


معلش مردتش اخنق عليك اكتر من كده عشان بس العيش والمحشى ههههههههههه الا ما بينا

محشى
محشى الكوسة يا دعاء
اوك
كل ده وما ردتيش تخنقى عليا
امال لو كنتى خنقتى كان حصلى ايه منك بس
ولا ده ذنب التدبيسة بتاعة اول امبارح
هههههههههههههههههههه
على العموم مبدأيا دى اصعب اسالة اتوجهتلى انا قريتها بسرعة ومش عارف هاجوب عليها ازاى بس ربنا يعينى وياخدك يا بعيدة ( قصدى يعنى ياخدك من قدامى ويوديكى الجنة عندة طبعا مش احسن ولا ايه ) هههههههههههههههه


استر يا رب
نبتدى على بركة الله


1-عمرك ندمت انك عرفتنى من زماااااااااااااان وانك كنت عاوز تأخر معرفتى شويه
ابدا بالعكس انتى عارفة انى طبعا مبسوط انى اتعرفت عليكى وانك من الناس القليلة اللى قريبة منى ومن الناس القليلة اللى ما باتكشفى منهم كمان وباقولهم على كل حاجة وبجد انتى اختى الى ابويا ما جبهاش


2-اكتر حاجه عجباك فيا
اكتر حاجة عجبانى فيكى روحك الخفيفة وضحكتك وكمان تلقائيتك الفظيعة وقوة الشخصية والجرأءة ده فى بعض الاحيان يعنى


3-لو قالولك تبدل دعاء رمضان بمين فى المكانه تقول مين
السوال ده انا مش فاهمة اوى ، بس عموما ما لكيش بديل يادودو وما فيش حد فى المكانة اللى انتى فيها انتى عارفة


4- -يا ترى طريقه تفكيرى بتعجبك ول لا
بصراحة ومن غير كدب فى اغلب الاحيان اه ، بس فى احيان تانية بيظهر المخ الصعيدى وبيقلب على الفردة الشمال بس دى احيان قليلة اوى بس انا من وجهة نظرى انتى واحدة من الناس اللى باتثق فى تفكيرها وتصرفاتها وباثق انك بتعرفى تتصرفى كويس اوى


5--قولى ايه الحاجه الا ممكن تخبيها جواك حتى عن محمد نفسه ومتبقاش عاوز تطلعها
اعجابى ببنت انا متأكد اننا مش لبعض ، ساعتها ما باعترفشى بينى وبين نفسى حتى انى معجب بيها مهما حصل


6-يا راجل ايه الا مخليك متمسك باخويتى اوى كده انا لو منك معرفنيش تانى هههههههههه

يعنى يا دعاء انا كنت لاقيت احسن وقلت لا ؟؟؟؟؟؟؟؟؟؟؟
ههههههههههههههههههههه
زمانك شايطة من الجملة دى احسن زى ما حرقتى دمى باسئلتك الصعبة

انتى عارفة كويس وبلاش احراج انك حد مهم فى حياتى وان لو عندى اخت بجد مش هاعزها واخاف عليها زيك ، وما كانتشى هاتبقى قريبة منى كدة على فكرة زيك


7-لو معجب ببنت وهى مش من ستايلك تعمل ايه ههههههههههههههههه ايوه انا عارفه بس عشان الناس تعرف نداله بقى

ممكن امتنع عن رد السوال ده
هههههههههههههههههههههه

متهيالى لو اعجبت ببنت وهى مش ستايلى ( وغالبا بيبقى استايل اعلى من استايلى ) بافضل انى ابعد علشان ما احسش بالعجز هههههههههههههه
وغالبا طالما انى عارف ان الموضوع مش ماشى ما باكملشى فيه وما بحبش التسلية زى اغلب الولاد ( ده قدام الناس بس ههههههههههههههه )


8-اوصف العلاقه مابينا هى ازاى يعنى هى ايه وماشيه ازاى
السوال ده غريب شوية
ومش عارف ايه مناسبته دلوقتى
بس اللى اقدر اقولهولك انك عارفة كويسة مكانتك عندى
وده مش محتاج لكلام او انى اوله لان دى حاجات مش بتتقال
دى بتتحس
بتتحس يا عديمة الدم ياللى طلعتى روحى باسئلتك ( هههههههههههههههههه )

معلشى يا دودو بس القافية حكمت ههههههههههههههه اوعى تزعلى والنبى



منك لله
انا بجد ندمت انى حطيتك على الكرسى
لو كنت اعرف انك هاتلبسينى من وراكى
والله ما كنت دخلتك
يا شيخة روحى ربنا يكفينا شر اسئلتك

شكرا يا قمر على اسئلتك ولو انها كانت صعبة كتير

شكراااااااااااااااااااا يا دودو

دنتا شركتنى خالص بس برده مقلتش ايه الاكله الا انت عاوزنى اعملهالك ده فى خيالك طبعا مش عاوزه اقول كلمه تانى عشان اكون احسن منك ومتزعلشى ههههههههههههه بس عارف شكلك كده يقطع القلب معلش الكرسى للجدعان بس احب اقول للناس ان محمد تهرب من اجابه سؤال والسلام ختام دنتا حبيبى يا محمد اخويا الشقيق
بقى المخ الصعيدى بيحكم لا وابه الفرده الشمال يقولوا عليا ايه دلوقتى بس مردودالك يا .............

اليك كسبر
1 اكتر شخص بتحب بروحلة لما تكون مخنوق؟
2 انت اية اللي بيضيقك فية؟
3 انت جدع اوي بس انت بتفرق بين جدعنتك للبنات علي الولاد ولا لا؟ اسف للسؤال لو يضيقك؟
4 انت بتعمل اية دلوقتي بعد الكلية؟
5 اكتر امنية نفسك تحققها؟
6 لو وقعت في شر لاقدر الله واللي هيطلعك منة الكدب او تلجا لواحد مش بتحبة ؟ يحصل ولا لا؟
7 ابرز ميزة فيك؟
8 وعيبك اية؟ من وجهة نظرك
اسف علي التطويل عليك بس انت غالي علية

الظاهر يل شحاته ان الناس كلها بتعزك وفى اقرب حفره ناويين يرموك والله صعبان عليا

عليكي نور يادودو برافو عليكي انا مستني شحاتة يرد انا مردتش ارذل في الاسئلة

امال لو كنت رزلت يا ولا كنت عملت ايه

انا اسف يا دعاء هو كنت افورت فى الهزار
بس والله ده من عشمى وياريت ما تكونيش زعلتى بجد
وعلى العموم انا اسف ليكى مرة تانية

وحالا هارد عليك يا كسبر