ولاول مرة بانفراد تاااااااااااااام كرسى الاعتراف

أنا مش أنانية كتب:خش بإزايز الحاجة الساقعة ياولا... ده عمك سواى قاعد على كرسى الصالون.

خدت واجبك.....عايز تانى ...

. ولا أقولك كفاية كده (أصل البلد داخل على أزمة إقتصادية)
الجمهور هدوء تام إذ بتريدوا...تن تن
أسئلة المرحلة الأولىخفيفة بنسخن)

صفر-إحكى لنا شوية عن إخواتك وترتيبك بينهم وعلاقتك بيهم وعلاقتكوا بأبيكم وأمكم؟

بصى يا ستى أنا باسم على عندى 21 سنه وليه أخت بنت أكبر منى بسنتين مهندسة و أخ أصغر منى ب 8 سنين فى تانية أعدادى يعنى أنا الوسطانى زى ما بيقولوا يعنى لا خدت أهتمام أول مولود ولا دلع الأخير. علاقتى بيهم قويه جداً وبخاف عليهم أوى و ديماً حاسس بالمسؤليه تجاههم. وكلنا علقتنا ببابا وماما حلوة جداً بس أكيد ميمنعش من وجود بعض الأختلاف فى الرأى العادى بين الأباء وأولادهم.




1-إشمعنى إسم سواى ...هى أغنية سواى ليها ذكرى معاك ؟ وياترى ذكرى عاطفية ولا شبابية ولا إيه؟

أسم sway هو أسم كل حاجة خاصة بيا . هى أول أغنيه أجنبى أحفظها وكمان معنى sway يعنى يتمايل وأنا مبقدرش أسمع موسيقى أو أعانى من غير ما أغنى معاها وأتمايل معاها.


2-حبيت كام مرة فى حياتك ؟ وأول حب كان عندك كام سنة ؟وإيه الأغنية اللى توصف بيها العلاقة؟

حبيت مرة واحدة فى حياتى .كان فى أولى كلية كان عندى 18 سنة. وكان حب من طرف واحد وهى حتى متعرفش لحد دلوقتى. وخلاص الموضوع أنتهى بالنسبالى وكل واحد راح فى طريق. وأكتر أغنية وصفت العلاقة بكل تفاصيلها.(على بالى ولا انت دارى بالى جرالى والليالى سنين طويلة سنتهالى يا انشغالى بكل كلمة قلتهالى) لحد دلوقتى لما بسمعها بتأثر فيا أوى.


3-إيه مواصفات فتاة أحلامك ؟وياترى اتحققت فى البنت اللى حبيتها ولا لسه؟

أهم حاجة تكون مرحة و مقبلة على الحياة و متجددة وشخصيتها قوية و رومانسيه . كانت معظم الصفات موجودة فى الانسانة اللى أعجبت بيها . وخلاص بعد كدة حاسس أنى مبقتش عارف أحب.

4-إيه أسوأ أكلة أكلتها ؟ومين اللى طبخها ؟وكلته ولا هربت؟

أنا للأسف بقرف بطريقة رهيبه ومباكلش عند أى حد غير لما أكون ضامن نظافتة . أسوأ أكلة أكلتها كانت عند واحد صحبى ولما لقيت شعرة فى الأكل مشيت بهدوء لحد الحمام وجبت كل اللى فى بطنى.

5-إيه أكتر حلم بيتكرر معاك سواء كان حلو أو وحش؟

أنا عندى (فوبيا من الأماكن العالية) ودى مأساتى فى الحياة و أكتر كابوس بيتكرر أنى بقع من مكان عالى أوى ملهوش أخر . ولكى أن تتخيلى بصحى مفزوع من النوم أزاى.

(المرحلة الثانية:شوية ذاكرة)

0-أظرف موقف حصلك فى الطفولة؟ودلوقتى بتضحك عليه..

أن كان قرايبى بيدلعونى يا (بوسى) وكل ما كنت بسمع الأسم ده كنت بعيط . وده علشان كنت حليوة و انا صغير. لكن دلوقتى كل ما أفتكر الحكاية دى بعد اضحك أوى('')

1-أكتر حاجة كنت بتكرهها وبتكره تعملها وأنت صغير (غير الاستحمام هههههههههه )؟

كنت بكره مرواح المدرسة زى كل الأطفال. وبرضة كنت بعمل نفسى عيان وكدة .
('')

2-أظرف ساعة قضيتها فى حياتك ..إمتى ؟فين؟ومع مين؟

هى والله مكنتش ساعة كانت 8 ساعات . كانت فى رحلة قسم الميكرو للأسكندرية وهناك عرفت بنوته زى مابيقول حماقى (بتحلى أى شئ عنيها تيجى فيه) وكانت فيها صفات تحفة وللأسف مشفتهاش بعد الرحلة تانى خالص . بس عمرى ما نسيت اليوم ده بكل تفاصيله.

('')


3-إيه هى أول نكتة سمعتها فى حياتك؟وإنت عيل يعنى..وياترى فهمتها؟

والله كانت نكتة قبيحة سمعتها وأنا ماشى فى الشارع وطبعاً مفهمتهاش ولما روحت البيت قولتها لماما
علشان تفهمهانى .لكم أن تتخيلوا أللى حصلى ساعتها

('')



4-إنضربت كام مرة فى حياتك؟ وأول مرة كان من مين ؟وليه؟

أكيد كلنا ياما أضربنا وأحنا صغيرين و الا مكناش أتربينا من أساسة. بس بجد مش فاكر علقة معينة بس أكيد من ابويا رمز الشدة

('')

5-إيه الحلم اللى إنت لسه ماحققتوش وهتموت عشان تحققه من زمان؟وحاسس إن لسه فيه أمل بتحقيقه ولا خلاص يأست؟

طول عمرى نفسى أبقى حد مشهور والناس كلها عرفانى وبتحبنى . بس أكون أيه بقى معرفش ولسة عندى أمل حاسس أنى هتشهر فى يوم . ولو أنى عارف أن صفة حب الشهرة دى صفة موجودة فى البرج بتاعى وعارف أنها مش هتحصل .
('')


(المرحلة التالتة :شوية تفكير )الجمهور هدوء تام إذ بتريدوا...هتكمل ولا هتنسحب ب5 جنيه تمن التاكسى اللى جابك

هكمل طبعاً يا باشا

('')


0-إيه أكتر أغنية بتوصف شخصيتك؟ ووضح بتوصفها من حيث إيه؟

أغنية تنسى واحدة (لعمرو دياب). بحاول أعمل أى حاجة تخلينى أنسى البنت اللى حبيتها .
لكن كل زمايلى بيقولولى أن أكتر أغنية بتوصفنى هى .عينك على رايحة واللى جاية (شيرين) يمكن علشان معظم أصحابى أو 80% منهم بنات . بس ده مش ذنبى كل يوم بيتأكدلى أن البنت بتبقى جدعة جداً فى صداقتها للولد غير الولد مع الولد.


1-أكتر شخص مش هتقدر تشوفه دلوقتى (مش عايز تشوفه)..مين ؟ليه؟وتقوله إيه على الهوا؟

واحد كان زى ما بيقولوا (أنتيمى) بقاله 4 شهور مكلمنيش خالص مع أنه عايش يعنى محصلوش حاجة و أخر مرة كلمته كنا( سمن على عسل) بس مرة واحدة قطع ومعرفش عنه حاجة . أقوله ربنا يوفقك فى حياتك اللى أختارتها وطلعتنى منها...................

2-لو جتلك رسالة وأنت قاعد دلوقتى تتمنى تكون من مين؟وأشمعنى هو؟

من واحدة زميلتى زعلان أوى منها مستنيها تفسرلى هى مسألتش عليا ليه بقالها شهر.
هى عارفة أنى بعزها أوى وأن أى تفسير مهما كانت تفاهتة هقبلة بس ألقيها بتسأل عليا تانى.
والله أنا عبيط أوى و بيتضحك عليا بكلمتين حلوين.

3-مين أكتر حد ظلمته فى حياتك (بقصد أو من غير قصد)؟ وإزاى؟وهتعوضه إزاى؟

ظلمت أخويا الصغير لما كنت بتصرف قصادة أى تصرف وحش و هو خدة منى. وهعوضة بصحوبيتى ليه لأنى حاسس أنه أبنى مش أخويا .


4-لو لقيت عفريت مصباح علاء الدين دلوقتى هتطلب منه كام طلب ؟وإيه هما؟

هطلب 4 طلبات:-
1- أعيش لوحدى فى حتة هاديه مفهاش غير رمل وبحر وسما.
2- أكون مختفى عن عيون الناس يعنى أنا أشوفهم وهما ميشوفونيش.
3- أعيش بصحة ومرتاح البال.
4- أقرا الأفكار زى أحمد الفيشاوى فى الحاسة السابعة.
ودى حاجات ميقدرش عليها غير ربنا.

5-إيه أكتر حد بتحسده (أو بتتمنى يكون عندك زى اللى عنده) سواء كان أحد الأصحاب أوشخص مشهور؟وإيه الحاجة اللى بتحسده عليها؟

نفسى أكون زى (مصطفى حسنى) الداعية الأسلامى لأن كل الناس بتحبة واللى حبه ربه حبب فيه خلقة زى ما بيقولوا . وأهم حاجة طبعاً حب ربنا ليا.


(المرحلة الرابعة :تفكير فى المستقبل)


0-لو مش هتموت موتة طبيعية ..هتختار تموت إزاى(على إيد مين يعنى)؟ وإشمعنى؟

أموت زى أى شب فلسطينى مات وهو بيحمى أرضة أو عيلتة. وكفاية أنى أموت شهيد.
الكلام دة بجد مش شعارات.

1-إيه الجريمة اللى بتتمنى إرتكابها؟فى حق مين ؟وليه؟

أقتل كل شاب بيتحرش ببنت ولو حتى باللفظ . لأن أنا بحس أنه فقد أنسانيتة وبقى حيوان . لأنه محطش فى باله أن أمة أو أخته أو مراته ممكن يحصل معاها كدة. البنت دى حاجه حلوة أوى علشان كدة لازم نحافظ عليها مش نضايقها.

2-لو لم تكن طالب علوم لوددت أن تكون............إيه؟

('')
لوددت أن أكون طالب القرب يا عسل هاهاهاهاها


('')


لأ بجد كان نفسى أخش أعلام بس يلا محصلش نصيب التلفزيونات المصرية والعربية هما الخسرانين.
('')


3-إيه الحاجة اللى ماقدرتش تعملها وناوى تعلمها لولادك؟ ولو فيه مبدأ هتربيهم عليه هيبقى إيه؟

أنى أتعلم لغات من وانا صغير أنا كنت فى مدارس خاصة اه بس كان نفسى أتكلم الأنجليزى بطلاقة أكتر و كمان حفظ القرآن الكريم من وهم صغيرين.
ولو فى مبدأ هعلمهلهم يبقى (أمشى عدل يحتار عدوك فيك).

4-عمرك فكرت إنك تروح لدكتور نفسانى قبل كده؟ليه؟

فكرت قبل كده مرة. كنت فى حالة لا يرسى لها . بس لقيت التقرب من ربنا أحسن من ألف دكتور نفسانى.

5-هتغير على مراتك لأى درجة؟ وممكن توصلك الغيرة لحد الجنون؟

أكيد هغير على مراتى الغيرة الطبيعية بس عمرها مهتوصل لحد الجنون . لأنها مداد أخدت لقب (مراتى) يبقى أكيد هى واحدة بحبها وبحترمها و أهم حاجة بثق فيها . والغيرة بجنون ياأما مش واثق فيها أو فى نفسى . و أنا والحمد لله واثق فى نفسى وأكيد هثق فيها.

(المرحلة الخامسة:عامة ومتنوعة)


0-إيه أكتر قصة تراجيدية فى حياتك؟

أنى شوفت واحد صاحبى مات قدامى.
سعيتها عرفت أن مفيش حد كبير على ربنا وأنه مهما طولط أو قصرت الأيام مسيرنا هنقابلة.


1-إيه أخطر عيوبك؟اللى بتخليك تقع فى مشاكل مع الاخرين؟

أنى بتصرف بتلقائيه رهيبة وعلى طبيعتى وبيفتكروا دايماً أن يقدروا يضحكوا عليا.

2-إيه أكتر حاجة بتخاف منها؟

بعد ربنا طبعاً
1-فقدان أى حد من قرايبى أو أصحابى.
2-الأماكن العالية.
3-اى لحظة ضعف ممكن الواحد يغلط فيها.


3-أكتر موقف محرج حصلك؟

مره اتقطع بنطلونى نصين من النص ومكنش فى رابط بين النصين غير الحزام و أضطريت أروح من المدرسه (وكنت ساعتها فى 3 ثانوى) لحد البيت بالمنظر ده.

4-أظرف أو أغرب تعليق اتقالك من مين ؟وإيه هو؟

أظرف تعليق كان من واحدة كويتية طلقة زى ما بيقولوا قليتلى (تقبرنى هالعيون) كان قلبى هيقف ساعيتها.
وأغرب تعليق واحد صاحبى قالهولى قالى (الزمان ده مش للى زيك)


5-باقة شوك تهديها لمين؟باقة ورد تهديها لمين(لازم اسم)؟

مهما كانت أسائة الشخص ليا مش بردها باساءة وعلشان كدة هخلى الشوك علشان أرميه فى الزبالة والورد لزميلة عمرى (بسمة) أكتر حد وقف معايا فى الدنيا كلها و أجدع بنت شفتها فى حياتى وربنا يوفقها مع شخص تحبه ويحبها ويعرف قيمتها.


أووووف أنا خلاص طلعت بترول من كتر الكتابة بس كله فداكى يا ستى.

وخلصت الأسئلة مع ضيف برنامج :من سيشرب الينسون وأرجو تكون أسئلتى خفيييفة


1-إيه رأيك فى أسئلتى؟إيه أكتر ميزة شايفها فيا ؟ وإيه أكتر عيب ظاهر فيا ..لو لخصت شخصيتى فى سطر تقول إيه؟


أسئلتك لذيذة زيك . أكتر ميزة فى أسئلتك أنها متنوعة و ياستى كفاية أنها طالعة منك........
أكتر عيب كترها.
أقول عنك بنوته عسولة جدا مرحة و جد فى نفس الوقت و أكيد أنا خسرت كتير أنى متعرفتش عليكى فى الكلية.


باى ياحلو وحادخل بكره فى نفس الميعاد ..على ماتكون حليت الأسئلة

rafprof كتب:حبيب قلبى بسوم باشا انا طبعا كان نفسى اول واحد يسالك بس اهوة الحمد لله

1- انت حاسس انك باسم بتاع الكلية؟

أنا مش فاهم السؤال أوى يا رفيق بس على العموم أنا شخصيتى طول عمرها زى ماهى حتى لما خلصت الكلية . بحس أن فى ناس كتير أتغيروا وبرغم من كدة أنا حاسس أنى زى ما أنا متغيرتش.

2- مين من اصحابك نفسك تشوفه تانى ومين بصراحة مش طايق معرفته وندمت عليها؟

بس أنا نفسى أشوف كل الناس اللى أتعرفت عليهم فى الكلية حتى لو كانت صداقة جامعة وبس . بس بجد أنا نفسى اشوفك أنت و الواد أحمد فؤاد تانى. أما بالنسبة للندم أنا مندمتش على معرفة حد لأنى حتى أللى عمل فيه حاجة وحشة فأنا أتعلمت منه حتى لو كنت بس أتعلمت الحذر من الناس بعد كده.

3- مش عارف ليه حاسس انك بتحس انك وحيد وان اصحابك مش جنبك ؟

فعلا الأحساس دة جالى من بعد ما خلصت على طول كنت بكلم كل الناس و أطمن عليهم ولقيتهم هما مبيكلفوش خاطرهم و يسألوا ولما قولت أبطل أتصال و أشوف هما هيسألوا ولا لأ لقيتهم مفيش حد فيهم بيسأل خالص . ودة اللى جابلى بجد خيبة أمل فى ناس كتيرة كنت فاكر انهم أصحابى و ممكن يقفوا يوم جنبى. بس الواحد زى ماقولتلك قبل كدة مبيتعلمش ببلاش.

4- انت بتفكر ازاى فى مستقبلك؟

أنا نظرتى للمستقبل متشائمة شوية بس عموما أنا دلوقتى باخد الكورسات اللى هتدعمنى فى الشغل وكمان هكمل دراسة بس لغاية الماجيستير بس لكن مليش خلق للدكتوراه.
و هحاول بقدر الإمكان أنى أشتغل فى حاجة تابعة لدراستى متنسينيش علوم ودراستها بس تكون بعائد مادى كويس أقدر بيه أصرف على نفسى و أبطل أخود مصروف من أبويا.

5-هلى انت راضى عن حياتك دلوقتى؟

أنا راضى دايما عن كل حاجة بتحصل معايا وبجد حتى لو حاجة وحشة حصلتلى دايماً بقول أن ربنا شايللى عنده حاجة حلوة بدالها . أما لو قصدك راضى عن نفسى فأنا راضى عن معظم وليس كل اللى بعملة لأن أكيد بغلط ومفيش حد معصوم من الخطأ وربنا هو اللى بيغفر.

6-المنتدى هنا انا حاسس انه بقى همك الاول صح ولا ايه لانى من ساعة ما دخلتك عليه وانت ماشاء الله ايه اللى حببك فيه اوى كده؟

لأ مش بقى همى ولا حاجة بس الحكاية أن أنا لسه مشتغلتش وفاضى شويتين وغير كده بحس أن كل الموجودين فى المنتدى ناس لذيذة و دمها خفيف ومواضيعهم حتى لو جد بتضحكنى و يمكن دة هو فرصة التواصل الوحيدة بينا وبين الناس اللى فى الأقسام التانية علشان نعرف بعض أكتر.

7-كلمة على كل حاجة هقولهالك: رفيق- القسم بتاعنا- ابراهيم صاحبك-الادمن-اقرب حد ليك فى المنتدى من ولاد ومن بنات حتى لو حد جديد-الشغل-الصداقة او الزمالة مع البنات

رفيق: صداقة حقيقية مؤجلة
القسم بتاعنا: معقدين شويتين ويمكن أنا وأنت والواد عمرو اللى كنا مختلفين عنهم.
إبراهيم:أتغير معايا أوى.
الأدمن: لو هو أحمد صلاح اللى فى دماغى يبقى واد زى الفل وأكيد هتعرف علية قريب أوى..
أقرب بنات فى المنتدى: أنا مش أنانية بحس من ردودها انها دمها خفيف أوى.
أقرب ولاد فى المنتدى: rafprof,greatpharaoh,precious,pureheart88
الشغل: هنشتغل لما يطلع عينا علشان كده واخد منه اجازة لحد ماعرف موقفى من الجيش و أدعيلى.
صداقة البنات: أحسن من صداقة الولاد لبعض أحياناً(أهتمام بالصديق, الوقوف جانبة,مراعاة مشاعرة)بس للأسف مبتدمش كتير وأكيد هيجى يوم هى هتتجوز و أنا هكذا ومش هينفع نكمل زى الأول.

8-كلمة بحرية قولها لاى حد او رسالة نفسك توصل لحد معين؟

حابب أقولك وحشتنى يا رفرف ومستنى أشوفك ولازم نعمل حاجة فى موضوع صحوبيتنا مع إيقاف التنفيذ دى.

معلش طولت عليك بس حظك لانى عارفك فوقعت معاى انت يا حبيب هارتى مستنى ردك يا بسوووووووووووووووووووووووم

Doaa Ramadan كتب:ايه ده كله يا اميره كل دى اسئله طب سبتلنا ايه كده

طب اسألك اي يا واد يا باسم خلينا نفكر شويه كده ونشوف رأفه بيك من الا عملته فيك لميره هكون انا الطيبه
1-اكتر حاجه عملتها وحسيت فعلا انك زعلت لانك غضيت ربنا?

أنى فى مرات كتير لما كان بيحصلى حاجة وحشة كنت بقول ( ليه يارب أشمعنى أنا) ودى حاجة كل ما أفتكر أنى كنت بقول كدة بستغفر ربنا كتير عليها. بس دلوقتى بقيت بتقبل أى حاجة حتى لو وحشة لأنى عارف أن ربنا هيبدلنى بدالها خير.

2-ممكن تحب بنت تكون بتكلمها على النت ومتكنش شفتها قبل كده مع التوضيح؟

ممكن أتشد للأسلوب فى الكلام . لكن مش هتوصل أبداً لدرجة الحب لأن معظم الشخصيات اللى بنتكلم معاها على النت بتجمل نفسها وتحسسك أنها مبتغلطش خالص والعشرة ممكن تبين ليكى شخصية تانية خالص غير اللى كنتى مجمعاها فى خيالك . على الأقل الواحد لما بيتكلم على النت بيفكر قبل ما يكتب لكن لو قدامك هيكون تلقائى فى الكلام فممكن تعرفى ايه العيوب والمميزات.

3-احلى موضوع قريته من ساعه ما اشتركت فى المنتدى وكان لمين؟

عجبنى أوى فكرة كرسى الإعتراف على الأقل بتعرفنا ببعض أكتر .

4-لو بنت معجب بيها وهى متعرفش هتعمل ايه عشان تحسسها بيك ولونى عرفه انك مش هتعمل حاجه زى البنت الا انت حكتلنا عليها بس قول هتعمل ايه لو اتحطيت فى الموقف ده تانى؟

أنا عنيا بتفضحنى أوى من غير كلام حتى . على ما أظن إن هتكون مبينة كل الكلام أو التصرفات اللى ممكن تتعمل. بس هسألها أنتى تحبى لو حد بيحبك يقولهالك أزاى ومهما كانت هعمل اللى هى هتقولة حتى لو خلتنى أنط فى الميه زى أحمد السقا . (مع أنى بترعب من الأماكن العالية) بس علشان خاطرها هعمل اللى هى عايزاه.


5-يوم فرحك وخلاص هتتجوز وفجأه شوفت فتاه احلامك او بمعنى اصح بنت شدتك ومش قادر تحوش عينك من عليهاوقلت هى دى الا انا عاوزها وفجأه افتكرت انك عريس هتعمل ايه؟

أنا عينى مش زايغة يعنى مدام قررت أنى أتجوز يبقى أكيد بعشق الأنسانة اللى قدامى ومدام وصلت ليوم الفرح أكيد لو شفت هيفاء وهبى أدامى مش هبصلها. لأنى هكون مقتنع مليون المية بالإنسانة اللى قدامى.

6-امتى عرفت انك عندك فوبياوكان ايه الموقف؟

أول مرة رحت دريم بارك لما كنت بركب أى حاجة عالية كنت بحس أنى هموت وإتأكدت أكتر لما سكنت لفترة فى الدور ال 16 مكنتش بقدر أبص خالص للأرض .وحتى أنا ساكن دلوقتى فى الدور ال6 وبرضة مقدرش أبص حتى من الشباك.

7-اوصفلى ملامح البنت الا تيجى على بالك دلوقتى وقبل ما تفكلر كتير ؟

قمحية و عنيها حلوة وأهم حاجة تكون بتضحك وعندها نغزتين فى خدودها وشعرها أسود وناعم.

8-لو فرضا ان ربنا خيرك انك تبقى ملاك او جن او انسان تختار ايه وليه؟

أنسان لأن ربنا قال (وخلقنا الإنسان فى أحسن تقويم) يعنى ربنا فضلنا عن الملايكة والجان وفضلنا عنهم بنعم كتير.

حقيقى عماله افكرلك فى اسئله بس مش جاى على بالى خالص يمكن عشان معرفكش فا مش عارفه اسئلك ايه
بس يلرب مكنش ضايقتك

بجد أسألتك جميلة و أتبسط بيها أوى و ميرسى يا دعاء.

sway كتب:

1- عرفى عن نفسك بكل المعانى؟ يعنى الأسم و السن و محل الأقامة( يعنى المنطقة السكنية مش العنوان للتوضيح) الوظيفه والأخوات؟ أكتر كل حاجة بتحبيها (لون و أكلة و مغنى و ممثل وفيلم و مسلسل .........)
ايه كل ده حرام عليك يا باسم بس هجاوبك
انا رحاب اسامه مصطفى (اسم لايق على بعضه مش كده) وعندى فاضلى 4 شهور واتم 22 ان شاء الله ...اما بقى المنطقه السكنيه واللى مكنش رفيق متخيل انه هيخطب واحده منها هى شــــــــبــــــــــــــرا ..ووظيفتى الحاليه للاسف خدامه ....فى بيتى طبعا ...وانا الكبيرة وعندى اخت اصغر منى بسنه ولو شوفتها تقول انها الكبيرة مش انا وهى فى كليه تربيه عين شمس واللى بعديها حماده (محمد يعنى ) بس مش بنقول غير حماده وده فى ثانويه قرف (عامه يعنى) والتفاحه الاخيرة حسام فى 3 ابتدائى ..بس حاسه فيه انه انا وانا صغيرة(ده من حيث الشطارة فى الدراسه ) شقى مووت وجباان مووووت عايزاك تشوفه لما رفيق يهزر معاه بشويه رعب لما رفيق يزورنا (هخلى رفيق يحكيلك )
بالنسبه للالوان بحب كل الالوان بس الاكتر هو الاسود حاليا ....بالنسبه للاكل ...من غير ضحك يا رفيق انا عارفه انت بتقول ايه فى نفسك ...طبعا مكرونه بالباشميل بموت فيها...والمغنى (انا عموما بحب الاغانى اللى فيها رقص اوى طبله وكده..وبحب الاغانى الكئيبه بس اللى تأثر اوى فيا...بمعنى اصح مش مهم عندى المغنى قد اللحن..تعرف ان اكتر ملحن بعشقه هو بليغ حمدى ..رائع جدا الراجل ده) ....بموت فى براد بيت كممثل اجنبى بس للاسف الافلام العربى مليش خلق ليها ومش فاكرة كمان ممثل عربى دلوقتى بس اكتر فيلم بحبه بتاع براد بيت وانجلينا جولى فى فيلم مستر اند مسزز سميث
عشان نفسى انا ورفيق نبقى كده زيهم

2-أيه أكتر حاجة شدتك لرفيق ؟ وايه أكتر عيب فية؟ واية أكتر ميزة فيه؟وايه أكتر موقف حلو عمله معاكى ؟ وأكتر موقف وحش عملة معاكى ومش مسمحاة عليه؟
اااااااااااااه جيت للبوب الكبير انا عارفه ان كل الناس بتحب تعرف قصص الحب واتعرفوا ازاى على بعضهم (على فكرة انا كتاب مفتوح ومش هخجل من اى سؤال للى يحب يسال)بص بقى يا باسم بصراحه اكتر حاجه شدتنى فى رفيق فى البدايه هى تفكيره بالنسبه لحواء وانها مخلوق يجب ان يحترم ..وكمان لما كنت بساله عن مامته واسلوبه معاها كانت ردوده بتعجبنى اوى ..وبينى وبينك كان انا سألته عن موقف كده وقولتله هتعمل ايه قالى حاجه هى اللى اكدتلى ان ده شخص مناسب اوى ليا بالرغم انى عمرى ما فكرت ان الانسان ده ممكن اكون مخطوبه ليه فى يوم من الايام لانى اول ما شفته ماحستش ليه بأى انجذاب او كيمياء حتى خالص
بالنسبه لعيب رفيق..طبعا كل انسان فيه عيب لان مفيش حد كامل غير الله سبحانه وتعالى..انا فكرت كتير اوى دلوقتى وسألت نفسى ايه عيب رفيق بجد سؤال صعب ....انه بيتعصب لما ابقى بارده معاه فى موضوع معصبه ..وانا مش بحب الراجل العصبى يا باسم ..بس بينى وبينك عصبيته لذيذة بتخلينى اضحك بس طبعا ده فى التليفون ..ده انا لو كنت قدامه ويكون عصبى ويلاقينى بارده ,يعنى تقريبا انتوا ممكن تزرونى فى المستشفى ههههههههه
اما بقى اكتر ميزة فيه انه طيب وحنين اوى وكمان بيقنعنى بالعقل بوجهة نظره فى اى موضوع ودى احلى حاجه فيه بصراحه لان اى راجل تانى بيحب يقول الكلمه من غير نقاش لكن رفيق وضع تانى ولو فى حاجه انا مش بحبه يعملها وعقلى يصغر فيها بصراحه مش بيعملها (بس ايه كل مايحصل حاجه يفضل يفكرنى بيها مش انا عملت علشانك كذا.....)
وكمان تلاقيه خجول جدا مع البنات لدرجه انه ممكن يلبخ من الخجل وده غصبن عنه واللهى بس ده اللى مش متعود عليهم اوى وعارف كمان حدوده مع البنات اصحابنا.
بصراحه رفيق عمل معايا كتير اوى ومن كتر المواقف الحلوة مش هينفع افضل واحده عن التانيه
بالنسبه بقى للموقف الوحش ..فى طبعا حاجات بتطلع من الواحد غصبن عنه بس انا ورفيق متعودين ان اى خلاف يحصل ميعديش اليوم الا واحنا متصالحين ونقفل على الموضوع ده خالص وننساه وانا مفيش اكتر منى بينسى الاساءه ..طيب هحكيلك على حاجه حصلت معايا جيه هو فى يوم واتصل بيا وكنت متضايقه اوى من موقف قاله ليا وحديد وبعيد على العصبيه بتاعتى وده كان عالموبايل واتضايقت اوى وقلتله اتصل بيا لما ترجع الموضوع ده مش هينفع كده ...جيه واتصل وهو مستعد انه يسمع طوب وزلط ..جيت انا رديت عليه وقولتله ازيك يا .... عامل ايه كويس عملت ايه فى مشوارك ..لقيتلك رفيق تنح وقالى انتى مش كنتى متضايقه جيت سألته وانا مستغربه اوى وقولت من ايه يا .... قالى لا خلاص بقى مش مشكله ..بزمتك شوفت واحده تنسى بالسرعه دى وهو طبعا حكالى بعدها
انا كترت اوى فى الكلام معلش استحمل الرغى

3- لو كان رفيق أصغر منك فى السن كنتى هتوافقى علية؟ ولية؟
عايزة اقولك انى اكبر من رفيق ب 15 يوم
يعنى موافقه ومش مهم السن طبعا الاهم التفاهم عشان نعدى اى خلاف

4- لو كان فى أيدك تغيرى حاجة عملتيها زمان هتبقى أية؟
عدم الانطواء على نفسى وانا فى اعدادى لدرجه ان مش عندى اى حد من اصحابى غير رانيا فى هندسه وبنسأل على بعض كل فين وفين

5- أكتر حاجة متغفريهاش لصديق أو حبيب لو عملها معاكى؟
الخيــــــــــــــانه ده للحبيب
اما الصديق الاساءة ليا

6- حسة أنك بيحصل معاكى فى الدنيا كل اللى بتتمنية؟
لا طبعا ..لانى نفسى اشتغل ولسه ربنا مبعتليش
ونفسى رفيق يشتغل عشان نلبس الدبل وبرضه ربنا ما اردش

7-لو لاقدر الله رفيق جالك فى يوم وقالك أنه مش هينفع يكمل معاكى هتسأليه عن السبب ولا هتقوليله ماشى و تسيبيه وتمشى؟ ولو كان سببه أنه معجب بواحدة تانية أيه هتكون ردة فعلك؟
اااااااااااااااااااااه تعرف احنا اتكلمنا قبل كده فى الموضوع ده انا ورفيق وسألنى هتعملى ايه
تعرف ردى كان ايه ...هقوله اوكاى وهبقى اقول لاهلى عشان يبقوا عارفين....طبعا رفيق اقنعنى وقالى لا بلاش كده واسألينى ليه عشان تبقى عملتى اللى عليكى وازاى العشرة تهون عليك والكلام ده (مش بقولك مقنع ابن الايه )
المهم لو كان السبب واحده تانيه اكيد طبعا هقوله ربنا يوفقك معاها وهتمنى ليه السعاده من قلبى وهحاول انسى بس مش هتجوز خالص لانى مقتنعه انى لو فشلت مع واحد قعد معايا 4 سنين خطوبه( مش ارتباط طبعا لانه بيزورنا هو واهله) يبقى مش هنجح مع حد خالص

8- أكتر 5 حاجات نفسك لو ربنا هيستجيب ليكى دعائك هتدعى بيهم؟
اولا رفيق يشتغل عشان نبدأ مشوارنا الطويل
ثانيا انى اشتغل
ثالثا ان ربنا يعدى يوم فرحنا على خير ونبقى مبسوطين (اصلى سمعت ان مفيش فرح بيعدى الا لو كان فيه خسائر شويه)
رابعا نكمل انا ورفيق دراستنا ونبقى ناجحين فى الشغل
خامسا ربنا يرزقنا بالذريه الصالحه

,أنا أسف لو طولت عليكى أو أسئلتى كانت رخمة
انا اللى طولت عليك اوى بس انت السبب جيبت سيرة رفيق (وانا مش بسكت )
وربنا يوفقك انتى ورفيق و أحضر فرحكم قريب
يااااااااااااااااااااااااا رب يا باسم

أنا مش أنانية كتب:عايزة اقولك انى بكتبلك وماما بتنده عليا كل شويه
1-هتفضلى إنتى ورفيق تخشوا على النت بعد الزواج ولا حتنشغلوا...وهتقعدى تقولى ..هو إنت ياأما بره البيت ياأما قاعد على النت..دى عيشة إيه دى...ولا إيزى إيزى؟؟؟
ان شاء الله عشان نعرف اخبار بعض وطبعا ساعتها انا وهو هيكون لينا نفس الاسم
وطبعا مش هقوله كده لانى بحب الحاجه اللى تبقى مشتركه بينى وبينه وهبقى اقعد معاه ساعتها ونكتب ليكوا
بس الاهم انتوا اللى هتبقى مستمرين عليه ولا لأ

2- تتمنى تقضوا شهر العسل فين(بره مصر ولا جوه مصر)؟وإشمعنى؟؟عايزة تجيبى كام عيل وهتسميهم إيه؟؟؟
اكيد طبعا نفسى فى مرسى مطروح
لانه شهد قرايه فتحتنا فى اجازة اولى
بالكتير 2والله اعلم
بس لو جيه ولد رفيق عايز يسميه رائدعلى اسم عمه الله يرحمه (اصله مات صغير ورفيق كان بيحبه اوى)
بس متكلمناش على موضوع البنت لسه(للاسف هو مش نفسه فى بنات وانا عارفه انه كلام بس )
3-تقبلى إنك تكونى مديرة رفيق فى الشغل(نظام مراتى مدير عام)؟؟ليه؟؟
هو رفيق طبعا هيفرح ليا بس انا مش بحب لان ده ممكن يسبب مشاكل على ما اعتقد
وعلى فكرة رفيق اشطر منى بكتير يعنى مستحيل انى اكون مديرته

4-إيه الغلطة اللى ارتكبتيها فى حق نفسك ومش هتسامحى نفسك عليها(أرجوكى ماتقوليش علوم)؟؟عمرك حسيتى إنك إتذليتى لحد عشان أى حاجة ؟؟سواء الحد ده قريب ولا غريب؟؟
اولا لا يمكن اقول علوم لانلو مكنتش دخلت علوم مكنتش قابلت رفيق (وعلى فكرة انا لما جالى التنسيق ماتضايقتش خالص لانى عارفه ان ربنا كاتبلى حاجه كويسه فيها والحمد لله لقيتها فى سنه اولى....رفيق طبعا)
انا يمكن ندمت على حاجه عملتها بس بدون قصد خلى واحده كانت صحبتى اوى تفهمنى غلط خالص وعشان كده حسيت بالندم انى عرفتها بس رجعت اقول لنفسى لولا الموقف اللى عملته مكنتش انا ورفيق ارتبطنا

5-إذا كان حب....قيس وليلى ..جنون
حب ...عنتر وعبلة ...جراح
حب رحاب ورفيق...(اكمل مكان النقط)..........؟؟؟؟؟؟؟؟؟وبالمناسبة اتقدم لك كام عريس قبل رفيق؟؟؟؟

سؤالك صعب اوى بس ممكن اقول حب رفيق ورحاب .....انتظارطويل
طبعا ولا واحد لانى عرفت رفيق فى اولى والناس عندى عرفوا بقرايه فتحتنا وطبعا فى ثانوى انا كنت واحده بتاعه مذاكرة وبس ولكى ان تتخيلى المنظر واحده بنضارة ومفيش اهتمام خالص بنفسها فطبيعى مين المجنون اللى ممكن يرتبط بواحده زى دى بس بعد رفيق وانا فى الكليه كان فى ناس كده بس طبعا اهلى بيقولوا انها مقرى فتحتها
6-قولى لى كل العيوب اللى إنتى شايفاها فى نفسك؟ولو جت شغلانة لرفيق بره مصر وقالك استنينى سنتين أو 3 سنين كمان...حتستنى؟؟؟
يااه كتير بصى يا سيتى اولا العصبيه والبرود فى نفس الوقت يعنى لو فى حد قدامى متعصب عليا ..اجى انا بقى عشان احرق دمه اكون باردة معاه وخصوصا هنا مع اهلى ثانيا انطوائيه على نفسى شويه ثالثا بنسى الاساءة شويه بس مش مع كل الناس يعنى اهلى هنا لو كنت متضايقه من حاجه افضل اكلم نفسى كأنى بكلمه واعاتب ويجى تانى يوم انسى كل حاجه والكلام اللى كان جوايا يتنسى وتيجى الغلطه تتكرر تانى من اهلى وهكذا وعيب تانى البنات قالوهالى انى مش من النوع الرغاى ..بينى وبينك انا مش عارفه هل ده عيب ولا ميزة اصلا واللى يعرفنى ممكن هو اللى يعرف عيوبى اكتر
بالنسبه بقى لموضوع رفيق والسفر انا متفقه معاه لو ربنا اراد ليه السفر طبعا هو هيسافر واول مايستقر يبعت ليا ونتجوز واروحله عشان اونسه والغربه وحشه وانتى عارفه يعنى موضوع 3 سنين ده مش هيحصل ان شاء الله

7-إيه أكتر حاجات بتخوفك؟؟؟ إيه أكتر حاجة بتفرحك؟؟أكتر حاجة بتعيطك؟؟؟
اكتر حاجه بتخوفنى انى اموت وربنا ميسامحنيش على اللى عملته
اكتر حاجه بتفرحنى لما رفيق يكون فرحان
اكتر حاجه بتعيطنى وبصراحه لما اقرا موضوع دينى عالمنتدى ده اولا
ولما يكون فى خلاف جامد بينى وبين رفيق ومش عارفه ليه بلاقى نفسى جامده اوى لو فى خلاف بينى وبينه واجى اعيط اوى بعد ماقفل معاه التليفون بس لو قدامه تلاقينى بقتنع بسرعه ومش عايزة ازعله

8-ترضى تتجوزى واحد أجمل منك؟؟؟وليه؟؟؟أكتر عضو وعضوة بتحبيه فى المنتدى ..غير رفيق طبعا؟؟؟
طب ماهو رفيق عندك اهو اجمل منى طبعا
مش عشان هو اجمل منى ارفض ده بيحسن النسل يا مرمر بس الاهم التفاهم والمودة
اكتر عضو بعتز بيه كلهم طبعا بس الاخص باسم واحمد وبعد كده يليهم باقى الناس
اكتر عضوة بحبها بصراحه بحبكوا كلكم ومفيش حد اعلى من حد
أنا تقلت عليكى أنا عارفة بس ياريت تدخلى وتجاوبى بعد ماتغدى العيال....ياحياتى

Doaa Ramadan كتب:ازيك يا روبى عامله ايه عارفه انا كمان دلوقتى شغاله خدامه غير مدفوعه الاجر بقى دى اخره مرمتتنا فى علوم بس اقولك احنا لو خدمناش اهلنا يبقى ملناش لزمه

ليه يا دعاء يعنى هى دى اخرتنا برضه يا اما كده يا اما ملناش لازمه ازاى يعنى
انا هدفى الشغل ومش هيشفونى فى البيت اصلا هبقى بشتغل الورديتين عشان محدش يقول اعملى
انا اعمل فى بيتى وجوزى مش اخواتى الشياطين ومامتى بتحب تقلد الناس شويه .شايفه واحده قريبتنا قاعده فى البيت مش بتعمل اى حاجه وبنتها هى اللى بتقوم بالمهام كلها ومامتى عايزة تكون زيها بس انا بقنعها ان الانسان لازم يتحرك واقولها طيب شوفتى تانت دى طخييييينه ازاى عشان عدم الحركه تحبى تبقى زيها وكلام من ده بقى

المهم حقيقى مش عارفه اسئلك ايه بس هحاول
1-ايه اكتر موقف محرج حصلك وامتى واتصرفتى ازاى
هو موقف حصلى قريب وانا كنت بتدرب فى صيدليه يعنى قريبه من البيت شويه وكنت لابسه صابووه من غير كعب شيك اوى وكانت والده رفيق جابتهولى هديه وفوجئت وانا ماشيه انه اتقطع من تحت والجلده اللى تحت اللى بتبقى على الارض اتانت تحت رجلى بس الحمد لله كانت فى طبقه تانيه, يعنى رجلى مش لامسه الارض وكانت بنوته خريجه صيدله هتروح واديتنى الصابوه بتاعها اللى فى الصيدليه وكان كبير عليا شويه بس يمشى والحمد لله روحت بيه ورجعته تانى يوم وسيبت الصابوه بتاعى فى الصيدليه

2-ايه الحاجه الا بتفكرى فيها دلوقتى حالا
رفيق ...ماتصلش من الصبح وانا قلقانه عليه وهتضايقه منه لو مقاليش عذر مناسب

3-ممكن تضطرى تكدبى لو اتحطيتى فى موقف او قابلتك مشكله
بصى يا دودو انا فى موقف اتحطيت فيه قبل كده كانت فى واحده كانت صحبتى فى الكليه وعملنا تاتش مش ظريف بس افكارها عنى وكانت دى المرة الوحيده فى حياتى اللى اعمل فيها تاتش مع بنت بس ارجع اقول ان لولاها مكنتش قربت من رفيق اوى المهم ان البنت دى جات فى يوم فى المحاضرة وكنت قولت لرفيق نطلع بنش قدام عشان نشوف المهم انى طلعت من فوق البنش واستنيت رفيق لقيته معرفش ووقتها جات البنت دى عشان تقعد بس جات قعدت جنبه
كنا لسه فى اول الارتباط والغيرة الهبله كانت فيا شويه واتضايقت اوى ازاى يفضل قاعد جنبها وعماله تتكلم ورفيق مكنش منتبه للمحاضرة فتخيلى بقى قمه الغليان اللى كان جوايا وبعد ما مشيت قالى رفيق مليش ذنب فقلتله وانا عصبيه وبعدين بقى ايه الرغى ده كله ان شاء الله انت مش حاسس انها كانت رغايه اوى وبعدين قعدت هى ليه بدام هى شافتنى قعدت قدام ومش فاكرة واللهى اذا كنت قولت كلام بايخ ومش كويس عنها ولا لأ
المهم البنت دى جات تانى وتقولى انتى قولتى ايه عنى فقلتلها وانا جالى زهول اكدب فقولت لا اكدب ليه خلينى صريحه وانى افتكر الكلام اللى قولته عشان اقوله ليها واللهى نسيت وقولتلها انى قولت انك رغايه بس اللى افتكرته واللهى ومكدبتش فى النهايه ...فبحاول انى مكدبش على قد ماقدر
4-رفيق قالك بحبك اول مره امتى وكان ايه الموقف وساعتها حسيتى ايه
ههههههههههههههه
عايزة اقولك ان رفيق مقلهاش خالص فى الاول وكان بيبقى مكسوف اوى وده الللى خلانى اثق فيه اوى
بصى يا دودو انا اول مرة حسيت فيها ان رفيق مهتم باسلوب غير عادى كان من البنت دى وكانت بتقول كلام غريب وانا بريح لانى لا يمكن افكر فيه بس حسيت انه مش زميل بس انه حد من قاريبى او صاحبى المهم البنت دى هى اللى قربتنا من بعض باسلوب غير مباشر وكمان مكنتش تقصد خالص فمن كتر قعدتى مع رفيق خلانى نفتح لبعض قلوبنا وكنت بحكى وهو بيحكى على اساس اصحاب وجيت فى يوم قلتله ان ابن خالتو بيلمح عليا لماما ولقيت رفيق وشه اصفر واخضر وجاب جميع الالوان وقالى هو الفرق بينكم قد ايه قلت 5 سنين ...شوفى بقى رد رفيق كان ايه (ايوة يعنى بعد 4 سنين هيكون اكبر منك ب 9 سنين انتى مش شايفه ان كده هيبقى كبير اوى)هههههههههههه متتخيليش قد ايه التتنيح اللى حصلى ازاى يعنى يا رفيق بتسع سنين ففهمت ان رفيق فى حاجه جواه ليا ومش حاجه قليله كمان ..واهتمامه بيا يمكن اكتر من اللى معايا
انتى عارفه اننا كنا اصحاب وبنحكى لبعض وانا مكنتش عارفه انى بهتم برفيق باسلوب غير عادى غير من البنت دى ومن طريقه كلامها واقولها ازاى وحكيت لاختى فقالت ليا انتى بتحبيه بس مش قادرة تصارحى نفسك بكده ومش عايزة تعترفى ولقيت نفسى من غير ماحس انى مهتميه اوى بشكلى والمكياج الخفيف وانا رايحه للكليه فعرفت ان فى حاجه جوايا لرفيق بس مش واضحه وحسيت ان رفيق بيحب بس مش عارف يقول او خجول اوى ومن غير ترتيب منى واللهى قولت لرفيق (على فكرة انا حاسه باعجاب كده تجاه واحد معانا فى السيكشن قالى وانا كمان تخيلى فقولتله قول مين قالى لا قولى انتى الاول .اقترحت اننا نكتب اول حرف فكتبنا الراء طبعا وانا عارفه اجابه رفيق من الاول اساسا بس عايزة اسهل عليه شويه المهم قولتله تانى حرف بقى وده اللى هيحدد طبعا رفيق كتب حرفى وقلت اوقع قلبه شويه وكتبت الف )لقيت ده تنح وحزن الدنيا على وشه وقالى انتى معجبه برامى فقلت لا الاستغراب جيه اكتر عليه فقالى مين قلت هو الف بس ده بالانجليزى وابتسمت وعرف من نظرة عينى انه هو ومتكلمناش بعدها ورجعت وقولت لماما وفرحت وطبعا لازم التنبيه
وبعد كام يوم قولت لرفيق انت لسه ماقولتش الكلمه اللى المفروض تتقال (هتقوليلى ازاى عملتى كده هقولك انى لازم اخلى رفيق طبيعى معايا يعنى من غير الخجل اللى عليه عشان اعرفه واخليه ياخد عليا شويه ويطلع كل اللى مستخبى عنده ...شخصيته الحقيقيه يعنى)والحمد لله قالها
انا حاسه انى كتبت موضوع تعبير يا رب متملوش منى
5-اوصفيلى الموقف لمل رفيق ج قالك رحاب انا بحبك وعاوز ارتيط بيكى
هادينى حكيتلك على الموقف كله فوق عشان محرمكيش من حاجه

6-انتى ازاى اقنعتى اهلك انهم يصبروا عليكى انتى ورفيق كل المده دى
هههههههههههههه على فكرة انا مقولتش اى حاجه ليهم
هما والحمد لله واثقين فى بنتهم وبابا كمان شاف رفيق كذا مرة لانى كنت باخد معاه قرص فى بيتهم وبابا او ماما بيودونى وشافوا رفيق وعيلته وحاسوا انه انسان محترم
وعارفين انى صعب انى اتجوز صالونات بسبب عقدتى من الجواز فقالوا بلاش نخسر قلب البنت وخليها مع اللى اخترته
واتقريت فتحتنا فى مطروح
حكايه الصبر دى هما والحمد لله عارفين ان الرزق من عند ربنا ولو انا اتخطبت لواحد بيشتغل ممكن بعد الجواز لقدر الله ينفصل من الشغل
الحمد لله على عيلتى العاقلين شويه
7-قولى حاجه لكل واحد من آيه,شحاته,رفيق,دعاء,صلاح,باسم,دينا سعيد
بلاش عصبيه يا يويا وريحى اعصابك
مستنياك بالطبله فى فرحنا يا شحاته بس على شرط ترقص رفيق لانه مش بيعرف يرقص اوى
ربنا يخليك ليا وتفضل معايا على طول ومتزعلش من اللى حصل النهارده يا رفيق عمرى
ميرسى اوى على اسئلتك اللى خلتنى احكى كتير شويه عن قصتى مع رفيق يا دودو
ربنا يخليك للمنتدى واعضاءه وخصوصا رفيق يا احمد
يا رب تلاقى نصك التانى يا باسم وتبقى جرىء وتعترف ومتبقاش زى رفيق اللى بشد الكلام من بقه
دونا حبيب قلبى ربنا يخليلى مواضيعك اللى بتخلينى استخدم المنديل كتير

8-كلمه للمنتدى واعضاء عن رحاب
مش عارفه اقول ايه يا دودو بس ربنا يقدرنى وابقى معاكوا على طول
ها قوليلى هتنزلى يوم السبت لو اتفقنا على كده

ربنا يسهل اشوف رفيق بس
نفسى اعرفكوا كلكم
ومعلش طولت عليكى يا بطاطا