ولاول مرة بانفراد تاااااااااااااام كرسى الاعتراف

وكمان ان فى ناس بترخم على ناس ساعات

همسه كتب:اهلا دينا بيكى على الكرسى
سلام عليكم ربنا يكرمك يا رضوى
1- مبسوطه وانتى مالكيش شغلانه غير الطبخ ولا مضايقه وعايزه تشتغلى
بصراحه انا مش بكره الطبخ بس بكره اكون المسئوله عن كل شئ حتى انى اعلق لاخواتى هدومهم بكره عدم التعاون.........وطبعا نفسى اشتغل
2- دينا ايه اكتر حاجه بضايقك فيا ؟ واكتر حاجه حساها ميزه فيا؟
بصراحه انا معرفتش اطلع عيوبك اوى بس اكتر حاجه بحبها فيكى انك قلبك ابيض أوىىىىىىىى
3- انتى رومانسيه ولا ؟قولى نسبه
طبعا انا رومانسيه (مش بنت)بس بنسبة80% يعنى مش رومانسيه اوى
4- ايه اكتر حاجه ندمتى عليها
اى حاجه بعملها من غير ما اصلى استخاره حتى لو الحاجه دى مشيت (لو تقصدى الكليه فانا بحبها أوى ولو كن ربنا سابنى اختار لنفسى مكنتش هختار احسن من كده)
5-ايه اللى خلاكى بكيتى اوى ؟يعنى اول ماسألت السؤال افتكرتى موقف ؟ قولى بصراحه
بصراحه افتكرت يوم ما عرفت ان بابا تعبان ولازم يعمل عمليه خطيره كان آخر شهر 12 اللى فات آخر يوم فى الامتحانات العملى.
6- ايه اكتر فتره حبيتى فيها الكليه ؟
عمرى ما كرهتها من أول سنه اولى بس4 كان فى حتة حزن عشان هسيبها
7_ ايه اكتر صفه مش عايزاها فى شريك حياتك ؟
طبعا انه يكون اقل منى فى الدين ثم العصبيه.
8- ايه الصفه اللى تخليكى تضايقى من الشخص اللى قدامك سؤاء ولد او بنت ؟
انه ميكونش عارف حدوده يعنى المواضيع معاه سداح مداح
وعلى فكره اسئلتك سهله وانا مبسوطه بيها اوى يا رودى

جاوبى واتمنى ان تكون اسئلتى سهله وماتضيقكيش

أنا مش أنانية كتب:ياقهلا ياقهلا بالحبايب ..ده أنا محضرالك أأأأأأأأأ....

ماتيجى نشوف أحسن

ماشى يا معلم وانا موافق يلا بينا
1-إيه التجربة اللى تتمنى تكرارها؟
السفر لوحدى والاعتماد على نفسى زى الرحلتين بتوع الكليه
2-مين الشخص اللى مابترفضيش له طلب أبدا؟
حبيبى سعدودى(بابا)........... بحاول اقنعه لو مااقتنعش كلامه على رقبتى
3- إيه أسوأ خبر سمعتيه ؟
مش سمعته هو قرأته قرأت نتايج الاشعه بتاعة بابا من غير ما يعرف وعرفت انه لازم يعمل عمليه ابتلاء صعب ربنا يعافينا ويعفيكو يا رب
4- إيه الحاجة اللى كان نفسك تعمليها ومعملتيهاش وناوية تجربيها فى أولادك (قصدى تعلميهالهم)؟
نفسى احفظهم القرآن كله( أجتهاد شخصى ) لانى عايزه ادخلهم لغات ده لو ما اتجوزتش شحات
5- تعملى إيه لو عازمة خطيبك على الغدا وقاعدة تطبخى طول النهار .ومجبش هدية وكسفك قدام أهلك؟
يكفينى انى احس نه مقدر تعبى وكفايه اسمع كلمة شكر
6-أكتر حاجة بتخوفك ؟
بصراحه الكلام عن الجن (ربنا يحفظنا)
7-ضايقتك ولا حاجة واتمنى تكون أسئلتى غير تقليدية؟ نورتى يا اميره طب اقعدى الشاى ع النار شكرا يا ميرو