ولاول مرة بانفراد تاااااااااااااام كرسى الاعتراف

انا متهيالى ما حدش اترخم عليه فى الاسئلة كدة زىى
انتوا ما اتكاترتوش على حد زىى كدة
على العموم مااااااااااااااااااااااشى

اليك كسبر!!!!

فاكرنى هاخاف يعنى
على العموم حصلنا الرعب يا معلم
ههههههههههههههههههههههههه


1- اكتر شخص بتحب بروحلة لما تكون مخنوق؟
مش حد معين كل واحد من اصحابى ليه جانب واحد بس فى شخصيتى ، يعنى على حسب الموضوع اللى مخنوق منه باروح لشخص معين يختلف الشخص ده باختلاف الموضوع .

2 انت اية اللي بيضيقك فية؟
بصراحة يا كسبر انت عارف انك اخويا الكبير وانك غالى عليا اوى ، وانت عارف انى باحترمك جدا بما انك دفعة سابقه واكبر منى سنا ومقاما وكمان ليك معايا مواقف حلوة كتير وكمان مجدع معايا اكتر من مرة ، بس ساعات بحس انك بتعمل من الحبة قبة ومش بتكبر دماغك مع انك راجل كبير وليك وضعك يعنى ودة بيخلينى استغربك شوية ، وسامحنى لو كان كلامى يضايقك بس للاسف ان قواعد اللعبة دى بتقتضى الصراحة
اسف بجد لو كان كلامى ضايقك

3 انت جدع اوي بس انت بتفرق بين جدعنتك للبنات علي الولاد ولا لا؟ اسف للسؤال لو يضيقك؟
اكيد لازم ابقى جدع مع البنات اكتر ( هههههههههههههههههههه )
امال انتوا اعمل بيكم ايه ، بوزنا بيبقى فى بوز بعض طول النهار وبصراحة دى مش اشكال تتشاف ( ههههههههه )
لا بجد بقى انا مش شايف ان فى فرق ، بس ممكن ولد يطلب منى اعملة حاجة هو يقدر يعملها فانا بانفضلة ، انما فى بنات كتير بتبقى مش تقدر تعمل الحاجة دى بالفعل فلازم الواحد يجدع معاهم . بس انا شايف انى مش متحيز للبنات ولو متحيز يا اخى انت اللى ايه اللى مضايقك ( ههههههههههههههههههههه )

4 انت بتعمل اية دلوقتي بعد الكلية؟
انا شغال فى مكتب استيراد وتصدير الصبح ، وبعد الضهر ماسك محل صغنون بتاع والدى

5 اكتر امنية نفسك تحققها؟
نفسى اتجوز بقى ،،،،،،،، ما عندكوش عروسة ليا
هههههههههههههههههههههه

6 لو وقعت في شر لاقدر الله واللي هيطلعك منة الكدب او تلجا لواحد مش بتحبة ؟ يحصل ولا لا؟
للاسف لتانى مرة مضطر اجوبك بصراحة شديدة
لو اللى هايطلعنى منها واحد مش باحبة والله لو هاموت ما هاروحلة ودى حاجة فيا الناس بيشوفوا انها غلط وان المفروض الواحد يبقى عاقل ويدور على مصلحته
بس انا مختلف فى النقطة دى لانى لو كارهك مش هاقصدك فى مصلحة خالص علشان ما اركبكشى جميلة عليا
وبالنسبة للكدب انا باكدب من غير ما اتزنق للاسف !!!!!

7 ابرز ميزة فيك؟
مش عارف بصراحة

8 وعيبك اية؟ من وجهة نظرك
للاسف الكدب والسرحان بالناس بعض الاحيان ، ده لان خيالى واسع شوية وممكن اقابلك اقولك امبارح حصلى وحصلى وحصلى ، وده ما حصلشى خالص اصلا بس غالبا بيبقى ورا السرحان ده غرض ، اما انى اهزر او اقلب موقف بايخ بأى طريقة كوميدية او انى اخرج من احراج وساعات بيبقى السرحان لغرض السرحان لو عايز اشتغل اللى قدامى بقى
واتمنى انى ابطل الصفة المنيلة دى
ادعولى ........


اسف علي التطويل عليك بس انت غالي علية
منك لله يا كسبر
تعبت قلبى معاك
انا ممسوك من امبارح غسيل ومكوى يا ابنى
كأنكوا كنتوا مستنين الـــــ ...................... يقع

انا اسف بس واحد ابن حلال او بنت حلال بعتلى رسالة علىا لميل بيقولى حاجة ما كنتش واخد بالى منها انا اسف بجد
الرسالة بتقول
((( ياللى معندكش دم اول سوال فى اسئلة صلاح كان بيقول لية الكورس اللى فى عشر صفحات بتعمله فى مية صفحة ، والبعيد برضة ما حسش وداخل ترد فى مليون سطر ، صحيح والله الاحساس نعمة !!!)))

انا اسف انى طولت عليكم
ولا تعليق على الرسالة
بس لو حد منكم اللى باعتهالى على الميل يقولى هو مين بس
امووووووووت واعرفة علشان اقعدة على الكرسى ورايا
ههههههههههههههههههههههههههههههههههههه

هههههههههههه

على فكره اللى بعتلك ده نجم اوى اوى اوى وبصراحه انا كمان نفسي اعرفه ...لانه كده فهمنى وعرفك اللى فيها
شوفت بقى يا عم....يعني دى اساسا عاده فيك

ازيك يا باشا وكويس ان انا لحقت اسئلك قبل ما تقوم

1-لو نفسك تسافر برة مصر هتسافر فين ؟

2-عندك كام اخ وانت رقم كام ؟

3-انت بتقضى يومك دلوقتى ازاى ؟

4-ايه اكتر الحاجات اللى انت استفدتها من الكليه ؟

5-ايه اكتر حاجة بتفرحك ؟

6-ايه اكتر صفة بتضايقك فى اى انسان؟

7-بعد ما اتخرجت الحمد لله انت دلوقتى شايف ايامك فى الكليه ازاى ؟

8-بتعمل ايه لما يكون عندك مشكله ؟

اشااااااااااااااااده واعجاااااااااااااااااب
بجد يا شحاته انت احسن واحد اتكلم علي الكرسي
لانك اتكلمت بصراحه انا عن نفسي فاجئتني خاصه لما اتكلمت عن الكدب لاني طبعا عارف الصفه دي فيك بس مصدقتيش تفسي انك ممكن تعترف بحاجة زي دي
فعلا برفعلك القبعه
والواد اللي بعد الميل ده برنس برنس برنس برنس برنس

متشكرين يا ابو صلاح ما كانشى العشم

وعنيا يا عمور هاجوبك على اسئلتك

وبالنسبة لعفيفى اشادتك على دماغى يا مان
بس انا حاسس انك يا ولا انت اللى باعتها
هههههههههههههههههههههههههه
وحاسس ان الخيانة داخلية مش من بره
على العموم كتر خيره اللى بعت ورانى حاجة انا مش شايفها

ههههههههههههههههههههههههههه
والله انا كنت عار ف انك هتفتكر كده برضه
بس هجاوبك
انا لما كتبت مجرد راي مش قولته علي الملأ ولا بعتهولك علي الميل
انت عارف ان مبيفرقش معايا حاجة وبدوس علي طول
وانا اكتر واحد هيموت ويعرف مين اللي بعت الميل وبقوله متبقاش جباااااااااان

يا عفيفى انا باهرج انت عارف

معلشى يا عمور اتاخرت عليك فى الرد علشان النت كان عندى فيه مشكلة

1-لو نفسك تسافر برة مصر هتسافر فين ؟
انا ما نفسيش اسيب البلد دى ابدا
وباعشقها بجد بدرجة غريبة
وباعشق ناسها
واحب تسمع اغنية انا من البلد دى هههههههههههههههه

2-عندك كام اخ وانت رقم كام ؟
ولدين اكبر منى وانا اخر العنقود اخدت العنقود ووقعت ههههههههههه

3-انت بتقضى يومك دلوقتى ازاى ؟

الصبح فى شركة استيراد وتصدير لحد اما تفرج
وبعد الضهر عندى محاضرات لانى باكمل دراسات عليا ان شاء الله
وباليل واقف فى محل صغنون بتاع والدى


4-ايه اكتر الحاجات اللى انت استفدتها من الكليه ؟
علمتنى الصبر
والشغل تحت ضغط عصبى ونفسى
وقابلت ناس كتير اوى اتبسطت انى عرفتهم
والرحلتين دول بعمرى اللى فات كلوا


5-ايه اكتر حاجة بتفرحك ؟
انى الاقى اتنين متخاصمين بيتصالحوا
او انى اقابل حد طيب اوى واحس ان الدنيا لسة بخير


6-ايه اكتر صفة بتضايقك فى اى انسان؟
الغش


7-بعد ما اتخرجت الحمد لله انت دلوقتى شايف ايامك فى الكليه ازاى ؟
باختصار شديد ما ترجعشى تالنى

8-بتعمل ايه لما يكون عندك مشكله
لما بتقفل معايا اوى
باصلى ركعتين قضاء حاجة وبلاقى نفسى بعديهم بجد عندى استعداد اواجه مشاكل الدنيا كلها

اسف على التاخير يا عمور


وميرسى بجد لكل اللى شاركو
كل اللى شاركوا فى مذبحة شحاتة شو

المرة دى انا قصرت على الاخر اهو
علشان يبقى يعجب ابو صلاح وعفيفى
وخلاص انا قفشت اللى بعتلى الميل
وحاسبته خلاص
الله يرحمة

جامد ياشحاتة في الرد وبرافو عليك بجد وانت اخوية بردو ومفيش حاجة ياحبيبي زعلتني

ربنا يخليك يا كسبر
ويديم المعروف والمحبة

انتوا من امبارح قاعدين بتسألوا فيا لما هريتونى اسئلة
ممكن انا بقى اسال سوال
هو ليه ما حدش عمل اتشينج وطلبتوا منى اختار اللى بعدى
ولا عاجباكو قعدتى كدة على الكرسى زى الكتكوت المبلول !!!!!

حد يدخل يعمل اتشينج بقى
قبل ما حد تانى يدخل يستلمنى
هههههههههههههههههه
او قبلما دعاء تفكر تسالنى تانى لحسن دى مستحلفالى من امبارح
ومش عارف هاتعمل فيا ايه
هههههههههههههههههههههههه

وبالنسبة لعفيفى مش هاقولك على اللى بعت الميل يا معلم
علشان ما اديكشى فرصة تشكرة
وانا عارفك
هاتموت وتشكرة
وممكن لو قلتلك هو مين
توجب معاه
وممكن تعزمة على الاكل كمان
طيب ما انا صاحبك يا عفيفى واولى
فاكر ايام الكبدة المسممة
هههههههههههههههههه

هههههههههههههههههههههه
هههههههههههههههههه

يا شحاته
اختار اللى بعدك يابنى احنا نسيناك معلش
ولو انى كنت عايزك تفضل قاعد كده واكتفك عالكرسي كمان

نسيتونى ؟؟؟؟؟؟؟؟
كدة ترمونى فى اوضة الفيران وتنسونى
وكمان هاتكتفنى
ايه المعزة دى يا ابو صلاح
هههههههههههههههههههههه


طيب هو ينفع كدة اختار واحنا فى نص اليوم يا صلاح
اللى هايجى بعدى كدة ما حدش هايلحق يسالة
وهايبقى اليوم خفيف عليه اوى
وانا بصراحة
عايزة يستوى على الاخر
وامصمص فيه على مهلى
لو ينفع قولى
وانا اختار على طول حالا
مستنيك يا مان

عادى يابنى ماهو اللى هختاره هيقعد لحد بكره
او بص ...ممكن تستنى لحد بالليل واختار اللى انت عاوزه بقى
اوك

خلاص انا هختار من دلوقتى
هاختار
حبيبى
وروح قلبى
ونور عيونى
واللى باعشقة اوى
وبادوب فيه دوب
اخويا
اللى ما لوش اسم
بس ليه رقم
ورقم مميز
عرفتوه
هاختار
88



احمد رضا
قابل يا عم قابل
هههههههههههههههههه

على فكرة يا رضا نسيت اقولك
دعاء بتعزك اوىىىىىىىىىى
وموصيانى عليك جامد
هههههههههههههههههههههههههه

يابنى الواد مش فاضي اساسا...واحتمال ميدخلش النهارده كمان
انت مش ملاحظ انه مدخلش امبارح خالص
يا اما تختار حد غيره
يا اما نصبر بقى يومين لحد ما يدخل
بس الافضل انك تختار غيره عشان منتعطلش
اوك
بس برضو براحتك يعني يا مان....مع انى والله العظيم نفسي يقع بس هو حظه كده اعمل ايه

طيب خلاص يا مان
انا والله ما كنتش اعرف انه مش فاضى للدرجة دى

على العموم حظك بقى ياللى فى بالى
انا اهو ما كنتش مختارك
بس اعمل ايه بقى
نصيبك معايا كدة
ادخل يا كبير
ادخل يا رفيق باشا
يا فراولة المنتدى
وموزها كمان
هههههههههههههههههه

اذن انه المسيو رفيق.............جايلك ياصاحبى

فينك يا رفيق

معلش يا جماعه النت فاصل عند رفيق
وان شاء لو جيه عنده النهارده هيدخل يقعد على الكرسى وتحققوا معاه

انا جيت واجهز لاى حد من الاخر انا واد مخلص ومش بيهمنى
اوك انا عارف هلاقى نفسى على الكرسى ارنب كاشش ربنا يستر

جايلك وناويلك يا معلم
استنانى واصبر على رزقك

انا عايزك تجيب اخرك يا ابو صلاح

متعصبنيييييييييييييييييييييييييييييييييييييييش

rafprof كتب:انا جيت واجهز لاى حد من الاخر انا واد مخلص ومش بيهمنى
اوك انا عارف هلاقى نفسى على الكرسى ارنب كاشش ربنا يستر

احلى حاجه فيك ثقتك بنفسك
بجد عجبانى مووووووووووووووووووت
اصبر على رزقك يا رفيق هتتهيرى اسئله
بس انا مش هسالك لان اسئلتى كلها عارفه اجابتها
هدى فرصه لاصحابك يسلوخوك يا بروف

والله حاسس انى هطلع ومدش هيسالنى خالص
بجد متشكر اوزى ليكوا وحتى لو حد سال هيبقوا مش كتير

انت بتستفزهم
بلاااااااااااااااااااااااش
يا جماعه اللى يدخل وميلقيش رفيق جاوب على الاسئله
مهيموكوش اكسروا قواعد اللعبه واسالوا ان شاله حتى 20 سؤال

معلش يل رفيق انا لقيت نفسى دخلت الصبح قلت انتهز الفرصة وارزعك كام سؤال كدة على الماشى

1- بطاقتك الشخصية (السؤال اللى انت علطول بتساله جه عليك اليوم اللى انت تتساله) ؟

2- انت بقالك كتير مش بتدخل على المنتدى ليه ؟

3- ايه اكتر حاجة بتفرحك واكتر حاجة بتزعلك ؟

4- ايه اكتر صفة فيك نفسك تغيرها ؟

5- ايه اكتر شىء بتتمناه ؟

6- حاجة انت ندمت عليها سواء ندمت عشان عملتها او عشان معملتهاش ؟

7- اخر موقف محرج حصلك ؟

8- انت بتقضى يومك دلوقتى ازاى ؟

ماشى يا عمور اسئلتك سهلة اوى على فكرة انا خدتها كلها وانا صغير

1- بطاقتك الشخصية (السؤال اللى انت علطول بتساله جه عليك اليوم اللى انت تتساله) ؟
انا ببساطة اوى رفيق رءوف خريج علوم عين شمس وزى اى واحد نفسى فى شغلانة جامدة بس يعنى مش اكتر

2- انت بقالك كتير مش بتدخل على المنتدى ليه ؟

انا عايز اصلحلك المعلومة انا فعلا الفترة اللى فاتت كنت عند اقاربى بس واللهى انت لو بتخش كنت هتشوف انى دخلت كتير جدا بس الفكرة انى قبلها كنت بخش كتير جدااااااااااااااااااااا ناما الفترة دى بخش كتير جدااااااا بس على فكرة دى حاجة تبسطنى اوى انك اهتميت وحسيت بغيابى

3- ايه اكتر حاجة بتفرحك واكتر حاجة بتزعلك ؟
اكتر حاجة بتفرحنى هو النجاح واكتر حاجة بتزعلنى هو الفشل

4- ايه اكتر صفة فيك نفسك تغيرها ؟

انى بحس بالملل بسرعة اوى وبيتغلب عليا جامد

5- ايه اكتر شىء بتتمناه ؟
اكتر شىء بتمناه ده حاجات كتير اوى اوى
بس اهم حاجات فيهم اولا ان ربنا يكرمنى بشغل مناسب واكمل خطوبتى وتانى حاجة ان ربنا يخليلى والدى والدتى واخواتى واهم امنية ليات فى حياتى كلها بقى انى اطلع احج قبل ما اموت


6- حاجة انت ندمت عليها سواء ندمت عشان عملتها او عشان معملتهاش ؟
بس هو مبدايا الواحد مش ينفع يندم على حاجة هو عملها بس انا فعلات حسيت انى ندمت انى مدخلتش علمى رياضة بس يلا الحمد لله ربنا عوضنى شوية

7- اخر موقف محرج حصلك ؟

اه افتكرت كنت اوابن خالى فى سبينيس اللى فى سيتى ستارز وماشيين بالعجلة اللى بتتجر وواحدة ست ماشية قدامنا واانا وهو منش واخدين بالنا وباصين بنتكلم ومش واخدين بالنا منها رحنا زاقيين العجلة خبطتها كانت هتقع فيها جوه لقيتلك جوزها وحش بيبصلنا عملت عبيط واعتذرت انا وهو ومشينا نضحك

8- انت بتقضى يومك دلوقتى ازاى ؟
واللهى انا حاليا مضيها نت وخصوصا منتدى واهو نوم شوية وبدى دروس علوم برده لقرايبى ونازل قريب ان شاء الله معمل تحاليل
بس مش اكتر
شكرا ليك اوى يا عمور
هاه ما من احد تانى

تعالالى بقى يا عم....يلا جاوب


1- عندك كام اخ وموقعك ايه بينهم (يعني الاصغر ولا الاكبر)
2-لما تكون زعلان او متضايق من حد..هل انت مش بتصفى بسرعه...اه او لا وليه
3 -شايف عيوب ايه فى نفسك...ومميزاتك برضو ؟
4 -تعمل ايه لو كتبت موضوع وحد رد عليه بانه مش حلو او مش عاجبه...او كتبته وانا مسحتهولك وقولتلك دا موضوع زباله يا عم
5-سؤالى...ايه اللى شايفه ناقص المنتدى...ومتقولش مفيش
6 -ليه صح كنت بتقول انك كان فاضلك يومين وتمسك عميد الكلية...ايه يا عم الغرور ده...هههههه
7 -ليه اول ما دخلت المنتدى حسيت ان انت غريب مع اننا كنا بنعاملك عادى ومتقولش لا
8-ليه يا مان مكنش ليك اصحاب انتيم فى الكليه مع انك كنت مشهور زى ما قولت

1- عندك كام اخ وموقعك ايه بينهم (يعني الاصغر ولا الاكبر)؟
انا عندى والحمد لله اختين ربنا يخليهوملى وانا ترتيبى الكبير بينهم بس واللهى مش زى باقى الولاد لمتعصبين مع اخوتهم البنات خالص

2-لما تكون زعلان او متضايق من حد..هل انت مش بتصفى بسرعه...اه او لا وليه؟
اولا انا لما بزعل من حد بصفى بسرعة واللهى لان قلبى طيب جدا جدا واللى يعرفنى هيعرف ده بس لما بلاقى ان اللى قدامى مش نافع معاه الطيبة وكذا مرة بيتعمد انه يزعلنى وانى مش بفرق معاه خلاص ده كده زى ما بيقولوا اعرف صاحبك وعلم عليه

3 -شايف عيوب ايه فى نفسك...ومميزاتك برضو ؟
بس يا صلاح انا عيوب ممكن اقولك انما مميزات غيرى اللى يشوفها اكتر
وعيوبى يا سيدى اول عيب انى يمكن شوية عصبى وبرده من باقى العيوب انى لما بشيل من حد وبجيب اخرى معاه استحاله ارجع معاه زى الاول تانى بس واللهى مش ده بس اكيد كل واحد مليان عيوب بس دول اللى متذكرههم حاليا

4 -تعمل ايه لو كتبت موضوع وحد رد عليه بانه مش حلو او مش عاجبه...او كتبته وانا مسحتهولك وقولتلك دا موضوع زباله يا عم؟
بس يا صلاح انا اولا طالما شايف اللى قدامى عنده حق عمرى مهزعل منه بس اللى يزعلنى اسلوبه فى الرد على موضوعى يثاعى انه يقولى زبالة كده مش عارف بس انا عارف انك عمرك مهتقول كده لانها حصلت بينا قبل كده حوار قريب من ده واديك شفت انا عملت ايه وبعدين انا عمرى مهزعل من حد لمجرد انه بيقول رايه


5-سؤالى...ايه اللى شايفه ناقص المنتدى...ومتقولش مفيش؟
اللى ناقص بجد ان الجروب بتاعى فى الكلية يجى المنتدى بجد الناس دى لو جت هتولع المنتدى واللهى بجد ناس فعلا ربنا يخليهوملى اوىىىىىىىىى بس انا ان شاء الله هحاول انهم يجوا الفترة اللى جاية

6 -ليه صح كنت بتقول انك كان فاضلك يومين وتمسك عميد الكلية...ايه يا عم الغرور ده...هههههه؟

اولا احنا كنا سعتها بنتعرف لسه وانا كنت بهرج ثانياو ثالثا انا مش مغرور بس والله انا حصل معايا مواقف كتير فى الجامعة لو حصلت مع اى حد هيحس انه بقى العميد مش هيبقى عميد واللهى بجد اكيد كلكواعارفين سبب الشهرة دى مش محتاج اوضح وثانيا اللى يعرفونى هما يقولولك عليا مش انا اللى هقول بس لو كنت تعرفنى ومعايا فى القسم كنت هتقول اكتر من كده فى اكتر من ان المعيدين كانوا بيقولوا كلمة وانا كلمتى اللى بتمشى هقولك ايه تانى
والله العظيم مش غروررررررررررررررررررررررررررررر

7 -ليه اول ما دخلت المنتدى حسيت ان انت غريب مع اننا كنا بنعاملك عادى ومتقولش لا؟
واللهى مش دي القضية القضية انى اول مدخلت كنت مش عارف حد كتير ولقيت الناس كلها بتكلم بعضها ويتكلموا عن قسمهم وانا تقريبا لوحدى بس فاحساس غريب جالى مش اكتر بس واللهى دلوقتى انا حاسس انى كنت فى نبات مش ميكرو ربنا يخليكوا ليا بجد

8-ليه يا مان مكنش ليك اصحاب انتيم فى الكليه مع انك كنت مشهور زى ما قولت؟

برده يبو صلاح هقولك تانى انت متعرفنيش فى الكلية عشان تقول كده
اولا انا كل سنة حاولت والله بس تقول ايه فى اصناف وتقريبا اللى حاولت اخليهم انتيم ميستاهلوش بجد حتى انى اصاحبهم اه والله بس تقريبا اللى كنت بحس انه حبيبى اوى الواد طنطاوى غير طبعا حبيب قلبى بغداداى واحمد على فى القسم دول بجد من الناس اللى طلعت بيهم من الكلية
بس انا بحمد ربنا اوى اوى عشان بعد ما خلصت رزقنى فعلا بصاحب كنت بدور عليه من زمان وطبعا هو عارف نفسه(صلااااااااااااااح)
بس هلخصلك الحوار ده فى كلمة انا مكنش ليا انتيم اوى زى ما قلتلك عشان حاجة واحدة ليها فعل السحر( المصلحة)

شكرا يبو صلاح وربنا يسامحك بس برده اناا عايز اسئلة جامدة تخلينى افكر واحتار هاه مستنيكوا يلا

هاه محدش ناوى يسال تانى قبل مطلع انا معادى انى اطلع النهاردة
هاه
مستنى اسئلتكواااااااااااااااااااااا

هاه فاضلى ساعة واقوم من على الكرسى محدش ليه نفس يسال خاااااااااالص

ازيك يا رفيق اسئلتى اهه
هدفك فى الحياه؟
تحب تسافر فين الصيف القادم ؟
هواياتك المفضله؟
هل فى احلام معينه فى خيالك وتم تغيرها تماشيا مع الظروف المتاحه؟ وهى اه؟
مين مثلك الاعلى ؟
مغامره تحب تعملها؟
اجمل يوم او لحظه عشتها؟
فكرتك او انطباعك عنى ايه مع انك متعرفنيش عن قرب ؟ جاوب بصراحه مش هزعل
بس هىدى اسئلتى

هدفك فى الحياه؟

هدفى فى الحياة انى اكون انجح فى جميع احوالى يارب ان شاء الله

تحب تسافر فين الصيف القادم ؟

مطروح طبعا كالعادة

هواياتك المفضله؟

كورة القدم طبعا ممارسة ومشاهدة وطبعا لعبة pes 6 على الكمبيوتر ده انا مدمنها واتحدى اى حد فيها

هل فى احلام معينه فى خيالك وتم تغيرها تماشيا مع الظروف المتاحه؟ وهى اه؟

كان حلم السفر امريكا او الكويت عشان اقربى هناك بس لقيت انى لازم اطلع ومعايا خبرة فانشاء الله اجلته شويه كده

مين مثلك الاعلى ؟

طبعا سيدنا محمد عليه افضل الصلاو والسلام ولكن فى ادنيا مثلى هو جدى والد مامتى

مغامره تحب تعملها؟

اقدم كلية طب طالما مغامرة بقى

اجمل يوم او لحظه عشتها؟

ايام كتير اوى بس اجمل لحظة لما عديت من سنة اولى وبالزات الترم التانى

فكرتك او انطباعك عنى ايه مع انك متعرفنيش عن قرب ؟ جاوب بصراحه مش هزعل

جرىء جدا فى افكارك وتايه شويه ههههههههههههههههه
بس انما بجد انسان نفسى كنت اعرفه فى الكلية بس الحمد لله ربنا عوضنا بالمنتدى


شكرا جدا يا اسلام على اسئلتك
وانا كده هقوم من على الكرسى احسن تعبت من القعدة
وادخل مكانى حبيب الكل عفيفى باشا
الكرسى مستنيك

جامد يارفيق علي ردودك

ربنا يخليك يا كسبر وعقبالك لما تقعد مكانى وتبقى جامد برده كده

اختيار موفق يارفيق

علي فكره يا جماعه انتو بتهزرو
ده انا حتي مسألتش حد
والله بتهرج يا رفيق

اى خدمة يا عفيفى انا عارف انهم مستنينك بفروغ الصبر

طبعا يارفيق وانا اولهم اكيد

علشان كده احب ابتدى انا اولا مع عفيفي واسأله
ومتنساش ان الاجابة لازم تكون بصراحة
وانا الى اعرفه عنك انك صريح جدا....

نبتدى الاسئلة ....هى اسئلة بسيطة جدا

1- صــف نفســـك بكلمتيـــن فقـــط..؟!؟وهل انت رومانسى ولو جوبت اه او لا ....تقول ليه؟؟؟
2-مــاهــو الموقف الذي ندمــت علــيه فى حياتك؟!؟وايه الكلمة الى ممكن تكون قلتها لحد وندمت عليها؟؟
3-مـوقـــف صــدمــك ولــن تنســــاه؟!؟
4-ما الحلم الذى تتمنى تحقيقه؟؟؟ واذكر شخــص قد غيــّر مجــري حياتـــك؟!؟
5-هل انت بتتقبل النقد من الاخرين؟؟؟والا انت مبتحبيش حد يواجهاك بعيوبك؟؟؟
6-هل انت من الاشخاص الى بتبقى على صداقاتك ؟؟؟؟؟والا انت من النوع الى المتقلب الى بيبيع اى حاجة فى لحظة؟؟؟
7-هل انت من الاشخاص الى بتحب تعيش لوحدها (يعنى بتحب الوحدة اكثر من اختلاطك بالناس)؟؟؟؟وليه؟؟
8-قول تعليق او ايه رئيك فى كل من الاعضاء التالية:احمد صلاح.....احمد يحيى....رفيق.....نهر الحب....آية....كسبر....دعاء رمضان؟؟؟؟

شوفت بقى اسئلتى سهلة ازاى

خش يا عم عفيفي ربنا معاك
ومتقوليش مسألتش حد يا عم...انت اتقفشت واللى كان كان
ربنا معاااااااااااااااااااااااااااااك

1_ اوصف نفسي في كلمتين (انسان تايه)اما بالنسبه لرومانسي ولا لأ فانا بدور علي صوره في خيالي لو لقيتها هعملها اكتر من اللي انتي كاتباه في موضوعك
2_الموقف اللي ندمت عليه في حياتي ان بابا مات وعندي شبه احساس اني كنت مقصر معاه في حاجات كتير.ولغايه دلوقتي مقلتش لحد كلمه وندمت عليها
3_موقف صدمني في يوم صحيت من النوم علي خبر وفاه بابا وكنت في البيت لوحدي وعلي الر غم اني كنت مأهل نفسي علي كده لان بابا كان مريض جدا لكني انهرت لدرجة مكنتش فاكر انها هتحصلي بس بعد كده حاولت اتماسك لما نزلت من البيت
4_الحلم بتاعي ان في يوم من الايام اكون ذو شان عظيم ومعايا فلوي كتير وطبعا ان ربنا يرزقني زوجه وذريه صالحه
اما بالنسبه لحد غير مجري حياتي فده محصلش لاني لحد دلوقتي حياتي ملهاش مجري بمعني انا عايش حياتي بعشوائيه واللي مقتنع بيه انهارده ممكن ارفضه بكرة
فعلا انا حاسس اني تايه
5_بالنسبه للنقد فانا بعمل اني بقبله بس بيني وبين نفسي ببقي مضايق جدا
6_انا مخلص مع اصحابي لاقصي درجه ممكنه بس مع اول موقف يحصل احس ان فيه نداله ممكن ابيع العشرة والعيش والملح
واللي بزعل منه صعب جدا جدا اني اصفي ليه تاني
7_انا في ناس بحب اقعد معاهم (هما مش كتير)غير دول بحب اقعد لوحدي
وانتي عارفه اني مش باخد علي حد بسرعه
8_احمد صلاح (انا مش مصدق انك اللي كنت معانا في السكشن .كنت مخبي ده كله فين)
احمد يحيي(بجد نفسي اشوفك ومكنتش بفضفض لحد غيرك)
رفيق(وحشتني ووحشتني ايام الدروس خاصه لما كان بيبقي معانا عراقي)
نهر الحب(ليه دايما ايام الخصام كانت دايما اكتر من ايام الصلح)
ايه (دايما بتحبي تكوني مميزة وباينه عن كل اللي حواليكي .لو سيبتي نفسك ده برضه هيحصل بس بطريقه احسن)
كسبر(قولت لشحاته انه بيستجدع مع البنات اكتر من الولاد.انت فيك نفس العيب)
بس ده ميمنعش يا كسبر اني بحبك ومش ناسي حركات رجوله ليك معايا
دعاء(مش فاهمك) خاصه بعد موقف معين انتي اكيد عارفاه

برافو يااحمد

واحيياك على اجاباتك الجامدة جدا

بجد عجبتنى

نجم.....معنديش اكتر من كده

اولا انت واحشنى جدا جدا يا عفيفى وواله يعم وحشتنى ايام الدروس وتقريبا اخر درس خدناه مع بعض كان مع محسن حصة كده عند بنت مسيحية فى مدينة نصر فاكر ولا ايه لما كان معايا الواد طنطاوى
وصحيح الواد عراقى وحشنى اوى اوى اوى هو الواد ده فين دلوقتى

واليك اسئلتى يعم عفيفى
1-انت عايز ايه من نفسك؟
2- ليه دايما كنت بحس انك غامض اوى اوى؟
3-مين اكتر شخصية ولد وبرضه بنت محببه ليك فى الكلية؟
4-انت من جواك نفسك شريكة حياتك تكون ازاى؟
5-انت عايز ايه من دنيتك قبل ما تموت بعد الشر يعنى بس حاجة نفسك تكون عملتها قبل ما تموت؟
6-مين اكتر عضو فى المنتدى قريب ليك ومين اكتر عضو انت بتتجنب الحوار اصلا معاه؟
7- ايه اكتر حاجة مضايقاك فى المنتدى ده وبصراحة كده؟
8-هل انت ارتبطت ايام الكلية ولو لا مفيش اى بنت شدت انتباهك فى الكلية خالص؟

معلش لو طولت عليك بس قدرك بقى